Skessuhorn - 03.09.2014, Blaðsíða 12

12 MIÐVIKUDAGUR 3. SEPTEMBER 2014
Bráðabirgðauppgjör vegna rekst­
urs bæjarsjóðs Stykkishólmsbæj­
ar fyrstu sex mánuði ársins var lagt
fram á fundi bæjarstjórnar fyrir
skömmu. Þar kom fram að rekstr­
arafgangur var rúmar 12 milljónir
á þessu tímabili en í fjárhagsáætlun
var gert ráð fyrir 4,2 milljóna króna
afgangi. Bæði meirihluti og minni­
hluti sveitarstjórnar lögðu fram
bókanir á fundinum þar sem báð­
ir voru sammála um mikilvægi þess
að áfram yrði gætt aðhalds í rekstri.
Ekki síst þar sem óvissa væri varð­
andi launaútgjöld bæjarins vegna
nýrra kjarasamninga sem gerðir
hafa verið við starfsmenn Stykkis­
hólmsbæjar.
Minnihlutinn sagði í bókun sinni
það ánægjuefni að rekstrarafgang­
ur fyrri hluta ársins hafi verið átta
milljónum króna meiri en gert var
ráð fyrir í fjárhagsáætlun. Í bókun
meirihluta bæjarstjórnar sagði m.a.
að það væri staðreynd að útgjöld
vegna áætlaðra framkvæmda hafa
ekki verið færðar inn í uppgjör og
því óvarlegt að gera ráð fyrir þeim
afgangi sem er fyrstu sex mánuði
ársins í bráðabirgðauppgjörinu. Því
sé mikilvægt að draga úr útgjöld­
um til áramóta ef ná á því mark­
miði sem fjármálareglur setja að
jöfnuður verði í útgjöldum í þrjú ár.
Samkvæmt fjármálareglum sveitar­
félaga þurfa rekstrargjöld og tekjur
að vera í jafnvægi innan þriggja ára
tímabils, sem þýðir að rekstaraf­
gangur Stykkishólmsbæjar þurfi að
vera a.m.k. 14 milljónir á þessu ári.
Þess vegna sé mjög mikilvægt er
að fara varlega í fjármálum Stykk­
ishólmsbæjar á næstu mánuðum. Í
framhaldi af umræðum og bókun­
um á bæjarstjórnarfundinum hvatti
Sturla Böðvarsson bæjarstjóri for­
stöðumenn stofnana Stykkishólms­
bæjar til að gæta ýtrasta aðhalds
til að markmið í rekstri bæjarsjóðs
næðust.
þá
Í gær hófust framkvæmdir við
byggingu nýrrar aðveitustöðvar
OR og Landsnets á Akranesi. Nýja
aðveitustöðin kemur í stað stöðv­
arhúss sem staðsett er í flóanum
sunnan verslunarmiðstöðvarinn­
ar við Kalmansvelli, þar sem sam­
kvæmt aðalskipulagi á að rísa íbúða­
hverfi. Eiríkur Hjálmarsson upp­
lýsingafulltrúi Orkuveitunnar seg­
ir að bygging nýrrar aðveitustöðv­
ar hafi einnig verið orðin knýjandi
þar sem þörf hafi verið fyrir endur­
nýjun búnaðar í núverandi aðveitu­
húsi, sem og vegna aukinnar orku­
þarfar fyrirtækja á Akranesi. Bygg­
ing nýs aðveituhúss hafi verið áætl­
uð á árinu 2009, en verið frestað
vegna peningaleysis.
Eiríkur segir að áætlaður kostn­
aður við bygginguna sé um 800
milljónir króna og er framkvæmd­
in að 70% á forræði Orkuveitunnar
og 30% Landsnets. Akraneskaup­
staður kemur einnig að byggingu
nýju aðveitustöðvarinnar í formi
frágangs lóðar. Regína Ásvaldsdótt­
ir bæjarstjóri segir að kaupstaður­
inn hafi þegar lagt út fyrir megin­
hluta þess kostnaðar, eða 140 millj­
ónir króna.
Þessa dagana eru starfmenn
verktakafyrirtækisins Skóflunnar
að grafa fyrir grunni hússins sem
verður um 1.140 fermetrar. Aðal­
verktaki við bygginguna verða Ís­
lenskir aðalverktakar sem voru með
lægsta tilboð í verkið. Munu starfs­
menn ÍAV væntanlega hefjast handa
við byggingu hússins á næstu dög­
um þegar búið verður að grafa fyrir
sökklum þess.
þá
Háskólalest frá Háskóla Íslands
mætti á Snæfellsnes um síðustu
helgi. Föstudaginn 29. ágúst sótti
lestin heim nemendur í efstu
bekkjum grunnskólanna og voru
haldin námskeið í eðlisfræði, jap­
önsku, stjörnufræði, blaða­ og
fréttamennsku, næringarfræði,
hugmyndasögu, Legó forrit­
un, jarðfræði og vísindaheim­
speki. Kennt var í Ólafsvík. Þá
var Fjölbrautaskóli Snæfellinga
undirlagður af ýmsum spenn­
andi sýningum á laugardegin­
um. Sprengjugengi lestarinnar
vakti mikla lukku með sínum til­
raunum og stóðu ungir sem aldn­
ir agndofa yfir tilraunum þeirra
með allskonar efni og efnasam­
bönd. Einnig var fjöldinn allur af
forvitnilegum hlutum sem hægt
var að kynna sér. Vel var mætt
og ekki var annað hægt að sjá en
að íbúar á Snæfellsnesi hafi verið
ánægðir með komu Háskólalest­
arinnar.
tfk
Hleðslumeistarinn landskunni Ari
Jóhannesson lauk fyrir helgina,
ásamt samverkamönnum sínum,
við garðhleðslu kringum kirkju­
garðinn á Reykhólum. Hleðslan er
á tvo vegu við garðinn eða við vest­
urhlið og norðurhlið kirkjugarðs­
ins. Á vef Reykhóla segir að þeim
sem séð hafa þyki þetta hið mesta
snilldarverk. Helstu samstarfs­
menn Ara voru þeir Grétar Jóns­
son frá Einarsstöðum í Vopnafirði
og Ólafur Einir Smárason frá Borg
í Reykhólasveit, auk bróður Ólafs,
Brynjólfs Víðis Smárasonar verk­
taka á Reykhólum með tæki sín.
Grjótið sem notað er í hleðsluna
er samtíningur úr ýmsum áttum,
en mestur hlutinn kom frá Kirkju­
bóli vestra í Kjálkafirði við vest­
urmörk Reykhólahrepps, þar sem
Vegagerðin hefur síðustu misser­
in unnið að nýlagningu vegarins og
stundað sprengingar. Svolítill hluti
kom úr námunni í Króksfjarðarnesi
og síðan komu tveir bílar af grjóti
úr námu rétt fyrir sunnan Hólma­
vík. Þökurnar og strengurinn komu
hins vegar frá Tuma á Reykhólum,
segir á vef Reykhóla. þá
Veggur með ljósmyndum var ný­
verið afhjúpaður á Hernámssetrinu
að Hlöðum á Hvalfjarðarströnd.
Þar er greint frá því þegar Winston
Churchill forsætisráðherra Bret­
lands kom í óvænta heimsókn til Ís­
lands 16. ágúst 1941. Hann kom þá
siglandi á orrustuskipi til Hvalfjarð­
ar eftir að hafa átt sinn fyrsta fund
með Fraklin D. Roosevelt við Ný­
fundnaland. Breski forsætisráðherr­
ann fór síðan siglandi með tundur­
spilli til Reykjavíkur þar sem hann
hitti íslenska ráðamenn á stuttum
fundi og skoðaði sig um. Síðdegis
og um kvöldið þennan dag var hann
svo um borð í breskum herskipum í
Hvalfirði áður en hann sigldi áfram
heim til Bretlands.
Til að minnast þessa viðburðar
í ágúst fyrir 73 árum færði Churc­
hill­klúbburinn á Íslandi á dögun­
um Hernámssetrinu í Hvalfirði
ljósmyndir að gjöf sem sýna þenn­
an viðburð. Þær voru settar upp
með textum á vegg í húsi setursins
að Hlöðum á Hvalfjarðarströnd.
Churchill­klúbburinn er óform­
legur félagsskapur sem ætlað er að
vera fræðsluvettvangur um líf og
störf Winstons Churchill. Undan­
farin misseri hefur hann staðið fyrir
ýmsum fyrirlestrum og viðburðum
í þessu skyni. mþh/fréttatilk.
Háskólalestin vakti lukku á Snæfellsnesi
Árni Sigurðsson formaður Churchill-
klúbbsins á Íslandi afhjúpar og sýnir
ljósmyndavegginn sem settur hefur
verið upp að Hlöðum.
Minningarveggur um heimsókn
Churchills í Hvalfirði
Stund milli stríða undir kirkjugarðsvegg: Ari, Grétar og Ólafur Einir.
Ljósm. Reykholar.is
Lokið við hleðslu kirkjugarðs-
veggjar á Reykhólum
Frá Stykkishólmshöfn.
Bráðabirgðauppgjör segir rekstur
Stykkishólmsbæjar vel innan áætlunar
Starfsmenn Skóflunnar vinna að greftri fyrir sökklum nýju aðveitustöðvarinnar.
Framkvæmdir hafnar við nýja aðveitu-
stöð OR og Landsnets á Akranesi