Skessuhorn - 09.07.2014, Blaðsíða 8
8 MIÐVIKUDAGUR 9. JÚLÍ 2014
Vill sameina
Hafró og Veiði-
málastofnun
LANDIÐ: Sigurður Ingi
Jóhannsson, sjávarútvegs-
og landbúnaðarráðherra,
hyggst leggja fram frum-
varp á Alþingi um samein-
ingu Hafrannsóknastofnun-
ar og Veiðimálastofnunar.
Áformin hafa verið kynnt
starfsfólki beggja stofn-
ana og drög að frumvarpi
send helstu hagsmunaðilum
til kynningar og samráðs.
Æskilegt þykir að greina
formlega nú frá áformum
sameiningarinnar þó svo
að allri greiningarvinnu sé
ekki lokið þar sem samráðs-
ferli er að hefjast. Markmið
sameiningarinnar er að búa
til öfluga rannsóknastofnun
og efla vísindalega þekkingu
á umhverfi og lifandi auð-
lindum í hafi og ferskvatni.
Í kjölfar sameiningarinnar
má samnýta betur mannauð,
búnað og þekkingu beggja
stofnana. Hjá Hafrann-
sóknastofnun eru um 145
stöðugildi og Veiðimála-
stofnun um 20 stöðugildi.
Með frumvarpinu er lagt
til að öllu starfsfólki beggja
stofnana verði boðið starf
hjá sameinaðri stofnun.
-mm
Aflatölur fyrir
Vesturland
28. júní - 4. júlí.
Tölur (í kílóum)
frá Fiskistofu:
Akranes 3 bátar.
Heildarlöndun: 1.694 kg.
Mestur afli: Grímur AK:
921 kg í tveimur löndunum.
Arnarstapi 8 bátar.
Heildarlöndun: 14.928 kg.
Mestur afli: Bárður SH:
7.810 kg í þremur löndun-
um.
Grundarfjörður 23 bátar.
Heildarlöndun: 17.190 kg.
Mestur afli: Björt SH: 1.514
kg í tveimur löndunum.
Ólafsvík 21 bátur.
Heildarlöndun: 34.147 kg.
Mestur afli: Egill SH:
17.812 kg í einni löndun.
Rif 16 bátar.
Heildarlöndun: 111.725 kg.
Mestur afli: Rifsnes SH:
52.188 kg í einni löndun.
Stykkishólmur 14 bátar.
Heildarlöndun: 20.268 kg.
Mestur afli: Rán BA: 6.147
kg í þremur löndunum.
Topp fimm landanir á
tímabilinu:
1. Rifsnes SH – RIF:
52.188 kg. 30. júní
2. Egill SH – ÓLV:
17.812 kg. 1. júlí
3. Magnús SH – RIF:
11.985 kg. 30. júní
4. Magnús SH – RIF:
8.713 kg. 1. júlí
5. Magnús SH – RIF:
7.199 kg. 2. júlí
mþh
Betri afkoma en
búist var við
FAXAFLÓAH: Afkoma
Faxaflóahafna á árinu 2013
var betri en áætlanir gerðu ráð
fyrir, tekjur voru 247 millj-
ónum króna yfir áætlun en
gjöldin lægri en búist var við.
Í ársskýrslu segir að hagnað-
ur hafi numið 278 milljónum
króna, en veltan var 2,8 millj-
arðar. Megin ástæða betri af-
komu eru hærri vörugjöld
vegna innflutnings og hafnar-
þjónustu og vegna stærri skipa
sem komu til hafna, einkum
skemmtiferðaskipa. Faxaflóa-
hafnir reka Reykjavíkurhöfn
og hafnirnar á Grundartanga,
Akranesi og Borgarnesi.
–mm
Vantar
dagforeldra
BORGARBYGGÐ: Borgar-
byggð hefur auglýst eftir fólki
sem vill verða dagforeldrar á
Bifröst og Hvanneyri. Á Bif-
röst er háskólinn tilbúinn að
leggja til húsnæði undir starf-
semina en ekki kemur fram að
sambærileg þjónusta sé í boði
á Hvanneyri. „Vakin er athygli
á því að starfsemi dagforeldra
er leyfisskyld. Sótt er um leyfi
hjá fræðslustjóra í Ráðhúsi
Borgarbyggðar,“ segir í til-
kynningu.
–mm
Veruleg fjölgun
umsókna
BIFRÖST: Umsóknarfrestur
við Háskólann á Bifröst rann
út 15. júní sl. Hátt á sjötta
hundrað umsóknir bárust og
þar af eru hátt í 50% fleiri um-
sóknir í háskóladeildirnar en á
síðasta ári. Í nám á meistara-
stigi bárust tæplega 170 um-
sóknir og í grunnnám háskól-
ans bárust tæplega 200. Í Há-
skólagátt sem er aðfararnám
að háskólanámi bárust um
200 umsóknir. Nýjar náms-
línur í bæði grunn- og meist-
aranámi voru settar á fót og
hlutu þær mjög góðar viðtök-
ur og sýnileg veruleg fjölgun
nemenda næsta skólaár. Næsta
haust mun skólinn skipu-
leggja allt nám í lotubundinni
kennslu og sama rennsli verð-
ur í staðnámi og fjarnámi. All-
ir nemendur skólans munu
geta nálgast hefðbundna fyrir-
lestra á netinu og tímar í stað-
námi verða þess í stað notað-
ir til verkefnavinnu og um-
ræðna. Nýjasta tækni verður
notuð til að bæta þjónustu og
auðvelda nemendum aðgengi
að kennsluefni. Nýir snert-
iskjáir hafa verið teknir í notk-
un og verða settir upp í flest-
um kennslurýmum sem munu
nýtast í bæði stað- og fjar-
námi.
–mm
Sífellt falla metin
LANDIÐ: Um 110.600 er-
lendir ferðamenn fóru frá
landinu í júní síðastliðnum
samkvæmt talningum Ferða-
málastofu í Flugstöð Leifs Ei-
ríkssonar. Voru þetta 20.700
fleiri en í júní í fyrra. Aukn-
ingin nemur 23,1% milli ára.
Aldrei hafa jafn margir ferða-
menn verið hér í júnímánuði
og nú.
–mm
Stefnir í metfjölda skemmtiferðaskipa í Grundarfirði
Líkt og Skessuhorn hefur áður
greint frá hefur komum skemmti-
ferðaskipa til Grundarfjarðar
fjölgað jafnt og þétt undanfarin
ár, þó með undantekningu á síð-
asta sumri. Í ár verður metfjöldi
því von er á 19 skipum. Það stefnir
þó í að það met verði slegið næsta
sumar. „Við höfum nú þegar feng-
ið 32 bókanir fyrir sumarið 2015
og hafa þær aldrei verið fleiri,“
segir Hafsteinn Garðarsson hafn-
arstjóri í Grundarfirði í samtali við
Skessuhorn.
Skemmtiferðaskip hafa kom-
ið reglulega til Grundarfjarðar frá
2001 og hefur nokkur sveifla verið
í fjölda þeirra á milli ára. Að sögn
Hafsteins má búast við að flest
þessara skipa komi líkt og bókan-
irnar gera ráð fyrir. „Það er ekki
alltaf alveg pottþétt, það geta ver-
ið sveiflur í þessu. Veðrið getur til
dæmis haft áhrif. Í fyrra þurfti til
dæmis eitt skipið að snúa frá vegna
veðurs. Sunnanáttin getur verið
erfið hérna. Stundum þurfa þau
að fresta komu sinni. Það var til
dæmis eitt skip sem átti að koma
hingað um daginn en þau ákváðu
þeir að fara fyrst til Grænlands og
enda svo á Íslandi út af veðrinu.
Svo eru alltaf nokkrar fyrirspurn-
ir frá einhverjum sem koma svo
ekki.“ Grundarfjarðarbryggja get-
ur ekki tekið á móti allra stærstu
skipunum en skemmtiferðaskip-
in sem leggjast að bryggju þar eru
120 - 170 metra löng. „Algeng-
ast er að farþegafjöldi sé á bilinu
200 - 800. Við höfum þó tekið við
1200 manna skipi hérna,“ segir
Hafsteinn. Hann segir að stund-
um komi fleiri en eitt skip í einu.
„Þann 16. júlí næstkomandi verða
til dæmis þrjú skip hérna á sama
tíma. Það eru einhverjar svoleið-
is bókanir fyrir næsta sumar líka,“
segir hafnarstjórinn í Grundar-
firði. grþ
Óvíst hvort kríuungar í Rifi komist á legg í sumar
Kríuvarpið í Rifi á Snæfellsnesi iðar
nú allt af lífi en þó er óvíst hvort
kríuungarnir þar komist á legg þetta
sumarið. Kríurnar í Rifi hafa átt
erfitt uppdráttar síðustu ár og mik-
ill fjöldi unga hefur drepist vegna
skorts á æti. Sæmundur Kristjáns-
son, fuglaáhugamaður í Rifi, segir
að mikið af kríum og ungum séu nú
í varpinu en of snemmt sé að segja
til um hvort ungarnir lifi sumarið
af. „Ég var úti í varpi á miðviku-
dagskvöldið síðastliðið og sá mikið
af eins til tveggja sólarhrings göml-
um ungum á lífi. Það er skárra en í
fyrra þar sem flestir ungarnir lifðu
ekki fyrsta sólarhringinn af vegna
ætisskorts. Hins vegar er of snemmt
að segja til um hvort ungarnir kom-
ist á legg þar sem ég sá ekki marga
fugla berandi æti,“ segir Sæmundir
um ástand kríuvarpsins.
Megin fæða kríunnar er síli úr
sjó og hefur Sæmundur kenningu
um hvers vegna ætið sé horfið. „Í
kringum árið 1960 var byrjað að
veiða með dragnót í Breiðafirði og
eftir það fór að fækka í varpinu. Nú
er svo komið að mikið er veitt með
dragnót í Breiðafirði og mér þykir
líklegt að nótin sem dregin er eft-
ir sandbotninum skemmi fyrir klaki
sílanna sem eru aðal fæða kríunn-
ar. Sem dæmi má nefna að í Skaga-
firði eru veiðar með dragnót bann-
aðar og hafa kríur þar nægilegt æti
og vegnar vel.“ jsb
Lítið um æti fyrir kríuna í Rifi og
hugsanlega er það dragnótaveiðum
að kenna.
Breytingar á veginum yfir Holtavörðuheiði
Framkvæmdir við lagfæringu á
þjóðveginum yfir Holtavörðuheiði
hófust síðasta haust. Það er Borg-
arverk í Borgarnesi sem unnið hef-
ur verkið. Fyrir áramótin var veg-
urinn breikkaður til að gera hann
öruggari og er nú verið að leggja
slitlag á vegaxlirnar. Verkinu mun
verða lokið innan skamms. Magn-
ús Valur Jóhannsson svæðisstjóri
Vegagerðarinnar á Norðvestur-
svæði segir um hefðbundna við-
haldsáætlun að ræða Verið er að
draga úr slysahættu með því að
laga veginn og umhverfi hans.
Við þessa aðgerð breikkar vegur-
inn á kafla upp í allt að níu metra.
„Ef allt gengur eins og best verð-
ur á kosið þá er jarðvinnan unnin
að hausti, látið síga og jafnað sig
yfir veturinn og síðan klárað með
slitlagi að vori. Í þessu verki var
hægt að viðhafa þessa verkáætlun.
Þessi breyting er eiginlega bylting
á kaflanum frá Fornahvammi upp í
Heiðarsporð,“ segir Magnús. Að-
spurður hvort frekari lagfæring-
ar væru á döfinni svaraði hann því
til að spurningin væri yfirleitt um
forgangsröðun og hvenær pening-
ar detta inn. bgk/ Ljósm. gó.
Gegnumtrekk-
urinn of mikill
Töluvert hvasst var á Akranesi sl.
laugardag þegar sölufólk var að gera
klárt fyrir markað í Íþróttahúsinu við
Vesturgötu. Samtímis voru nokkrar
hurðir í húsinu opnar og myndaðist
gríðarlegur gegnumtrekkur. Þessi
hurð skall aftur með látum þegar
gengið var um hana og splundraðist
rúða sem í henni var. Enginn
meiddist.
ki