Skessuhorn - 13.08.2014, Blaðsíða 11

11MIÐVIKUDAGUR 13. ÁGÚST 2014
www.omnis.isAkranesi Dalbraut 1 Borgarnesi Borgarbraut 61 ReykjanesbæTjarnargötu 7
skólann
Næstum alltfyrir
Fartölvur af öllum stærðum og gerðum
Árleg sumarferð Félags skógar-
bænda á Vesturlandi var farin laug-
ardaginn 9. ágúst sl. Í fyrra var far-
ið í Dalina og skógarbændur þar
heimsóttir en í ár var stefnan tek-
in til skógarbænda í uppsveitum
Borgarfjarðar. Það voru 33 félagar
sem mættu í rútu hjá Sæmundi að
morgni laugardags ákveðnir í að
kynna sér hvað borgfirskir skóg-
arbændur hefðu afrekað á undan-
förnum árum. Fyrsti bærinn sem
var heimsóttur er Efri Hreppur í
Skorradal og farið í Stallaskóg. Þar
er mjög myndarlegur og vel hirt-
ur útivistarskógur þar sem byrjað
var að gróðursetja árið 1974. Í lok
skógargöngu í Efri Hreppi var boð-
ið upp á kaffi og konfekt. Þaðan var
stefnan tekin í Lundarreykjadal og
stafafurulundur frá 2001 heimsótt-
ur á Tungufelli. Þá var á Oddsstöð-
um skoðuð nytjaskógrækt sem sam-
an stendur af lerki, furu, greni, elri
og birki en þar var byrjað að gróð-
ursetja árið 1999. Á Oddsstöðum
snæddi hópurinn nestið sitt í 101
árs gamalli hlöðu sem búið er að
gera upp að hluta.
Í Reykholtsdal var komið í lerki-
skóg í Deildartungu frá 1997 og
á Steindórsstöðum var komið í
gamla skógarreitinn, sem byrjað
var að gróðursetja í árið 1944. Ekið
var fram að Skógarseli og skóg-
ræktin þar kynnt en þar var byrj-
að að gróðursetja árið 1985. Þaðan
var farið að Rauðsgili í Hálsasveit,
áð og fengið ketilkaffi og lummur
sem bakaðar voru á pönnu við eld.
Á Rauðsgili voru einnig skoðuð
ávaxtatré og býflugnarækt kynnt.
Þá var ekið sem leið liggur um Kol-
beinsrófu og fram hjá skógræktinni
á Úlfsstöðum og yfir í Hvítársíðu.
Síðasti bærinn sem heimsóttur var
er Kirkjuból í Hvítársíðu. Þar er
nytjaskógrækt frá því um 2000. Að
lokinni ferð var komið við í Fossa-
túni í Bæjarsveit og fengu ferða-
langar ljúffenga súpu hjá vertun-
um þar.
Ferð sem þessi hefur margþættan
tilgang. Þetta er skemmtiferð jafnt
sem fræðsluferð og eins til að fólk
sem hefur sameiginleg áhugamál
kynnist. Stjórn félags skógarbænda
á Vesturlandi þakkar gestgjöfunum
fyrir góðar móttökur og þátttak-
endum fyrir ánægjulega ferð.
Fyrir hönd stjórnar FsV,
Guðmundur Sigurðsson.
Ljósm. Þórarinn Svavarsson,
Tungufelli.
Sumar­
ferð Félags
skógar­
bænda á
Vesturlandi
www.skessuhorn.is
Fylgist
þú með?
Áskriftarsími:
433 5500