Skessuhorn - 30.07.2014, Blaðsíða 10

10 MIÐVIKUDAGUR 30. JÚLÍ 2014
Vel sótt Sturluhátíð í Saurbænum
Félagsheimið Tjarnarlundur við
Staðarhólskirkju í Saurbæ í Döl-
um var þétt setið á sunnudaginn
þegar þess var minnst að 800 ár
eru liðin frá fæðingu Sturlu Þórð-
arsonar sagnaritara, skálds og lög-
sögumanns. Líklega hafa verið hátt
í 200 manns á hátíðinni sem eru
mun fleiri en aðstandendur hátíð-
arinnar höfðu þorað að vona.Vig-
dís Finnbogadóttir fyrrverandi for-
seti Íslands var sérstakur gestur há-
tíðarinnar. Sveinn Pálsson sveitar-
stjóri Dalabyggðar setti hátíðina
en síðan tók Einar K. Guðfinnsson
forseti Alþingis til máls og að því
loknu Olemic Tommessen forseti
norska stórþingsins. Einar Kára-
son rithöfundur og Guðrún Norð-
dal forstöðumaður Árnastofnun-
ar fjölluðu um Sturlu Þórðarson.
Elísabet Haraldsdóttir menningar-
ráðunautur sagði frá Sturluþingi
barna sem efnt verður til í sam-
vinnu við grunnskóla á Vesturlandi
í vetur og þau Halla Steinólfsdótt-
ir bóndi og Sumarliði Ísleifsson
sagnfræðingur ræddu um Dalina
og framtíðarsýn. Milli atriða fluttu
Steindór Andersen og Hilmar Örn
Hilmarsson rímur.
„Gripum hugmynd
Kjartans“
Dalamaðurinn Svavar Gestsson
fyrrverandi alþingismaður og ráð-
herra sagði í samtali við Skessu-
horn að loknum hátíðarhöldum
í Tjarnarlundi að sín aðkoma að
þessu væri sú að hann væri einn
þriggja sem skipaðir hefðu ver-
ið í undirbúningsnefnd enda hefði
hann sérstakan áhuga á þessu verk-
efni sem þróunarverkefnið um
Sturlu Þórðarson og Sturlusetur er.
„Kjartan Ragnarsson nefndi þetta
við mig fyrr á árinu að nú væri af-
mæli og hvort Dalamenn ætluðu
ekki að halda upp á það. Auðvitað
gripum við þessa góðu hugmynd
hans. Sturla Þórðarson er auðvitað
þjóðareign en við Dalamenn vilj-
um að þjóðin öll veiti honum at-
hygli og Dölunum líka í því sam-
hengi.“ Svavar sagði að sér fynd-
ist hafa vel tekist til. „Ég er bara
svakalega ánægður með þetta. Að-
sóknin er stókostlega og framar
öllum vonum. Við röðuðum hérna
upp 110 stólum í gær og það var
setið í hliðarsal að auki og hérna
frammi. Einhverjir hurfu svo frá
vegna þrengsla. Þetta er eitthvað
sem við bjuggumst ekki við. Ég er
líka ánægður með að við skyldum
fá alla þessa glæsilegu ræðumenn,
að Vigdís Finnbogadóttir skyldi
vera hér með okkur allan tímann
og forseti Alþingis og norska stór-
þingsins. Erindi Einars Kárason-
ar og Guðrúnar Norðdal voru eig-
inlega bara stórtíðindi líka,“ sagði
Svavar Gestsson.
Þetta er allt tóm
dásemd
Dalabyggð stóð að hátíðinni en
þar er unnið að þróunarverkefni
um Sturlu Þórðarson og Sturlu-
setur í samvinnu við Háskóla Ís-
lands. Sveinn Pálsson sveitarstjóri
var að vonum ánægður eins og
Svavar. „Við skipuðum nefnd til
að undibúa þessa hátíð með góðu
fólki en hugmyndin kom til okkar
eins og Svavar Gestsson sagði frá
hér áðan. Við getum ekki annað en
verið hamingjusöm með þennan
dag því hér er mikið af góðu fólki
saman komið og við höfum feng-
ið skemmtilega fyrirlestra. Veðr-
ið hefur leikið við okkur og þetta
er allt tóm dásemd, allt eins og það
á að vera. Auðvitað vonuðumst við
eftir góðri þátttöku og töluðum
um að við gætum fengið hingað
fjörutíu manns eða fleiri en þetta
er framar öllum björtustu vonum.
Það var fullt hús hér og það geta
verið um 200 manns. Nú er nefnd
að störfum sem á að skila af sér upp
úr áramótum og þá fáum við von-
andi hugmyndir um hvernig við
getum unnið úr þessari miklu arf-
leifð sem Dalirnir eiga og hér hef-
ur verið kynnt, sem er auðvitað al-
veg stórkostlegt,“ sagði Sveinn
Pálsson. hb
Salurinn í Tjarnarlundi var þétt setinn og ríflega það því að auki var setið í hliðarsal og staðið á gangi. Minnismerkið og kirkjan í Saurbæ.
Hilmar Örn Hilmarsson og Steindór Andersen fluttu rímur.
Heimafólkið úr Dölunum, Halla Stein-
ólfsdóttir bóndi og Sumarliði Ísleifsson
sagnfræðingur.
Olemic Tommessen forseti norska
stórþingsins.
Sveinn Pálsson sveitarstjóri.
Svavar Gestsson.
Einar K. Guðfinnsson forseti Alþingis.
Einar Kárason rithöfundur.
Guðrún Norðdal forstöðumaður Árna-
stofnunar
Í lok hátíðarinnar var gengið að Staðarhóli þar sem Sturla bjó um árabil og er jarðsettur. Magnús Sigurðsson minjavörður
hélt þar tölu.