Skessuhorn - 20.08.2014, Blaðsíða 24

24 abc
Hvað er skemmtilegast við
að skólinn er að byrja aftur?
(Spurt á Akranesi)
Spurning
vikunnar
Sóley Rún Einarsdóttir, 15 ára.
Þá byrja allar íþróttirnar.
Bára Katrín Jóhannsdóttir, 9 ára.
Ég veit það nú ekki, kannski bara að
sjá hvað hefur breyst.
Guðbjarni Sigþórsson, 8 ára.
Að sjá nýju stofuna. Ég fer í 4. bekkjar
stofuna í Brekkubæjarskóla en er
samt að fara í 3. bekk.
Freyja Hrönn Jónsdóttir, 8 ára.
Ég hlakka mest til að sjá nýju
stofuna.
Ólafur Sveinn Ólafsson, 13 ára.
Það er að fá að hitta vini sína aftur.
Grunnskóli Borgarfjarðar
Helstu áherslur tengdar heilsueflingu og grænfána
Reykhólaskóli
Læra og vinna í góðum tengslum við náttúruna
Skólastarf í Grunnskóla Borgarfjarð-
ar hefst fimmtudaginn 21. septem-
ber með skólasetningu og kennsla
hefst samkvæmt stundaskrá daginn
eftir. Skólinn hefur þrjár starfsstöðv-
ar. Á Varmalandi eru 103 skráð-
ir nemendur, í Hvanneyrardeild 26
og á Kleppjárnsreykjum 87, samtals
216 nemendur. Er það mjög svipað-
ur fjöldi og í fyrra en þó örlítil fjölg-
un. Að sögn Ingibjargar Ingu Guð-
mundsdóttur skólastjóra eru nokkr-
ar breytingar í starfsmannahópn-
um í ár en alls starfa 58 við skólann.
„Þessar breytingar eru meðal ann-
ars tilkomnar vegna þess að nokkr-
ar konur eru að fara í barnsburðar-
leyfi og faðir í fæðingarorlof. Þetta
er bara til góðs fyrir skólann þeg-
ar horft er til framtíðar með nem-
endafjölda. Breytingarnar snúa aðal-
lega að starfsmönnum í Kleppjárns-
reykjadeild en minni breytingar eru
á öðrum starfsstöðvum. Tveir nýir
stuðningsfulltrúar byrja í Varma-
landsdeild og einn skólaliði. Þrír
kennarar, aðstoðarmatráður og tveir
stuðningsfulltrúar á Kleppjárns-
reykjum og einn starfsmaður í skóla-
selinu á Hvanneyri,“ segir hún.
Ingibjörg Inga segir helstu
áherslur í skólastarfinu liggja í því
að fylgja eftir þeim verkefnum sem
unnið hefur verið að undanfarin ár
og eru tengd heilsueflingu og græn-
fánavinnu. Í heilsueflingaverkefn-
inu verður geðrækt í forgrunni þetta
skólaár og sjálfbærni og umhverfis-
fræðsla nátengd grænfánaverkefni.
Þá voru allir starfsmenn skólans á
námskeiðum tengdu leiðtogaverk-
efninu „Leader in me“ síðastliðinn
vetur. „Leiðtogaverkefninu er ætl-
að að auka sjálfsöryggi, ábyrgðar-
tilfinningu og frumkvæði. Hver og
einn lærir að koma auga á styrkleika
sína og annarra, að hlusta á nýjar
hugmyndir og tjá hug sinn. Nem-
endur og starfsfólk læra að nýta fjöl-
breytileikann í samstarfi og hvetja
hvert annað til að ná enn betri ár-
angri,“ útskýrir Ingibjörg Inga. Hún
segir aðferðina byggja á sjö venjum
sem nemendur og starfsfólk tileinki
sér og læri að nota. Venjurnar séu
teknar fyrir í ákveðinni röð og bygg-
ir hver venja grunn að þeirri næstu í
röðinni. „Þrjár fyrstu venjurnar snú-
ast um persónulegan þroska, sjálfs-
stjórn og sjálfsaga. Til að ná fram-
förum verðum við að byrja hjá okk-
ur sjálfum. Næstu þrjár lúta að sam-
skiptum okkar við annað fólk, að
byggja upp traust tengsl við aðra og
ná besta mögulega árangri í sam-
starfi við þá. Síðasta venjan í röð-
inni beinist að því að hlúa að sjálf-
um sér til að vera fær um að takast á
við krefjandi verkefni í leik og starfi.
Í framhaldi af námskeiðinu hefur
starfsfólk skólans unnið að því að
tileinka sér venjurnar og undirbúa
innleiðinguna, sem verður á þessu
skólaári.“
Skólinn vel í sveit settur
Einnig er verið að innleiða nýja
námskrá í Grunnskóla Borgarfjarð-
ar og gengur sú vinna vel að sögn
skólastjórans. Allir séu meðvitað-
ir um þær áherslur sem hún kveð-
ur á um. Áhersla er lögð á að tengja
allar námsgreinar við grunnþættina.
Grunnþættirnir sex eiga að fléttast
inn í allt skólastarfið, svo sem efn-
isval og inntak náms og kennslu,
starfshætti og aðferðir og vinnu-
brögð þeirra sem í skólanum starfa
og þegar starfið er metið. „En eins
og allt tekur þetta tíma og við leggj-
um okkur fram um að gera betur
frá ári til árs.“ Ingibjörg Inga seg-
ir helstu sérstöðu skólans að vera
vel í sveit settur, með hæfilegan
fjölda nemenda þar sem auðvelt er
að tengjast samfélagi, sögusviði og
menningu Borgarfjarðar. „Einnig að
skólanum hefur valist öflugt starfs-
fólk sem er tilbúið að vinna eftir
stefnu skólans og einkunnarorðum
hans, sem eru heilbrigði, gleði og
árangur. Með þau að leiðarljósi tök-
umst við á við nýtt skólaár og von-
um að nemendum okkar farnist vel
í námi og samskiptum við samnem-
endur og starfsfólk.“
grþ
Þátttakendur Grunnskóla Borgarfjarðar í friðarhlaupinu
2014.
Grunnskólinn í Reykhólahreppi
verður settur næstkomandi föstu-
dag, 22. ágúst. Líkt og venja er
fylgja nemendur sínum umsjónar-
kennara strax að lokinni setningu
og kennsla hefst samkvæmt stunda-
skrá. Þetta er þriðja ár sameinaðs
skóla á Reykhólum en leikskóla-
deildin tók á móti fyrstu börnunum
16. ágúst síðastliðinn. Í leikskólan-
um eru skráð 16 börn, sjö drengir
og níu stúlkur, á aldrinum eins árs
til fimm ára. Eru flest börnin sem
fæddust árið 2013 nú komin inn í
leikskólann og er nemendafjöldi sá
sami og var í lok síðasta skólaárs. Í
grunnskóladeildinni er skráður 41
nemandi og er það fjölgun um einn
frá því í fyrra. Kynjahlutfallið er
nokkuð ójafnt þar sem drengir eru
25 en stúlkur einungis 16.
Nokkrar breytingar eru á starfs-
mannaliði skólans frá því í fyrra.
Ásta Sjöfn Kristjánsdóttir hefur ver-
ið ráðin sem nýr skólastjóri Reyk-
hólaskóla. Hún er þó ekki ókunn-
ug skólasamfélaginu þar enda hefur
hún starfað sem kennari við skólann
síðan 2003. Þá leysti hún fráfarandi
skólastjóra Önnu Gretu Ólafsdótt-
ur af í fæðingarorlofi síðasta vetur.
„Einnig bætist nýr kennari í hópinn,
Anna Björg Ingadóttir, sem á ættir
sínar að rekja í Reykhólasveitina.
Hún hefur starfað sem grunnskóla-
kennari síðan 2006 í Lágafellsskóla
ásamt því að vera í þjóðfræði í Há-
skóla Íslands og stefnir hún að því
að klára mastersritgerðina sína þar.
Um síðustu áramót bættist einnig
við sérþekkingu í skólanum þegar
Sandra Rún Björnsdóttir iðjuþjálfi
hóf störf,“ segir Ásta Sjöfn. Helstu
markmið Ástu Sjafnar eru að halda
við því góða starfi sem hefur ver-
ið. „Við skólann er að finna mikla
þekkingu og fagmennsku. Í hon-
um starfa fimm grunnskólakenn-
arar, sérkennari, þroskaþjálfi, iðju-
þjálfi og leikskólakennari auk ann-
arra frábærra starfsmanna. Einnig
er stefnt að því að blanda skólastig-
unum meira saman í vetur, þannig
að nú verða fimm ára nemendur í
grunnskólanum sjö kennslustund-
ir á viku.“
Í Reykhólaskóla er lögð mik-
il áhersla á að vinna og læra í góð-
um tengslum við náttúruna og nær-
umhverfið. „Við reynum að skapa
andrúmsloft og umhverfi þar sem
nemendum líður vel og geta þrosk-
ast og dafnað á sínum forsendum
við krefjandi og áhugaverð verkefni
í leik og starfi. Við leggjum einnig
áherslu á að gera nemendur ábyrga
fyrir náminu sínu og veita þeim þá
hvatningu og stuðning við ákvarð-
anatöku um framvindu náms sem
mögulegt er. Jafnframt að samvinna
og jákvæðni sé aðalsmerki nem-
enda og starfsmanna skólans. Kjör-
orð skólans eru „vilji er vegur“,“
segir Ásta Sjöfn. Hún segir helstu
nýjungar í skólastarfinu vera auk-
ið samstarf á milli grunn - og leik-
skóladeildarinnar. Þá er stefnt að
því að halda áfram með innleiðingu
nýrrar aðalnámskrár. „Innleiðing-
in hefur gengið mun hægar en til
stóð, enda er margt nýtt í aðalnám-
skránni sem þarf að skoða vel. En
við stefnum að því að halda áfram
með þessa vinnu í vetur.“ Ásta Sjöfn
nefnir að lokum að ráðist verð-
ur í framkvæmdir á skólalóðinni í
haust. Á lóðinni er gervigrasvöllur
en ekki var búið að ganga frá lóð-
inni. „Ákveðið var að slá tvær flug-
ur í einu höggi og útbúa betri að-
stöðu fyrir nemendur þar í kring.
Landmótun sá um að teikna svæðið
og verður ráðist í þær framkvæmd-
ir núna í lok ágúst þar sem kláruð
verður öll jarðvegsvinna og leiktæki
sett upp. Leiktækin voru keypt fyr-
ir endurgreiðslu frá tryggingafélag-
inu VÍS. Stefnt er að því að svæð-
ið verði tilbúið fyrir jól en hellulagt
verður síðar. Þetta er frábær viðbót
fyrir nemendur grunnskólans og er
þetta eitthvað sem þeir eru búnir
að óska eftir lengi, að klárað verði
svæðið í kringum völlinn,“ segir
Ásta Sjöfn að endingu.
grþ
Útskriftarnemendur leikskóladeildar og tilvonandi nemendur í 1. bekk 2014.
Nemendur í unglingadeildinni fóru til Danmerkur á síðasta skólaári. Á myndinni
eru Aðalbjörg, Sindri, Hulda og Bartek. Nemendur söfnuðu sjálfir fyrir ferðinni og
var hún hin besta skemmtun.
Hópeflisferð starfsmanna.