Skessuhorn - 03.09.2014, Blaðsíða 18

18 MIÐVIKUDAGUR 3. SEPTEMBER 2014
Áramót í útgerðinni
Fyrirtækið Agustson í Stykkishólmi
var stofnað árið 1933. Í tíð þess
hefur ýmislegt gengið á í útgerð í
Stykkishólmi. Ber þar hæst hrun
hörpudisksstofnsins í Breiðafirði
fyrir rúmum áratug síðan. Fyrir­
tækið hefur þó haldið velli og er í
dag elsta sjávarútvegsfyrirtæki á
landinu og hefur alla tíð verið í eigu
sömu fjölskyldunnar. Síðan hörpu­
diskurinn hvarf hafa þeir hjá Ag­
ustson þurft að endurskipuleggja
sína starfsemi nánast frá grunni.
Nú starfa um 50 manns hjá fyrir­
tækinu en fjöldinn er að vísu nokk­
uð breytilegur þar sem verkaður er
mismunandi fiskur eftir árstíðum.
„Við vinnum saltfisk frá miðjum
ágúst til mars en þá hefst vinnsla
á grásleppu. Gráslepputímabil­
ið stendur fram í miðjan júlí en
þá erum við byrjuð að vinna mak­
ríl. Við vinnum hann svo þang­
að til að við fórum aftur í saltfisk­
inn.“ Þetta segir Sigurður Ágústs­
son framkvæmdastjóri Agustson og
bætir við að nýafstaðið kvótaár hafi
verið fyrirtækinu hagsælt. „Saltfisk­
ur, sem er ein af megin framleiðslu­
vörum okkar, hefur verið að stíga
upp úr lægð síðustu ára. Nú hafa
þau lönd sem helst kaupa íslensk­
an saltfisk, eins og Ítalía, Spánn og
Grikkland, verið að rétta úr kútn­
um efnahagslega eða í það minnsta
er neysla þeirra á saltfiski að aukast
á ný. Söluhorfur fyrir næsta ár eru
því góðar eins og er.“
Stykkishólmur var þekktur fyrir
vinnslu á hörpudiski og var á tíma­
bili landað allt að átta þúsund tonn­
um af skel þar í bæ. Ótrúlega há tala
ef litið er til þess hversu verðmæt
vara hörpudiskurinn er. Hörpu­
diskstofninn í Breiðafirði hrundi
svo fyrir tæpum áratug eins og áður
segir og hafa veiðar á skelinni leg­
ið niðri síðan. Á því gæti þó orð­
ið breyting í haust því líkur eru á
að veiðar á hörpudiski í Breiðafirði
gætu hafist að nýju. „Við hjá Agust­
son höfum verið að rannsaka síðan í
vor, í samstarfi með Hafrannsókna­
stofnun, ný svæði með tilliti til út­
breiðslu hörpudisks. Ellefu ár eru
síðan stofninn hrundi í Breiðafirði
og vinnslan í Stykkishólmi var lögð
af. Núna gerum við okkur hins veg­
ar vonir um að geta hafið tilrauna­
veiðar í haust. Hvað við gerum fer
þó eftir því hvað gögn Hafró segja
um ástand veiðistaða og áhrif skel­
plógsins á þeim. Það er augljós­
lega hugur í mörgum Hólmaran­
um að fara að vinna hörpudisk á
ný, þar sem sú vinnsla var tvímæla­
laust burðarás í samfélaginu í hart­
nær 30 ár. Því vonum við það besta.
Aðeins er þó um tilraunaveiðar að
ræða og við verðum að passa okk­
ur að læra af mistökum fortíðarinn­
ar og varðveita þessa dýrmætu auð­
lind og styrkja hana,“ segir Sigurð­
ur að endingu.
jsb
Hörpudiskur hugsanlega
unninn á ný í Stykkishólmi
Þeir hjá Agustson eru í tilraunaskyni
að hefja veiðar á hörpudiski á ný í
Breiðafirði í samstarfi við Hafró.
Sigurður Ágústsson, framkvæmdastjóri Agustson.
Hafrún Ævarsdóttir í Ólafsvík:
Nýtur þess að starfa sem
hafnarvörður í Snæfellsbæ
Það var mikið um að vera á hafn­
arvoginni í Ólafsvík í síðustu viku.
Makrílbátarnir komu til lands hver
af öðrum drekkhlaðnir spriklandi
makríl. Þá voru handfærabátar og
dragnótabátar einnig að landa sín­
um afla. Þegar fréttaritari leit við á
hafnarvoginni stóð Hafrún Ævars­
dóttir vaktina, en hún er fyrsta kon­
an sem gegnir þessari stöðu í Snæ­
fellsbæ. Hafrún segist vera í afleys­
ingum í sumar og að þetta sé fjör­
leg og skemmtileg vinnu. Auk þess
að starfa í Ólafsvík hefur hún leyst
af í Rifi og á Arnarstapa í sumar.
Um makrílveiðarnar segir Haf­
rún að það sé mjög líflegt í höfn­
unum og nóg að gera. Karlarnir
séu skemmtilegir og hressir þrátt
fyrir að vera á veiðum nánast all­
an sólarhringinn. „Það kemur fyr­
ir að landað sé til klukkan fjögur
á nóttunni. Samt er það svoleiðis
að það er enginn dagur eins. Allt­
af er þó nóg að gera og oftast er
rólegra á morgnana. Ég segir bara
eins og er að þessi vinna er æði,“
segir Hafrún. Aðspurð um á hvaða
höfn í Snæfellsbæ sé skemmtilegast
að vinna á, segir Hafrún það vera
á Arnarstapa. „Þar er svo mikill
stemning og allt gengur hægar þar
sem aðeins einn löndunarkrani er.
Ekki skemmir fyrir einstök nátt­
úrufegurð og gott veður. Bátar á
Arnarstapa koma inn á öllum tím­
um sólarhrings svo þar vinnst þetta
jafnt og þétt.“
Hafrún er einnig virk í björgun­
arsveitinni Lífsbjörgu í Snæfellsbæ
og í sumar hafa verið nokkur út­
köll sem hún hefur farið í ásamt fé­
lögum sínum. Til dæmis þegar leki
kom af bátnum Valþóri og þegar
Kristina EA strandaði út af Grund­
arfirði. af
BRIM HF.
Snæfellsbær
HB Grandi búinn að semja um smíði þriggja ísfisktogara
Síðastliðinn föstudag voru undir­
ritaðir samningar um smíði þriggja
nýrra ísfisktogara fyrir HB Granda.
Það er skipasmíðastöðin Celiktrans
Deniz Insaat í Tyrklandi sem smíð­
ar nýju togarana en fyrir er stöð­
in að smíða tvö uppsjávarskip fyr­
ir HB Granda. Samningarnir nú
hljóða upp á 6,8 milljarða króna.
Áætlað er að fyrsta skipið verði af­
hent í maí 2016, það næsta síðla
sama ár og það þriðja vorið 2017.
„Nýju skipin munu leysa af hólmi
þrjá togara sem nú eru í rekstri. Það
eru Ásbjörn RE, Otto N. Þorláks­
son RE og Sturlaug H. Böðvarsson
AK. Með nýju skipunum eykst hag­
kvæmni í rekstri, þau munu eyða
minni olíu, aflameðferð og nýting
verður betri, rekstraröryggi eykst
og viðhaldskostnaður mun lækka,“
segir í tilkynningu frá fyrirtækinu.
Hönnun skipanna er í höndum
Nautic ehf., Lágmúla 5, Reykjavík.
mm
Við undirritun samninganna. F.v. Torfi Þorsteinsson deildarstjóri botnfisksviðs,
Loftur B. Gíslason útgerðarstjóri ísfisktogara, Vilhjálmur Vilhjálmsson forstjóri,
Alfreð Tulinius Nautic ehf., Kristján Loftsson stjórnarformaður, Ahmet Ötkür
stjórnarformaður Celiktrans, Volkan Urun framkvæmdastjóri Celiktrans, Magnús
Helgi Árnason lögfræðingur og Jónas Guðbjörnsson fjármálastjóri.