Skessuhorn - 03.09.2014, Blaðsíða 23
23MIÐVIKUDAGUR 3. SEPTEMBER 2014
Áramót í útgerðinni
„Besta makrílveiðiárið okkar til þessa“
„Það er búið að vera mjög líflegt
í sumar. Við erum komnir með
175 tonn síðan í byrjun júlí. Það er
mjög góður árangur. Mikið af mak
ríl á svæðinu og veiðarnar hérna
við Snæfellsnesið gengið óvana
lega vel. Þetta er þriðja árið okkar
á þessum veiðum og það besta það
sem af er. Það er einfaldlega miklu
meira af makríl á ferðinni hérna
heldur en hin árin á undan. Það er
bara eins og teppi af makríl með
allri ströndinni alveg frá Önd
verðanesi yst á norðanverðu Snæ
fellnesinu og hingað inn að Ólafs
vík. Það liggur við að það sé sama
hvar maður setur niður krók. Það
kemur makríll á hann,“ sagði Ás
mundur Skeggjason útgerðarmað
ur og skipstjóri á Álfi SH frá Arn
arstapa þar sem hann landaði sjö
tonnum af makríl í Ólafsvíkurhöfn
á mánudaginn.
Þrír saman á góðum
hlut
„Þetta er fínt,“ sagði Ásmundur á
meðan hann hífði sneisafull kör af
makríl upp úr bátnum og á brygg
una og kastaði ís yfir fiskinn. Lyft
ari tók svo strax við körunum og
flutti á brott. „Við erum þrír á
bátnum en alltaf einn í fríi. Við
róum átta daga og fáum svo fjóra
daga í frí. Þannig skiptast menn
á. Við erum svo allir á sama hlut.
Þetta kemur mjög vel út. Nátt
úrulega snýst þetta um að fá gott
verð fyrir aflann. Það hefur reynd
ar verið heldur lægra en í fyrra en
samt sem áður ágætt. Jú, jú, þetta
er ódýr veiðiskapur að stunda
þetta svona. Það er enginn rekstr
arkostnaður nema bara olían og
þeir reikningar eru ekki háir þegar
það er svona stutt að sækja.“
Mikil veisla bæði hjá
makríl og sjómönnum
„Þetta er alveg ævintýri, þvílíkt
gaman. Það fer nú væntanlega hver
að verða síðastur að fiska makríl
inn á króka nú í ár. Samkvæmt töl
um Fiskistofu eru aðeins um 700
tonn eftir að kvótanum sem var út
hlutað á smábátana. Þetta gæti því
verið lokavikan á vertíðinni. Við
höfum verið að vona að við gætum
verið eitthvað áfram ef makríllinn
hverfur þá ekki jafn skyndilega og
hann kom fyrr í sumar. Eins og er
þá er yfirdrifið nóg af honum.“
Makríllinn sem hefur komið
upp að ströndum Vesturlands hef
ur bætt vel á sig holdum í sumar.
„Já, þetta er mjög fallegur makríll
hérna. Fituprósentan í honum er
nú komin yfir 25%,“ upplýsti Ás
mundur.
Ekið vestur á Flateyri
Söluhorfur fyrir markílinn eru
taldar ágætar. „Við erum að selja
okkar afla mest á markaði í Jap
an og Rússlandi. Honum er ekið
ferskum vestur til Flateyrar þar
sem Arcitc Oddi lausfrystir hann
og glasserar sem kallað er. Honum
er síðan pakkað í umbúðir merktar
PortIce sem er sérstakt gæðaverk
efni fyrir íslenskan makríl veidd
ann á handfæri. Þetta tryggir okk
ur hæsta markaðsverð mínus fram
leiðslukostnað. Við gerðum þetta
líka í fyrra og það gafst mjög vel
og skilaði okkur hæstu verðum.“
Skömmu eftir þetta spjall var
Ásmundur og félagi hans á Álfi SH
farnir aftur út á miðin sem voru
rétt utan við höfnina í Rifi til að
sækja annan farm þennan dag.
mþh
Saltað yfir aflann.
Ásmundur Skeggjason landar makríl. Álfur SH frá Arnarstapa við löndunarbryggjuna í Ólafsvík.
Ný framleiðsluvara hjá HB Granda á Akranesi
Met var sett í þorskvinnslu í frysti
húsi HB Granda á Akranesi á ný
liðinu kvótaári. Þar á bæ hafa af
köstin í vinnslunni aukist milli síð
ustu tveggja kvótaára um meira
en tvö þúsund tonn. Samkvæmt
Þresti Reynissyni, vinnslustjóra
í landvinnslu HB Granda, hefur
framleiðslan ekki aðeins aukist á
þessum skamma tíma, heldur hafa
framleiðsluhættir verið að breytast
og fleiri störf að skapast.
„Í frystihúsinu á Akranesi starfa
nú um 80 manns og er það aukn
ing um 25 störf frá kvótaárinu
2012/13. Framleiðslugeta HB
Granda á Akranesi hefur aukist
umtalsvert á stuttum tíma en hún
var á kvótaárinu 2012/13 um 4.200
tonn af þorski auk 600 tonna af síld
og makríl. Á nýafstöðnu kvótaári
var framleiðslan hins vegar 6.600
tonn af þorski. Við þessa aukningu
höfum við samhliða aukið vinnslu á
ferskum afurðum til útflutnings og
þrisvar var met slegið í framleiðslu
á viku þetta árið, núna síðast í síð
ustu viku,“ segir Þröstur um fisk
vinnslu HB Granda á Akranesi.
Þröstur bætir við að verið sé að
koma fyrir nýjum búnaði í frysti
húsinu þar sem farið verður í nýja
framleiðslu. „Við munum á næstu
misserum taka alla blokk og hakk
efni sem fellur frá þorski, ufsa og
karfa í landvinnslunni okkur, bæði
í Reykjavík og á Akranesi, og vinna
það lengra hér á Akranesi. Það
hráefni mun fara í gegnum nýjan
vélasal á annarri hæð frystihússins
þar sem það verður mótað og fryst.
Þessi nýja vinnsla er mjög sniðug
en ný vél sem smíðuð er af Marel
og ber nafnið Rewo tekur blokk
ir og hakkefnið og mótar í hvaða
form sem hægt er að hugsa sér. Það
eru um 2000 tonn af slíkum afurð
um sem falla til í frystihúsum HB
Granda á Akranesi og í Reykjavík á
hverju ári. Að vinna þessar afurðir
meira er hluti af stefnu fyrirtækis
ins sem felst í að nýta eigið hráefni
betur og auka innra verðmæti. Nú
þegar er búið að taka í sundur laus
frysti sem var á neðstu hæð húss
ins og flytja hann í pörtum upp um
eina hæð þar sem hann mun verða
hluti af nýja vélasalnum. Stefnt
er að því að salurinn verði tilbú
inn í október á þessu ári og munu
tilraunir með framleiðsluna hefj
ast strax á þessu ári. Á næsta ári
verður svo vonandi einhver fram
leiðsla hafin og árið 2016 vonum
við að allt verði komið á fullan
skrið. Þessi aukna framleiðsla get
ur, ef allt fer vel, skapað allt að tíu
ný störf í frystihúsinu á Akranesi,“
segir Þröstur að endingu.
jsb
Verið er að setja upp nýjan vélasal þar sem blokk og hakkefni verður mótað og fryst. Þröstur Reynisson, vinnslustjóri í land-
vinnslu HB Granda, sést hér ásamt iðnaðarmönnum frá Skaganum á annarri hæð frystihúss HB Granda á Akranesi.
Mikil aukning hefur orðið í vinnslu hjá HB Granda á Akranesi, sérstaklega í fram-
leiðslu á ferskum fiskafurðum.
Nýja Rewo-vélin frá Marel getur mótað blokk og hakkefni í hvaða form sem er. Hér
má sjá nokkur dæmi sem er búið að gera tilraunir með.