Skessuhorn - 17.09.2014, Blaðsíða 17
17MIÐVIKUDAGUR 17. SEPTEMBER 2014
Skömmu fyrir myrkur á föstu-
dagskvöldið síðasta sigldi stærsta
skemmtisnekkja sem Íslend-
ingar hafa átt hér á landi inn í
nýja heimahöfn. Snekkjan heit-
ir Amelía Rós og er skráð á Akra-
nesi og í eigu tveggja fjárfesta,
þeirra Gunnars Leifs Stefánssonar
og Sævars Valdimarssonar. Fyrr á
þessu ári keyptu þeir Amelíu Rós
í Mexíkó og fengu henni siglt það-
an, meðal annars um varhuga-
verðan Panamaskurðinn. Í síðasta
áfanga var skútunni siglt frá Kan-
ada. Tafir urðu á heimferð í sumar
vegna bilunar en upphaflega stóð
til að snekkjan kæmi til landsins
fyrir upphaf ferðamannatímabils-
ins. Nú verður lögð áhersla á lag-
færingar þannig að hún verði enn
glæsilegri og til reiðu fyrir ferða-
menn næsta vor. Snekkjan var ein-
ungis á Akranesi um helgina en
henni var siglt til Reykjavíkur þar
sem lagfæringar verða gerðar.
Skemmtisnekkjan Amelía Rose
er tíu ára gamalt skip, útbúið mikl-
um lúxus handa fólki sem hef-
ur nægt fé á milli handanna. Hún
verður sú fyrsta sinnar tegund-
ar sem býðst ríkum ferðamönn-
um til leigu á meðan þeir sækja
Ísland heim. Þannig verður hún
sem slík nýjung í ferðaþjónustu á
Íslandi. Í snekkjunni eru klefar á
borð við hótelsvítur fyrir 18 far-
þega og fimm manna áhöfn. Skip-
ið er 35 metra langt og mælist 230
tonn. Það er búið tveimur öflugum
Caterpillar aðalvélum og tveim-
ur ljósavélum. Olíutankar rúma 40
tonn, vatnstankar 20 tonn og um
borð er búnaður til að eima vatn
úr sjó. Skipið getur verið tvær vik-
ur á stöðugri siglingu miðað við
12 hnúta ferð. Hámarks siglingar-
hraði er 16 hnútar.
mm
Meðal mikilvægustu málaflokka
hjá sveitarfélögunum í landinu eru
æskulýðs- og íþróttamál. Stjórn-
endur sveitarfélaga eru marg-
ir hverjir mjög meðvitaðir um að
þegar fólk velur sér búsetu horfi
það til þess hvað börnunum stend-
ur til boða. Þá er yfirleitt fram-
boð íþrótta og tómstunda ofar-
lega á blaði. Sveitarfélagið Borg-
arbyggð er um þessar mundir að
vinna að skipulagsbreytingum í
þessum málum, með samningi sem
það gerði við Ungmennasamband
Borgarfjarðar (UMSB) í því augna-
miði að fóstra þennan málaflokk.
Til að leiða þessa kerfisbreytingu
og vinna samkvæmt mjög víðtæku
verksviði að íþrótta- og tómstunda-
málum í Borgarbyggð var ráðinn
á dögunum í starf tómstundafull-
trúa Sigurður Guðmundsson. Sig-
urður þekkir vel til í Borgarfirði þar
sem að hann ólst upp á Hvanneyri,
er eitt barna Guðmundar Sigurðs-
sonar og Sigrúnar Kristjánsdóttur.
Blaðamaður Skessuhorns mælti sér
mót við Sigurð þar sem spjallað var
við hann um væntanlegt starf og
ýmislegt fleira.
Víðtækt samstarf
Sigurður hefur búið á höfuðborg-
arsvæðinu frá 2000 og hefur nú
stefnan verið sett á að flytja heim
að nýju. „Ég geri ráð fyrir að starf-
ið hjá UMSB sé sérstaklega spenn-
andi og jafnframt krefjandi. Svæð-
ið er stórt og það þarf að uppfylla
þarfir margra á svæðinu, einkum
barna og ungmenna á aldrinum
6-16 ára sem verkefnið nær til sam-
kvæmt samningnum milli Borga-
byggðar og UMSB. Ég þarf nú að
kynna mér málin og koma mér inn í
hlutina. Eitt af mínum fyrstu verk-
um verður að eiga samtal við for-
eldra barna, skólastjórnendur og
stjórnendur íþróttafélaganna en
mjög mikilvægt er að þessir aðilar
séu samstíga. Það verður skemmti-
leg áskorun að tvinna tómstundir
og íþróttir við skóladag barnanna,
en takmarkið er að vinnudagur
barnsins verði með þeim hætti að
íþrótta- og tómstundaskóli hefj-
ist sem fyrst eftir að skólatíma lýk-
ur og komi í beinu framhaldi,“ seg-
ir Sigurður.
Allir uni sér í tóm-
stundum
Í starfslýsingu samkvæmt umrædd-
um samningi milli Borgarbyggð-
ar og UMSB er tómstundafull-
trúa ætlað að halda utan um nán-
ast allt sem tengist málaflokknum.
Auk þess sem stefnan er að vinnu-
dagur barna verði sem heilstæðast-
ur, er stefnt að því að fjölga börn-
um sem taka þátt í skipulögðu fé-
lags- og tómstundastarfi og að
auka fjölbreytni í tómstundastarfi
fyrir börn í Borgarbyggð. Megin-
verkefni tómstundafulltrúa verð-
ur að halda utan um og skipuleggja
íþrótta- og tómstundaskólann allt
skólaárið, skipuleggja starf félags-
miðstöðva, undirbúa og skipu-
leggja svokallað Sumarfjör og hafa
yfirumsjón með vinnuskólanum.
Í samningnum segir m.a. að starf-
semin sé byggð á góðu samkomu-
lagi við íþróttafélögin sem halda úti
íþróttaæfingum fyrir börn á þess-
um aldri. Auk íþróttaæfinganna
verði líka boðið upp á tómstunda-
starf fyrir þau börn sem eru síður
áhugasöm um íþróttir en heillast
t.d. af leiklist, myndlist, skátastarfi,
útivist, tónlist, starfsemi björgunar-
sveitanna og fleiru.
Öllum verði gert jafnt
hátt undir höfði
Sigurður segir að það verði að
vanda vel til verks við undirbúning
og framkvæmd. Leitast verði við að
gera öllum börnum jafn hátt undir
höfði, hvort sem þau búi í dreifðari
byggðum Borgarbyggðar eða í þétt-
býlinu. Samræma þarf skipulagð-
ar ferðir milli grunnskóla Borgar-
byggðar og íþrótta- og tómstunda-
starfs. Sigurður kemur til starfa í
Borgarbyggð um miðjan október-
mánuð og þá hefst undirbúningur á
fullu. Hann stefnir síðan á að flytja
með fjölskylduna, konu og þrjá
unga syni á Hvanneyri um áramót-
in, en þeir eru frá eins árs og upp í
sjö ára. „Eins og gefur að skilja er
oft fjör á heimilinu. Ég er að flytja
heim aftur eftir að hafa búið á höf-
uðborgarsvæðinu í 14 ár. Segja má
að gamall draumur sé nú loksins að
rætast og við fjölskyldan vorum til-
búin að rífa okkur upp og freista
gæfunnar á nýjum stað. Ég ætla að
leggja mig allan fram við að vel tak-
ist til í þessum skipulagsbreyting-
um í tómstunda- og íþróttamálum
sem framundan eru. Ég vona að
hvert og eitt barn í Borgarbyggð
finni eitthvað við sitt hæfi og fái
notið sín,“ segir Sigurður.
Sundið var
aðalíþróttagreinin
Sigurður er af 1979 árgerðinni.
Hann segir að í uppvextinum á
Hvanneyri hafi hann og krakkarn-
ir þar verið öllum stundum í gamla
íþróttahúsinu. „Það var félagsmið-
stöðin okkar. Það viðgengst ekki í
dag að krakkar fái lykla að íþrótta-
húsi og leiki sér þar. Ég fór svo á
mína fyrstu sundæfingu í Hrepps-
laug þegar ég var sex ára. Ég fór í
kjölfar þess að stunda sundæfing-
ar í Borgarnesi, lengst af hjá Ósk-
ari Hjartarsyni, en síðan valdi ég
að fara í FVA á Akranesi til að æfa
sund á Skaganum. Þá var það Sig-
urlín Þorbergsdóttir sem var að-
alþjálfari sundliðs ÍA. Við æfðum
gríðarmikið þau þrjú ár sem ég
var á Akranesi, nánast tvisvar á dag
einkum þá daga sem þrekæfingar
voru. Á þeim tíma sem ég æfði sund
náði ég að setja nokkur héraðsmet
og Íslandsmet í bringusundi, sem
var mín aðalsundgrein. Ég var val-
inn í landsliðið á Norðurlandamót
í Danmörku og náði ágætis árangri
á þessum árum. Foreldrar mín-
ir stóðu alltaf þétt við bakið á mér.
Ég hefði aldrei getað æft svona vel
og náð árangri í greininni meðan
ég átti heima á Hvanneyri nema
vegna þess að þau studdu ævinlega
við bakið á mér og sýndu íþrótta-
iðkun minni áhuga frá fyrsta degi.“
Sigurður segir mikilvægt að börn
fái stuðning frá foreldrum svo þau
haldi áfram sem lengst að stunda
íþróttir. Engum dyljist ágæti hreyf-
ingar og forvarnargildi íþrótta. Að-
spurður segir Sigurður að hann
hafi einnig stundað frjálsar íþrótt-
ir, hestamennsku og körfubolta.
„Í seinni tíð er ég farinn að hjóla
og þríþrautin er keppnisgrein sem
höfðar mjög til mín.“
Húsasmiður og fór síðar
í íþróttalýðheilsuskóla
Sigurður nam húsasmíðar í Fjöl-
brautaskóla Vesturlands á Akra-
nesi. Tók þar sveinspróf og fór síð-
an að vinna við smíðar þegar hann
flutti í borgina árið 2000. „Ég fór
í íþróttalýðháskóla í Sönderborg í
Danmörku árið 2003 og fékk mik-
ið út úr því. Mig hafði alltaf langað
í íþróttanám og svo kom að því að
ég dreif mig í Háskóla Reykjavík-
ur haustið 2005. Þar er boðið upp
á nám í íþrótta-, kennslu- og lýð-
heilsufræðum sem ég hef brennandi
áhuga fyrir. Meðfram námi þjálfaði
ég sund hjá Stjörnunni í Garðabæ
en útskrifaðist úr HR vorið 2008. Þá
fór ég að starfa hjá Ungmennafélagi
Íslands og fyrsta árið þar sinnti ég
félagsmálafræðslu. Hélt námskeið
víða um landið og kenndi fram-
komu og fundarsköp sem var mér
mjög dýrmætt því ég kynntist ung-
um sem öldnum ungmennafélögum
um allt land. Síðan fór ég að vinna
að almenningsverkefnum UMFÍ og
mitt aðalverkefni var framkvæmda-
stjórn með landsmóti UMFÍ 50
ára og eldri. Það er orðið heilmik-
ið starf í kringum landsmótin enda
koma margir að mótunum og mik-
ilvægt er að stilla strengi allra hlut-
aðeigandi. Ég hef einnig haft um-
sjón með Frjálsíþróttaskóla UMFÍ
sem er skemmtilegt verkefni, skóli
ætlaður börnum og ungmennum á
aldrinum 11-18 ára að sumarlagi.
Ég á nú sæti í Æskulýðsráði ríkisins
og nýti hvert tækifæri sem gefst til
að sækja ráðstefnur og námskeið til
að efla mig sem starfsmann og fylgj-
ast með nýjustu stefnum og straum-
um í heimi íþróttanna. Eftir síð-
asta landsmót UMFÍ 50+ á Húsavík
í vor sagði ég starfi mínu lausu og
réð mig til starfa hjá Íþróttabanda-
lagi Reykjavíkur. Þar hafði ég m.a.
umsjón með tímaskipan íþróttahúsa
bandalagsins og stýrði Latabæjar-
hlaupinu sem tengist Reykjavíkur-
maraþoni Íslandsbanka, stórt verk-
efni en 3500 börn hlupu núna ásamt
foreldrum og forráðamönnum. Síð-
an sá ég þetta starf hjá UMSB aug-
lýst og velktist ekki í nokkrum vafa
um að slá til og stefna heim. Ég er
fullur tilhlökkunar að hefja störf
fyrir gamla góða félagið mitt sem
ég hef alltaf haft svo sterkar taugar
til,“ sagði Sigurður Guðmundsson
að endingu.
þá
Dýrasta og stærsta snekkja Íslands komin
til heimahafnar á Akranesi
Fullur tilhlökkunar að vinna með börnum
Spjallað við Sigurð Guðmundsson verðandi tómstundafulltrúa í Borgabyggð
Sigurður ásamt eiginkonu sinni Aldísi Örnu Tryggvadóttur og sonunum þremur,
Erni Daða, Óttarri Birni og Styrmi Hrafni.
Sigurður Guðmundsson væntanlegur tómstundafulltrúi í Borgarbyggð.