Skessuhorn - 20.08.2014, Blaðsíða 32

32 MIÐVIKUDAGUR 20. ÁGÚST 2014
Aðalfundur Skógræktarfélags Ís-
lands var að þessu sinni haldinn á
Akranesi helgina 15. - 17. ágúst í
boði Skógræktarfélags Akraness
og Skógræktarfélags Skilmanna-
hrepps. Á fundinn mættu fulltrú-
ar skógræktarfélaga víðsvegar af
landinu. Auk hefðbundinna aðal-
fundarstarfa voru ýmis fræðsluer-
indi um skógrækt á Akranesi og í
Hvalfjarðarsveit, jólatrjáaræktun,
eplarækt á Akranesi og fleira. Þá
voru farnar kynnisferðir þar sem
Jón Guðmundsson garðyrkjufræð-
ingur á Akranesi var heimsóttur,
Jón Eiríksson í Gröf var sömuleið-
is heimsóttur, gengið um skógrækt-
ina í Slögu, grillað í Garðalundi og
gengið um Álfholtsskóg og boðið
uppá veitingar. Gestirnir voru af-
skaplega ánægðir með móttökurn-
ar og aðstöðu alla.
Á fundinum sýndi Þorsteinn
Tómasson meðal annars birki sem
hann hefur kynbætt eða -breytt og
er með bæði rauð og græn blöð.
Sum kvæmin eru norsk/íslensk en
önnur sænsk/íslensk. Þá var kom-
ið með fjögur myndarleg grenitré
í tengslum við fyrirlestur um jóla-
trjáaræktun. Félagar í Skógræktar-
félagi Akraness og Skógræktarfé-
lagi Skilmannahrepps fengu bæði
græn-rauðu birkitrén og grenitrén
gefins í lok fundarins. Gestirnir
á fundinum dáðust mjög að vexti
trjánna í Álfholtsskógi og í Slögu.
Sérstaklega er breytingin í Slögu
áberandi. Sýndar voru myndir frá
því um 1990 þegar lítið sást móta
fyrir trjám í Slögu. Þetta og margt
ótalmargt fleira var á döfinni á að-
alfundinum sem þótti heppnast vel,
eins og áður segir.
Loks voru fjórir góðir félagar
Skógræktarfélags Akraness og
Skógræktarfélags Skilmannahrepps
heiðraðir fyrir mikið og óeigin-
gjarnt starf að skógrækt. Þetta eru
þau Bjarni Þóroddsson, Guðjón
Guðmundsson, Stefán Teitsson og
Þóra Björk Kristinsdóttir. jbb/mm
Niðurstöðurnar úr skýrslum naut-
griparæktarinnar í júlí 2014 hafa
nú verið birtar á vef Ráðgjafarmið-
stöðvar landbúnaðarins. Reiknuð
meðalnyt 21.239 árskúa á búun-
um sem skilað höfðu inn skýrslum
síðastliðna 12 mánuði var 5.749 kg
en var 5.702 kg mánuðinn á undan.
Mest meðalnyt á síðustu 12 mán-
uðum hér á landi var á búi Sigurðar
og Báru í Lyngbrekku á Fellsströnd
í Dölum. Þar var reiknuð meðalnyt
7.955 kg eftir árskú. Þetta bú var
í öðru sæti í síðasta mánuði. Ann-
að í röðinni nú var bú Brúsa ehf. á
Brúsastöðum í Vatnsdal og þriðja
var Hriflubúið í Þingeyjarsveit. Á
35 búum reiknaðist meðalnytin nú
7.000 kg eða meiri en þau voru 30
við síðasta uppgjör. Nythæstu kýrn-
ar hér á landi síðustu 12 mánuði eru
allar í Skagafirði, á bæjunum Gili,
Hóli og Viðvík.
mm
Í sumar hefur hver stórviðburður-
inn tekið við af öðrum í Frystiklef-
anum í Rifi. Í síðustu viku kom dans-
verkið „Dansaðu fyrir mig“ í heim-
sókn og fyllti húsið, en á komandi
vikum verður meira um nýja leiklist
og áhugaverða
tónleika. Næst-
komandi föstu-
dag, 22. ágúst,
verður sjóaras-
temning í hús-
inu. Arnar Dan
Kris t jánsson
sem er ung-
ur og fjölhæf-
ur leikari hefur
skrifað og sett
á svið glænýjan
einleik um sjó-
m e n n s k u n a .
Verkið heit-
ir Landsliðið á línu en að verkinu
koma einnig hönnuðurinn Sigríður
Soffía og tónsmiðurinn Bára Gísla-
dóttir. Á meðan Arnar bregður sér í
ýmis hlutverk spilar Bára á kontra-
bassann og nær að galdra fram
magnaða hljóðmynd.
Landsliðið á línu fjallar um ól-
seiga áhöfn og örlög sautján ára
pilts sem er í
fyrsta sinn að
fara á sjóinn.
Pilturinn er
með vænting-
ar um að henda
sér í djúpu
laugina og ná
að fylla vasana
af seðlum. En
margt getur
komið fyrir á
sjónum og við
fylgjumst með
v æ n t i n g u m
drengsins snú-
ast yfir í baráttu upp á líf og dauða.
Sýning hefst kl. 20.00 og miðaverð
er 2000 kr. -fréttatilkynning
Agnes Lind Heiðarsdóttir sem
rekur meðal annars Krambúðina
á Búðum á Snæfellsnesi hélt upp
á afmæli sitt í fjörunni við Langa-
holt um miðjan júlí. Agnesi hef-
ur greinilega verið annt um að
láta gesti sína fá góð sæti á með-
an á veislunni stóð. Meðfylgjandi
mynd var tekin í afmæli Agnesar en
þar má sjá þrjá höfðingja, bræðurna
Þorkel og Guðmund Símonarsyni
en á milli þeirra situr Þorkell Geir
Högnason. Þeir félagar láta fara vel
um sig í kvöldsólinni þar sem þeir
sitja í sófa sem settur hefur verið á
heykvísl á gamalli dráttarvél.
jsb/ Ljósm. Guðrún C. Emilsdóttir.
Síðsumarsýning á Miðfossum fór
fram dagana 11.- 13. ágúst sl. Alls
voru sýnd 53 hross en af þeim voru
fjögur einungis leidd í byggingar-
dóm. Hæst dæmd hross sýning-
arinnar var Kilja frá Grindavík, 7
vetra undan Geisla frá Sælukoti og
Kilju frá Norður-Hvammi. Kilja
fékk 8,13 fyrir sköpulag og 8,41 fyr-
ir hæfileika og 8,31 í aðaleinkunn.
Sýnandi hennar var Jakob Sigurðs-
son sem hér sést á Kilju. iss
Slakað á við fjöruborðið
Yfir fimmtíu hross á síðsumarsýningu
Sjóarastemning í
Frystiklefanum
Lyngbrekka á Fellsströnd.
Lyngbrekkubúið í Dölum enn
á ný það nythæsta á landinu
Jón Eiríksson sýnir hér nægjusama birkiplöntu sem komið hefur sér fyrir í agnar-
smárri holu í steini í garðinum í Gröf.
Skagamenn voru gestgjafar á aðalfundi
Skógræktarfélags Íslands
Svipmynd yfir fundarsalinn í FVA.
Nýir heiðursfélagar SÍ. F.v. Bjarni Þóroddsson, Guðjón Guðmundsson, Þóra Björk
Kristinsdóttir og Stefán Teitsson.