Skessuhorn - 20.08.2014, Blaðsíða 30
30 MIÐVIKUDAGUR 20. ÁGÚST 2014
Vinkonurnar og bekkjarsysturn-
ar Agnes Mist Flosadóttir og Íris
Petra Jónsdóttir tóku báðar virkan
þátt í sumarlestrinum sem Bóka-
safn Akraness bauð upp á í sum-
ar. Agnes Mist las heilar 49 bækur
og hafði gaman af. „Það voru eig-
inlega allar bækurnar sem ég las
skemmtilegar, eins og Skúli skelf-
ir og Disney bækurnar,“ segir Ag-
nes í samtali við blaðamann. Hún
hafði ákveðið kerfi yfir hvernig hún
leigði sér bækur í sumar og leigði
alltaf fimm bækur í einu, tvær frá
Disney og þrjár aðrar. Íris Petra
vissi ekki nákvæma tölu á bókunum
sem hún las í sumar en sagði þær
hafa verið margar. „Mér fannst bara
allar bækurnar jafn skemmtilegar,“
segir hún og getur alls ekki gert
upp á milli bókanna. Þær lásu eins
mikið og þær gátu og tóku jafnvel
bækur með sér í fríið. „Við vorum
alltaf að lesa, líka þegar við fórum
í sumarbústað,“ segja vinkonurn-
ar samrýmdu sem báðar lærðu að
lesa fimm ára gamlar á leikskólan-
um Teigaseli.
Þetta er annað árið í röð sem Ag-
nes og Íris taka þátt í sumarlestrin-
um og þær ætla báðar að taka þátt
aftur næsta sumar. Þær hafa þó nóg
að gera þangað til enda að byrja í
3. bekk í Brekkubæjarskóla og eru
hvergi nærri hættar að lesa. „Ég
ætla líka að lesa í skólanum í vetur.
Mér finnst skemmtilegast að lesa,
skrifa og vera í stærðfræði,“ seg-
ir Agnes. Íris er sammála vinkonu
sinni en tekur þó fram að henni
finnist skemmtilegast í listgreinum
og Agnes samsinnir. „Svo fáum við
líka að læra dans í skólanum, það er
mjög gaman,“ segja vinkonurnar að
lokum, fullar tilhlökkunar að byrja
í skólanum á nýjan leik.
grþ
Fjórða ráðstefna um stuttrófukyn
sauðfjár verður haldin að Blöndu-
ósi 4.-8. september nk. „Marg-
ir spennandi fyrirlestrar eru á dag-
skránni og fyrirlesarar koma víðs
vegar að. Fyrirlestrar verða fyrir
hádegi en heimsóknir og ferðir eft-
ir hádegi. Þetta er mjög spennandi
ráðstefna fyrir þá sem hafa áhuga á
fé, afurðum þess og umhverfi. Við
hvetjum áhugasama um að skrá sig
á heimasíðu Textílseturs Íslands,
www.textilsetur.com sem allra fyrst.
Hægt er að velja einn og einn dag
og jafvel hálfa daga,“ segir Jóhanna
E Pálmadóttir framkvæmdastjóri
Textílseturs Íslands í tilkynningu.
mm
Hún heitir Jónný Hekla Hjalta-
dóttir og er 18 ára Borgnesing-
ur. Jónný hefur alltaf haft gaman
af því að teikna og langar að vinna
við listsköpun þegar fram í sækir.
Hún hefur verið að teikna persónur
eftir þáttum, tölvuleikjum og bíó-
myndum en mest heillar japanski
teikni-stíllinn, sem kallast anime
og manga. Gerir hún bæði eftir-
hermur og skapar sinn eigin heim
og langar að halda því áfram. Sem
stendur stundar Jónný Hekla nám í
Menntaskóla Borgarfjarðar.
Bjó til dreka, dýr og
sinn eigin heim
„Ég hef alltaf haft gaman af því
að teikna, bara frá því ég var mjög
ung,“ segir Jónný Hekla í upphafi
samtalsins. „Þetta voru helst pers-
ónur sem birtust í hausnum á mér
og þá bjó ég bara til heim í leiðinni.
Reyndar voru þetta ekki bara pers-
ónur heldur teiknaði ég líka mikið
af drekum og alls kyns dýrum. Til
að byrja með var þetta fríhendis og
allt á blað en svo fór ég að prófa að
nota tölvuna til að teikna. Það er
að sumu leyti auðveldara. Þá hef-
ur maður yfirleitt betri stjórn á
myndinni. Auðveldara er að stroka
út og breyta í tölvunni heldur en á
blaðinu. Það sjást engin för,“ seg-
ir Jónný brosandi og bætir við að á
margan hátt sé léttara að vinna liti í
tölvu heldur en á blaði.
Teikniborð og mús
Þegar Jónný byrjaði að nota tölv-
una var hún með teikniborð sem í
raun virkar alveg eins og blað með
blýanti. Hún viðurkennir þó að það
hafi verið erfitt að teikna fyrst í tölv-
unni, en með æfingu hafi hún náð
ágætum tökum á því. En svo bilaði
teikniborðið. „Ég á ekki peninga til
að kaupa mér almennilegt teikni-
borð svo ég fór bara að æfa mig
að nota músina. Það var líka svo-
lítið skrautlegt í upphafi og erfið-
ara, en varð að duga.“ Aðspurð seg-
ir hún að langflestir listamenn sem
teikna í tölvu noti teikniborð, því
það sé auðveldara, eins og áður var
sagt. „Draumur minn er að eignast
teikniborð með skjá sem hægt er að
teikna beint á,“ segir Jónný og það
bregður fyrir bliki í auga.
Japan er heillandi
„Ég hef alveg verið heilluð af því
sem þeir teikna og skapa í Japan.
Meira að segja fór ég að læra smá
japönsku bara sjálf og gerði það í
þrjú ár. Allt bara af því að mig lang-
aði að læra meira og mér finnst
tungumálið fallegt. Vefsíðurn-
ar þeirra eru einnig yfirleitt á jap-
önsku og maður getur ekkert bjarg-
að sér ef engin kunnátta er í jap-
önsku. Það var því ekki um annað
að ræða en að læra bara tungumál-
ið, allavega nóg til að skilja eitthvað,
til að geta grúskað. En ég kann svo
sem ekkert mikið, enda var ég ekki
í skóla að læra þetta. En því miður
er það svo að ef maður er ekki Jap-
ani, sem sagt útlendingur úti í Jap-
an, þá eru minni líkur að ná árangri
í japanskri list.“
Vann óvænt keppni
Jónný er hlédræg og eins og marg-
ur annar sinn harðasti dómari.
Oft er raunin sú að það sem öðr-
um finnst gott, er hún sjálf hund-
óánægð með. En fyrir hvatningu
sendi hún inn mynd í keppni sem
var á stórri listasíðu, sem er bæði
fyrir fag- og áhugamenn, en sér-
staklega áhugamenn. Svo fór að
hún vann í keppninni og kom sjálfri
sér mest á óvart. „Ég átti að teikna
persónu sem einhver annar hafði
skapað. Ég sendi inn mynd og kon-
an sem á þetta dæmdi öll verk sem
komu inn, ásamt vinum sínum.
Ég varð alveg gríðarlega glöð yfir
því að vinna og það gaf mér mjög
mikið í sjálfstraustinu. Síðan heitir
deviantart.com og er mjög vinsæl.
Hún er ekki bara fyrir teiknaðar
myndir, heldur eru þar einnig ljós-
myndir, ljóð og sögur, svo eitthvað
sé nefnt.“ Jónný sendi einnig mynd
í aðra keppni sem í raun var stærri.
Hún var ein af þeim sem lentu þar
í heiðurssæti.
Langar mest
í listaháskóla
Jónný hefur einnig sett eitthvað af
myndunum sínum inn á Facebo-
ok. Fagkennari sem sá myndirnar
hennar gaf þá umsögn að hún ætti
að nota hæfileikana betur og hvatti
hana til að framkvæma meira af sín-
um eigin hugmyndum, því hún væri
efnileg og fær. Svo virðist því sem
gáfan sé til staðar, það þurfi bara
að virkja hana betur. Jónný viður-
kennir að svo geti verið, enda langi
hana í listaháskóla. Hún vill gera
málverk og jafnvel selja, vinna við
að gera teiknimyndir, myndskreyta
t.d. bækur og jafnvel semja sögur
sjálf og búa til myndir við. Sem hún
reyndar hefur aðeins gert. „Mér
fannst hins vegar lengi vel erfitt að
segja neinum frá því sem ég var að
gera. Ég efaðist mjög um sjálfa mig
og gerði mikið af því að rífa mig
niður. Ég er feimin, en þetta hefur
heilmikið lagast, en ég veit að þarna
þarf ég að vinna meira.“
Notar netið til að koma
sér á framfæri
Í dag er auðveldara að sýna heim-
inum hvað verið er að fást við. Þar
spilar hinn víðáttumikli veraldar-
vefur stórt hlutverk. Sem stend-
ur er Jónný við nám í Menntaskóla
Borgarfjarðar og stefnir að því að
klára að ári. „Netið hefur hjálp-
að mér heilmikið. Bæði hef ég selt
myndir og svo er fólk að koma með
athugasemdir um myndirnar mín-
ar, allar uppbyggilegar og jákvæðar.
Svo hef ég sett myndir inn í hópa
á listasíðum. Þar fær maður upp-
byggilega gagnrýni fólks sem veit
hvað það er að segja. Það er gríð-
arlega mikilvægt. Svo bið ég bróð-
ur minn líka oft að kíkja á hvað ég
er að gera. Hann hjálpar mér mik-
ið og kemur með góða gagnrýni.
En það er ekkert leyndarmál að það
þurfa allir listamenn að æfa sig og
maður á aldrei að gefast upp,“ seg-
ir þessi hógværa stúlka Jónný Hekla
Hjaltadóttir að lokum. bgk
Vinkonurnar Íris Petra og Agnes Mist lásu fjöldann allan af bókum í sumar.
Finnst skemmtilegt að lesa
Helga Sólveig Ómarsdóttir með svarta gimbur.
Rætt um stuttrófukyn sauðfjár
Það þurfa allir að æfa sig
Rætt við Jónný Heklu Hjaltadóttur listamann í Borgarnesi
Jónný Hekla Hjaltadóttir, upprennandi listamaður úr Borgarnesi.
Draumur um frelsi heitir þessi fallega
mynd eftir Jónný Heklu.
Þessi mynd heitir Tungl og sól.
Blossom, mætti kannski kalla: Að
blómstra, á íslensku.