Skessuhorn - 24.09.2014, Blaðsíða 30

30 MIÐVIKUDAGUR 24. SEPTEMBER 2014
Hvers vegna gerðist þú
tónlistarkennari?
Spurning
vikunnar
(Spurt á tónlistarkennara-
þingi Vesturlands)
László Petö, Stykkishólmi.
Það bara þróaðist þannig. Ég
ætlaði upphaflega að verða tón-
listarmaður og er organisti í
Stykkishólmi í dag. Að vera tón-
listarkennari er partur af starf-
inu mínu.
Jónína Erna Arnardóttir, Borgarnesi.
Það koma aldrei neitt annað til
greina. Tónlist er málið!
Elín Anna Ísaksdóttir, Reykjavík.
Tónlistin er mitt líf og ég elska
vinnuna mína. Það er yndislegt
að vinna skapandi vinnu með
krökkum og ungu fólki.
Heiðrún Hámundardóttir, Akranesi.
Það eiginlega kom ekkert ann-
að til greina. Tónlistin er svo
skemmtileg.
Jenni, Snæfellsbæ.
Þetta er svo skemmtilegt starf.
Það er svo gaman að spila tónlist.
Talað um að erfitt sé að stía þeim sundur á æfingum
Rætt við tvíburabræðurna Steinar Má og Þorstein Má í Víkingsliðinu
Oft hafa knattspyrnumenn utan af
landi vakið athygli í íslenska bolt-
anum. Snæfellsnes hefur ósjald-
an lagt til góða fótboltamenn og
oftast hafa þeir komið úr Vík-
ingi Ólafsvík. Víkingur hefur skil-
að nokkrum góðum strákum núna
seinni árin, en reyndar koma þeir
ekkert síður frá nágrannabæ Ólafs-
víkur, Grundarfirði. Þaðan koma
tvíburabræðurnir Þorsteinn Már
og Steinar Már Ragnarssynir. Það
er Þorsteinn sem er þekktara nafn
í boltanum, enda hætti Steinar í
nokkur ár að iðka íþróttina og fór
á sjóinn. Eftir frábært tímabil Vík-
ings 2011, þar sem liðið vann 2.
deildina með yfirburðum og komst
alla leið í undanúrslit Bikarkeppn-
innar, fór Þorsteinn til stórveldis-
ins í Vesturbænum, KR. Núna um
mitt sumar var Þorsteinn Már svo
lánaður til síns gamla félags Vík-
ings þannig að í sumar spiluðu tví-
burabræðurnir í fyrsta skipti sam-
an í meistaraflokki. „Það var frá-
bært að fá Steina bróður í liðið.
Mér líður vel að hafa hann þarna
nálægan, enda held ég að öll lið
vilji hafa vinnuhest eins og hann,“
segir Steinar Már. Þorsteinn seg-
ir að það sé einmitt Steinar sjálf-
ur sem sé vinnuþjarkurinn í lið-
inu. „Það er hans starf og hann
er að sópa upp eftir okkur hina.
Það er gaman að segja frá því að
útlendingarnir í liðinu kalla hann
„Machine“ eða vélin. Hann stopp-
ar aldrei er sívinnandi á vellinum,“
segir Þorsteinn Már.
Foreldrarnir veita
góðan stuðning
Bræðurnir eru úr sveitinni, frá
bænum Kverná sem er skammt frá
þéttbýlinu í Grundarfirði. Vafa-
laust hafa þeir fengið sína bestu
grunnþjálfun í því að hlaupa í
kringum kindurnar og hestana,
en talað er um að þeir geti hlaup-
ið endalaust. Á Kverná er blóm-
leg hrossarækt og tamningar. Þeir
bræður eru tamningamenn góð-
ir og þegar Þorsteinn fór á heima-
slóðir í sumar til Víkings fór hann
heim í sveitina að vinna. Bræðurn-
ir voru einmitt á leiðinni heim í
smalamennsku þegar blaðamað-
ur Skessuhorns hitti þá fyrir síð-
ustu helgi í Kaffi Mokka á Skóla-
vörðustígnum í Reykjavík en þeir
verða báðir í borginni í vetur. Þeir
bræður segjast varla muna eftir sér
úr bernskunni öðruvísi en spark-
andi bolta á túninu heima. Önn-
ur íþrótt hafi varla komist að, þeir
hafi þó verið í frjálsum íþróttum
í smátíma. „Við erum samt ekki
með hugann við fótboltann öll-
um stundum. Við horfum til dæm-
is lítið á fótbolta, veljum bara úr
stærstu leikina til að horfa á. For-
eldrar okkur studdu okkur strax
mjög vel í boltanum. Snæfellsnes-
samstarfið var ekki byrjað á þess-
um tíma. Það voru bara héraðsmót
og svo fórum við á Króksmót og
Borgarnesmót. Mótin í Borgarnesi
eru enn eftirminnilegri hjá okk-
ur, því þá vorum við orðnir eldri.
Við urðum einu sinni meistarar í
Borgarnesi og það stendur upp úr
í minningunni.“
Mjög samrýndir
Eins og títt er með tvíbura er líkt og
strengur sé á milli þeirra Steinars
Más og Þorsteins Más. Þeir segjast
alltaf hafa verið mjög samrýmdir og
hagir þeirra eru þannig að það er allt
á sama báti „Það er oft talað um að
það sé erfitt að stía okkur sundur
á æfingum. Við höfum alltaf leitað
mikið til hvors annars og alltaf átt
sama vinahóp,“ segja þeir bræður.
Þeir búa reyndar sitt í hvoru lagi
ásamt sínum unnustum og eru í
námi. Gott dæmi um það hvað
þeir eru samstíga er að báðar eru
kærustur þeirra úr Stykkishólmi
og það er bara vika á milli þeirra
í aldri. Þeir meira að segja byrj-
uðu með þeim á sama tíma, fyrir
sjö árum. Unnusta Þorsteins Más
er Íris Fönn Pálsdóttir og Stein-
ars Más; Helga Hjördís Björgvins-
dóttir en hún er einn burðarstólp-
inn í Íslandsmeistaraliði Snæfells
í körfubolta. Kynnin sköpuðust
í Fjölbrautaskóla Snæfellinga og
þeir bræður segja að skólinn sé frá-
bær. Þarna komi saman unga fólk-
ið á Snæfellsnesi og allir séu vin-
ir. Kannski eigi Snæfellsnes eftir
að verða eitt sveitarfélag í gegnum
kynnin sem skólinn skapar. Steinar
Már nemur véltækni í Tækniskól-
anum og Þorsteinn Már er í um-
hverfisskipulagi við LbhÍ. Hann
skreppur á Hvanneyri til náms
tvo til þrjá daga í viku og er einn-
ig í fjarnámi. Þorsteinn stefnir í
framhaldinu á meistaranám annað
hvort í skipulagsfræði eða lands-
lagsarkitektúr.
Sextán ára til Víkings
Sextán ára voru tvíburarnir farn-
ir að vekja athygli fyrir dugn-
að og góða eiginleika á vellinum.
Ejup þjálfari Víkings í Ólafsvík
hafði samband og fékk þá yfir til
félagsins. „Ég fékk snemma tæki-
færi með meistaraflokki Víkings
og við vorum líka að spila með 2.
flokki. Steinar hafði ekki eins mik-
inn metnað og ég á þessum tíma
og ákvað að fara á sjóinn. Ég öf-
undaði hann reyndar þegar hann
kom í land og átti skítnóg af pen-
ingum,“ segir Þorsteinn Már og
hlær. „Já, ég missti áhugann þarna
um tíma en ákvað svo að byrja aft-
ur fyrir þremur árum. Þá gekk mér
mjög vel og liðinu náttúrlega frá-
bærlega. Við fórum upp í Pepsí-
deildina og ég kom við sögu í
flestum leikjum. Í fyrra spilað ég
svona helming leikjanna í efstu
deild, sem mér þótti vel viðunandi
þótt maður vilji náttúrlega alltaf
spila sem mest. Núna í ár var ég
svo í byrjunarliðinu í flestum leikj-
um, hef spilað alla leikina og skor-
að fimm mörk sem er ágætt hjá
miðjumanni. Þannig að ég er sátt-
ur og stefni á næsta tímabil með
Víkingi,“ segir Steinar.
Toppurinn að spila
saman í efstu deild
Þorsteinn Már fór til KR haustið
2011 eftir frábært sumar hans með
Víkingi í 2. deildinni þegar liðið
tapaði aðeins einum leik og það
var í undanúrslitum Bikarkeppn-
innar á móti FH. „Auðvitað var
það draumur fyrir sveitastrákinn
að komast að hjá stærsta klúbbn-
um á Íslandi. Mér gekk strax vel
með KR, fékk fljótlega tækifæri og
spilaði mikið á fyrsta tímabilinu.
Við hömpuðum bikarmeistaratitli
þarna um sumarið 2011. Næsta
ár urðum við svo Íslandsmeistar-
ar. Ég er því búinn að vinna þessa
tvo stóru titla með KR og taka þátt
í Evrópukeppni. Það var stórkost-
legt að spila á móti Celtic núna í
sumar. Mér fannst ég ekki spila
nógu mikið með KR núna í sum-
ar og þess vegna óskaði ég eft-
ir því við Rúnar þjálfara að fá að
klára tímabilið með Víkingi,“ seg-
ir Þorsteinn Már. Hann á eftir eitt
tímabil af samningnum hjá KR og
setur stefnuna á að eiga gott tíma-
bil með Vesturbæjarstórveldinu
næsta sumar. „Það væri toppurinn
að spila í efstu deild með Steinari
og það er aldrei að vita nema ég
fari til Víkings aftur ef þeir komast
upp næsta sumar,“ segir Þorsteinn.
Þeir bræður eru sammála um að
það væri vel raunhæft. „Já, fólkið
heima er nefnilega svolítið blint á
að þó okkur hafi ekki gengið eins
vel í sumar og tvö síðustu sumar
þá er þetta góður árangur hjá litlu
bæjarfélagi,“ segja tvíburabræð-
urnir Steinar Már og Þorsteinn
Már að endingu. þá
Bræðurnir Þorsteinn Már og Steinar Már Ragnarssynir.
Þorsteinn Már og Steinar Már fyrir leik gegn Selfossi í 1. deildinni í sumar.
Lið Grundarfjarðar sem sigraði á Borganesmóti fyrir mörgum árum. Tvíburnir
lengst til hægri á myndinni.