Skessuhorn - 17.09.2014, Blaðsíða 10
10 MIÐVIKUDAGUR 17. SEPTEMBER 2014
Alþingismaður segir pólitískt tómlæti
ríkja um Landbúnaðarháskólann
„Er störukeppni um framtíð Land-
búnaðarháskóla Íslands,“ er fyrir-
sögn á bloggfærslu Haraldar Bene-
diktssonar alþingismanns í Norð-
vesturkjördæmi og fyrrum for-
manns Bændasamtaka Íslands, í lið-
inni viku. „Menntamálaráðherra
hefur fallið frá hugmyndum sínum
um sameiningu LbhÍ og Háskóla
Íslands. Hugmyndir að sameiningu
má rekja allt aftur til ráðherratíð-
ar Katrínar Jakobsdóttur. Þá féllu
þær hugmyndir í grýttan jarðveg
og sömu örlög hlutu hugmynd-
ir Illuga Gunnarssonar. Andstaðan
er málefnanleg og nýtur stuðnings
allra þingmanna NV kjördæm-
is – þá og nú. Andstaða er með-
al heimamanna og sveitarstjórnar
í Borgarbyggð – bæði fyrir og eftir
síðustu kosningar,“ segir Haraldur.
„Í áranna rás, eða frá 2008, hefur
ríkt pólitískt tómlæti um starfsemi
skólans. Hann hefur sætt skerðing-
um langt umfram aðra háskóla. All-
an þennan tíma og áður hefur þurft
að skera upp rekstur skólans og
styrkja undirstöður hans. En ekki
verið gert nema með innanhúss-
samdrætti. Seinni árin hefur þetta
tómlæti kostað hnignun á rekstr-
argetu skólans. Stjórnendum skól-
ans hefur skort stuðningur til að
grípa til aðgerða í rekstri hans til að
vera innan þess fjárhagsramma sem
skólanum er skapaður.“
Haraldur segir að stjórnend-
ur LbhÍ hafi á undanförnum árum
ítrekað lagt fram hugmyndir að
endurskipulagningu og sparnaði
í rekstri. En mætt tómlæti þeirra
sem með valdið fara. „Ég nefni sem
dæmi þann þunga bagga sem skól-
inn ber vegna leigugreiðslna fyr-
ir húsnæði sem ekki er skólanum
nauðsynlegt. Að útgjöld skólans
síðustu fimm ár hafi getað verið allt
að 220 milljónum króna lægri en
raun er. Næstum árlega hafa ver-
ið fluttar fréttir af framúrkeyrslu
skólans. Títtnefndur uppsafnað-
ur halli á skólanum er síðan sagður
vera um 700 milljónir. Það er hins
vegar túlkunaratriði, en raunveru-
legur halli hans er nær því að vera
480 milljónir. Stjórnendum ber að
vinna innan fjárheimilda og halla-
rekstur er óviðunandi en þá verður
líka að fjalla um það af sanngirni.“
Haraldur gagnrýnir einnig
þá sem halda og hafa haldið um
stjórnartaumana í LbhÍ. „Óvissu
um framtíð skólans er núna helst
viðhaldið af þeim starfsmönnum og
stjórnendum sem vilja sameiningu
við HÍ. Ljóst er að stór hópur svo-
kallaðra akademískra vísindamanna
hefur barist leynt og ljóst fyrir slíkri
sameiningu. Í greinum hafa þeir
komið fram og sent okkur bændum
og stjórnmálamönnum sem ekki
þýðast þeirra sjónarmið tóninn.
Nú síðast með því að kenna okkur
um atgervisflótta frá stofnunni. Því
virðist sem svo að þeir séu komn-
ir í einhversskonar störukeppni um
framtíð stofnunarinnar.“
Loks segir Haraldur að óvissa og
óeining sé slæm og að henni verði
að linna. „Lykilmálið er að vinna að
framtíð LbhÍ með atvinnuvegin-
um, hann þarf á þessari grundvall-
arstofnun að halda. Til að ná því
markmiði eru margar leiðir og vel
má að vera að í þeim megi sameina
sjónarmið þeirra sem nú virðast
vera ósamræmanleg. Það er hins-
vegar ekki gott að ekki virðist vilji
til slíkrar umræðu – því verður að
breyta. En til þess verður að ræða
saman og virða ákvörðun mennta-
málaráðherra að hafa hætt við sam-
einingu. Við látum ekki barnalega
störukeppni skaða meira 125 ára
skólasögu Landbúnaðarháskóla Ís-
lands,“ segir Haraldur Benedikts-
son að endingu.
mm
Haraldur Benediktsson, bóndi og alþingismaður er fyrrum formaður Bændasam-
taka Íslands. Hér er hann í heyskap. Ljósm. úr safni Skessuhorns.
Varað við grunsamlegum póst-
sendingum frá fjármálafyrirtækjum
„Það eru grunsamlegir
tenglar í tölvupósti - ekki
smella,“ segir í sameig-
inlegri fréttatilkynningu
frá netöryggissveit Póst-
og fjarskiptastofnunar,
Ríkislögreglustjóra, Ar-
ion banka, Íslandsbanka,
Landsbankanum og MP
banka sem send var út fyrir helgi.
Þá segir að bankar og fjármálafyr-
irtæki biðji aldrei um upplýsingar
um notendur í gegnum tölvupóst.
„Nokkuð hefur orðið vart við tölvu-
póst í vikunni þar sem viðskiptavin-
ir banka eru beðnir um að smella á
tengil inni í póstinum og gefa upp
notendanafn og aðgangsorð að net-
bönkum. Almenningur er hvatt-
ur til að vera á varðbergi gagnvart
slíkum tölvupósti og smella ekki á
slíka tengla. Bankar og fjármálafyr-
irtæki biðja viðskiptavini sína aldrei
um notendaupplýsingar í gegnum
tölvupóst, né hvetja þá með þeim
hætti til að skrá sig inn í heima-
banka. Gott er að senda grunsam-
lega tölvupósta áfram til viðkom-
andi banka til upplýsingar fyrir
starfsfólk hans og eyða síðan við-
komandi skeyti tafarlaust.“
Ennfremur er fólk hvatt til að
fara ekki í netbanka nema í gegn-
um vefsíður viðkomandi banka eða
fjármálafyrirtækis. „Þeir sem hugs-
anlega hafa smellt á hlekk úr tölvu-
pósti eins og þann sem lýst er hér
að ofan eru hvattir til að skipta um
lykilorð í netbankanum
og kynna sér upplýsing-
ar um öryggi netbank-
ans á heimasíðu við-
komandi banka. Ítrekað
skal að viðskiptavinum
bankanna er eftir sem
áður óhætt að tengj-
ast netbankanum sín-
um með venjulegum hætti í gegn-
um vefsíðu viðkomandi banka.“
Eftirfarandi er gott að hafa í
huga fyrir þá viðskiptavini sem
nota netbanka:
• Notendur eiga aldrei að smella
á grunsamlega tengla í tölvupósti.
Gott er að hafa það fyrir reglu að
tengjast netbanka eingöngu í gegn-
um heimasíðu viðkomandi banka.
Þetta skal einnig hafa í huga þegar
um viðkvæmar upplýsingar eða við-
skipti af öðru tagi er að ræða.
• Bankar senda aldrei viðskipta-
vinum sínum tölvupóst þar sem
notendur eru beðnir um að upp-
færa upplýsingar um sig með því að
smella á hlekk í skeytinu eða senda
upplýsingar með því að svara póst-
inum. Þetta á t.d. við um notenda-
nafn, lykilorð eða greiðslukorta-
upplýsingar.
• Þegar farið er inn í netbanka ber
að gæta þess að slóðin í vafra sé á
öruggu vefsvæði, það sést með því
að ganga úr skugga um að https://
sé fremst í vefslóð.
mm
Tíu starfsmönnum LbhÍ sagt upp um næstu mánaðamót
Sameining Landbúnaðarháskóla
Íslands og Háskóla Íslands hef-
ur verið í umræðunni meira og
minna í rúmt ár. Illugi Gunnars-
son menntamálaráðherra hefur
verið ötull talsmaður sameining-
ar sem og hluti starfsfólks stofn-
unarinnar, einkum þó akademísk-
ur hópur fólks. Hugmyndin hefur
mætt gríðarlegri andstöðu í röðum
þingmanna NV kjördæmis, sveit-
arstjórnarmanna í héraði, Bænda-
samtaka Íslands og hluta starfs-
fólks LbhÍ. Ráðherra hafði þann-
ig ekki þingmeirihluta til að knýja
sameiningu í gegn þegar á reyndi.
Sífellt minni fjárveiting er til skól-
ans og honum gert að hefja endur-
greiðslu taprekstrar undanfarinna
ára. Sérstaka athygli þeirra sem
fylgjast með málinu, hefur vak-
ið sú staðreynd að hefði komið til
sameiningar LbhÍ og HÍ hafði Ill-
ugi Gunnarsson lofað 300 milljóna
króna framlagi, skilyrtu gegn því
að sameining færi fram. Ráðherra
hefur staðið við það og þeir pen-
ingar hafa því ekki skilað sér. Þvert
á móti þarf skólinn að búa við nið-
urskurð í fjárlögum. Björn Þor-
steinsson núverandi rektor skól-
ans er skoðanabróðir Illuga varð-
andi kosti þess að sameina þessar
tvær háskólastofnanir. Hann segir
hins vegar pattstöðu í málinu, hug-
myndir ráðherra um sameiningu
hafi strandað á pólitísku blind-
skeri.
Svarar ekki
fyrirspurnum
Það skal tekið hér fram að 28.
mars 2014 sendi Skessuhorn skrif-
lega fyrirspurn til menntamála-
ráðuneytisins vegna málefna sem
snerta LbhÍ. Þeim hefur ekki enn
verið svarað, hálfum sjötta mánuði
eftir að þær voru sendar. Þá hefur
menntamálaráðuneytið heldur ekki
svarað skriflegri fyrirspurn blaðs-
ins sem send var skömmu síðar, þar
sem spurt var hversu langan tíma
það tæki að jafnaði að svara fyrir-
spurnum fjölmiðla! Þar sem Illugi
Gunnarsson menntamálaráðherra
kýs að svara ekki fyrirspurnum
Skessuhorns, kemur afstaða hans
til sameiningarmála LbhÍ ekki hér
fram af fyrstu hendi.
Endurgreiða
45 milljónir
Björn Þorsteinson, settur rektor
við Landbúnaðarháskóla Íslands,
greindi starfsmönnum LbhÍ frá því
á fundi nýverið að vegna aðhalds-
aðgerða í rekstri skólans verði tíu
störf aflögð og þar af leiðandi komi
til uppsagna. Í samtali við Bænda-
blaðið sem kom út í síðustu viku
sagði Björn að nú í september muni
stofnunin hrinda í framkvæmd nið-
urskurðaráætlun sem tekur gildi
um næstu áramót. „Með áætlun-
inni teljum við að búið sé að koma
fjárhagsáætlun skólans inn fyrir
þann fjárhagsramma sem okkur er
ætlaður og felst í því að ná endum
saman og endurgreiða 35 milljónir
í ríkissjóð 2015,“ segir Björn í við-
tali sem birtist einnig á bbl.is 11.
september sl. Fram kemur að LbhÍ
fór talsvert framúr fjárhagsáætl-
un á síðasta ári og er skólanum nú
gert að greiða tíu milljónir króna
til baka í ríkissjóð á þessu ári auk
þessara 35 milljóna á næsta ári.
Þá segir rektor að vegna óvissu
sem skólinn hafi verið í síðastlið-
ið ár hafi nokkrir starfsmenn þeg-
ar sagt upp og horfið til annarra
starfa. Það geri að verkum að nú-
verandi fjárhagsár muni verða inn-
an áætlunar. Björn segir í samtal-
inu við bbl.is að ekki sé búið að
segja starfsfólkinu hverjir komi til
með að missa starfið en búið sé að
greina almennt frá áformunum og
að það verði þung spor þegar komi
að því að afhenda uppsagnarbréf-
in. „Það er ömurlegt að sjá að baki
fólki sem maður vill ekki missa,“
sagði Björn.
Til að mæta minnkandi fjárfram-
lagi frá ríkinu segir Björn að grípa
þurfi til nokkurra aðgerða. „Í fyrsta
lagi er stefnt að því að verja kennslu
og rannsóknir við skólann. Í öðru
lagi fórnum við þremur verkefnum
sem ekki falla beint undir kjarna-
starfsemi skólans þar sem tekjur af
þeim nægja ekki til reksturs þeirra.
Þriðja forsenda er að endurskipu-
leggja mönnun stoðsviða og upp-
byggingu þeirra. Í fjórða lagi eru
breytingarnar hugsaðar þannig að
sókn til uppbygginga skólans verði
sem auðveldust eftir að við erum
komnir í gegnum núverandi þreng-
ingar,“ sagði Björn Þorsteinsson
í samtali við bbl.is. Loks má geta
þess að minni aðsókn var að há-
skólanámi við LbhÍ í haust í sam-
anburði við síðustu ár. Hins veg-
ar er aðsókn meiri á starfsmennta-
brautir við skólann. Settur rektor
hefur ekki útilokað í samtölum við
fjölmiðla, meðal annars í Skessu-
horni fyrr í haust, að neikvæð um-
ræða um erfiða stöðu skólans og
óvissa um framtíð hans, dragi úr
aðsókn.
mm