Skessuhorn - 16.07.2014, Qupperneq 17

17MIÐVIKUDAGUR 16. JÚLÍ 2014
Himnafaðirinn skaffaði gott veður á fjölmennri sveitahátíð á Hvanneyri
Sæmundur Sigmundsson á kunnuglegum stað; undir stýri. Sigurjón Valdimarsson á Glitsstöðum og séra Geir Waage á tali. Í boði voru alíslenskir drykkir. Hér skenkir Haraldur Reynisson í glösin.
Fjölmenn sveitahátíð var hald-
in á Hvanneyri síðastliðinn laug-
ardag. Tilefnið var ærið. Í ár eru
liðin125 ár síðan fyrsti nemandinn
var skráður þar í skóla. Þess var
vert að minnast. Þá var safnadag-
urinn haldinn hátíðlegur um leið.
Bryndís Geirsdóttir og Steph-
anie Nindel sinntu ýmissi undir-
búningsvinnu vegna hátíðarinn-
ar og höfðu reyndar frumkvæði
að henni. Bryndís sagði í samtali
við Skessuhorn að allur undirbún-
ingur hafi gengið gríðarlega vel og
allir íbúar lagst á eitt að láta hlut-
ina ganga og leggja auk þess hönd
á plóg.
„Við byggjum nokkuð á safna-
deginum sem haldinn hefur verið
hátíðlegur um hríð. En nú bættum
við ýmsu við eins og markaði, tón-
leikum, dýrum, ratleik og ýmsu
fleiru. Sem sagt meira var stílað
inn á að allur aldur fyndi eitthvað
við sitt hæfi,“ sagði Bryndís. Hún
sagði jafnframt að í þetta sinn virt-
ust gestir koma af fleiri ástæðum
en áhuga fyrir öldnum dráttarvél-
um. „Búvéladagurinn dregur allt-
af að, en núna komu einnig margir
sem unna staðnum, hafa verið hér
í skóla en auk þess fjöldi fólks sem
hefur aldrei komið að Hvanneyri
áður. Það var sannkallaður ævin-
týrabragur yfir þessum degi og
það smitaðist alla leið, bæði til við-
burða dagsins og tónleika Brother
Grass um kvöldið. Ekki skemmdi
fyrir að veðrið var dásamlegt.“
Bjarni Guðmundsson forstöðu-
maður Landbúnaðarsafnsins seg-
ir himnaföðurinn hafa skaffað
Hvanneyringum og gestum þeirra
gott veður sem hann voni að flest-
ir hafi munað eftir að þakka fyrir
því þegar búið sé að rigna í mánuð
muni vera þakkarvert að ský fari af
himni. Að mati Bjarna voru ríflega
eitt þúsund manns sem mættu, allt
gekk ljúflega og tiltókst með ágæt-
um.
Í samtali við Skessuhorn sagði
Bjarni ennfremur að safnadag-
urinn á Hvanneyri hafi mótað
ákveðinn hóp sem skilar sér alla
jafnan. „Auk þess komu margir að
kynna sér það sem var á boðstóln-
um og einnig gamlir skólafélag-
ar. Sem dæmi veit ég um skóla-
félaga mína, 51 árs nemendur, sem
komu. Á þessari sveitahátíð nut-
um við skipulags sem mótast hef-
ur í árafjöld.“
Í ávarpi Bjarna á hátíðinni
nefndi hann að skóli þyrfti að hafa
rætur og vængi. Ræturnar þyrftu
að tengjast fólki. Þeim sem hafa
stundað námið, fólk sem er núna
og væntanlegum nemendum. Án
þessa yrði ekki skóli. Almennt tel-
ur Bjarni að skólasaga Borgfirð-
inga sé afar merkileg og alveg
ástæða til að halda henni á lofti.
bgk/ Ljósm. Áskell Þórisson.
Pennagrein
Glæsileg hátíð á Hvanneyri ­ takk fyrir!
Það var mik-
ið um dýrðir
á Hvanneyri síðastliðinn laugardag
en þá blésu heimamenn til hátíð-
ar í tilefni þess að 125 ár eru lið-
in síðan fyrsti nemandinn hóf nám
við Bændaskólann. Hátíðahöldin
voru tengd við hinn árlega safndag
og var Landbúnaðarsafnið með
sína dráttarvélasýningu og félagar í
Fornbílafélagi Borgarfjarðar mættu
með lystikerrur á ýmsum aldri. Há-
tíðahöldin voru þó fyrst og fremst
til þess að minnast upphafs skóla-
starfs á Hvanneyri og vekja athygli
á langri og merkilegri skólasögu á
Hvanneyri og þess mikla starfs sem
þar hefur verið unnið í þágu land-
búnaðarframfara samfellt í fjórð-
ung á aðra öld.
Hátíðin á laugardaginn var ekki
hugmynd eða að frumkvæði for-
svarsmanna Landbúnaðarháskól-
ans. Hugmyndin og allt frum-
kvæði að þessum glæsilega degi
áttu tvær ungar athafnakonur sem
búsettar eru á Hvanneyri. Þessar
ungu konur, Bryndís Geirsdóttir
og Stefanía Nindel, hrundu þessu
í framkvæmd, kynntu hugmynd-
ina fyrir forsvarsmönnum skólans
og heimamönnum á Hvanneyri.
Forsvarsmenn skólans sýndu hug-
myndinni ekki áhuga svo úr varð
þeirra eigin framkvæmd með að-
stoð heimaaðila.
Árangur þessa frumkvæðis varð
svo hinn glæsilegasti hátíðardag-
ur þar sem staðurinn skartaði
sínu fegursta. Fjölbreytt dagskrá
við allra hæfi var í boði og veður-
guðirnir tóku gleði sína og fögn-
uðu með 1200-1400 gestum sem
sóttu heim staðinn. Það var hátíð-
leg stund í Hvanneyrarhirkjugarði
þegar börnin gróðursettu blóm á
leiði Hjartar Hanssonar, hins fyrsta
nemanda skólans, og litlar hendur
fóru varfærnum höndum um litlar
plönturnar sem prýddu leiði hans.
Í því ölduróti sem ríkt hefur á
Hvanneyri undanfarið misseri og
í þeirri óvisssu sem ríkir um fram-
tíð skólastarfs á staðnum var þessi
dagur kærkominn og mun lengi lifa
í minningu okkar allra sem hans
nutum. Við viljum hér með koma á
framfæri alúaðarþökkum og ham-
ingjuóskum til þeirra Bryndísar og
Stefaníu fyrir þann kjark og áræðni
að hrinda þessum atburði í fram-
kvæmd. Láta ekki tómlæti ráða-
manna né nokkra aðra hindrun
koma í veg fyrir að þessum merku
tímamótum í sögu Hvanneyrar og
skólasögu Íslands hafi verið minnst
með viðeigandi hætti. Hafið heila
þökk kjörkuðu konur!
Magnús B. Jónsson og Steinunn S.
Ingólfsdóttir, Hvanneyri.
Heimafólk, nágrannar og aðrir gestir áttu notalega stund.
Árni í Árdal sem fyrr í hlutverki gestgjafans þar sem hann er manna
bestur. Hér er boðið upp á Árdals - lambamána.
Stephanie Nindel og Bryndís Geirsdóttir skipulögðu hátíðina. Hér eru þær ásamt
Boggu á Bárustöðum.
Ingibjörg Jónasdóttir er óþreytandi
að kynna íslensku ullina og afurðir úr
henni.
Ragnhildur Jónsdóttir í Ausu við vænan stafla af
pönnukökum. Rósa Marinósdóttir í bakgrunni. Þess
má geta að steiktar voru pönnukökur upp úr 21 lítra
af mjólk.
Erlendur Sigurðsson og Guðmundur Hallgrímsson hafa vafalítið getað spaugað
og hlegið dátt.
Glaðst á góðum degi.
Bjarni Guðmundsson forstöðumaður
sagði í ávarpi sínu að skólar þyrftu að
hafa rætur og vængi.