Skessuhorn - 17.06.2014, Blaðsíða 12

12 ÞRIÐJUDAGUR 17. JÚNÍ 2014
Þorkell Már Einarsson hlaut við­
urkenningu fyrir bestu lokaein­
kunn við brautskráningu nemenda
við Menntaskóla Borgarfjarðar sem
fram fór föstudaginn 6. júní. Þor­
kell lauk námi á náttúrufræðibraut
við MB með lokaeinkunnina 9,3 og
hlýtur því nafnbótina „dux scolae“
eða dúx skólans þetta árið. Þorkell
segir að það sé fyrst og fremst mikil
vinna sem skili góðum námsárangri.
„Ég er búinn að leggja mikla vinnu
í námið og það er að skila þessum
árangri held ég. Ég er allavega ekki
með neina sérstaka lærdómsaðferð,
ekki nema bara að vinna verkefni
tímalega og gera þau samviskusam­
lega.“
Keppti í stærðfræði og
dæmir í körfubolta
Þorkell keppti fyrir hönd MB í
stærðfræðikeppni framhaldskól­
anna öll árin sem hann stundaði
nám við skólann og segir hann að
þær hafi verið mikil og skemmtileg
upplifun. „Ég keppti öll árin mín
í MB í stærðfræðikeppninni. Sú
sem ég keppti í á nýliðnu skólaári
er þó í mesta uppáhaldi hjá mér en
þá komst ég alla leið í úrslit. Þess­
ar keppnir voru algjört brjálæði og
oft var ég að læra í átta klukkutíma
á dag til að undirbúa mig.“ Þrátt
fyrir að keppnirnar hafi verið tíma­
frekar náði Þorkell þó alltaf að læra
heima. „Ég náði alveg að læra allt
sem ég þurfti á þessum tíma. Þetta
snýst bara um að skipuleggja sig vel
og nýta þann tíma sem gefst,“ segir
Þorkell sem á sér einnig áhugamál
sem hann leggur töluverðan metn­
að í. „Ég hef verið að dæma mik­
ið í körfuboltanum og það má segja
að það sé svona mitt aðal áhuga­
mál, allavega tekur það mestan frí­
tímann hjá mér. Ég hef einnig gam­
an af stangveiði og golfi en það eru
svona áhugamálin sem ég stunda
helst yfir sumartímann.“
Stefnir á jarðeðlisfræði
í haust
Þorkell er nú staddur erlend­
is ásamt öðrum útskriftarnemum
MB. Í sumar mun Þorkell fara að
vinna í sinni heimabyggð áður en
hann heldur til náms í Reykjavík í
haust. „Ég er núna staddur á Beni­
dorm í útskriftarferð en eftir hana
fer ég að vinna á í bókhaldinu hjá
Kræsingum í Borgarnesi. Í haust
ætla ég mér svo að læra jarðeðlis­
fræði við Háskóla Íslands.“ Þor­
kell stefnir á enn meira nám í fram­
tíðinni og segist jafnvel geta hugs­
að sér að verða kennari. „Ég stefni
á að fara beint í framhaldsnám að
grunnnámi loknu og jafnvel að taka
kennsluréttindi svo ég geti kennt
en ég held að það gæti orðið gam­
an að prófa það,“ segir Þorkell að
lokum.
jsb
Heildarmat fasteigna á Íslandi
hækkar um 7,7% frá yfirstand­
andi ári og verður 5.396 milljarð­
ar króna samkvæmt nýju fasteigna­
mati fyrir árið 2015 sem Þjóðskrá
Íslands birti sl. þriðjudag. Þar af eru
íbúðaeignir metnar á 3.540 millj­
arða króna. Nýtt fasteignamat mið­
ast við verðlag fasteigna í febrú­
ar 2014. Matið hækkar á 91,7%
eigna en lækkar á 8,3% eigna frá
fyrra ári. Fasteignamatið hækkar
mun meira á höfuðborgarsvæðinu
en utan þess. Þannig hækka sérbýli
um 6% í höfuðborginni en 3,5%
utan hennar og fjölbýli í borginni
um 11,2% og 3,1% utan höfuð­
borgarsvæðis. Fasteignamat á at­
vinnuhúsæði hækkar um 14,1% í
borginni milli ára en um 8,9% utan
hennar. Á landinu öllu hækkar fast­
eignamat á sérbýli að meðaltali um
5,2%, á fjölbýli um 10,2% og á at­
vinnuhúsnæði um 12,1%. Matið á
frístundahúsnæði hækkar minnst
eða um 3,3%.
Heildarfasteignamat á höfuð­
borgarsvæðinu hækkar um 9,1%.
Matið á Suðurnesjum hækkar um
4,6%, um 3,9% á Vesturlandi,
3,7% á Vestfjörðum, 5,1% á Norð­
urlandi vestra, 6,2% á Norðurlandi
eystra, 3,3% á Austurlandi og 4,2%
á Suðurlandi. Fasteignamat á land­
inu hækkar mest í Borgarfjarðar­
hreppi eða um 14,3% og um 13,6%
í Tálknarfjarðarhreppi en lækk­
ar hins vegar um 2,1% í Vogum og
um 0,2% í Ísafjarðabæ. Hækkun á
höfuðborgarsvæðinu er að jafnaði
mest miðsvæðis.
Fasteignamatið byggir á upplýs­
ingum úr þinglýstum kaupsamn­
ingum auk fjölmargra annarra þátta
sem hafa áhrif á verðmæti fasteigna.
Upplýsingum um fasteignamatið
verður miðlað með sama hætti og
undanfarin ár. Eigendur fasteigna
geta nálgast mat á eignum sínum
á upplýsinga­ og þjónustuveitunni
www.island.is. Til þess þarf raf­
ræn skilríki eða Íslykil Þjóðskrár Ís­
lands, sem auðvelt er að sækja um
sé hann ekki tiltækur. þá
Fyrr á þessu ári voru kynntar hér
í Skessuhorni framsæknar hug­
myndir Ketils Björnssonar flug­
virkja á Akranesi um gerð risa þrí­
víddarlíkans af Íslandi. Líkan­
ið mun ná yfir eins hektara svæði,
eða nokkru stærra en knattspyrnu­
völlur, og verða valinn staður í yf­
irbyggðri fyrrum sandþró við Sem­
entsverksmiðjuna á Akranesi. Hug­
myndir Ketils byggja á því að fram­
leiða með frauðefni og lituðu yf­
irlagi líkan af Íslandi í hlutföllun­
um 1:4000 þar sem hægt verður að
ganga meðfram landinu, inn í flóa
og firði og upp á land til að skoða
það í raunhlutföllum. Ferðamenn
sem til landsins kæmu gætu þann­
ig til dæmis í upphafi ferðar skoðað
líkanið og ákveðið þar hvert ferð­
inni skuli heitið. Rennandi vatn
í fossum, gufa og gjósandi hverir
munu síðan gera upplifunina sem
allra raunverulegasta. Hugmyndir
Ketils eru gríðarlega stórtækar en
ef af þeim verður mun hér á landi
verða sett upp stærsta líkan slíkrar
gerðar í heiminum.
Fjármögnun lokið
um áramót
„Vegna mikils áhuga sem verk­
efninu hefur verið sýnt, er nauð­
synlegt að koma á framfæri upplýs­
ingum um hvar það er statt,“ seg­
ir Ketill í samtali við Skessuhorn.
„Vinna við undirbúning er í full­
um gangi og mikilvæg markmið
hafa nú þegar náðst. Til dæmis hef­
ur verið undirrituð viljayfirlýsing af
hálfu Akraneskaupstaðar um sam­
starf, viðræður við aðra tilvonandi
samstarfsaðila ganga vel, vinna við
sjálfstæða markaðsrannsókn fyr­
ir verkefnið er í gangi og verður
kláruð í sumar. Þá eru Landmæl­
ingar Íslands að vinna gögn, svo
sem hæðarmyndir og loftmyndir af
hluta Akrafjalls, sem send verða út
til líkanaframleiðandans í Banda­
ríkjunum. Gögnin verða notuð til
að framleiða fyrir okkur sýnishorn í
réttum skala (1:4000) sem við fáum
afhent í lok júlí næstkomandi. Með
því erum við að ganga úr skugga
um að þau gögn sem aðgengileg
eru hér á landi til að byggja líkana­
gerðina á séu nægjanleg til að hægt
verði að hrinda verkefninu í fram­
kvæmd,“ segir Ketill. Hann bætir
við að vonir standi til að seinnipart
sumars eða snemma á haustdög­
um verði kostnaðar­ og viðskipta­
áætlun fyrir verkefnið tilbúin. „Þá
verður hægt að fara af stað í fjár­
mögnunarvinnu og stefnt að því að
þeirri vinnu verði lokið fyrir næstu
áramót.“
Yrði þriðja stoðin
„Ég hafði lengi velt fyrir mér hvað
hægt er að gera til að draga ferða­
menn til Akraness. Ég fékk þessa
hugmynd fyrir rúmlega ári og
hefur hún bara orðið áhugaverð­
ari eftir því sem ég hef meira unn­
ið í henni og rætt hana við fleiri.
Okkur vantar tilfinnanlega fleira
ferðafólk í bæinn. Þá er ég að tala
um gegnumstreymis gesti sem búa
til það skemmtilega yfirbragð sem
einkennir bæjarfélög þar sem mik­
ið er um ferðafólk. Það er að mínu
mati ekki eðlilegt að 6.500 manna
samfélag geti ekki haldið skamm­
laust úti einu kaffihúsi eða meira
en tveimur veitingahúsum.“
Ketill segir að líkanið gæti ef vel
tekst til orðið þriðja stóra stoðin í
dagsferðum ferðaþjónustuaðila út
frá Reykjavík, á eftir Bláa Lón­
inu og Gullna hringnum. „Eftir
samtöl við fjölda fólks sem stend­
ur að dagsferðunum kemur fram
að það bráðvantar nýja áfanga­
staði út frá Reykjavík og hent­
ar Akranes einstaklega vel fyr­
ir slíkar ferðir vegna fjarlægðar­
innar. Þá styður verkefnið gríð­
arlega vel við afþreyingarmögu­
leika fyrir ferðamenn yfir vetrar­
tímann, þar sem hægt verður að
koma með gesti hingað hvernig
sem viðrar og hvort sem er dags­
birta eða myrkur.“
Risastórt púsluspil
Tæknilega verður líkan af þess­
ari stærð fræst út í svokölluðum
CNC fræsara í einingum sem eru
2x4 metrar og yfirborðið síðan lit­
að í þrívíddar litaprentara. „Það er
gert úr mjög þéttu frauðefni, po­
lyurethane foam, og svo er þessu
púslað saman eins og risastóru
púsluspili þar til allir kubbarnir
falla á sinn stað. Útkoman verð­
ur nákvæm eftirlíking af Íslandi í
sumarlitunum,“ segir Ketill. Hæð
á hæstu fjöllum verður í réttum
hlutföllum og í á að giska mitt­
ishæð, en hæð er venjulega ýkt á
svona kortum um allt að þrefalt
eða fjórfalt.
Mikil atvinnusköpun
Áætlanir gera ráð fyrir 150.000
gestum á fyrsta rekstrarári líkans­
ins og að fjöldinn verði orðinn allt
að 300.000 á þriðja eða fjórða ári.
Kostnaður við verkefnið er áætl­
aður um hálfur annar milljarður.
Líkanið gæti skapað allt að 30­40
störf á ársgrundvelli, auk fjölda
afleiddra starfa sem reikna má
með að verði til bæði á Akranesi
og víðar um Vesturland, þar sem
verkefnið myndi auðvelda teng­
ingar við aðra afþreyingu í Borg­
arfirði og Snæfellsnesi. „Verði
hugmyndin að veruleika skapar
þessi straumur fólks til Akraness
grundvöll fyrir svo margt annað
sem hægt yrði að gera í kjölfarið.
Opnast þá möguleikar fyrir fram­
takssama einstaklinga eða fyrir­
tæki að framkvæma hugmynd­
ir sínar með tilheyrandi fjölgun
starfa á svæðinu.“ mm
Byggingaframkvæmdir í Ólafsvík. Ljósm. úr safni: AF.
Fasteignamat í landinu
hækkar um tæp átta prósent
Þorkell Már Einarsson var með 9,3 í lokaeinkunn. Hann sést hér hæstánægður
drekkhlaðinn verðlaunum sem hann fékk við brautskráningu nemenda MB.
Dugnaður er besta lærdómsaðferðin
Undirbúningur verkefnisins um þrívíddarlíkanið í fullum gangi
Tölvugerð mynd af gestum að skoða líkanið.
Hugmyndir Ketils Björnssonar eru
stórhuga.