Skessuhorn - 17.06.2014, Blaðsíða 22
22 - Norð ur áls mót ið
Yfirþjálfari og þar með yfirmaður
yngri flokka starfs í knattspyrnunni
hjá ÍA er Jón Þór Hauksson.
Jón Þór var ráðinn í starfið síðla
sumars í fyrra, en hann hafði þá
þjálfað hjá félaginu í nokkur ár,
fyrst sem aðstoðarþjálfari Guðjóns
Þórðarsonar hjá meistaraflokki
og síðan að þjálfun 3. aldursflokks
og 2. flokks með ágætum árangri.
Jón Þór var á árum áður efnilegur
knattspyrnumaður og spilaði m.a.
í yngri landsliðum Íslands bæði
undir 17 og 19 ára. Þrálát meiðsli
urðu til þess að meistaraflokks
ferillinn hjá ÍA var stuttur og
hann neyddist til að leggja skóna á
hilluna eftir að hafa ítrekað reynt
að vinna bug á liðbandameiðslum
bæði í öxlum og fótum, en Jón
Þór segist líklega hafa farið 20
30 sinnum úr axlarlið á ferlinum.
„Þetta var erfitt bæði líkamlega
og andlega og ég átti kannski að
hætta fyrr eða a.m.k. fá einhverja
andlega aðstoð í þessari baráttu
minni. Þetta var mikið áfall á
þessum aldri. En þetta var bara það
skemmtilegt að vera í fótboltanum
og vinirnir eru margir úr hópnum
sem var í boltanum á sínum tíma.
Minningarnar eru margar og m.a.
var ég í hópnum sem varð Íslands
meistarar sællar minningar 2001,“
segir Jón Þór.
Byrjaði hjá Guðjóni
Spurður um hvenær Jón Þór snéri
sér að þjálfun, segir hann að það
megi rekja til þess þegar Guðjón
Þórðarson var ráðinn þjálfari
meistaraflokks haustið 2007. „Þá
fannst honum hópurinn vera
fullungur sem hann var með og
vildi sjálfsagt sjá fleiri punghár í
sturtunni,“ segir Jón Þór og hlær.
„Allavega hafði hann samband við
mig og spurði hvort ég hefði áhuga
að mæta á æfingar og vera með.
Ég vissi að ég væri ekki að keppa
um stöðu í liðinu en vildi gjarnan
styrkja hópinn, þannig að ég fór
að æfa með. Ári seinna gerðist
það svo að Róbert Magnússon
sem verið hafði aðstoðarþjálfari
hætti. Þá bauðst mér að gerast
aðstoðarþjálfari Guðjóns og ég var
ekki lengi að taka því boði, enda
frábært að byrja þjálfaraferilinn
undir handleiðslu jafn hæfs þjálfara
og Guðjóns. En Skagaliðinu gekk
ekki vel á þessum tíma og Guðjón
var látinn fara og ég með. Þórður
Þórðarson sem þá var yfirþjálfari
bauð mér þá um haustið að taka
við þriðja flokknum sem ég var
með í eitt ár áður en ég tók við 2.
flokki. Það var mjög skemmtilegt
að þjálfa þessa flokka, ekki síst 2.
flokkinn þar sem voru margir mjög
áhugasamir strákar og tilbúnir að
leggja mikið á sig. Þetta voru samt
strákar sem höfðu ekki verið að
vinna mikið af titlum eða spilað
með yngri landsliðunum. Ár
angurinn lét samt ekki á sér standa
og við vorum með betri liðunum,
spiluðum meðal annars úrslita
leik í Bikarkeppni 2. flokks gegn
Stjörnunni hér á Akranesvelli.
Töpuðum þeim leik reyndar 1:2.“
Mikil skipulagvinna
Jón Þór segir að mesti hvatinn
fyrir sig að taka við yfirþjálfara
starfinu í fyrra hafi verið hversu
góðum mannskap ÍA hefur yfir að
ráða við þjálfun. „Það er gríðarlega
góður flokkur þjálfara hjá okkur og
ég þekkti til allra þjálfaranna. Það
var ástæðan fyrir því að ég ákvað
að taka starfið að mér, auk þess er
afar vandað fólk sem vinnur með
mér á skrifstofu félagsins,“ segir
Jón Þór. Spurður um í hverju starf
yfirþjálfara felist, segir hann að
starfið sé í raun mjög víðfeðmt og
ekki auðvelt að ramma það inn.
„Ég á að hafa hönd í bagga með að
við störfum eins faglega og frekast
er kostur. Þetta er skipulagsvinna,
fylgjast með þjálfuninni og sjá til
þess að aðbúnaður þjálfaranna sé
sem bestur. Bera ábyrgð á faglegri
uppbyggingu knattspyrnustarfs
félagsins. Í þessu starfi er að mörgu
að hyggja, því hef ég komist að
þetta ár og að við þurfum að vanda
okkur í skipulaginu til að komast
yfir það allra nauðsynlegasta,“
segir Jón Þór.
Um 600 iðkendur
Jón Þór segir að áhugi fyrir knatt
spyrnu á Akranesi hafi aukist
síðustu árin og iðkendafjöldinn sé
nú um 600. Aukningin hafi m.a.
komið fram í því að á síðasta ári
voru í fyrsta sinn send tvö lið til
keppni í 2. flokki á Íslandsmóti.
„Þetta sýnir að okkur er að takast
að halda börnum og unglingum
lengur í íþróttinni, minnka brott
fallið. Norðurálsmótið er líka gríð
arlega mikilvægur þáttur í starfinu
hjá okkur og einnig góð auglýsing
fyrir félagið og bæinn. Bæjarbúar
og ekki síst foreldrar barnanna eiga
stóran þátt í hversu glæsilega hefur
tekist til með framkvæmd mótsins.
Við stefnum ótrauð að því að
Akranes verði áfram fótboltabær
og við komumst á þann stall sem
við vorum um árabil. Við þurfum
að vera þolinmóð og það getur
tekið einhvern tíma að ná því
takmarki, en dagurinn í dag skiptir
samt mestu máli,“ sagði Jón Þór
Hauksson að endingu.
þá
Ætlum að komast upp á stallinn aftur
Jón Þór Hauksson er yfirþjálfari í knattspyrnunni hjá ÍA
Jón Þór Hauksson.
Svipmyndir frá fyrri mótum