Skessuhorn - 03.09.2014, Blaðsíða 22

22 MIÐVIKUDAGUR 3. SEPTEMBER 2014
Áramót í útgerðinni
Höskuldur Árnason skipstjóri á Júlla Páls SH:
Á góðri makrílvertíð renna dagarnir út í eitt
Höskuldur Árnason skipstjóri á
makrílbátnum Júlla Páls SH frá
Ólafsvík er einn þeirra ungu manna
sem nú stunda makrílveiðar við
landið. Höskuldur segir í samtali
við Skessuhorn að þeir sé tveir um
borð; hann og Þröstur Þorláksson.
Höskuldur byrjaði á makrílveið­
um á Litla Hamri árið 2010 sem
háseti en leysti af sem skipstjóri
einn og einn dag. „Ég byrjaði með
Júlla Páls um miðjan júlí og verð
með hann út vertíðina. Aflinn hef­
ur verið ævintýralegur síðustu daga
og í síðustu viku var heildaraflinn
kominn í 130 tonn. Þetta er spenn­
andi veiðiskapur,“ segir Höskuldur.
„Dagarnir geta verið mjög lang­
ir og miklar vökur. Raunar er það
þannig að dagarnir renna út í eitt,“
segir hann og brosir. „Þetta er ver­
tíð en þá þarf maður að leggja á sig
talsverða vinnu. Þannig hefur það
alltaf verið. En það er bara gaman
að fá að taka þátt í þessu.“
Höskuldur segir að löndunar­
biðin sé leiðinlegust. „Þegar marg­
ir bátar koma að landi samtím­
is þarf oft að bíða tímunum sam­
an eftir að komast undir löndunar­
kranann. En svona er þetta og ekk­
ert annað að gera en að sætta sig
við biðina. Þó reyni ég að stíla inn
á að koma að landi þegar ég veit að
ekki er mikil bið.“
Júlli Páls er vel búinn tækjum
til makrílveiða og er astikið lykill
að því að finna góðar makríltorf­
ur. „Það er oft mikill spenna þegar
stórar vöður koma upp og þá er oft
líf í tuskunum. Það skemmtileg­
asta við þetta er að makrílvöðurn­
ar geta birst fyrirvaralaust. Maður
heldur að það sé enginn makríll á
svæðinu en á skammri stund er allt
komið á fullt.“
Höskuldur segir að það sé
óhemju magn af makríl við Snæ­
fellsnes. Þetta svæði sé hrein­
lega fullt af makríl og hreint æv­
intýri sem bátarnir hafa verið að
lenda í að undanförnu. Aðspurður
um tekjurnar segir Höskuldur þær
ágætar þegar vel veiðist. „En mað­
ur þarf að leggja á sig mikla vinnu
og langar vökur og yfirlegu til að
launin verði góð. En ég er sáttur,“
segir Höskuldur að lokum. af
Höskuldur Árnason.
Brugðið á leik.
Landburður af makríl
úr Breiðafirði
Mokveiði var í síðustu viku hjá
makrílbátum sem róa frá Snæ­
fellsbæ. Á þriðjudagskvöldið ligg­
ur við að megi segja að hafi verið
umferðaröngþveiti á bryggjunni.
Sannkallaður landburður var hjá
flestum bátnum, að sögn Gunnars
Bergmann Traustasonar innkaupa­
stjóra hjá Frostfiski. „Við tökum
afla af sjö bátum og ég áætla að
hver bátur landi um sjö tonnum í
kvöld,“ sagði Gunnar þegar frétta­
ritari Skessuhorns ræddi við hann á
höfninni á þriðjudagskvöldið þeg­
ar meðfylgjandi myndir voru tekn­
ar. Gunnar sagði að aflinn gæti allt
eins hafa verið meiri miðað við
fréttir sem honum hefði borist af
miðunum. Bátarnir héldu sig þá út
af Skarðsvík og alveg innundir inn­
siglinguna í Rif og mátti sjá um 20
báta í einum hnapp þar á þriðju­
dagskvöldið.
Þórður Björnsson hafnarvörður í
Ólafsvík segir í samtali við Skessu­
horn að afli bátanna sé mjög góður,
sumir bátarnir hafi landað snemma
um daginn, allt að níu tonnum, og
farið síðan strax út aftur. „Fram til
dagsins í dag hafa verið landað í
höfnum í Snæfellsbæ 3.070 tonnum
af makríl og er um 62% af makríl­
bátum landsins sem róa héðan,“ seg­
ir Þórður um miðja síðustu viku.
Höskuldur Árnason skipstjóri
á Júlla Páls SH frá Ólafsvík var að
landa tíu tonnum af makríl sem
fékkst út af Skarðsvíkinni þeg­
ar fréttaritari hitti á hann. „Þetta
er algjört ævintýri,“ sagði Hösk­
uldur. „Við fylltum í öll kör og ílát
sem fundust um borð. Það lá við að
sækja þyrfti pottana hjá kokknum til
þess að koma öllum þessum afla fyr­
ir í bátnum,“ sagði Höskuldur létt­
ur í bragði. af
Makrílveiðar í Steingrímsfirði brugðust í sumar
„Steingrímsfjörðurinn brást okkur
í sumar. Það verður bara að segjast
eins og er. Við treystum á veiði þar
eins og í fyrra og hitteðfyrra. Það
hefur enginn kraftur komist í veið­
arnar þar enn sem komið er en hún
getur gosið upp allt í einu,“ segir
Baldur Þórir Gíslason sem starfræk­
ir ásamt félaga sínum Breka Bjarna­
syni fyrirtækið Sæfrost í Búðardal.
Þeir gera út ásamt feðrum sínum
báta til grásleppuveiða að vorinu og
síðan til makrílveiða yfir sumarið.
Til síldveiða fóru þeir í hitteðfyrra
en ekkert í fyrra og Baldur Þórir er
efins að farið verði á síldina núna.
Hann segir markaðsverð á síld lágt
um þessar mundir og veiðigjaldið
sem smábátaútgerðir þurfi að borga
fyrir til ríkisins alltof hátt, en það er
24 krónur fyrir hvert kíló.
Sæfrost hefur sem kunnugt er
starfrækt frystingu í sláturhúsinu í
Búðardal og þar hafa í sumar um tíu
manns starfað við frystinguna. Þrátt
fyrir trega makrílveiði á nærliggjandi
miðum er þó búið að frysta rúmlega
200 tonn af makríl eftir sumarið eða
nær tvöfalt meira magn en í fyrra.
„Við ætluðum okkur mun meira
eins og allir og vegna dræmrar veiði
í Steingrímsfirði varð minna úr við­
skiptum við útgerðir frá Hólmavík
en við ætluðum,“ segir Baldur Þór­
ir. Hann segir verkefnastöðuna engu
að síður ágæta hjá Sæfrosti og núna
sé t.d. að byrja aftur frysting á laxi
fyrir Fjarðalax. Það hafi verið nóg að
gera alveg frá því grásleppuvertíðin
byrjaði í vor. Verð á hrognum og
heilli frystri grásleppu hafi reynd­
ar fallið og að auki verið bölvanlegt
að selja frystu grásleppuna, en hún
hefur farið á markað til Kína. „Það
virðist því miður þróunin núna um
þessar mundir að afurðaverð er að
lækka á öllu sem við og fleiri smá­
bátasjómenn erum að fást við; á grá­
sleppunni, makrílnum og síldinni,“
sagði Baldur Þórir.
Aðspurður sagði Baldur að þeir
hjá Sæfrosti spái aldrei í stöðuna við
upphaf nýs kvótaárs enda kvótaeign­
inni ekki fyrir að fara. „Það er ennþá
nóg eftir í makrílpottinum og það
hefur ekkert stöðvað okkur. Spurs­
málið hjá okkur er hvort við förum á
síldina í vetur. Það er ekkert spenn­
andi í þessari stöðu, þegar markaðs­
verðið er ekki hærra en það er og
veiðigjaldið til ríkisins hátt. Okkur
smábátasjómönnunum finnst það
blóðugt hvað við þurfum að borga
mikið meira fyrir hvert kíló á síld­
inni en stórútgerðirnar þurfa gera,“
sagði Baldur Þórir Gíslason að end­
ingu.
þá
Baldur Þórir Gíslason og Breki Bjarnason.