Skessuhorn - 17.09.2014, Blaðsíða 23
23MIÐVIKUDAGUR 17. SEPTEMBER 2014
Eimskip | Korngörðum 2 | 104 Reykjavík | Sími 525 7000 | www.ebox.is
eBOX er ný, þægileg og einföld lausn til að flytja minni sendingar
frá Evrópu til Íslands. Á ebox.is er reiknivél sem segir þér á
augabragði hver flutningskostnaðurinn er. Traust og áreiðanlegt
leiðakerfi Eimskips á Norður-Atlantshafi tryggir að sendingin þín
kemur heim með fyrstu ferð. Auðvelt og fljótlegt.
auðveldar smásendingar
Í STÓRUM SKIPUM RÚMAST LÍKA
SMÆRRI SENDINGAR
������� ���������
� e���.��
F
ÍT
O
N
/
S
ÍA
Leikmenn og stjórn Grundarfjarð-
arliðsins í fótbolta héldu lokahóf sitt
strax eftir lokaleik í deildinni síðasta
laugardag. Af því tilefni voru veittar
viðurkenningar fyrir árangur sum-
arsins. Almar Björn Viðarsson var
valinn leikmaður ársins. Einnig
voru Ragnar Smári Guðmundsson
og Dominik Bajda heiðraðir fyrir
framúrskarandi árangur á vellinum
og svo þurftu þeir Almar og Heimir
Þór að skipta markakóngstitlinum á
milli sín, en þeir skoruðu hvor um
sig 7 mörk. tfk
Grundfirðingar kláruðu tímabilið
með fínum leik þegar þeir tóku á
móti liði Hamars frá Hveragerði sl.
laugardag. Fyrir leikinn var Ham-
ar fallinn niður í fjórðu deild og
heimamenn sigldu lygnan sjó um
miðja þriðju deildina. Mikill vind-
ur, reyndar hreint og klárt rok, ein-
kenndi þennan leik eins og svo oft
áður í sumar. Svo fór að heima-
menn sigruðu 5-1. Það óvenju-
lega við þennan leik var að Ham-
arsmenn notuðu fimm markverði í
leiknum. Geri aðrir betur. tfk
Snæfellsnessamstarfið í fótbolta
stóð fyrir fótboltamaraþoni í
Íþróttahúsi Snæfellsbæjar um síð-
ustu helgi. Maraþonið hófst strax
að loknum síðasta heimaleik Vík-
ings Ólafsvík og stóð í sólarhring.
Byrjendaboltinn, ásamt 7. flokk
karla og kvenna, riðu á vaðið og
spiluðu frá klukkan 16 - 19. Þá tók
6. flokkur karla og kvenna við og
spiluðu í þrjá tíma. 4. og 5. flokk-
ur kvenna og karla spiluðu frá þeim
tíma til klukkan sjö næsta morg-
un, í níu klukkustundir. Um morg-
uninn spiluðu 6. og 7. flokkur aft-
ur og byrjendaboltinn spilaði í eina
klukkustund. 2. og 3. flokkur karla
áttu að spila sinn síðasta leik í Ís-
landsmótinu í sumar við Gróttu en
leiknum var frestað vegna veðurs.
Þess í stað mættu strákarnir í mara-
þonið og spiluðu á móti gömlum
og ungum kempum.
Maraþonið endaði svo með upp-
skeruhátíð þar sem veittar voru við-
urkenningar. Allir iðkendur í 6., 7.
og 8. flokki fengu viðurkenningu.
Að því loknu voru veitt verðlaun í
3., 4. og 5. flokki fyrir mestu fram-
farir, bestu leikmenn og marka-
hæsta leikmanninn. Herlegheitun-
um lauk svo með hópmyndatöku
og grillveislu.
þa
Hið árlega og evrópska verkefni
Hreyfivikan eða „Move Week“ fer
fram um gjörvalla Evrópu dagana 29.
september – 5. október næstkom-
andi. Hreyfivikan er hluti af herferð
sem hefur það að markmiði að kynna
kosti þess að taka virkan þátt í hreyf-
ingu og íþróttum til heilsubótar og
að fólk finni hreyfingu sem hentar
þeim sjálfum. Framtíðarsýn herferð-
arinnar er að 100 milljónir fleiri Evr-
ópubúa verði virkir í hreyfingu og
íþróttum. Á Íslandi er Hreyfivikan
almennings íþróttaverkefni á vegum
Ungmennafélags Íslands í samstarfi
við yfir 200 samtök í Evrópu. Sam-
bandsaðilar UMFÍ munu taka virkan
þátt í Hreyfivikunni og bjóða upp á
fjölda viðburða og tækifæra fyrir fólk
til að kynna sér fjölbreytta hreyfingu
sér til heilsubótar. Fólk er hvatt til að
fylgjast með á vefsíðu UMFÍ, www.
umfi.is. Hægt er að skrá sig til leiks
á www.iceland.moveweek.eu og vera
þannig með í því að koma Íslandi á
hreyfingu.
Þátttaka á Vesturlandi
í verkefninu
Í fyrra tóku þrjú héraðssambönd
á landinu þátt í Hreyfiviku að ein-
hverju leyti en að þessu sinni er út-
lit fyrir að 12 - 14 bæjar- og sam-
félög keyri verkefnið áfram. „Fyr-
irtæki og skólar vítt og breitt hafa
verið í sambandi við mig, svo það
er ljóst að mun meiri áhugi er fyrir
Hreyfivikunni en verið hefur undan-
farin ár. Á Vesturlandi er UMSB að
skipuleggja viðburði á sínum vegum
í samstarfi við Menntaskóla Borgar-
fjarðar, Grundarfjörður stefnir einn-
ig á að vera með dagskrá og Ragn-
heiður Guðjónsdóttir í Brekkubæj-
arskóla á Akranesi verður líka með
skemmtilegan viðburð með 5. bekk-
ingum þar. Góðir hlutir gerast hægt
og vonandi bætast fleiri við sem vilja
taka þátt,“ segir Sabína Steinunn
Halldórsdóttir landsfulltrúi UMFÍ
og verkefnastjóri Hreyfivikunnar í
samtali við Skessuhorn. Hún seg-
ir öllum mikilvægt að hreyfa sig og
markmiðið sé að fjölga verulega í
hópi þeirra sem stunda hreyfingu.
Talið er að rekja megi 600 þúsund
dauðsföll í Evrópu til hreyfingaleys-
is á hverju ári. „Það er enginn að tala
um að allir þurfi að fara í fjallgöngu
eða í ræktina á hverjum degi, heldur
að hver og einn finni sína hreyfingu.
Almennar ráðleggingar frá land-
læknisembættinu eru að fólk stundi
einhverja hreyfingu í 30 - 60 mínút-
ur á dag, við þurfum því ekki að sjá
af miklum tíma til að bæta heilsuna.
Ég er mjög spennt fyrir þessu verk-
efni og þátttakendum er alltaf að
fjölga. Góðir hlutir gerast hægt og
einstaklings framtakið skiptir ekki
síður máli, því allir geta skráð sig
sem boðbera hreyfingarinnar. Við
stefnum að því að árið 2020 getum
við sýnt allri Evrópu að við getum
haldið hér nokkurs konar Hreyfiviku
Íslands og að allir viti út á hvað hún
gengur,“ segir Sabína Steinunn. grþ
Norðurálsmót körfuknattleiks-
deildar Skallagríms fer fram í
Íþróttamiðstöðinni í Borgarnesi
sunnudaginn 28. september
nk. Mótið er fyrir stráka og stelpur
í 1.-6. bekk sem fædd eru 2003-2008. Um er
að ræða hraðmót með stuttu stoppi milli leikja
þar sem hvert lið þreytir kappi á einum degi.
Leikið verður í þremur aldursflokkum drengja
og stúlkna.
Skráning stendur nú yfir en lýkur sunnudag-
inn 20. september nk. Hægt er að skrá lið til
leiks með því að senda tölvupóst á skallagrim-
urkarfa@gmail.com. Frekari upplýsingar um
mótið veitir Kristinn í síma 852 2203. Þátttöku-
gjald á keppanda er 2000 kr. Allir keppendur
fá gjöf frá Norðuráli fyrir þátttökuna og frítt í
sund á mótsdegi. Þetta er í þriðja skipti sem
Norðurálsmót Skallagríms fer fram. -fréttatilk.
Íslenska kvennalandsliðið í knatt-
spyrnu skipað leikmönnum 19 ára
og yngri leikur nú í Litháen í und-
ankeppni fyrir milliriðla EM. Skaga-
konur eiga þar tvo fulltrúa, þær Guðrúnu Kar-
ítas Sigurðardóttur og Ástu Vigdísi Guðlaugs-
dóttur. Landsliðið hefur nú spilað tvo leiki af
þremur í ferðinni til Litháens og unnið í þeim
báðum. Stelpurnar munu svo mæta Spánverj-
um á morgun, fimmtudag, í leik um efsta sæti
í riðlinum. Þær hafa þó þegar tryggt sér sætið
í milliriðlinum. Þess má einnig geta að Þórður
Þórðarson þjálfari meistaraflokks kvenna hjá
ÍA er einnig með í för sem aðstoðarþjálfari U19
landsliðins. jsb
Næstsíðustu umferðinni í 1. deild-
inni í fótboltanum lauk á laugar-
daginn. Víkingur Ólafsvík sigraði
KV örugglega 5-1 og er í þriðja
sætinu fyrir lokaumferðina, tveimur
stigum á undan Þrótti. Fyrir Víking
voru það Eyþór Helgi Björgvins-
son, Þorsteinn Már Ragnarsson og
Alejandro Abarca Lopez sem skor-
uðu sitt markið hver, en Antonio
Jese Espinosa Mossi gerðu tvennu
í lokin.
Skagamenn tóku á móti Haukum
í næstsíðustu umferðinni. Þetta var
mikilvægur leikur fyrir heimamenn
sem voru fyrir hann í öðru sæti
deildarinnar og í harðri baráttu um
að ná efsta sætinu af Leikni. Hauk-
ar hins vegar spiluðu upp á heið-
urinn í áttunda sæti deildarinn-
ar. Skemmst er frá því að segja að
gestirnir voru betri aðilinn í leikn-
um. Skoruðu mörk á 50. mínutu
og annað á lokamínútu leiksins
og gulltryggðu þar með 2:0 sigur.
Þrátt fyrir úrslitin eru Skagamenn
búnir að tryggja sér sæti í úrvals-
deild næsta vor. mm
Tvær frá ÍA í U19
landsliðshópnum
Norðurálsmót
Skallagríms í körfu
Hreyfivika framundan á Vestur-
landi og um gjörvalla í Evrópu
Latabæjarleikar fyrir börn á leikskólaaldri voru haldnir í Borgarnesi í fyrra í
tengslum við Hreyfivikuna.
Víkingur með stórsigur
en Skagamenn töpuðu í
næstsíðustu umferð
Svipmynd úr leik Víkings og KV. Ljósm. af.
Fótboltamaraþon og uppskeruhátíð í Snæfellsbæ
Dominik Bajda, Ragnar Smári Guðmundsson, Almar Viðarsson og Heimir Þór
Ásgeirsson.
Almar Björn valinn leikmaður
Grundarfjarðarliðsins
Fallnir Hamarsmenn yfir-
spilaðir í Grundarfirði