Skessuhorn - 16.07.2014, Blaðsíða 16
16 MIÐVIKUDAGUR 16. JÚLÍ 2014
Himnarnir grétu er Víkingur var kvaddur
Kaflaskil urðu í atvinnusögu Akra-
ness á föstudaginn þegar Víking-
ur AK-100, sem gerður hefur ver-
ið út frá Akranesi í 54 ár, var kvadd-
ur. Skipinu var síðustu daga siglt til
Danmerkur þaðan sem það mun
að öllum líkindum ekki snúa aftur.
Fjöldi fólks var mættur til að fylgjast
með brottförinni enda skipið eins
konar holdgervingur sjómennsk-
unnar á Akranesi og því margir sem
bera sterk tengsl til skipsins. Segja
má að himnarnir hafi grátið þegar
skipið hélt úr höfn en úrhellisrign-
ing var á meðan. Með skipinu fór
sex manna áhöfn. Gunnar Gunn-
arsson skipstjóri, Magnús Þorvalds-
son stýrimaður, Sigurður Villi Guð-
mundsson vélstjóri, Gunnlaugur
Pálmason vélstjóri, Pétur Baldvins-
son háseti og Haraldur Bjarnason
blaðamaður, sem rita mun frásögn
af siglingunni sem birt verður hér í
Skessuhorni innan tíðar. jsb
Síðasta áhöfn Víkings AK-100. Á myndina vantar Gunnlaug Pálmason en hann var
upptekinn í vélarrúminu.
Skipið losað frá bryggjunni.
Siglt úr Akraneshöfn. Víkingur AK-100 kominn út fyrir
hafnargarðinn á Akranesi.
Skipið komið út á Faxaflóa. Séð frá
Suðurflös.
Landsmót skáta verður á Akureyri
Landsmót skáta verður haldið að
Hömrum við Akureyri daga 20.-27.
júlí næstkomandi. Þema mótsins í
ár er: „Í takt við tímann.“ Þar verð-
ur flakkað um tíma og rúm þar sem
þátttakendur kynnast fortíð, nútíð
og skyggnst auk þess inn í framtíð-
ina. Landsmót er því gott tækifæri
fyrir íslenska skáta að kynnast skát-
um erlendis frá. Héðan frá Vestur-
landi er vitað um nokkra tugi skáta
sem stefna á mótið. Um sextíu fara
frá Akranesi og Borgarnesi auk skáta
frá Grundarfirði og Dölum.
Bandalag íslenskra skáta (BÍS)
stendur að mótinu. Skátahreyfingin
er stærsta æskulýðshreyfing í heim-
inum og taka um 600 erlendir skát-
ar frá um 20 löndum þátt í mótinu
í ár, en þátttakendur verða um tvö
þúsund. Þegar mest verður er reikn-
að með að 6000-8000 manns verði á
svæðinu. Þátttakendur eru á aldrin-
um 10-22 ára. Einnig er boðið upp
á fjölskyldubúðir þar sem allir sem
vilja geta komið og notið útivistar-
innar, samverunnar og um leið upp-
lifað töfra skátastarfsins.
Dagskrá mótsins verður með
nokkuð hefðbundnu sniði en þó
með nýjum áherslum til að tengja
við þema mótsins og staðhætti að
Hömrum. Mikið er lagt upp úr því
að hafa dagskrána sem fjölbreytt-
asta og að allir finna sér eitthvað
við hæfi. Allar nánari upplýsingar
er hægt að nálgast á heimasíðunni
HYPERLINK “http://www.skata-
mot.is” www.skatamot.is
mm
Veðrið lék við gesti á Sandara og Rifsaragleði
Um helgina fór fram bæjarhátíð-
in Sandara- og Rifsaragleðin. Að
sögn Drífu Skúladóttir fór hátíð-
in vel fram og margir gestir lögðu
leið sína til Hellissands og Rifs.
„Það var mikil gleði alla helgina.
Við vorum heppin með veðrið og
allir gátu skemmt sér vel. Þetta
hefði ekki getað verið betra,“ sagði
Drífa í samtali við Skessuhorn.
Mörg skemmtiatriði voru á dag-
skrá og hófst gleðin á fimmtudag-
inn með aflraunakeppni í Tröð. Þá
voru myndlistarsýningar á dagskrá
ásamt markaði og leikþáttum fyr-
ir börn. Þar skemmtu Jónatan og
töfrakarlinn og Skoppa og Skrítla
yngstu kynslóð gesta. Á föstu-
dags- og laugardagskvöld voru svo
haldnir dansleikir þar sem dansað
var fram á rauða nótt.
Á sunnudaginn var nýtt skilti
vígt við Krossavík. Að sögn Skúla
Alexanderssonar gaf Snæfellsbær
skiltið en á því eru upplýsingar
um sögu Krossavíkur. Krossavík er
víkin vestan við Hellissand en það-
an var róið til ársins 1976 og var
um áraraðir aðalhöfn Sandara.
af
Steingerður Jóhannsdóttir, Ásbjörg Emanúelsdóttir og Selina Reber
voru með myndlistarsýningar í Hvítahúsinu.
Drengjakór Íslenska lýðveldisins sló í gegn á tónleikum sínum sem haldir voru í Hvítahúsinu. Góð stemning í góða veðrinu í Rifi og á Hellissandi um helgina.
Nýtt skilti við Krossavík. Á myndinni eru Skúli Alexandersson, Drífa Skúladóttir,
Steingerður Jóhannsdóttir og Kristinn Jónasson.
Skoppa og Skrítla skemmtu yngstu gestunum. Hoppukastalar voru vinsælir og mikið notaðir af börnum alla
helgina á Sandara- og Rifsaragleðinni.