Skessuhorn - 23.07.2014, Blaðsíða 24
24 MIÐVIKUDAGUR 23. JÚLÍ 2014
Félagsmenn í golfklúbbnum Leyni
á Akranesi og velunnarar Valdís-
ar Þóru Jónsdóttur atvinnukylfings
hafa sett á laggirnar „Fuglaklúbb“
sem er stofnaður til að styrkja Val-
dísi við keppnisferðir og ferðalög
á LET Access mótaröðinni. LET
Access mótaröðin er næst-sterkasta
atvinnumótaröð kvenna í Evrópu
og er Valdís Þóra eina íslenska kon-
an sem er að leika á atvinnumóta-
röð.
Í tilkynningu vegna stofnun-
ar klúbbsins segir að þessi „fugla-
klúbbur“ virki þannig að fólk heim-
sækir heimasíðu Leynis og smell-
ir á auglýsingu sem finna má á for-
síðu heimasíðunnar. Þegar búið er
að virkja þessa auglýsingu eru þar
helstu upplýsingar um hvaða fram-
lagi viðkomandi er tilbúinn að skrifa
sig fyrir. Stuðningsmenn Valdísar
vona að félagsmenn Leynis og aðr-
ir velunnarar Valdísar Þóru styðji
við hana. Valdís keppti á dögunum
á mótum í Tékklandi og Belgíu en
náði þar ekki að komast í gegnum
niðurskurðinn, en hársbreidd mun-
aði að það tækist á mótinu í Prag.
Hún er nýkomin heim og verður
meðal keppenda á Íslandsmótinu í
höggleik sem hefst nk. fimmtudag
á Leirdalsvelli, velli GKG á mörk-
um Kópavogs og Garðabæjar. Það
verður eitt af örfáum mótum sem
Valdís Þóra tekur þátt í hér á landi
á þessu ári.
þá
Lúxussnekkjan Vive La Vie átti
um fjögurra tíma viðdvöl í Stykk-
ishólmshöfn á mánudagskvöldið.
Snekkja þessi var smíðuð í Þýska-
landi árið 2009 og er í einkaeigu.
Eigandi snekkjunnar er Svisslend-
ingurinn Willy Michel sem auðg-
ast hefur á hönnun og þróun á in-
súlínsprautum sem notaðar eru til
að meðhöndla sykursýki. Auðæfi
Willys er metin á um 700 milljónir
bandaríkjadala.
Snekkjan kom til Stykkishólms-
hafnar um klukkan hálf tólf á
mánudagskvöldið frá Reykjavík þar
sem hún var bundin við bryggju um
helgina. Að sögn Hrannars Péturs-
sonar, hafnarvarðar í Stykkishólmi,
dvaldi Willy ásamt fjölskyldu sinni í
Stykkishólmi í fjóra tíma. Lét hann
vel af Stykkishólmi og kvaðst ætla
að heimsækja hann aftur heim að
ári liðnu.
jsb
Þrír sjósundsmenn frá Ólafsvík
tóku sig til og syntu til Ólafsvíkur
frá Bulluskeri, um 3,1 kílómetra
leið. Smári Björnsson, Jón Krist-
inn Þórsson og Rúnar Már Jó-
hannsson fóru með báti að skerinu
og stungu sér til sunds. Tók það
félagana einn tíma og fimmtán
mínútur að synda að landi. Rún-
ar Már fékk reyndar krampa þeg-
ar um 100 metrar voru eftir af
sundinu og varð að hætta. Smári
Björnsson sagði í samtali við
fréttaritara að hann hefði synt á
marglyttu sem var út um allan sjó
og hafi það gert sér erfitt fyrir í
lok sundsins.
Vilhjálmur Birgisson og Óli Ol-
sen voru þeim félögum til halds
og trausts á bátnum Þernu SH.
Vilhjálmur stökk síðan af bátnum
og synti með þeim Smára og Jóni
síðustu 500 metrana. af
Næstkomandi laugardag verður í
annað sinn haldin þríþrautakeppni
á Akranesi. Í þrautinni er farið um
náttúruperlur Akraness; Langa-
sand og Akrafjallið. Hjólað er til
og frá Akrafjalli, hlaupið eða geng-
ið á fjallið og þrautin endar síðan
með því að syntir verða 400 metr-
ar meðfram Langsandi þar sem
þrautin hefst og endar. Það er Sjó-
baðsfélag Akraness sem skipulegg-
ur keppnina ásamt Björgunarfélagi
Akraness, en þrautin er haldin með
stuðningi Akraneskaupstaðar og
Norðuráls og ber nafnið Álmaður-
inn.
Pálmi Haraldsson, einn for-
svarsmanna þríþrautarinnar, seg-
ir að hún hafi verið haldin í fyrsta
sinn í fyrra og þá í tilraunaskyni og
ekki verið mikið kynnt. Þá hafi um
25 tekið þátt og þátttakendur ver-
ið mjög ánægðir með braut og vett-
vang. Pálmi segir að vonast sé eft-
ir góðri þátttöku núna en hámarks-
fjöldi verður 50 manns. Skráning
verður á hlaup.is og þátttökugjald er
2.000 krónur. Keppnin hefst klukk-
an 13 á laugardaginn við Langa-
sand en kynning á keppnisleið byrj-
ar klukkan 12:15 í Jaðarsbakkalaug
við Langasand og þar verður að-
staða fyrir keppendur. Hægt er að
senda tölvupóst á netfangið almad-
urinn@gmail.com til að fá frekari
upplýsingar um þrautina.
Þríþrautin Álmaðurinn skiptist
í að hjólað verður frá Langasandi
5,5 km leið upp að Akrafjalli, þar
af 1,3 km eftir malbiki. Gengið eða
hlaupið er upp á Háahnjúk í Akra-
fjalli 550 metra, skrifað þar í gesta-
bók, og farið sömu leið til baka. Þá
verður aftur farið á hjólið og haldið
sömu leið til baka niður að Langa-
sandi þar sem þrautin endar á 400
metra sundi. Grunnsævi er á þeirri
leið og geta keppendur gengið ef
þeim fipast sundið. Hjálparsveit-
armenn verða á Akrafjalli og bát-
ur frá Björgunarfélagi Akraness til
taks við Langasand. Tímataka er
og drykkjarstöðvar á leiðinni. Boð-
ið verður upp á drykki og hressingu
við Akrafjall og Langasand. Þess
má geta að síðasta sumar luku þátt-
takendur þrautinni á bilinu einni og
hálfri til tveimur klukkustundum.
þá
Freisting vikunnar
Reyktur makríll
Dag ur í lífi...
Nafn: Marinó Ingi Ey-
þórsson
Starfsheiti/fyrirtæki:
Leiðsögumaður/Spotter
hjá Láki Tours
Fjölskylduhagir/bú-
seta: Giftur. Konan mín
heitir Ragnheiður Krist-
jánsdóttir og eigum við
tvo stráka, Mikael Inga
Davíðsson 6 ára og Ey-
þór Henrý Marinósson
14 mánaða.
Áhugamál: Fjölskyldan, vinirnir,
vatnasport, golf, ferðalög, hvala-
skoðun og margt fleira.
Vinnudagurinn: Fimmtudagur-
inn 17. júlí 2014.
Mætt til vinnu og fyrstu verk:
Ég mæti í vinnu kl 8:00 á Hót-
el Framnes. Byrja yfirleitt dag-
inn með tveimur kaffibollum og
stundum einni möffins, ef hann
Addi leyfir. Síðan leggjum við af
stað útí Ólafsvík þar sem hvala-
skoðunarbáturinn Brimrún
liggur við bryggju.
Kl. 10:00: Leggjum við af
stað í fyrri ferð dagsins út
úr Ólafsvíkurhöfn og hefj-
um leit af hvölum. Við kom-
um í land um kl. 13 og flýt-
um okkur á veitingastaðinn
Hraun til að snæða hádegis-
verð áður en við leggjum af
stað í seinni ferð dagsins.
Kl. 14:00: Þá leggjum við
af stað í seinni ferðina. Við
komum svo í land um kl.
17 og göngum frá bátnum.
Vinnudeginum lýkur
með góðum rúnti aft-
ur heim til Grundar-
fjarðar.
Hvað stendur upp úr
eftir vinnudaginn?
Þegar farþegarnir komu
ánægðir aftur í land.
Var dagurinn hefð-
bundin: Já, svona er
mjög hefðbundinn
vinnudagur hjá mér.
Hvenær byrjaðir þú í þessu
starfi? Ég hef starfað hjá Láki To-
urs frá því í ágúst árið 2013 og
líkar það rosalega vel. Ótrúlega
hressir yfirmenn og samstarfs-
fólk.
Er þetta framtíðarstarfið þitt?
Ég hef mjög gaman af því að
spjalla við fólk og fræða það um
landið okkar og allt sem náttúran
býður upp á. Hver veit nema ég
haldi mig í þessu starfi til fram-
tíðar.
Leiðsögumanns
Makríll er nýr valkostur á borð-
um Íslendinga. Þar sem hann er
í vaxandi mæli uppi í flæðarmáli
í kringum landið er ekki úr vegi
að gefa uppskriftir af þessum fiski
sem mörgum þykir lostæti, ekki
síst reyktur.
Snakk á milli mála
Eitt flak reyktur makríll, brauð-
sneið, hvítlauksolía og tómat-
mauk. Skerið brauðið og ristið í
hvítlauksolíunni á heitri pönnu.
Setið síðan tómatmaukið á brauð-
ið og makrílinn yfir. Gott á milli
mála.
Reyktur makríll með
nýjum kartöflum
50 gr. smjör, 16 kartöflur, 1 van-
illustöng, 2 svartar kardimomm-
ur, 4-6 gulrætur, 150 ml gul-
rótasafi, 150 ml appelsínusafi, 4
grænir tómatar, 4 flök af reyktum
makríl. Til skrauts er steinselja og
brasilíuhnetur.
Aðferð: Sjóðið kartöflurnar þar
til þær eru næstum tilbúnar. Sker-
ið þær í tvennt og haldið hýðinu á.
Setjið smjörið á pönnu og bræð-
ið þar til það byrjar að freyða og
karamellast. Skerið vanillustöng-
ina í tvennt, skafið innan úr henni
og bætið út í smjörið ásamt kardi-
mommum. Raðið kartöflum á
pönnuna með sárið niður. Steik-
ið þær í u.þ.b. 5 mín. Bætið smá-
vegis af smjöri á pönnuna svo að
það brenni ekki. Skerið síðan gul-
ræturnar gróft niður og bætið út
í, ásamt gulróta- og appelsínusafa,
bætið í pönnuna og sjóðið nið-
ur um helmingi. Skerið tómatana
í bila, bætið einnig út í og sjóðið
í smá stund. Roðflettið að lokum
makrílinn og brjótið niður í pönn-
una. Saxið steinseljuna fínt, krydd-
ið með salti og bætið seinseljunni
og brasilíuhnetunum út á. Gjörið
þið svo vel. (Uppskrift er fengin úr
Matarklúbbi Hrefna Sætran).
Reyktur makríll er að margra mati
herramannsmatur. Myndin er ekki
af uppskriftinni sem hér fylgir heldur
fengin á veraldarvefnum.
Hjólað er til og frá Langasandi að Akrafjalli og hlaupið eða gengið á fjallið.
Ljósm. Guðmundur Bjarki.
Þríþrautin Álmaðurinn á
Akranesi um næstu helgi
Fuglaklúbbur til styrktar
Valdísar Þóru á LET Access
Komið að landi eftir langt og erfitt
sund; Vilhjálmur, Smári og Jón. Þess
má geta að Jón ætlar að taka þátt í
Drangeyjarsundinu sem fer fram um
næstu helgi.
Syntu af Bulluskeri til Ólafsvíkur
Lúxussnekkjan Vive La Vie í höfninni í Stykkishólmi. Ljósm. Stefán Ólafsson.
Lúxussnekkja á ferð
í Stykkishólmi