Skessuhorn - 24.09.2014, Blaðsíða 27
27MIÐVIKUDAGUR 24. SEPTEMBER 2014
Seldu hafragraut til að safna fyrir Berlínarferð
Valáfanginn „Berlín - menning,
mannlíf, saga“ er nú kenndur við
Fjölbrautaskóla Vesturlands á
Akranesi í fyrsta sinn. Alls eru 20
nemendur skráðir í áfangann og
verður hápunktur hans Berlínar-
ferð sem hópurinn fer í um miðj-
an október næstkomandi. Að sögn
Kristínar Kötterheinrich, kenn-
ara í áfanganum, hefur hópurinn
verið iðinn við að safna fyrir ferð-
inni en nemendur þurfa sjálfir að
standa straum af þeim kostnaði
sem ferðinni tengist. „Krakkarnir
héldu svokallaða „Þýska daga Berl-
ínarfara“ í síðustu viku. Þar seldu
þau hafragraut í fyrstu frímínút-
um á morgnanna, héldu Pub Quiz,
kvikmyndakvöld, nytjamarkað í
Þorpinu og kaffihúsakvöld sem
var hápunktur vikunnar. Þangað
mættu um 90 manns og hlustuðu
á tónlistaratriði, spiluðu bingó og
keyptu veitingar til styrktar Berl-
ínarförum. Fyrirtæki á Akranesi
voru mjög viljug til að styrkja hóp-
inn og gáfu rausnarlega vinninga,“
segir Kristín. Allur ágóði viðburð-
anna rann beint í ferðasjóð. Krist-
ín segir Berlínarfara káta og stolta
eftir fjáröflunarvikuna en hóp-
urinn notar tíma utan skólans til
að skipuleggja viðburði og safna.
„Þau hafa hug á því að nota það
sem safnast hefur til að borga gist-
ingu í ferðinni. Þau eru þó hvergi
nærri hætt og ætla að láta heyra
meira í sér.“
Stefna á sögu
frægar slóðir
Markmiðið með áfanganum er að
kenna nemendum um sögu, mann-
líf og menningu Berlínar ásamt því
að auka áhuga þeirra á Þýskalandi
og þýsku. „Þau læra sögu borgar-
innar, sérstaklega á tímum Berlín-
armúrsins. Við höfum undanfar-
ið unnið að því að undirbúa ferð-
ina í sameiningu. Við stefnum á að
fara á sögufrægar slóðir í Berlín,
að skoða sem mest,“ segir Krist-
ín. Nú vinna nemendurnir að
verkefni um þekkta staði í borg-
inni, sem þau þurfa svo að kynna
í tíma og átta sig á staðháttum.
Kristín segir áfangann hafa verið
gerðan til að bregðast við óskum
nemenda, sem vildu fá fjölbreytt-
ari valáfanga. „Ég hafði látið mig
dreyma um svona áfanga í nokk-
ur ár og lét verða af því núna að
prófa. Ég er búin að vera í sam-
starfi við nemendur síðan í sum-
ar, áður en skólinn byrjaði, varð-
andi skipulagningu áfangans.
Það er góður andi í hópnum og
glatt á hjalla. Það er gaman þeg-
ar nemendur sameinast um eitt-
hvað svona, líkt og þau hafa gert
í þessu tilfelli,“ segir Kristín. Eftir
að heim verður komið þarf hópur-
inn að vinna úr ferðinni og verður
afraksturinn kynntur fyrir öðrum
nemendum skólans.
Þeir sem hafa áhuga á að fylgj-
ast með undirbúningi ferðarinnar
og ferðinni sjálfri geta fylgst með
á Facebook: Berlínarfarar FVA. Þá
er opið fyrir frjáls framlög inn á
bankareikning fyrir þá sem vilja
styrkja Berlínarfarana. Banka-
reikningur: 552-14-400657. Kt.
640893-2149.
grþ
Andrea Reynisdóttir og Þorri Líndal Guðnason voru bingóstjórar á kaffi-
húsakvöldinu sem haldið var í sal FVA. Ljósm. Kristín Kötterheinrich.
Fréttaveita Vesturlands
Vikulegt fréttablað ÚtgáfuþjónustaLifandi fréttasíða á netinu
www.skessuhorn.is
Skessuhorn ehf. - kt. 560103-3870 - Kirkjubraut 56, 300 Akranes - Sími 433 5500
WEST ICELAND
Travel
Ferðast um Vesturland 2014
Your guide to
West Iceland
skessuhorn.is
Fallþungi dilka hálfu kílói
meiri það sem af er sláturtíð
Sauðfjárslátrun er komin vel af stað
í sláturhúsum KS á Sauðárkróki og
KVH á Hvammstanga. Þegar leit-
að var fregna úr húsunum í gær
kom í ljós að meðal fallþungi dilka
er nánast sá sami í báðum húsun-
um. Fallþungi dilka er nú hálfu
kílói hærri en á sama tíma í fyrra.
Meðalþungi dilka á Hvammstanga
var 16,6 kíló og á Sauðárkróki 16,7
kíló. Á báðum stöðum var meðal-
fallþungi á sama tíma í fyrra 16,1
kíló. „Lömbin eru feitari núna en
þau voru í fyrra, en að öðru leyti er
þetta svipað á milli ára. Dilkar mis-
þungir jafnvel eftir svæðum,“ sagði
Edda Þórðardóttir í sláturhúsinu á
Sauðárkróki í samtali við Skessu-
horn. Magnús Freyr Jónsson slát-
urhússstjóri á Hvammstanga hafði
svipaða sögu að segja. Dilkarn-
ir væru jafn misjafnir núna og þeir
hafi yfirleitt verið. Slátrað verður í
báðum húsunum út októbermán-
uð. Á Hvammstanga er slátrað á
bilinu 2.600-2.700 lömbum á dag
en um 3.300 á Sauðárkróki. Edda
sagði að slátrun á Sauðárkróki hafi
byrjað ívið seinna en í fyrra. Það
gæti hugsanlega skýrt þennan 0,1
kílóa mun sem er á dilkum þar og
á Hvammstanga. þá
Menntamálaráðherra kynnti Hvítbók
Illugi Gunnarsson mennta- og
menningarmálaráðherra heldur um
þessar mundir fyrirlestra á lands-
byggðinni þar sem hann fjallar um
leiðir til að bæta menntun og kall-
ar hann verkefnið Hvítbók. Nýver-
ið var fyrirlestur í Borgarnesi en síð-
astliðinn þriðjudag var annar í Sam-
komuhúsi Grundarfjarðar. Vel var
mætt á fundinn enda mörgum sem
fýsir að vita hvað ráðherra hefur á
prjónunum. Illugi kynnti Hvítbók-
ina um umbætur í menntun og á eft-
ir sköpuðust líflegar umræður. tfk
Dilkarnir eru feitari núna en í fyrra. Ljósm. úr safni.