Skessuhorn - 25.06.2014, Blaðsíða 10

10 MIÐVIKUDAGUR 25. JÚNÍ 2014
Fyrsti fundur nýrrar sveitar-
stjórnar í Hvalfjarðarsveit
Sveitarstjórn Hvalfjarðarsveit-
ar kom til síns fyrsta fundar sl.
fimmtudag í Heiðarskóla. Til hans
var boðað með heldur óhefðbundn-
um hætti, en íbúar voru sérstaklega
hvattir til að mæta með það fyrir
augum að efla samstarf og samtal
á milli þeirra og sveitarstjórnar nú
í upphafi kjörtímabils. Fyrirferð-
armest á fundinum voru kosningar
og skipan í nefndir sveitarfélagins,
en einnig var á fundinum ákveðið
að auglýsa eftir nýjum sveitarstjóra.
Björgvin Helgason í Eystra-Súl-
unesi var á fundinum kosinn odd-
viti sveitarstjórnar og Arnheiður
Hjörleifsdóttir til vara. Ritari var
kjörinn Hjördís Stefánsdóttir og
vararitari Jónella Sigurjónsdótt-
ir. Fundurinn var haldinn í Heið-
arskóla og að honum loknum bauð
sveitarstjórn íbúum í Hvalfjarðar-
sveit til kaffiveitinga í skólanum.
Skammt er milli fyrstu funda hjá
nýrri sveitarstjórn en annar fund-
ur var á dagskrá í gær, þriðjudag-
inn 24. júní.
Viljayfirlýsing samþykkt
Sveitarstjórn samþykkti sameig-
inlega viljayfirlýsingu sem hljóðar
svo: „Við viljum stunda lýðræðisleg
vinnubrögð og samræðustjórnmál
og eiga uppbyggilega og umfram
allt málefnalega umræðu við íbúa
um hagsmunamál sveitarfélagsins.
Virkir og ánægðir íbúa eru auður
hvers samfélags.“ Um þessa álykt-
un segir Arnheiður Hjörleifsdótt-
ir varaoddviti að markmið sveitar-
stjórnar Hvalfjarðarsveitar sé að
auka hag og velsæld íbúa. „Með
það að leiðarljósi vill sveitarstjórn
efla þann kraft sem býr í nærsam-
félaginu og nýta sér sérstöðu sveit-
arfélagsins á jákvæðan og upp-
byggilegan hátt. Sveitarstjórn vill
að Hvalfjarðarsveit sé eftirsóttur
kostur til búsetu.“ Arnheiður segir
einhug um að leggja áherslu á gott
samstarf innan sveitarstjórnar, að
hafa gott upplýsingastreymi til íbúa
og huga að fjölbreyttari leiðum til
þess. þá
Ný sveitarstjórn í Hvalfjarðarsveit eftir fyrsta fund. Frá vinstri talið: Ása Helga­
dóttir, Ólafur Ingi Jóhannesson fyrsti varamaður í sveitarstjórn, Jónella Sigur­
jónsdóttir, Stefán Ármannsson, Daníel Ottesen, Hjördís Stefánsdóttir, Arnheiður
Hjörleifsdóttir og Björgvin Helgason. Ljósmynd Áskell Þórisson.
Bæjarstjóraskipti í Stykkishólmi
Sturla Böðvarsson tók við starfi
bæjarstjóra í Stykkishólmi á fyrsta
fundi nýrrar bæjarstjórnar í Ráðhúsi
Stykkishólms mánudaginn 16. júní
sl. Á fundinum var Hafdís Bjarna-
dóttir kjörin forseti bæjarstjórnar
og afhenti Lárus Ástmar Hannesson
fráfarandi bæjarstjóri Sturlu lykla-
völdin að bæjarskrifstofunum. Lár-
us hefur verið bæjarstjóri í Stykkis-
hólmi síðan 1. mars síðastliðinn eftir
að Gyða Steinsdóttir lét af störfum.
Líkt og margir vita hefur Sturla ver-
ið bæjarstjóri Stykkishólms áður, en
hann gegndi því embætti síðast á ár-
unum 1974 - 1991, þar til hann tók
sæti á Alþingi fyrir Sjálfstæðisflokk-
inn.
Á bæjarstjórnarfundinum var kos-
ið í helstu embætti og nefndir. Haf-
dís Bjarnadóttir var kosin forseti
bæjarstjórnar, Sigurður Páll Jóns-
son fyrsti varaforseti og Lárus Ást-
mar Hannesson annar varaforseti. Í
bæjarráð voru kjörin af H-lista Haf-
dís Bjarnadóttir, Katrín Gísladótt-
ir, Sigurður Páll Jónsson og Sturla
Böðvarsson og af L-lista Lárus Ást-
mar Hannesson og Ragnar Ragn-
arsson. Þau sömu voru kosin í stjórn
Samtök sveitarfélaga á Vesturlandi.
þá/ Ljósm. Sumarliði Á.
Bæjarstjórnin utan við ráðhúsið.
Ný bæjarstjórn tekur við á Akranesi
Ný bæjarstjórn á Akranesi. Frá vinstri: Ingibjörg Pálmadóttir, Vilborg Þ. Guðbjartsdóttir, Valdís Eyjólfsdóttir, Rakel Óskars­
dóttir, Valgarður L. Jónsson, Ingibjörg Valdimarsdóttir, Sigríður Indriðadóttir, Ólafur Adolfsson, Einar Brandsson og Regína
Ásvaldsdóttir bæjarstjóri.
Nýkjörin bæjarstjórn á Akranesi
hélt sinn fyrsta fund síðastliðinn
fimmtudag. Dagsetning fundar-
ins var vel við hæfi þar sem sá dag-
ur var alþjóðlegi kvennadagurinn,
en meirihluti fulltrúa sem sitja nú
í bæjarstjórn á Akranesi eru konur.
Ingibjörg Pálmadóttir, aldursforseti
setti fundinn og stýrði kjöri forseta
bæjarstjórnar. Sigríður Indriða-
dóttir var kjörin forseti með öllum
greiddum atkvæðum. Það má með
sanni segja að embættið sé Sig-
ríði í blóð borið en langafi hennar,
Ólafur B. Björnsson, var fyrsti for-
seti bæjarstjórnar árið 1942 og afi
hennar, Valdimar Indriðason var
einnig forseti bæjarstjórnar á árun-
um 1976 til 1984. Sigríður stýrði
síðan fundinum sem forseti og las
upp tillögur að kjöri í helstu nefnd-
ir og ráð.
Á fundinum var samþykkt að
endurnýja samning við Regínu Ás-
valdsdóttur sem bæjarstjóra Akra-
neskaupstaðar til næstu fjögurra
ára. Ólafur Adolfsson var kjörinn
formaður bæjarráðs, Einar Brands-
son formaður framkvæmdaráðs og
skipulags- og umhverfisnefndar,
Sigríður Indriðadóttir formaður
fjölskylduráðs, Valdís Eyjólfsdóttir
fulltrúi Akraness í stjórn Orkuveitu
Reykjavíkur og Ólafur Adolfsson
var kjörinn fulltrúi Akraneskaup-
staðar í stjórn Faxaflóahafna. Þá
var Ingþór Bergmann Þórhallsson
kjörinn formaður menningarmála-
nefndar.
jsb
Ingibjörg Pálmadóttir færir Sigríði Indriðadóttur að gjöf mynd af Ólafi B. Björns­
syni, fyrsta forseta bæjarstjórnar og langafa Sigríðar.
Ingibjörg Pálmadóttir setur fyrsta fund nýrrar bæjarstjórnar. Þetta er fyrsti bæjarstjórnarfundur Ingibjargar eftir 20 ára
fjarveru.
LANDSMÓT
HELLA 2014
www.landsmot.is
Landsmót hestamanna
Gaddstaðaflötum Hellu
tjaldsvæði - húsdýr - íslensk tónlist
markaður - íslenski hesturinn