Skessuhorn - 13.08.2014, Side 31
31MIÐVIKUDAGUR 13. ÁGÚST 2014
Eimskip | Korngörðum 2 | 104 Reykjavík | Sími 525 7000 | www.ebox.is
eBOX er ný, þægileg og einföld lausn til að flytja minni sendingar
frá Evrópu til Íslands. Á ebox.is er reiknivél sem segir þér á
augabragði hver flutningskostnaðurinn er. Traust og áreiðanlegt
leiðakerfi Eimskips á Norður-Atlantshafi tryggir að sendingin þín
kemur heim með fyrstu ferð. Auðvelt og fljótlegt.
auðveldar smásendingar
Í STÓRUM SKIPUM RÚMAST LÍKA
SMÆRRI SENDINGAR
������� ���������
� e���.��
F
ÍT
O
N
/
S
ÍA
Norðurálsvöllur
Pepsideild kvenna
ÍA – Selfoss
Fimmtudaginn 14. ágúst kl. 19.15
Allir á völlinn
SK
ES
SU
H
O
R
N
2
01
4
Aðalstyrktaraðili leiksins er NORÐURÁL
Norðurálsvöllur
1. deild karla
ÍA – Tindastóll
Þriðjudaginn 19. ágúst kl. 18.45
Allir á völlinn
SK
ES
SU
H
O
R
N
2
01
4
Aðalstyrktaraðili leiksins er BÍLAUMBOÐIÐ ASKJA
Lið Grundarfjarðar lék
tvo leiki í þriðju deild
karla í knattspyrnu um
helgina. Fyrst lék Grund-
arfjörður gegn Hetti frá Egilsstöð-
um á Vilhjálmsvelli á föstudag-
inn. Þar sigruðu heimamenn með
tveimur mörkum gegn einu. Það
var Ragnar Smári Guðmundsson
sem skoraði mark Grundfirðinga.
Grundfirðingar nýttu vel löngu
ferðina til Austfjarða og spiluðu
annan leik á sunnudeginum. Þá
gegn Einherja á Vopnafirði. Loka-
niðurstaðan í þeim leik var jafnt-
efli þar sem bæði lið skoruðu sitt-
hvort markið. Þar var það Heimir
Þór Ásgeirsson sem skoraði mark
Grundfirðinga. Eftir að hafa feng-
ið aðeins eitt stig af sex mögu-
legum í austurferð sinni er Grund-
arfjörður nú í fimmta sæti deildar-
innar eftir tólf umferðir.
Næsti leikur Grundarfjarðar
er gegn ÍH föstudaginn 15. ágúst
klukkan 19 á Grundarfjarðarvelli.
jsb
Eins og greint var frá í Skessuhorni
fyrir skömmu keppir Skagamaður-
inn Halldór Reynisson í bátarallýi
í Noregi. Halldór er sem stendur í
efsta sæti í Noregsbikarnum með 8
stiga forskot á næsta mann. Næsta
keppni sem telur til stiga í Noregs-
bikarnum er í Drammen 23. ágúst
og þar mun Halldór mæta til leiks.
Um síðustu helgi keppti Hall-
dór á Noregsmeistaramótinu í
GT15 bátarallýi sem haldið var við
Tönsberg í Noregi. Hafnaði hann
í þriðja sæti af tíu keppendum og
var aðeins hársbreidd frá öðru sæti.
Að sögn Reynis Georgssonar, fað-
ir Halldórs, er þetta sérlega góður
árangur miðað reynslu Halldórs og
þær aðstæður sem voru um helgina.
„Þetta er glæsilegur árangur og sér
í lagi þar sem þetta er hans fyrsta ár
í þessu sporti. Aðstæður við Töns-
berg voru erfiðar á keppnisdegi.
Það var öldurót og vindhviður tóku
mikið í bátana. Einn bátur í GT15
flokknum valt og kastaðist öku-
maður í sjóinn en var fljótt bjarg-
að af björgunarfólki,“ segir Reynir
um keppnina.
jsb
Jæja, þá er þær byrjaðar og
mega önnur lið fara að vara
sig. Þriðjudaginn 30. júlí tóku
ÍA stúlkur í úrvalsdeild kvenna
á móti FH í elleftu umferð Íslandsmótsins.
Leikurinn var mikið fyrir augað og skoruð
sex mörk sem liðin skiptu bróðurlega á milli
sín. Um leið barst fyrsta stig Skagastúlkna í
hús og eiga þau eftir að verða fleiri. FH byrj-
aði leikinn betur og komst yfir strax á þriðju
mínútu eftir mark frá Önu Victoriu Cate. Eftir
markið vann Skaginn sig inn í leikinn og var
að spila boltanum vel sín á milli. Það lá því
í loftinu að þær myndi ná að skora mark og
tókst þeim það í tvígang á fimm mínútna
kafla. Í bæði skiptin var þar Maren Leósdóttir
sem var að verki. ÍA fór því með verðskuldaða
2-1 forystu inn í hálfleikinn.
Í síðari hálfleik voru það FH stúlkur sem
byrjuðu betur og í þetta skiptið voru það
þær sem héldu boltanum vel og náðu að
byggja upp nokkrar álitlegar sóknir. Ana Vic-
toria náði svo að jafna leikinn á 63. mínútu
en hún var allt í öllu hjá FH liðinu. Skaga-
stúlkur voru þó ekki hættar og eftir frábæra
aukaspyrnu frá Guðrúnu Karítas, sem endaði
í slánni, náði Laken Duchar Clark frákastinu
og skallaði boltann í netið á 83. mínútu og ÍA
því aftur komnar með forystuna. Allt stefndi
í að Skagastúlkur myndin næla sér í öll stig-
in þegar Sandra Sif Magnúsdóttir kom með
frábært skot langt fyrir utan teig sem sveif
yfir markmann ÍA og jafnaði þar leikinn fyr-
ir FH. Lokatölur því 3-3 í mjög fjörugum og
skemmtilegum leik.
mm/fotbolti.net
ÍA tók á móti Þrótti R. í fimm-
tándu umferð fyrstu deildar karla í
knattspyrnu á föstudaginn. Leikn-
um lauk með sigri heimamanna en
bæði lið eru í harðri toppbaráttu í
fyrstu deildinni. Kjöraðstæður voru
til knattspyrnuiðkunar á Akranesi á
föstudaginn. Leikurinn fór heldur
rólega af stað og skiptust bæði lið á
um að vera með boltann. Það voru
gestirnir frá Reykjavík sem skoruðu
fyrsta mark leiksins á tólftu mínútu.
Leikmaður Þróttar átti þá langskot
frá miðju vallarins og fór boltinn
yfir Árna Snæ Ólafsson markvörð
Skagamanna og í netið. Engu var
líkara en markið efldi sókn heima-
manna en aðeins fimm mínútum
síðar var gamli markahrókurinn
Hjörtur Júlíus Hjartarson búinn að
jafna metin. Jafnræði var með lið-
um það sem eftir lifði fyrri hálfleiks
og hefðu bæði lið hæglega getað
bætt við fleiri mörkum. Það voru
þó aðeins heimamenn sem náðu að
klára eitt af sínum færum. Hjörtur
Júlíus skoraði þá sitt annað mark í
leiknum og kom Skagamönnum í
forystu rétt áður en flautað var til
leikhlés.
Heimamenn voru með öll völd
á vellinum í upphafi síðari hálf-
leiks og voru nálægt því að bæta við
marki. Skagamaðurinn og mark-
vörður Þróttara, Trausti Sigur-
björnsson, sá hins vegar við sínum
fyrrum félögum og varði eins og
berserkur í seinni hálfleik. Ekkert
mark var skorað í venjulegum leik-
tíma í síðari hálfleik. Síðasta mark
leiksins kom þegar komið var fram
í uppbótartíma. Þá fékk varamað-
urinn Andri Adolphsson boltann í
fyrsta sinn í leiknum og tók á rás.
Andri hljóp alla leið frá miðju vall-
arins og upp að endalínu þar sem
hann renndi boltanum í markið úr
nánast vonlausu færi. Þar með gull-
tryggðu Skagamenn sér öll stigin
og eru eftir leikinn komnir í mjög
vænlega stöðu í öðru sæti deildar-
innar. ÍA hefur nú fimm stiga for-
skot á HK sem er í þriðja sæti.
Skagamenn mæta sínum helsta
keppninauti um annað sæti deildar-
innar, HK í næsta leik á föstudag-
inn í Kórnum í Kópavogi klukkan
19:15.
jsb
Víkingur Ólafsvík tapaði gegn
Grindavík með tveimur mörkum
gegn engu þegar liðin mættust í 15.
umferð fyrstu deildar karla á Ólafs-
víkurvelli á laugardaginn. Bæði lið
þurftu nauðsynlega á sigri að halda.
Víkingsmenn í toppbaráttunni til
að halda draumnum um úrvals-
deildarsæti á lífi og Grindvíkingar á
hinum enda stigatöflunnar þar sem
þeir berjast fyrir lífi sínu í deild-
inni. Fátt marktækt gerðist í fyrri
hálfleik. Leikmenn beggja liða voru
afar varkárir í sínum aðgerðum og
ekkert mark var skorað.
Aðeins voru liðnar nokkrar mín-
útur af síðari hálfleik þegar gestirn-
ir frá Grindavík komust yfir. Eft-
ir markið einkenndist leikurinn af
mikilli baráttu og voru leikmenn
beggja liða ýmist áminntir eða
skreyttir gulu spjaldi. Það var svo
á 71. mínútu að Eyþór Helgi Birg-
isson fékk að líta sitt annað gula
spjald í leiknum og var þar með
rekinn útaf. Heimamenn áttu erf-
itt með að fóta sig einum leikmanni
færri og að lokum tókst Grindvík-
ingum að bæta við sínu öðru marki.
Þetta reyndist síðasta mark leiks-
ins og lokatölur í Ólafsvík 0-2 fyr-
ir Grindavík. Grindvíkingum tókst
með sigrinum að komast úr falls-
æti en á sama tíma er draumur Óls-
ara um að spila í deild þeirra bestu á
næsta tímabili að fjara út. Víkingur
Ó. eru nú átta stigum á eftir Skaga-
mönnum sem eru í öðru sæti deild-
arinnar.
Næsti leikur Víkings Ó. er gegn
Þrótti R. þegar liðin mætast á Val-
bjarnarvelli næsta föstudag klukk-
an 19.
jsb
ÍA stúlkur
lönduðu fyrsta
stigi sumarsins
Austurferð Grundarfjarðar skilaði einu stigi
Þorsteinn Már Ragnarsson, leikmaður Víkings, í harðri baráttu um boltann við
leikmann Grindavíkur. Ljósm. af.
Úrvalsdeildardraumur Ólsara að fjara út
Fyrirliðinn Ármann Smári og Hjörtur
Júlíus fagna hér öðru marki Skaga-
manna. Ljósm. kfia.is
Skagamenn unnu mikilvægan sigur á Þrótti
Halldór sést hér á gula bátnum sínum
þar sem hann þeytist á fleygiferð í
keppninni í Tönsberg um síðustu helgi.
Ljósm. Reynir Georgsson.
Efstur í Noregsbikarnum í bátarallýi