Skessuhorn - 24.09.2014, Blaðsíða 17

17MIÐVIKUDAGUR 24. SEPTEMBER 2014
Ég fór að sinna félagslegu hliðinni
og tók þátt í starfsemi Þroskahjálp-
ar og sat í Svæðisstjórn um málefni
fatlaðra. Við vorum nokkrir foreld-
ar, skjólstæðingar fatlaðra barna á
Vesturlandi, sem mynduðum sam-
starfshóp. Bóndinn í Holti í Borgar-
hreppi hafði gefið býlið til Þroska-
hjálpar. Við sáum að þar var tilval-
ið að hafa sumardvalarstað fyrir fatl-
aða. Við uppbyggingu á staðnum var
unnið stórt framtak og nutum við
þar stuðnings fólks bæði í Borgar-
firði og á Akranesi. Þarna var unn-
in mikil sjálfboðavinna, sérstaklega
þegar við byggðum viðbyggingu og
svo tengibyggingu á milli. Verktak-
ar studdu okkur líka, rukkuðu lítið
eða ekkert fyrir vinnuna, eins og t.d.
Ólafur Axelsson trésmíðameistari í
Borgarnesi.“
Afturför í málaflokknum
seinni árin
Jón Einarsson hefur verið á sambýl-
inu við Laugarbraut síðustu 14 árin,
var hjá foreldrum sínum fram að tví-
tugu. Eins og gefur að skilja hefur
það tekið á að annast heima fjölfatl-
aðan einstakling svo lengi. „Það var
mjög góð lausn þegar Nonni komst á
sambýlið. Það var eins og við á þessu
svæði værum á eftir mörgum í upp-
byggingu þjónustu fyrir fatlaða. Okk-
ur fannst það mikill sigur þegar sam-
býlin voru opnuð og skjólstæðingarnir
fengu þar inni. Núna seinni árin, eða
frá því málaflokkurinn flutti frá ríkinu
til sveitarfélaganna, höfum við merkt
greinilega afturför í búsetumálunum.
Nú sé þörf á að við foreldrar fatlaðra
barna myndum aftur hóp eins og við
gerðum þegar við unnum að sum-
ardvölinni í Holti. Okkur sýnist að
stjórnendur hjá Akraneskaupstað hafi
ekki unnið rétt að málum núna síðustu
misserin. Svo sem með því að leggja
niður sambýlið við Vesturgötu og
koma upp búsetukostinum í blokkinni
við Holtsflöt. Við þessa breytingu hef-
ur t.d. verið þrengt að íbúum í sam-
býlinu við Laugarbraut, þar sem okk-
ar drengur býr, með því að bæta við
sjöunda heimilismanninum. Sambýl-
ið er ekki nema fyrir sex einstaklinga
og að auki eru þeir allir í hjólastól. Það
er ekki rými á sambýlinu fyrir svona
marga íbúa og þetta bitnar á þeirra
lífsgæðum, ekki síst félagslega. Þetta
gengur ekki upp að okkar mati og að-
standendur þeirra sem eru á Holtsflöt-
inni telja að búsetuformið gangi ekki
upp þar heldur. Við nokkrir foreldrar
erum einmitt að senda erindi til bæj-
aryfirvalda þessa dagana þar sem við
óskum eftir að eiga við þau viðræður
um úrbætur og lausnir.“
Gott að vinna í sveitinni
Einar starfaði í 14 ár sem bókari
hjá Akraneskaupstað. „Ég tók mér
frí frá skrifstofunni í rúmlega tvö
ár eftir tíu ára starf. Keypti þá átta
tonna bát með föður mínum og
gerði út. Við höfðum átt litla trillu
í nokkur ár og stundað grásleppu-
veiðar að vorinu og verið á skaki
á sumrin. Mig langaði bara til að
prófa aftur en seldi bátinn svo eft-
ir þessa tilraun. Ég fór því aftur að
vinna á bæjarskrifstofunni. Þar var
ég í fjögur ár til viðbótar, en tók
svo við starfi framkvæmdastjóra
nýstofnaðs fiskmarkaðar á Akra-
nesi. Þar var ég í fjögur ár, en þá
var markaðurinn sameinaður Fax-
amarkaði og síðar Íslandsmarkaði.“
Einar hóf þá störf í Tölvuþjónust-
unni á Akranesi, sem síðar varð
Securstore. Hann átti eignarhlut í
því fyrirtæki. Þar vann Einar í tíu
ár en seldi þá sinn hlut. Síðan starf-
aði Einar hjá Viðskiptaþjónustunni
á Akranesi, síðar Practica, við bók-
hald, uppgjör og þess háttar í þrjú
ár. „Ég var svo lánaður þaðan hérna
í Hvalfjarðarsveitina í eitt ár, en var
fastráðinn eftir árið. Núna í haust
er ég búinn að starfa hérna á sveit-
arskrifstofunni í fimm ár. Hér er
mjög gott að vinna. Ég kann vel við
að starfa hérna með fólkinu í sveit-
inni, eins og reyndar annars staðar
þar sem ég hef verið.“
Barnabörnin og golfið
Einar segir að þau hjónin eigi tvö
barnabörn sem séu algjörir gim-
steinar, Kristrúnu Báru tíu ára og
Elvar Loga sjö ára. Þau eru börn
elsta barnsins Gyðu og manns
hennar Guðjóns Skúla Jónssonar.
Þau búa í nágrenninu við Einar og
Guðrúnu á Akranesi. „Mitt aðal-
áhugamál í dag er golf, sem ég kol-
féll fyrir, fyrir um áratug síðan, og
Gunna fékk bakteríuna nokkru síð-
ar. Þannig að við hjónin erum öll-
um stundum á vellinum, að vísu
með misjöfnum árangri. Það ger-
ir golfið einmitt svo skemmtilegt,“
segir Einar Jónsson. þá
Systkinin þrjú, börn Einars og Guðrúnar.
HÁGÆÐA HRÁEFNI ÁST OG UMHYGGJA = EINSTÖK ÚTKOMA+
ÓMISSANDI
Í SLÁTURGERÐINA
FYRIR ALLA FJÖLSKYLDUNA
KORNAX RÚGMJÖL ER HEILKORNAMJÖL SEM Í ERU
ALLIR HLUTAR KORNSINS; KJARNI, KÍM OG HÝÐI AUK ÞESS
SEM ÞAÐ INNIHELDUR NÁTTÚRULEG VÍTAMÍN OG STEINEFNI
www.skessuhorn.is
Fylgist
þú með?
Áskriftarsími:
433 5500