Skessuhorn - 25.06.2014, Blaðsíða 35

35MIÐVIKUDAGUR 25. JÚNÍ 2014
Afgreiðslutími
þriðjud. til föstud. 12.30 – 18.00

Veiðivörur í miklu úrvali
Stekkjarholti 8-10 • Akranesi • 431 4318 • 894 2298
www.veidibudin.is • veidibudin@veidibudin.is
S
K
E
S
S
U
H
O
R
N
2
01
4
2 0 1 4
00000
w w w . v e i d i k o r t i d . i s
Eitt kort
36 vötn
6.900 kr

FLEIRI VÖTN ÓBREYTT VERÐ
2 0 1 4
Umsjón: Gunnar Bender og Magnús Magnússon

Flugustangir
Fluguhjól
Línur
Taumefni
Flugur
Veiðivörur í úrvali
Víða góð veiði en mikil úrkoma setur mark sitt á veiðarnar
Yfirleitt berast sögur af góðri lax-
veiði á Vesturlandi. Þó eru auðvit-
að dæmi um annað og ýmis frávik
sem menn eiga erfitt með að út-
skýra. Fyrsti laxinn úr Flókadalsá í
Borgarfirði kom á land eftir þriggja
daga veiði, en opnað var fyrir veiði
18. júní. Það verður að teljast
óvenjulegt fyrir þessa annars góðu
laxveiðiá, sem oft hefur verið í hópi
þeirra áa sem mest hefur gefið á
stöng og átt kröftuga upphafsdaga
hverju sinni. En það er kannski sem
betur fer ekkert gefið í laxveiði, þá
væri þetta ekki gaman.
Hítaráin hefur farið rólega af
stað, en samt virðist dálítið af
fiski gengið í ána. Bjarni Júlíus-
son, fyrrverandi formaður Stanga-
veiðifélags Reykjavíkur, var þar við
veiðar ásamt fjölskyldu sinni þeg-
ar við heyrðum í honum. „Í gær
komu tveir á land og svo skemmti-
lega vildi til að um leið og ég setti í
lax á Breiðinni tók annar hjá Júlíusi
Bjarna, elsta syni mínum, í Kverk-
inni og við börðumst þarna feðg-
arnir við laxana og náðum báðum. Í
morgun settu þeir frændur Hafþór
Bjarni og Ólafur Bjarni í stórlax á
Breiðinni. Hann var einu númeri
of stór fyrir veiðimennina og slapp
eftir hetjulega baráttu. Veiðimenn
hafa orðið varir við laxa í Langa-
drætti og Grettisstillum og nú er
vaxandi straumur og von á góðu,“
sagði Bjarni.
Fjör í Laxá þrátt fyrir
mikið vatn
Fyrstu laxarnir komu á land úr Laxá
í Leirársveit á fyrsta degi veiðanna
sl. miðvikudag þrátt fyrir að mikið
vatn og skollitað hafi verið í ánni
eftir rigningar dagana áður. „Það
veiddust tveir laxar fyrsta daginn
og var sett í sjö aðra sem sluppu,“
sagði Ólafur Johnson við Laxá í
samtali við Skessuhorn. „Það var
líkt og í fyrra Hallfreður Vilhjálms-
son bóndi á Kambshóli og veiðikló
sem fékk fyrsta laxinn í ánni,“ sagði
Ólafur ennfremur. Byrjunin lofar
því góðu, vatnið er gott og fiskur-
inn er mættur í Laxá.
Góð byrjun í Kjarará
„Það veiddust 33 laxar á fyrsta
tveimur og hálfa deginum í
Kjarará, allt flottir fiskar,“ sagði
Davíð Másson einn leigutakanna
sem var við opnun árinnar og veið-
ar fyrstu dagana á fjallinu. Veiðin
fór því bæði vel af stað í Kjarará og
Þverá. „Það er fiskur kominn víða
um ána og þetta lofar góðu,“ sagði
Davíð sem var að landa laxi í Efra-
Rauðabergi í Kjarará þegar við
heyrðum í honum í síðustu viku.
Laxinn gengur grimmt því lúsugir
fiskar voru að veiðast þarna uppfrá
þrátt fyrir að þá eru þeir búnir að
synda 80 kílómetra. Vegna úrkomu
á fjallinu hefur ekki verið hægt að
veiða í Kjarará síðustu daga vegna
vatnavaxta og mórauðs vatns. Það
gæti því orðið veisla þegar vatnið
minnkar og hreinsar sig í ljósi þess
að fiskur er kominn um alla á.
Í fyrsta skipti á Arnar-
vatnsheiðinni
„Þetta var fyrsta ferðin mín á Arn-
arvatnsheiðina en ég fór með
Steinþóri félaga sem hafði síðast
farið þangað fyrir um 25 árum,“
sagði Halldór Gunnarsson veiði-
maður. Veiðin á heiðinni fór vel af
stað að þessu sinni. „Við enduðum
með 40 fiska á tvær stangir. Flestir
voru frá einu og upp í þrjú pund.
Smærra inn á milli en líka stærra.
Allt veitt frá landi og veiddum ein-
ungis í Úlfsvatni. Það voru margir
þarna í opnuninni á bátum og það
var veitt fram og til baka. Heilt yfir
voru flestir að gera ágætis veiði og
kátína í mannskapnum. Frábært
veður var allan tímann en það var
gríðarlega mikil fluga og eins gott
að taka með sér mývörn og net yfir
höfuðið. Ég lenti sjálfur í að vera
illa bitinn í framan þó svo ég hafi
haft net,“ sagði Halldór ennfrem-
ur.
Silungsveiðin fer víðar vel af
stað. Hítarvatnið hefur verið að
gefa, Hraunfjörðurinn og vötn á
Snæfellsnesinu og Fiskilækjarvatn
(Fjárhússvatn) gaf þokkalega veiði
um síðustu helgi.
Ungur og efnilegur
„Þetta var eiginlega frekar skondið.
Hann hafði séð tvo laxa neðarlega í
Húshyl og vildi ólmur kasta á þá,“
sagði Bjarni Júlíusson við Hítará
þar sem sonurinn, Bjarni Hafþór,
var að landa laxi. „Ég ætlaði upp
í Langadrátt en hann vildi frekar
reyna við þessa. Hann tók stöngina
sína og setti þunga tommu Francis
undir, brúna að lit. Svo uppstrím-
aði hann túbunni og lét leka yfir
laxana. Ég keyrði af stað uppeftir
og mamma hans sem var að veiða
Kverkina, hafði svona annað aug-
að á honum. Þegar ég keyrði yfir
brúnna, þá sá ég ekki drenginn
og ákvað að keyra niður á planið
ofan við Kverkina og skoða hvað
væri í gangi. Þegar ég kem fram á
brúnina, sé ég hvar guttinn er að
þreyta lax og þetta var ekki auð-
velt því stöngin er fyrir línu nr. 4
og eftir því nett og mjúk. En hann
kallaði á móður sína, hana Þórdísi
Klöru, og sú var aldeilis snögg til
hans. Svo var laxinn þreyttur eins
og vera ber og landað í sandvikið
beint framaf gamla húsinu. Þetta
var fallegur smálaxahængur, ekki
lúsugur en alveg nýgenginn,“ sagði
Bjarni ennfremur.
Davíð Másson, einn af leigutökum Þverár og Kjararár, með fallegan lax.
Halli á Kambshóli náði fyrsta laxi
sumarsins úr Laxá í Leirársveit, líkt og
í fyrra.
Við Hítará í fyrradag. Veiðin fer rólega af stað. Ljósm. Bjarni J.
Halldór Gunnarsson með góða veiði af
Arnarvatnsheiði.
Hér er Tómas Skúlason með frábæra
bleikjuveiði á Arnarvatnsheiðinni.
Fallegri gerast þær varla bleikjurnar.
Bjarni Hafþór með laxinn sem hann
veiddi einn og óstuddur við Hítarána.
Veiðin í Norðurá í Borgarfirði
hefur verið þokkaleg það sem af
er tímabilinu en nú í upphafi viku
voru 88 laxar komnir á land. Erling
Ingvason tannlæknir var við veiðar í
ánni og fékk tvo flotta laxa í fyrradag.
„Norðurá er skemmtileg veiðiá. Ég
fékk einn 98 sentimetra lax og svo 80
cm hrygnu úr Myrkhylsrennum, en
myndin er af þeim fiski,“ sagði Erling
sem enn er við veiðar í ánni.