Skessuhorn - 30.07.2014, Blaðsíða 22
22 MIÐVIKUDAGUR 30. JÚLÍ 2014
Ferðasagan úr lokaferð Víkings til Danmerkur
Haft var á orði einu sinni að ef Vík-
ingur AK-100 hyrfi úr leguplássi
sínu í „dokkinni“ við litlu bryggjuna
á Akranesi þá þyrfti að breyta deili-
skipulagi hafnarinnar. Skipið hlyti
að vera inn á skipulaginu svo lengi
hefði það legið þar. Upp úr hádegi
föstudagsins 11. júlí lagði Víkingur
AK-100 af stað í sína síðustu sjóferð
eftir mikla farsæld og tryggð í tæp
54 ár en skipið kom fyrst til heima-
hafnar 21. október 1960. Ferðin lá
yfir hafið til Danmerkur, nánar til-
tekið til Grenå á Jótlandi en end-
urvinnslufyrirtækið Fornæs, sem
þar er með bækistöðvar hafði keypt
skipið. Fornæs sérhæfir sig í niður-
rifi gamalla skipa og endurvinnslu
alls þess sem hægt er að nýta úr
þeim. Útgerð Víkings, HB Grandi,
seldi skipið til Víkings fyrir 43 millj-
ónir íslenskra króna og upphæðin
er svolítið kunnugleg því kaupverð
skipsins árið 1960 var 41 milljón ís-
lenskra króna. Upphæðin er nán-
ast sú sama en á þeim 54 árum sem
liðin eru hefur gengi íslensku krón-
ur verið fellt oftar en tölu verður á
komið og tvö núll þar að auki tekin
aftan af íslensku krónunni um ára-
mótin 1980-81. En krónurnar segja
lítið því verðmætin sem skipið hefur
skapað í þessa ríflega hálfu öld eru
ómælanleg.
Á fimmtíu ára afmæli Víkings
AK-100, fyrir fjórum árum, birtist
hér í Skessuhorni sérblað um sögu
þessa fengsæla skips í hálfa öld. Fyrr
í þessum mánuði, skömmu áður en
skipinu var siglt til Danmerkur þar
sem það verður rifið, var ákveðið að
Haraldur Bjarnason tíðindamaður
Skessuhorns færi með í ferðina og
ritaði lokakaflann. Hér og á næstu
síðum er birt ferðasagan en auk þess
rætt við menn um borð í þessari síð-
ustu ferð skipsins. Þá er einnig sagt
frá fyrirtækinu sem keypti Víking,
en hlutir úr Víkingi verða settir á
varahlutasafn þess.
Fámenn en
fjölbreytt áhöfn
Um borð var aðeins sex manna áhöfn
að þessu sinni á skipi sem upphaf-
lega var mannað með 34 mönnum
en lengst af 14-15 mönnum. Skip-
stjóri á síðustu ferðinni var Gunnar
Gunnarsson en hann var skipstjóri á
Víkingi síðustu loðnuvertíðina sem
hann var gerður út en loðnuveiðum
skipsins lauk endanlega í mars 2013.
Stýrimaður í ferðinni var Magn-
ús Þorvaldsson, sem var skipstjóri á
Víkingi næstu sjö árin þar á undan.
Yfirvélstjóri var svo Sigurður Villi
Guðmundsson en hann hefur lengst
allra verið í skipsrúmi á Víkingi en
þar um borð hefur hann verið vél-
stjóri samfellt í 38 ár. Fyrsti vélstjóri
var Gunnlaugur Pálmason, sem
jafnframt var yngstur í áhöfninni
og á pari við skipið sjálft, fæddur
1960. Hásetar voru svo skráðir Pét-
ur Baldvinsson og Haraldur Bjarna-
son, sá er þetta ritar.
Himnarnir grétu er
skipið kvaddi Akranes
Eftir bjartan föstudagsmorgun
þann 11. júlí þykknaði upp og þegar
Víkingur lét úr Akraneshöfn, flóð-
rigndi. Engu líkara var en himn-
arnir grétu þungum tárum yfir
því að þessi höfðingi legði af stað í
hinstu för. Heldur birti til og land-
sýn var við Reykjanes og með mest-
allri suðurströndinni. Síðan fór að
þykkna upp og nánast það sem eftir
lifði ferðar var þungbúið, þoka og
oft rigning. Ferðin yfir hafið gekk
áfallalaust. Siglt var í sundið milli
eyjanna norður af Suðurey, rétt við
Stóra Dímun í Færeyjum. Menn
höfðu haft vonir um að geta horft
á úrslitaleik Þjóverja og Argent-
ínumanna á heimsmeistarmótinu í
knattspyrnu, en ekkert sjónvarp var
lengur um borð nema eitt gamalt
túpusjónvarp sem stoðaði lítt þar
sem loftnetstengingar voru engar
fyrir gerfihnött. Gamla langbylgjan
í útvarpinu dugði vel og var hlustað
á hana í gegnum talstöðina. Send-
ingin frá Eiðasendinum náðist al-
veg að ströndum Danmerkur með
hæfilegum brestum og truflunum
frá útlendum stöðvum. Ekki síst
eftir úrslitaleikinn þegar sigurópin
hljómuðu úr þýskri stöð.
Gangtruflanir og
olíuskortur
Þegar komið var austur fyrir Hjalt-
landseyjar fór að þykkna yfir brún-
um yfirvélstjórans. Olía til farar-
innar hafði verið útreiknuð ræki-
lega en frekar naumt skömmtuð og
nú sagði það til sín. Einhver óþverri
var farinn að koma úr olíutönkun-
um sem þýddi að drepa þurfti á
vél og skipta um síur. Þegar lengra
dró versnaði þetta ástand og vélin
drap á sér rétt áður en komið var að
Víkingur siglir í sína hinstu ferð. Ljósm. jsb.
Gísli Gíslason hafnarstjóri Faxaflóahafna fylgdi Víkingi út fyrir
bauju á báti sínum, Jóni forseta.
Síðasta áhöfn Víkings AK-100 skömmu fyrir brottför frá Akranesi.
Á myndina vantar Gunnlaug Pálmason en hann var upptekinn í
vélarrúminu. Ljósm. jsb.
Góð landsýn var við Reykjanes.
Súlur voru áberandi ferðafélagar í þokunni við landið og í hafinu.
Vindmyllurnar með stjórnstöðinni, sem svipar til olíuborpalls.
Flutningaskipin á legunni við Skagen.
Mættum Norrænu í þokunni austur af Hjaltalandseyjum.
Vitinn og vitavarðarbústaðurinn í Grenå.
Siglt inn til Grenå.