Skessuhorn - 20.08.2014, Blaðsíða 36
36 MIÐVIKUDAGUR 20. ÁGÚST 2014
Vörur og þjónusta
PARKETLIST
PARKETSLÍPUN
OG LÖKKUN
Sigurbjörn Grétarsson
GSM 699 7566
parketlist@simnet.is
R E S T A U R A N T
Upplýsingar í síma: 430 6767
R E S T A U R A N T
Upplýsingar í síma: 430 6767
Vélabær ehf.
Bæ í Bæjarsveit
Alhliða viðgerðarþjónusta
á bílum, dráttarvélum
og vélum tengdum
landbúnaði
Smur og hjólbarðaþjónusta
velabaer@vesturland.is
SK
ES
SU
H
O
R
N
2
01
3 Hönnun prentgripa
& alhliða prentþjónusta
Drei bréf - Boðsbréf
Ritgerðir - Skýrslur
Reikningar - Eyðublöð
Umslög - Bréfsefni
Fjölritunar- og
útgáfuþjónustan
Getum við
aðstoðað þig?
sími: 437 2360
olgeirhelgi@islandia.is
Alhliða rafverktaki
Kirkjubraut 37 - Akranes
Símar: 431 1902 - 892 8523
rafsigurdors@simnet.is
Kirkjubraut 37 - Akranes
Símar: 431 1902 - 892 8523
rafsigurdors@simnet.is
Skagamaðurinn Árni Steinar
Guðnason flutti til Noregs með
foreldrum sínum fyrir fjórum
árum. Hann byrjaði þá strax um
haustið að æfa íþróttina kickbox-
ing með góðum árangri. Hann hef-
ur í tvígang orðið Noregsmeist-
ari, unnið Noregsbikarinn tvisvar
og unnið bæði gull og silfur á Irish
open mótinu á Írlandi. Árni Stein-
ar, sem í dag er 22 ára, æfði knatt-
spyrnu með ÍA í 13 ár. Hann seg-
ist hafa vantað eitthvað nýtt eftir
að hafa hætt í fótboltanum. „Ég var
búinn að ákveða að hætta í boltan-
um eftir 2. flokk hvort sem var. Svo
þegar ég var fluttur hingað út, þá
vantaði mig einhverja nýja íþrótt til
að æfa því ég vissi alveg að þótt ég
héldi áfram í fótbolta hér að þá yrði
það aldrei eins og að æfa með strák-
unum heima,“ segir Árni Steinar í
samtali við Skessuhorn. Hann seg-
ist hafa hitt þjálfara sinn fyrir til-
viljun í ræktinni og að hann hefði
boðið sér á fyrstu æfinguna. „Ég
fann strax að þetta passaði mér. Ég
er einn af þeim sem verð að vera í
íþróttum til að fá útrás. Þessi íþrótt
virkar algerlega fyrir það og hentar
mér fullkomlega,“ segir Árni Stein-
ar. Hann æfir stíft eða um tíu til
tólf sinnum í viku og stundar bæði
boxæfingar og þol- og styrktaræf-
ingar.
Ekki hættulegt
Aðspurður um hvort íþróttin sé
ekki erfið svarar hann því játandi.
Bardagarnir eru þrisvar sinnum
tvær mínútur og segist hann verða
þreyttari á þessum sex mínútum
heldur en eftir heilan fótboltaleik.
„Það er kannski af því að það er ný-
búið að berja líkamann og af því
að stór hluti vöðvanna er spenntur
allar þessar sex mínútur,“ útskýrir
hann. Þrátt fyrir að kickboxing sé
bardagaíþrótt þá segir hann íþrótt-
ina ekki hættulega enda séu hjálm-
ar notaðir. „Og við vitum þegar við
förum í hringinn að andstæðing-
urinn ætlar að berja okkur. Mað-
ur undirbýr sig því fyrir það og lík-
aminn er undir það búinn að taka
á móti höggum. Þetta er því ekki
eins og óvænt tækling í fótboltan-
um, þegar maður fær á sig högg
alveg óundirbúinn. En auðvitað
er þetta kannski ekki íþrótt fyrir
alla.“ Sömu reglur eru í kicboxing
og í ólympíuboxi nema í kicboxing
er einnig leyfilegt að sparka. Árni
Steinar hafði æft íþróttina í hálft ár
þegar hann keppti í fyrsta sinn við
mótherja sem hafði æft í fjögur ár.
„Ég hélt að ég væri rosalega góð-
ur en því var fljótlega lamið inn í
hausinn á mér að svo var ekki,“ seg-
ir hann hlæjandi. Hann segist hafa
tapað fyrsta bardaganum en þrátt
fyrir það hafi hann vitað eftir þann
bardaga að hann væri í réttu íþrótt-
inni fyrir sig. „Ég skíttapaði og var
laminn en þetta var samt ótrúlega
gaman. Ég hugsaði þá bara hvernig
verður þetta ef maður vinnur?“
Ólýsanleg tilfinning
Árni Steinar hefur í dag háð á milli
40 og 50 bardaga. Hann segir til-
finninguna sem hellist yfir sig sein-
ustu mínúturnar fyrir bardaga vera
engri lík. „Það er alveg ómögulegt
að útskýra tilfinninguna, hvern-
ig það er seinustu mínúturnar fyr-
ir bardaga. Það er eiginlega alveg
ólýsanlegt og maður finnur það í
maganum og alveg til höfuðs. Sú
tilfinning fylgir alveg fram að fyrsta
höggi míns eða andstæðingsins, þá
er hún horfin,“ segir hann. Fjöl-
mörg mót eru framundan sem Árni
Steinar hyggst taka þátt í. En fyrst
ætlar hann að koma í frí heim til Ís-
lands. „Ég kem til Íslands í septem-
ber til að heimsækja fjölskyldu og
vini enda hef ég ekki verið í fríi á Ís-
landi í næstum tvö ár. En ég ætla að
æfa eins og ég get á Íslandi því ég
fer beint á Scandinavian Open mót
í Osló eftir það,“ segir hann. Í vetur
mun hann að auki taka þátt í þrem-
ur bikarmótum í Noregi, Noregs-
meistaramóti, 8 Star Tournament
móti í Osló og Irish Open í vetur.
„Ég ætla bara að berjast eins mik-
ið og ég mögulega get. Markmið-
ið er að keppa eins marga alþjóð-
lega baradaga og ég get til að öðlast
reynslu og sjá hvar ég stend áður en
ég reyni að komast inn á enn stærri
mót. Ég er heppinn að búa í Nor-
egi, sem er eitt af heimsins bestu
löndum í kickboxing. Hér er góð
æfingaaðstaða, haldin mörg stór-
mót á ári og stutt að fara til Írlands
eða Danmerkur þar sem fleiri mót
eru haldin,“ segir þessi ungi afreks-
maður að lokum.
grþ
Ekkert lát virðist ætla að verða á
vinsældum folfs en útbreiðsla þess-
arar nýju íþróttar hefur breiðst um
eins og eldur í sinu síðustu misser-
in. Í síðasta blaði Skessuhorns var
meðal annars greint frá því að Sjen-
tilmenn hyggjast setja upp folf-
völl á Bifröst. Nú hafa tveir ensku-
kennarar í Fjölbrautaskóla Snæfell-
inga, þeir Loftur Árni Björgvinsson
og Hafsteinn Mar Sigurbjörnsson
lagt fram beðni til bæjaryfirvalda í
Grundarfirði um styrk til að gera
slíkan völl þar í bæ. Bæjarráð tók
fyrir á síðasta fundi sínum bréf frá
nýstofnuðu Frisbígolffélagi Grund-
arfjarðar (FFG) um málið. Segir í
fundargerð að bæjarráði lítist vel á
hugmyndina og felur skipulags- og
byggingafulltrúa frekari útfærslu á
henni í samvinnu við FFG. Blaða-
maður Skessuhorns ræddi við þá
Loft Árna og Hafstein Mar, for-
sprakka hins nýstofnaða félagsins í
Grundarfirði og hvatamenn að nýja
vellinum.
„Við erum núna um tíu manns í
félaginu og þar af eru fjórir sem eru
virkir spilarar. Ég er búinn að vera
að prófa mig áfram í þessu sporti
síðan í fyrra og haft mjög gaman af.
Þegar verkfall framhaldsskólakenn-
ara var búið að standa yfir í meira
en viku í vor og við Haddi bún-
ir að klára öll okkar verkefni, vant-
aði okkur eitthvað að gera. Ég stakk
upp á því að hann myndi prófa með
mér folf. Haddi hreifst strax af
íþróttinni og fljótlega eftir það fór
umræðan um að stofna félag af stað
og búa til völl hér í Grundarfirði,“
segir Loftur.
Gerðu körfu
úr brotajárni
„Við eigum núna eina heimasmíð-
aða körfu. Hún er gerð úr brota-
járni sem við félagarnir sóttum á
ruslahaugnum og niður á bryggju.
Hún er að vísu ekki í réttri stærð
eða löggild keppniskarfa, en hún
virkar betur en engin. Ný alvöru
karfa er dýr fjárfesting og þess
vegna viljum við fá bæjarfélag-
ið með okkur í lið. Það sem er svo
frábært við folf að þetta er íþrótt
sem allir geta stundað, fullorðnir
jafnt sem börn. Folf stuðlar einn-
ig að heilbrigðri hreyfingu og úti-
veru sem hentar t.d. vel þeim sem
hafa ekki áhuga á hefðbundnum
boltaíþróttum. Þá er mjög ódýrt að
stunda folf miðað við margar aðrar
íþróttir eins og t.d. golf. Í folfi not-
ar maður einungis þrjá diska, dri-
ver, midrange og pútter en í raun er
nóg að byrja bara með midrange-
disk,“ segir Loftur um kosti folfs
umfram aðrar íþróttir.
Sjá tækifæri
í nýjum velli
„Við höfum augastað á reit í bæn-
um sem er jafnan kallaður Franski
garðurinn. Sá blettur er algjörlega
ónotaður og því myndi hann henta
vel fyrir völl. Heill völlur er með
níu brautum og gjarnan með níu
körfum. Hins vegar þurfum við í
raun bara nokkrar körfur til að byrja
með. Við gætum sem dæmi not-
að þrjár körfur sem hafa mismun-
andi upphafsreiti og þannig skapað
níu brautir en nokkrar brautir deila
þá sömu körfunni. Þeir hjá bænum
hafa tekið vel í beðni okkar og von-
andi fáum við völl eða hluta af velli
bráðlega. Við teljum að þetta gæti
orðið frábær viðbót í afþreyingu
fyrir bæjarbúa sem og auðvitað þá
fjölmörgu gesti sem sækja Grundar-
fjörð heim á hverju ári,“ segja þeir
Loftur og Hafsteinn að endingu. jsb
Noregsmeistari í kickboxing
Árni Steinar fagnar hér gullverðlaunum á verðlaunapallinum.
Ljósm. úr einkasafni.
Franski garðurinn í Grundarfirði þar sem FFG vill setja upp nýjan folfvöll.
Nýtt Frísbígolffélag vill folfvöll í Grundarfirði
Loftur Árni Björgvinsson, einn af forsprökkum Frisbígolffélagi Grundarfjarðar
(FFG), við heimagerðu folf-körfuna sem smíðuð var úr brotajárni.