Skessuhorn - 09.07.2014, Blaðsíða 18
18 MIÐVIKUDAGUR 9. JÚLÍ 2014
Frábær árangur vestlenskra hrossa og knapa á Landsmóti
Landsmóti hestamanna lauk á
sunnudaginn á Hellu eftir viku-
langa dagskrá. Talið er að um tíu
þúsund manns hafi verið á mótinu
þegar mest var, þar af um 40% út-
lendingar. Hvað hrossakost varðar
var mótið það besta í sögunni. Allir
eru sammála um að annar eins fjöldi
af úrvals hrossum hafi ekki kom-
ið saman áður á einu móti. Sömu
sögu er ekki hægt að segja af veðr-
inu því það hefur ekki verið verra á
Landsmóti frá upphafi; öll tilbrigði
sumarveðurs mátti finna; svo sem
storm, úrhellisrigningu, kulda, sól-
arglennu á sunnudegi og svo úrhelli
í lokin. Þótti jákvætt að keppnis-
vellir á Rangárbökkum stóðust þá
þolraun sem veðrið skapaði. Stjórn
og skipulagning mótsins reyndist
ekki ganga hnökralaust fyrir sig.
Virða verður mönnum til vorkunn-
ar að veðrið riðlaði dagskrá. Frétta-
miðlar og gagnrýnendur eru þó á
einu máli um að láta umræðu um
það ekki skyggja á frábæran árang-
ur hrossa og knapa á mótinu.
Meðal helstu verðlauna má nefna
að Sleipnisbikarinn var afhend-
ur Vilmundi frá Feti, en auk þess
fór fram afkvæmasýning Stála frá
Kjarri, en þessir tveir hestar hlutu
heiðursverðlaun fyrir afkvæmi.
Hæst dæmda kynbótahross móts-
ins var Arion frá Eystra-Fróðholti
sem var að vinna þann titil í ann-
að skiptið í röð og fer því skál-
in góða aftur „heim.“ Félag tamn-
ingamanna heiðraði knapa fyrir
góða frammistöðu. Þau verðlaun
hlutu þeir Gústaf Ásgeir Hinriks-
son i ungmennaflokki, Teitur Árna-
son fyrir skeið, Þórarinn Ragnars-
son fyrir sýningu sína á Spuna frá
Vesturkoti sem sigraði A flokkinn
og aðal reiðmennskuverðlaun FT
fóru til Árna Björns Pálssonar.
Vestlendingar í góðum
málum
Vestlensk hross stóðu sig frábæra-
lega á Landsmótinu. Landshlut-
inn átti hross í efstu sætum í flest-
um greinum, bæði í gæðinga-
keppninni sem og kynbótadóm-
um. Af kynbótahrossum er kannski
helst að nefna að hæst dæmda fjög-
urra vetra hryssan var Hamingja frá
Hellubæ, en hún gerði sér lítið fyr-
ir og sló heimsmet í sínum flokki
og hlaut 8,54 í aðaleinkunn. Rækt-
andi og eigandi Hamingju er Gísl-
ína Jensdóttir. Ekki er síður gaman
að geta þess að Hamingja er und-
an vestlenska stóðhestinum Aðli frá
Nýjabæ sem er að gefa feyknargóð
hross. Móðir hennar er Þula Kol-
finnsdóttur frá Hellubæ sem fékk
8,44 í aðaleinkunn árið 2005. Knapi
á Hamingju var Bergur Jónsson.
Í flokki stóðhesta fimm vetra
voru fjórir hæst dæmdu folarnir all-
ir frá Vesturlandi. Efstur var Öln-
ir Frá Akranesi með 8,71, þá kom
Hersir frá Lambanesi með 8,57,
Skaginn frá Skipaskaga hlaut 8,49
og loks Laxnes frá Lambanesi með
8,46. Í flokki fjögurra vetra stóð-
hesta var næsthæst dæmdi hestur
frá Vesturlandi; Erill frá Einihamri
með 8,49 og svo komu í fjórða og
fimmta sæti þeir Sproti frá Innri
Skeljabrekku og Logi frá Odds-
stöðum. Sannarlega er ekki hægt að
kvíða hestakostinum í landshlutan-
um í framtíðinni miðað við þennan
glæsta árangur.
Gæðingar og góðir
knapar
Í gæðingakeppninni er helst að
nefna Trymbil frá Stóra-Ási, en
hann sigraði í B úrslitum í A flokki
og reið sig svo upp í annað sætið
í A úrslitum með 9,19 í einkunn.
Knapi á Trymbli var Gísli Gísla-
son en eigandi gæðingsins Mette
Mannseth eiginkona Gísla. Rækt-
endur Trymbils eru hjónin Lára
Gísladóttir og Kolbeinn Magn-
ússon í Stóra Ási. Til gamans má
geta þess að Gíslína á Hellubæ,
Gísli Gíslason og systir hans Lára
í Stóra Ási eru öll afabörn Hösk-
uldar heitins Eyjólfssonar á Hofs-
stöðum, þess mikla hestamanns og
hrossaræktanda.
Í unglingaflokki stóðu Konráð
Axel Gylfasson á Verði frá Sturlu-
reykum sig frábærlega, höfnuðu í
öðru sæti með 8,87, einungis ör-
fáum kommum frá fyrsta sæt-
inu. Hesturinn í þriðja sæti í ung-
lingaflokknum var einnig frá Vest-
urlandi; Hlynur frá Haukatungu
Syðri 1. Knapi á honum var sem
fyrr Aron Freyr Sigurðsson, en
hann keppir nú fyrir hestamanna-
félagið Neista. Í B flokki voru
það svo Siguroddur Pétursson og
Hrynur frá Hrísdal sem komu öll-
um á óvart og urðu aðrir eftir for-
keppni og milliriðla og enduðu svo
í þriðja sæti í úrslitunum á sunnu-
deginum með 9,11 í einkunn.
Þessi yfirferð er um það helsta af
árangri Vestlendinga á Landsmóti.
Útilokað er að gera þeim árangri
tæmandi skil, því fjölmörg hross
og knapar þeirra eiga ættir að rekja
í landshlutann.
iss/mm
Verðlaunahryssan Hamingja frá Hellubæ, ásamt eigandanum með bikar og knapanum Bergi Jónssyni. Sigurgeir Sindri Sigur-
geirsson formaður BÍ lengst til hægri.
Gísli Gíslason og Trymbill frá Stóra Ási ógnuðu Spuna frá Vesturkoti í toppbárátt-
unni í A flokki gæðinga.
Konráð Axel og Vörður frá Sturlureykum voru eingungis hársbreidd frá sigri í
unglingaflokki.
Erill frá Einhamri, næsthæst dæmdi fjögurra vetra stóðhesturinn.
Siguroddur Pétursson og Hrynur frá Hrísdal í harði baráttu við Þorsteinn Eyjólfsson og Klerk frá Bjarnanesi. Þorsteinn er
ættaður frá Þingnesi í Borgarfirði, þannig að segja má að þarna eigist tveir Vestlendingar við.
Klara Sveinbjörnsdóttir og Óskar frá Hafragili í B úrslitum í ungmennaflokki. Eins
og sjá má var veðrið ekki alltaf upp á sitt besta og var ótrúlegt hvað rigndi mikið
á tímabili.