Skessuhorn - 30.07.2014, Blaðsíða 6
6 MIÐVIKUDAGUR 30. JÚLÍ 2014
Hæstiréttur
staðfestir
einangrunarvist
LANDIÐ: Hæstiréttur hef-
ur staðfest fjögurra vikna
gæsluvarðhaldsdóm Héraðs-
dóms Vesturlands sem kveður
á um einangrunarvist tveggja
manna sem grunaðir eru um
stórfelda líkamsárás í Grund-
arfirði aðfararnótt 17. júlí sl.
Ástæðan er sú að myndbands-
upptöku af atburðinum og
framburði árásarmannanna
ber ekki saman. Telur lög-
reglan að rannsókn málsins
muni skaðast ef sakborningar
gangi lausir á meðan rannsókn
stendur yfir. Fórnarlambið úr
árásinni í Grundarfirði, mað-
ur á þrítugsaldri, liggur enn
þungt haldinn á gjörgæslu-
deild Landspítalans. Fram
kemur í lýsingu frá héraðs-
dómi 17. júlí í kjölfar ummæla
vitnis og myndbandsupptöku
að árásin hafi verið óvenju-
lega hrottaleg. Árásarmenn-
irnir séu grunaði um að hafa
slegið fórnarlamb sitt með
þeim afleiðingum að hann féll
til jarðar. Slóst höfuð hans við
jörðina. Þá hafi annar árásar-
mannanna sest klofvega yfir
hinn slasaða einu sinni eða
tvisvar og slegið í höfuðið með
krepptum hnefa.
–jsb
Langjökulsvegi
lokað 12. ágúst
BORGARFJ: Brúin yfir jö
kul ána Geitá á Langjökuls-
vegi nr. 551 ofan við Húsa-
fell, verður lokuð frá 12. ágúst
til 22. september. Til stendur
að byggja nýja brú yfir Geitá.
–mm
Verslunarmannahelgin er framundan. Henni fylgir jafnan mikil umferð á þjóðvegum landsins, ekki síst á þeim leiðum sem
liggja til besta veðursins. Nú er því spáð að um vestanvert landið verði besta veðrið um komandi helgi. Við trúum því og
hvetjum um leið þá sem verða á faraldsfæti til að aka með gát. Munum að þolinmæði og árvekni í umferðinni er lykillinn að
því að allir komi heilir heim. mm/ Ljósm. Þóra Sif Kópsdóttir.
Skipulags- og umhverfisnefnd Akra-
neskaupstaðar fór á fundi sínum sl.
mánudag yfir athugasemdir sem
bárust vegna auglýstra deiliskipu-
lagsbreytinga á lóð við Heiðarbraut
40, gamla bókasafnshúsinu. „Skipu-
lags- og umhverfisnefnd leggur til
við bæjarstjórn að tekið verði tillit
til athugasemda nágranna sem bár-
ust vegna deilskipulagsbreytinga á
Heiðarbraut 40, með eftirfarandi
hætti,“ segir í fundargerð nefndar-
innar. Í fyrsta lagi að felldur verði
niður fyrirhugaður byggingarhluti
suðvestan við núverandi byggingu.
Í annan stað að fyrirhugaður bygg-
ingarhluti norðaustan við núver-
andi byggingu verði tvær hæðir í
stað þriggja. Loks leggur nefndin
til að bílastæði við húsið skuli a.m.k
verða jafnmörg og fjöldi væntan-
legra íbúða.
Í fyrrgreindri skipulagstillögu,
sem auglýst var í maí síðastliðn-
um, var lagt til að notkun hússins
yrði breytt úr bókasafni í íbúða-
byggð með 26 íbúðum. Til að ná
fram þeirri breytingu var lagt til að
byggingarhlutfall lóðar yrði auk-
ið úr 0,4 í 0,87. Eins og fram hefur
komið í Skessuhorni stóð um tíma
til að breyta húsinu í hótel en frá-
farandi bæjarstjórn hafnaði hótel-
byggingu á sínum tíma vegna and-
stöðu íbúa í nágrenninu. Miðað við
fyrrgreinda bókun skipulagsnefnd-
ar mun verktakinn ekki fá fram þá
breytingu sem óskað var eftir að
gera á húsinu til að þar verði 26
íbúða hús.
mm
Vilja taka tillit til athugasemda nágranna
Fækka grenndar-
stöðvum
BORGARBYGGÐ: Í framhaldi
af því að sorpflokkun er nú hafin í
dreifbýli Borgarbyggðar hefur ver-
ið ákveðið að fækka grenndarstöðv-
um um fjórar strax um þessi mán-
aðamót. Þetta eru stöðvar við Hey-
dalsafleggjarann gegnt Hraunholt-
um, stöð við Vatnshamra í Anda-
kíl, ein við félagsheimið Valfell í
Borgarhreppi og loks við Baulu í
Stafholtstungum. Í tilkynningu frá
Borgarbyggð segir að ekki standi til
að flytja þessa gáma á aðrar grennd-
arstöðvar. –mm
Tvær rafbækur
frá Helga
AKRANES: Helgi Guðmunds-
son rithöfundur á Akranesi hefur
skrifað tvær rafbækur sem nýver-
ið komu út hjá emma.is. Þetta eru
bækurnar Marsibil og Leópold
sirkusljón hrellir borgarbúa. Hin
fyrrnefnda er skáldsaga sem hent-
ar ungum sem öldnum, en hin
síðarnefnda er ærslafull barna-
bók. Báðar ættu þær að henta vel
í sumarfríum. Bækurnar komu á
sínum tíma út hjá Máli og menn-
ingu. –fréttatilk.