Skessuhorn - 13.08.2014, Side 12
12 MIÐVIKUDAGUR 13. ÁGÚST 2014
Samtök meðlagsgreiðenda hafa
með bréfi til fjölmiðla vakið athygli
á að Innheimtustofnun sveitarfélaga
greiðir ekki skatta eins og stofnun-
inni er skylt lögum samkvæmt. Í
svari við fyrirspurn, sem samtökin
hafa frá Innheimtustofnun, kem-
ur fram að stofnunin greiddi 1,4
milljón króna í fjármagnstekju-
skatt árið 2012. Samkvæmt lögum
og lögfræði áliti sem Samtök með-
lagsgreiðenda hafa fengið ber Inn-
heimtustofnun hins vegar að greiða
20% af öllum innheimtum dráttar-
vöxtum í fjármagnstekjuskatt. Þá
segir að Ríkisskattstjóri hafi stað-
fest þetta í símtali við samtök-
in. Samkvæmt ársreikningi Inn-
heimtustofnunar námu innheimtir
dráttarvextir 334 milljónum króna
og hefði því greiddur fjármagns-
tekjuskattur átt að vera að lágmarki
69 milljónir króna en ekki 1,4 millj-
ón, að mati Samtaka meðlagsgreið-
enda.
„Við höfum tilkynnt málið til
Ríkisskattstjóra og Tollstjóra sem
sér um innheimtu skatta. Lág-
markskrafa hlýtur að vera að Inn-
heimtustofnun standi sjálf skil á
opinberum gjöldum áður en hún
dregur að sér úborguð laun með-
lagsgreiðenda auk hvers kyns vel-
ferðarbóta, vegna vangoldinna
meðlaga, án þess þó að virða máls-
meðferðarreglur stjórnsýslurétt-
arins eins og andmælareglu og til-
kynningaskyldu,“ segir í tilkynn-
ingu samtakanna. Þá segja Samtök
meðlagsgreiðenda að eins og þekkt
sé orðið, þá búi meðlagsgreiðendur
við langverstu kjörin í samfélaginu,
47% þeirra eru á vanskilaskrá og
þar af eru 57% allra kvenna sem
greiða meðlög í alvarlegum van-
skilum. „Telja samtökin lágmark að
þau stjórnvöld sem hafa það hlut-
verk að sjá til þess að borgarar fari
að lögum, fari sjálf að lögum, bæði
í skiptum sínum við borgarana sem
og við önnur stjórnvöld,“ segir að
endingu í tilkynningu frá Samtök-
um meðlagsgreiðenda.
mm
Skógrækt ríkisins gaf nýverið út
bækling um Stálpastaðaskóg í
Skorradal. Um þennan vinsæla,
hlíðótta skóg liggja göngustígar
með um þrjátíu merktum trjáteg-
undum frá sjötíu stöðum á jörðinni.
Áningarborð eru á nokkrum stöð-
um. Fyrir þá sem lítið þekkja til þá
er Stálpastaðaskógur í norðanverð-
um Skorradal, svo til fyrir miðju
Skorradalsvatns.
Stálpastaðaskógur er á sam-
nefndri 345 ha eyðijörð. Hún hef-
ur verið í eigu Skógræktar ríkisins
frá 1951 þegar Haukur Thors og
kona hans ánöfnuðu Skógræktinni
landið og var skógurinn þá frið-
aður. Árið 1971 var reist minnis-
merki um gjöf þeirra. Minnismerk-
ið stendur miðsvæðis á Stálpastöð-
um, rétt við þjóðveginn. Sagt er að
jörðin hafi aldrei hentað vel undir
hefðbundinn búskap, þar sem hún
er meira og minna ein brekka, en
öðru máli gegnir um skógræktina.
Jörðin var fyrrum kjarri vaxin
en mikið hefur verið gróðursett á
henni frá sjötta áratug síðustu ald-
ar. Byrjað var á því að grisja kjarr-
ið sem fyrir var í landinu og gróð-
ursetja í það, stærstu hríslurn-
ar voru látnar standa og mynduðu
þær skjól fyrir nýju plönturnar. Frá
árinu 1952 hafa verið gróðursett-
ar á Stálpastöðum rúmlega 600.000
plöntur af 28 tegundum frá 70 stöð-
um úr veröldinni á rúmlega 100 ha
lands. Nokkrir einstaklingar hafa í
gegnum tíðina gefið fé til uppbygg-
ingar á Stálpastöðum. Hafa þess-
ar gjafir oft skipt miklu um fram-
kvæmdargetu Skógræktarinnar.
Árið 1952 gáfu hjónin Ingibjörg og
Þorsteinn Kjarval peningaupphæð
sem varið var til gróðursetningar.
Um 1955 gaf Ludvig G. Braathen,
stórútgerðarmaður í Ósló, í nokk-
ur ár skógræktinni fé sem notað
var til gróðursetningar. Einnig má
nefna gjöf sem nemendur Bænda-
skólans á Hvanneyri gáfu til minn-
ingar um skólastjóra sinn, Halldór
Vilhjálmsson. Þau svæði sem gróð-
ursett hefur verið í fyrir þessar gjaf-
ir hafa verið nefnd eftir gefendun-
um. Á Stálpastöðum má því í dag
finna; Kjarvalslund, Braathenslund
og Halldórslund. Þá hafa stórfyrir-
tæki styrkt einstaka verkþætti, ým-
ist með peninga- eða vinnufram-
lagi. Nú eru a.m.k. 30 trjátegund-
ir á jörðinni, að mestu rauðgreni
og sitkagreni. Úr skóginum koma
mörg stærstu jólatorgstré landsins.
Áhersla var frá upphafi á að gróð-
ursetja sitkagreni og er nú á Stálpa-
stöðum mesti skógur þeirrar teg-
undar á landinu, þótt á sl. tíu árum
hafi sitkagreni verið gróðursett í
stærri svæði annars staðar. Stálpa-
staðaskógur er fyrst og fremst
dæmigerður timburskógur og hef-
ur mikið fræðslugildi um ýmis at-
riði varðandi timburframleiðslu úr
sitkagreni hér á landi.
„Stálpastaðaskógur er og verður
mikilvægur vettvangur rannsókna
og fræðslu. Tengist það ekki síst
nálægð hans við Landbúnaðarhá-
skóla Íslands á Hvanneyri, þar sem
háskólanám í skógfræði er nýlega
hafið. Má þar nefna rannsókna-
verkefnið Skógvist sem gengur út
á að skilgreina áhrif nýskógræktar
á vistkerfi,“ segir m.a. í kynningar-
texta í nýja bæklingnum. mm
Athygli vakti að gríðarlegur fjöldi
sótti í vor um starf sveitarstjóra
Hvalfjarðarsveitar. Skúli Þórðarson
fráfarandi sveitarstjóri í Húnaþingi
vestra var ráðinn og byrjar hann í
nýja starfinu 15. ágúst. Slegið var á
þráðinn til Skúla sem hlakkar til að
að hefja hið nýja starf.
„Fjölskyldan hlakkar öll til að
breyta til og flytja á nýjan stað. Við
höfum þegar íbúð í sigtinu í Mela-
hverfinu sem vonandi gengur eft-
ir. Þá ættum við að geta flutt um
mánaðamótin eða ekki síðar en
um miðjan september. Það hefur
aldrei verið spurning í mínum huga
um annað en að búa í samfélaginu,
enda grundvallaratriði að mínu
mati,“ segir Skúli. „Þetta leggst allt
afar vel í mig og mína. Nýr starfs-
vettvangur að kynnast og takast á
við og nýtt fólk og umhverfi til að
mynda tengsl við.“
Best að lofa fáu
í upphafi
Eins og fram hefur komið kem-
ur Skúli úr Húnaþingi vestra þar
sem hann var sveitarstjóri áður. Að-
spurður hvort þessi sveitarfélög séu
mjög ólík, svarar hann að svo sé
kannski ekki, ef grannt væri skoð-
að. Á Hvammstanga sé hverfandi
sjávarútvegur en uppbygging hafi
frekar verið í iðnaði, landbúnaði og
þjónustu ásamt ferðaþjónustu sem
sé umtalsverð. Hann tekur þó fram
að uppbygging iðnaðar sé ekk-
ert sambærileg við það sem gerist
í Hvalfjarðarsveit þar sem iðnaðar-
uppbygging sé á allt öðrum skala
en þekkist annarsstaðar á land-
inu. Sveitarfélagið sé því vel stönd-
ugt og eftirsóknarvert að fá að tak-
ast á við þetta verkefni. Inntur eftir
því hvort hann vilji lofa einhverju
svona fyrirfram í áherslum hins nýja
sveitarstjóra, segir Skúli að best sé
að fara varlega í það. „Mig langar
þó að stuðla að því að tryggja störf,
treysta byggðina betur og fjölga
íbúum. Gróft tekið er það framtíð-
arsýnin til að byrja með.“
Fjölskylda, veiði
og tónlist
Skúli segist vera mikill fjölskyldu-
maður og með henni uni hann sér
best við leik og störf. Eiginkona
hans er Sigurbjörg Friðriksdóttir
sem verið hefur deildarstjóri á leik-
skólanum Ásgarði á Hvammstanga.
Saman eiga þau tvær dætur og fyr-
ir á hún einn son. Barnabörnin eru
orðin þrjú svo Skúli segist búa við
mikið ríkidæmi. „Síðan hef ég gríð-
arlega gaman af veiði, hvort sem er
skotveiði eða stangveiði. Veiði bæði
gæs og rjúpur og gjarnan í jólamat-
inn. Því gæti verið að ég þurfi að
huga að nýjum veiðilendum,“ seg-
ir Skúli glettinn. Tónlistin er einn-
ig stórt áhugamál. „Ég hef verið að
leika mér að því að spila í hljómsveit
með góðum félögum. Ekki ein-
um af þessum frægu, en hljómsveit
engu að síður. Þar er ég á tromm-
unum. Við félagarnir gerðum mikið
af þessu fyrir löngu, hættum svo um
tíma, en komum saman aftur fyrir
um tveimur árum og höfum hald-
ið hópinn síðan. Það er gríðarlega
skemmtilegt,“ segir Skúli Þórðar-
son sem bætir við að endingu að
hann sé einnig ástríðufullur útivist-
ar- og bókmenntaunnandi.
bgk
Gönguleiðir um skóginn eru teiknaðar í nýja bæklinginn.
Kynningarbæklingur gefinn út um Stálpastaðaskóg
Stálpastaðaskógur er fyrst og fremst dæmigerður timburskógur og hefur mikið
fræðslugildi um ýmis atriði varðandi timburframleiðslu úr sitkagreni hér á landi.
Með eiginkonunni, Sigurbjörgu Friðriksdóttur og Skúla Hrafni Sturlaugssyni
barnabarni þeirra úti í Viðey.
Skúli Þórðarson er nýr sveitarstjóri í Hvalfjarðarsveit
Segir nauðsynlegt að búa í samfélaginu
Skúli Þórðarson, nýráðinn sveitarstjóri
Hvalfjarðarsveitar er ástríðufullur
útivistar- og bókmenntaunnandi.
Innheimtustofnun
sveitar félaga greiðir ekki
fjármagnstekjuskatt