Skessuhorn - 03.09.2014, Blaðsíða 19
19MIÐVIKUDAGUR 3. SEPTEMBER 2014
Rannsóknir stjórnvalda ekki í samræmi við veiðar
Á nýafstöðnu kvótaári gekk vel
hjá þeim í G.Run í Grundarfirði.
Runólfur Guðmundsson segir að
veiðar hafi gengið vel enda mik
ið af fiski á miðunum. Það sé hins
vegar þvert á það sem stjórnvöld
töldu og því hafi þau bætt við of
litlum fiskveiðikvóta fyrir nýaf
staðið kvótaár að hans mati.
„Það hefur verið alveg rífandi
gangur hjá okkur allt kvótaárið og
stöðugt verið að landa afla úr bát
um. Í upphafi tímabilsins vorum
við í smá basli með sölu á afurðum
en fljótlega rættist úr því og geng
ur salan nú mjög vel. Niðurstöð
ur rannsókna stjórnvalda eru hins
vegar ekki í samræmi við veiðar.
Þeir í Reykjavík segja að það sé
lítið af fiski en á sama tíma mok
veiða skipin. Ég hef það á tilfinn
ingunni að þeir séu alltaf nokkr
um árum á eftir náttúrunni. Sem
dæmi fengum við fyrir kvótaár
ið sem var að líða aðeins þriggja
tonna viðbót við okkar aflaheim
ildir þó svo að veiðar hafi geng
ið með ólíkindum vel allt tímabil
ið.“
Hjá G. Run starfa um 85 manns;
fólk í landvinnslu og á skipum út
gerðarinnar. Hjá fyrirtækinu eru
aðallega unnar afurðir úr bol
fiski, mest úr þorski og karfa.
„Ég sé ekki fyrir mér að ástand
ið muni breytast mikið. Við vor
um að klára gott kvótaár og ég er
bjartsýnn á að það sem er að byrja
verði einnig gott,“ sagði Runólfur
í samtali við Skessuhorn.
jsb
Hér sést starfsmaður G.Run raða nýlönduðum þorski í hausarann.
Runólfur Guðmundsson hjá G.Run
segir að niðurstöður rannsókna
stjórnvalda séu ekki í samræmi við
núverandi ástand í hafinu.
„Pottaúthlutanir og misbeiting byggðakvóta koma okkur líka illa“
Áramót í útgerðinni
-segir Páll Ingólfsson framkvæmdastjóri Fiskmarkaðar Íslands
Annasamt hefur verið að undan
förnu hjá starfsmönnum Fiskmark
aðs Íslands í Snæfellsbæ. Ekki síst
vegna landburðar af makríl, en bát
arnir sem gerðir eru út á makrílinn
hafa jafnvel margfyllt sig yfir sól
arhringinn að undanförnu. Ekki
hefur þurft langt að fara til að ná í
makrílinn. Bátarnir voru á dögun
um í tugum talið rétt út við höfnina
í Rifi. Páll Ingólfsson framkvæmda
stjóri fiskmarkaðsins segir að fisk
verð hafi verið gott í nokkurn tíma
í öllum tegundum. Aðspurður seg
ir hann að þorskkílóið hafi til að
mynda selst á 350450 krónur.
„Þegar ég tala um gott verð, þá er
það vitaskuld gott fyrir þann sem
selur, en það hefur verið hátt fisk
verð á mörkuðunum núna í nokk
urn tíma. Ég er að því leyti bjart
sýnn að verðið haldist áfram hátt á
næstunni en að öðru leyti líst mér
bölvanlega á stöðuna í byrjun nýs
fiskveiðiárs,“ segir Páll.
Greinin á sjálf að
sjá um sig
Páll hefur um tíðina ekkert legið
á skoðunum sínum varðandi ýmis
mál í íslenskum sjávarútvegi og hef
ur það ekki breyst. Hann segist síð
ur en svo sáttur við stjórnvöld og
þá sem ráði ferðinni í sjávarútveg
inum, það er núverandi ríkisstjórn
og Hafrannsóknastofnun. Páll tel
ur mikla ógn felast í þeim laga
breytingum sem gerðar voru í lok
þings síðastliðið vor, sem hann seg
ir að hafi verið gerðar í skjóli myrk
urs korteri fyrir þinglok án nokkurs
samráðs við hagsmunaaðila í grein
inni. Þar er hann að tala um pottaút
hlutanirnar. „Stjórnvöld falla í þá
gryfju að auka sérúthlutanir. Það er
ekki bæði hægt að leggja hátt gjald
á greinina og líka úthluta pottum
til þess að bjarga hinum og þessum
hingað og þangað um landið. Ef þú
tekur út úr heildinni í sérúthlutan
ir þá er bara verið að taka frá hin
um sem hafa verið að reka sín fyrir
tæki með hagkvæmni að leiðarljósi.
Þessar pottaúthlutanir og misbeit
ing á byggðakvóta koma ekki að
eins mörgum í útgerð og vinnslu
illa heldur snertir það líka rekstrar
umhverfi eins og okkar í fiskmörk
uðunum. Hvaða vit er svo í því,
eins og lögin frá síðasta vori gera
ráð fyrir, að ráðuneyti og Byggða
stofnun sjái um útdeilingu potta og
byggðakvóta? Það eru þessi afskipti
stjórnmálamanna sem sífellt verða
okkur dýr. Við höfum alltaf sagt að
það eigi að lofa greininni sjálfri að
ráða fram úr þessum málum og
segjum það enn. Það væri ráð að
nýta þá þekkingu sem safnast hefur
upp í sjávarútveginum.“
Hættulegt hlutfall milli
heimilda í þorski og ýsu
Önnur ógn sem Páll telur að steðji
að nú í byrjun nýs fiskveiðiárs er
það mikla bil sem orðið er á milli
veiðiheimilda í þorski og ýsu. Hann
telur að nú sé alltof langt gengið í
að skerða heimildir í ýsunni. „Ég er
ekkert að efast um fræðin við sér
fræðinga Hafró enda er ég ekki í
stakk búinn til þess. Hins vegar sé
ég það eins og allir aðrir að þeg
ar hlutfallið í ýsu á móti þorski er
orðið svona mikið þá gengur þetta
ekki upp. Hættan er sú að það komi
til brottkasts og síðan er það alveg
borðleggjandi að við munum missa
héðan af þessu svæði útgerðir og
báta sem fara annaðhvort vestur á
firði eða austur fyrir land til veiða
á ákveðnum tímabilum og svæð
um þar sem þekkt er hátt hlutfalls
þorsks í afla.“
Telur að víða sé
pottur brotinn
Þá segir Páll brottkast stöðuga ógn
við íslenska sjávarútveginn sem og
löndun framhjá vigt. Starfsmenn
Fiskistofu hafi opinberlega viður
kennt vanmátt sinn í eftirliti með
endurvigtun, sem gæti fækkað eða
að mestu komið í veg fyrir þessi
brot. „Ég hef aldrei verið talsmað
ur þess að allur afli fari í gegnum
fiskmarkað og hef haft skilning á
tengslum veiða og vinnslu. En þeg
ar hins vegar útgerðir eru farnar
að skipta hingað og þangað með
það sem eftir er, meðaflann í auka
tegundum, finnst mér allof langt
gengið. Við höfum líka ítrekað rek
ið okkur á það að svindlað er á kerf
inu í gegnum ísmagnið í aflanum.
Rekstur í sjávarútvegi eins og okk
ar á að vera á jafnréttisgrundvelli,
svo sem að það séu þá alltaf og alls
staðar þúsund kíló í tonninu. Við
höfum líka boðið fram aðstoð okk
ar um hugmyndafræðilega vinnu
við eftirlitið, en það hefur ekki ver
ið þegið. Eins og þú heyrir þá tel
ég að víða sé pottur brotinn og ekki
síst er það pólitíkin og stjórnmála
mennirnir sem eru að gera okk
ur óþarflega erfitt fyrir,“ segir Páll
Ingólfsson á Fiskmarkaði Íslands.
þá
Páll Ingólfsson.