Skessuhorn - 17.09.2014, Blaðsíða 4
4 MIÐVIKUDAGUR 17. SEPTEMBER 2014
Kirkjubraut 54-56 - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudög-
um. Auglýsendum er bent á að panta auglýsingapláss tímanlega. Skilafrestur smáaug-
lýsinga er til 12.00 á þriðjudögum.
Blaðið er gefið út í 3.800 eintökum og selt til áskrifenda og í lausasölu.
Áskriftarverð er 2.480 krónur með vsk. á mánuði. Elli- og örorkulífeyrisþegar greiða kr.
2.150. Verð í lausasölu er 600 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Þórhallur Ásmundsson, blaðamaður th@skessuhorn.is
Guðný Ruth Þorfinnsdóttir, blaðamaður gudny@skessuhorn.is
Jóhann Skúli Björnsson, blaðamaður jsb@skessuhorn.is
Auglýsingar og dreifing:
Pálína Alfreðsdóttir palina@skessuhorn.is
Valdimar Björgvinsson valdimar@skessuhorn.is
Tinna Ósk Grímarsdóttir (vefauglýsingar) tinna@skessuhorn.is
Umbrot:
Ómar Örn Sigurðsson omar@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Leiðari
Að forðast einföldun
og bætt skattskil
Boðað frumvarp til fjárlaga, sem ráðherra peningamála kynnti í síðustu
viku, olli mér vonbrigðum. Ég er nefnilega talsmaður einföldunar skatt-
kerfisins og tel slíkt leiða til meiri skilvirkni í skattheimtu, erfiðara yrði
að stunda þjóðaríþróttina að snuða hið opinbera og þegar upp væri staðið
myndi ríkið græða – við þegnarnir.
Í dag búum við við virðisaukaskattskerfi sem einungis er fyrir færustu
sérfræðinga að skilja. Það er flókið, skattstig þess eru þrjú (0%, 7% og
25,5%). Sumir halda því reyndar fram að þetta séu einungis tvö þrep, en
það er rangt. Á bak við núll prósent virðisaukaskatt liggur ákvörðun stjórn-
valds um að sala á tilgreindri vöru eða þjónustu beri ekki að skattleggja til
samræmis við aðrar. Af einhverri undarlegri ástæðu er þó matur og orka til
húshitunar ekki í þeim flokki. Nei, nú skulu brýnustu lífsnausynjar eins og
matur, vatn og rafmagn bera 12% virðisaukaskatt í stað 7% áður. Endalaus-
ar undanþágur eru svo um allt milli himins og jarðar af því einhver hags-
munaöfl hafa einhverju sinni kippt í spotta. Þannig er hægt að finna dæmi
um húsaleigu með engum virðisauka og húsaleigu með 25,5%. Svo höf-
um við sykurskatt, vörugjöld og sitthvað fleira, sem gerir innheimtuna erf-
iða. Reyndar er það jákvæðasta við væntanleg fjárlög sú staðreynd að sum-
ir af þessum neyslusköttum eru felldir niður, hvaða skoðun sem menn svo
hafa á sykurskatti og áhrifum hans. Eftir sem áður verður skattkerfið okkar
frumskógur reglna og skattstiga, bara með nýjum prósentutölum. Ástæð-
una tel ég vera þá að starfsmenn ráðuneyta hafa í gegnum tíðina lagt til að
svona ætti það að vera. Flókið skattstig tryggir nefnilega mörgum opin-
berum starfsmönnum atvinnu! Svo koma ráðherrar, auðsveipir að vanda,
lepja vitleysuna upp eftir embættismönnunum og bera fram frumvörp á
þingi án þess að hugsa, eru jafnvel í eðli sínu ósammála því sem þeir tala
fyrir. Engu ómerkari maður en Pétur Blöndal hefur margoft lýst ástandinu
með þessum hætti og segir það óþolandi. Kannski vegna gagnrýni sinnar
hefur Pétur Blöndal aldrei verið gerður að ráðherra?
Ég er þeirrar skoðunar að breytingu á flóknu virðisaukaskattskerfi átti að
stíga til fulls. Þá hefðu allir grætt þegar upp væri staðið. Það átti að sjálf-
sögðu að ákveða eitt þrep virðiskaukaskatts á alla vöru og þjónustu í land-
inu. Banna átti með lögum að gera undanþágu frá því skatthlutfalli, sama
hvað á gengi, öllum yrði gert að borga sama skatt hver sem varan eða þjón-
ustan væri. Vegið meðaltal gæti þýtt að við fengjum á að giska 15% virðis-
aukaskatt, af því að þá yrði ekki lengur til 0%, 7% eða 25,5%, auk allra frá-
vikanna. Sem aðgerð til að koma til móts við lágtekjufólk; öryrkja, barna-
fólk og aðra þá sem verst gætu farið úr slíkri skyndilegri skattkerfisbreyt-
ingu, þyrfti að hækka frítekjumark. Flóknara þyrfti það ekki að vera. Ein-
földun sem þessi hefði ótalmarga kosti í för með sér. Hið opinbera bæri
meira úr býtum af því skattsvik myndu nánast heyra sögunni til. Skatt-
heimta verður svo miklu einfaldari að segja mætti upp hundruðum opin-
berra starfsmanna við eftirlit og innheimtu og þeir gætu farið að vinna arð-
bær störf úti í samfélaginu. Með einu skattþrepi myndu allir standa jafnt,
allar atvinnugreinar skila því sama til samfélagsins, hvort sem þær heita
ferðaþjónusta, iðnaður, sjávarútvegur eða listsköpun. Fólk myndi hætta að
eiga viðskipti við hárgreiðslukonuna eða bifvélavirkjann í heimahúsinu,
sem taka fjórðungi lægra gjald af því vinnan er svört. Almenningur myndi
ekki lengur vilja taka þátt í skattsvikum, það tæki því ekki fyrir 15% und-
anskot. En, niðurstaðan var sem oft áður, glatað tækifæri til bættrar skatt-
heimtu og vond fjárlög.
Magnús Magnússon.
Á fundi bæjarráðs Stykkishólms 8.
september var lagt fram bréf frá
eftirlitsnefnd ríkisins um fjármál
sveitarfélaga. Fram kemur í bréfinu
að nefndin hafi farið yfir ársreikn-
inga Stykkishólmsbæjar fyrir árið
2013. Í ljósi þeirrar jafnvægisreglu
sem í gildi er um fjármál sveitar-
félaga liggi fyrir að niðurstaðan sé
ekki í samræmi við fjárhagsáætl-
un ársins 2013 og samkvæmt áætl-
un um árin 2013 -2015. Niðurstaða
nefndarinnar er því sú að óska eft-
ir útskýringum á þessari niðurstöðu
og áætlun um hvernig ná skuli jafn-
vægi í rekstri áranna 2014-2016.
Svör skulu hafa borist fyrir 26.
september nk.
Bæjarráðið samþykkti að fela
bæjarstjóra að hefja þegar frekari
vinnu við fjárhagslega endurskipu-
lagningu og ganga til samninga
við ráðgjafa um fjármál sveitarfé-
laga. Liggi fyrir að Garðar Jónsson
hjá R3-Ráðgjöf og Ólafur Sveins-
son hjá SSV-þróun og ráðgjöf séu
tilbúnir til þess að hefja nú þegar
vinnu. Ætli þeir að greina vandann
og gera tillögur um fjárhagalega og
rekstrarlega endurskipulagningu í
þeim tilgangi að tryggja að bæjar-
sjóður uppfylli gildandi reglur. Er
bæjarstjóra veitt heimild til þess að
semja við framangreinda aðila og
vinna að nauðsynlegum skipulags-
breytingum á bæjarskrifstofum og
hjá stofnunum svo því markmiði
verði náð sem fjármálareglugerðin
setur. þá
Nú er tíminn til að ganga frá hús-
bílum og eftirvögnum. Góður frá-
gangur eykur líkur á því að búnað-
urinn verði í lagi eftir vetrargeymsl-
una. Á þessum tímapunkti getur líka
verið gott að yfirfara ástand búnaðar
og nýta veturinn til að útvega vara-
hluti eða annað. Tryggingafélagið
Vís vill í tilkynningu minna á nokk-
ur atriði sem vert sé að huga að áður
en sett er í geymslu:
Gæta þess að eftirvagn/bíll sé •
hreinn og þurr að innan.
Fjarlægja allan mat. •
Tæma vatnskúta. •
Tæma ferðaklósett og þrífa •
vel.
Taka gaskút og geyma utan-•
dyra.
Aftengja rafgeyminn. Losa •
þarf mínuspólinn fyrst. Til að
lengja líftíma rafgeymis er ráð-
lagt að hlaða hann tvisvar til
þrisvar sinnum yfir veturinn.
Aftengja sólarsellu. Setja sokk •
eða annað efni yfir plúspólinn.
Það kemur í veg fyrir leiðni ef
eitthver birta er í geymslunni.
Ef músagangur getur ver-•
ið í geymslunni þarf að skoða
hvort undirvagninn sé mús-
heldur. Ef göt eru til staðar
eins og í kringum rör eða víra
þá þarf að þétta þau.
Fara yfir tryggingamál, en •
gott er að hafa þjófnaðar- og
brunatryggingu yfir veturinn.
Gjarnan eru eigendur geymsla
með ábyrgðartryggingu ef þeir
valda tjóni á búnaði en ekki
með bruna- eða þjófnaðar-
tryggingu.
mm
Síðastliðinn mánudag var opnuð
hjúkrunarvakt fyrir almenning á
heilsugæslustöð HVE á Akranesi.
Um er að ræða skipulega móttöku
þar sem hjúkrunarfræðingur tek-
ur á móti erindum samdægurs sem
ekki þola bið og veitir þjónustu við
hæfi. Að sögn Huldu Gestsdóttur,
verkefnastjóra hjúkrunarmóttök-
unnar, verður engin breyting á fyr-
irkomulagi heilsugæslustöðvarinn-
ar heldur er móttakan viðbót við þá
þjónustu sem fyrir er á heilsugæsl-
unni. „Þessi þjónusta hefur í raun
alltaf verið til staðar en það hefur
hingað til ekki verið nein formleg
móttaka, ekki þetta opna aðgengi
að hjúkrunarfræðingum. Nú hafa
allir greiðan aðgang að hjúkrun-
arfræðingi á heilsugæslustöðinni á
dagvinnutíma.“ Á hjúkrunarvakt-
inni er einnig boðið upp á síma-
ráðgjöf þar sem veittar eru ráðlegg-
ingar, upplýsingar og leiðsögn um
heilbrigðiskerfið. Þó er ekki um að
ræða lyfjaendurnýjun eða lækna-
síma. „Algengt er að fólk leiti að-
stoðar eða ráðgjafar þegar um er
að ræða veikindi, vanlíðan, óþæg-
indi eða smáslys. Til dæmis er al-
gengt að foreldrar með lasin börn
fái ráðleggingar varðandi umönn-
un og aðstoð við að meta þörf fyr-
ir frekari þjónustu. Einnig leita
margir ráða vegna lyfjatöku eða
vantar leiðbeiningar til að rata um
heilbrigðiskerfið. Hingað koma
auðleyst mál, meðal annars blóð-
þrýstings- og blóðsykursmæling-
ar, hjartalínurit, sárameðferð, bólu-
setningar, sprautugjafir og í raun
allt sem tilheyrir heilsugæslunni.
Það er hægt að ganga hér inn, það
er alltaf hægt að finna lausan tíma,“
útskýrir Hulda.
Byggir á góðri
samvinnu
Hjúkrunarvaktin sinnir einnig er-
indum sem flokkast undir heilsu-
vernd, forvarnir og lífsstíl. „Öll-
um erindum sem koma á hjúkrun-
arvaktina er sinnt, annaðhvort með
því að veita þjónustuna á staðnum
eða vísa í þann farveg sem við á í
hverju tilviki. Við vísum sjúklingum
til læknis ef þörf er á, á vaktina eða
leysum málið á staðnum.“ Hjúkr-
unarfræðingar sem starfa í heilsu-
gæslu eru í nánu samstarfi við aðra
heilbrigðisstarfsmenn innan veggja
heilsugæslustöðvarinnar. Vaktin er
einnig í nánu samstarfi við hjúkrun-
arfræðinga sem sinna öðrum þátt-
um í starfsemi heilsugæslunnar eins
og ung- og smábarnavernd, heima-
hjúkrun og heilsuvernd skólabarna
ásamt því að hafa samráð við fag-
fólk sem sinnir sérhæfðum málum
eða starfa á sérstökum starfsstöðv-
um innan og utan heilsugæslunn-
ar. Má þar nefna göngudeild sótt-
varna, félagsþjónustu og næringar-
fræðing. Þjónustu þeirra er hægt að
nálgast með tilvísunum hjúkrunar-
fræðinga. „Þetta byggist allt á góðri
samvinnu heilbrigðisstarfsfólks,
verkin skarast og við vinnum mikið
saman. Tilgangurinn með þjónust-
unni er að opna flæðið og auðvelda
aðgang að heilbrigðisstarfsfólki. En
þjónustan er í þróun og það mun
bætast við hana þegar fram í sækir,“
segir Hulda að lokum.
Hjúkrunarvaktin er opin alla
virka daga á milli 8 - 12 og 13 - 16.
Ekki er hægt að bóka tíma í hádeg-
inu en þó er hægt að ná í hjúkrun-
arfræðing allan daginn. Þjónustan
fer öll í gegnum skiptiborð HVE
þar sem síminn er 432-1000.
grþ
Góð ráð við frágang húsbíla og eftirvagna
Eftirlitsnefndin óskar
skýringa frá Stykkishólmsbæ
Hjúkrunarvakt er nýjung
á Akranesi