Skessuhorn - 25.06.2014, Blaðsíða 19
19MIÐVIKUDAGUR 25. JÚNÍ 2014
Þvoðu föt ferðamanna sem lentu í bílveltu
Erlendir ferðamenn lentu í því
óhappi að velta bílaleigubifreið
sinni á Ódrjúgshálsi við Djúpafjörð
á Barðaströnd föstudaginn 13. júní
síðastliðinn. Bifreiðinni var ekið
fram af 12 - 15 metra háum kanti og
hafnaði á hvolfi ofan í á. Betur fór en
á horfðist og sluppu ferðamennirnir
ómeiddir. Farangur fólksins dreifð-
ist aftur á móti um allt við veltuna
og varð gegnsósa af vatni.
Allt útatað í glerbrotum
Brynjólfur Gunnarsson í Búðar-
dal var kallaður út á dráttarbifreið
sinni til að sækja bifreiðina aðfarar-
nótt laugardagsins 14. júní. Hann
fór því á vettvang óhappsins, ásamt
eiginkonu sinni Fanneyju Krist-
jánsdóttur. „Mér fannst alveg sjálf-
sagt að gera þetta og er fullviss um
að fleiri hefðu gert það sama í okk-
ar sporum,“ segir Brynjólfur í sam-
tali við Skessuhorn, en hann og eig-
inkona hans þvoðu föt ferðamann-
anna sem lentu í bílveltunni. Hann
segist vera hissa á því hvað fólki
finnst þetta fréttnæmt. „Ef maður
ímyndar sér að maður myndi sjálf-
ur lenda í svona óhappi í ókunnugu
landi, þá finnst manni þetta alveg
sjálfsögð viðbrögð. Alveg eins og við
myndum vilja ef við myndum lenda
í svona slysi erlendis.“ Brynjólfur
starfar hjá KM - þjónustunni í Búð-
ardal og felst starf hans meðal annars
í því að sækja bifreiðar sem lent hafa
í óhappi eða utan vegar. Hann seg-
ir það vera hluta af starfinu að taka
allt lauslegt sem dottið hefur úr bíl-
unum. „Mér fannst þetta bara vera
partur af minni vinnu. Maður tek-
ur allt lauslegt og í þessu tilfelli voru
fötin þeirra hluti af
því sem við þurft-
um að taka. Það var
ekki hægt að bjarga
bara dótinu og láta
það svo skemm-
ast. Okkur fannst
við verða að þvo
fötin, enda vissum
við ekkert hvenær
þau kæmu til baka
af sjúkrahúsinu.“
Brynjólfur segir að-
komuna hafa verið
slæma og að bíllinn
hefði verið á hvolfi
ofan í ánni. „Það
voru svona 12 - 15
metrar þarna niður
og ótrúlegt að fólk-
ið slasaðist ekki. Ég
dró bílinn upp úr
ánni og sá þá dót-
ið þeirra þarna und-
ir bílnum, liggjandi í ánni. Það hef-
ur því farið úr bílnum þegar hann
valt. Þau hafa náð einhverju sjálf
upp á bakkann því sumt var þarna á
bakkanum og annað ofan í vatninu.“
Hann segir fólkið hafa verið með
mikinn farangur og að ferðamenn-
irnir hefðu greinilega verið á tjald-
ferðalagi. „Þetta var mestmegnis
tjaldviðlegubúnaður, matur og fatn-
aður. Þetta var allt gegnsósa og út-
atað í glerbrotum,“ útskýrir Brynj-
ólfur.
Voru afskaplega ánægð
Brynjólfur segir það hafa tekið dá-
góðan tíma að koma öllu dótinu
upp úr ánni og var því ánægður
með að hafa boðið eiginkonunni
með í ferðina. Hann segist aldrei
áður hafa lent í því að safna saman
jafn miklu af persónulegum eigum
fólks eftir umferðaróhapp. Þó hef-
ur hann fundið gleraugu, töskur og
farsíma sem fólk sé yfirleitt ánægt
með að fá aftur. Eitthvað af eigum
ferðamannanna sem lentu í óhapp-
inu á Ódrjúgshálsi voru ónýtar eftir
veltuna. „Fartölvan þeirra var bæði
beygluð og hafði blotnað og mat-
urinn þeirra hafði skemmst,“ segir
Brynjólfur. Á sunnudeginum komu
ferðamennirnir aftur í Búðardal á
nýrri bifreið og sóttu eigur sínar.
„Þau töldu sig hafa fengið nánast
allt dótið sitt aftur og voru afskap-
lega ánægð. Ég spurði þau hvort
þau ætluðu að ferðast áfram um
landið og þau höfðu hug á því, voru
búin með Vestfirðina og ætluðu að
ferðast áfram. Þau þökkuðu vel fyrir
sig og föðmuðu okkur og gátu hald-
ið áfram með sitt ferðalag þar sem
frá var horfið. Það var bara gaman
að geta hjálpað fólki,“ bætir Brynj-
ólfur við að lokum.
grþ
Hjónin hjálpsömu Brynjólfur Gunnarsson og Fanney Kristjánsdóttir.
Ljósm. Sigurður Sigurbjörnsson / Búðardalur.is.
Bíllinn var stórskemmdur eftir veltuna. Ljósm. Brynjólfur Gunnarsson.
A Bluestar Company