Skessuhorn - 01.10.2014, Blaðsíða 6

6 MIÐVIKUDAGUR 1. OKTÓBER 2014
Velti bílnum á
hafnarsvæðinu
LBD: Þrjú umferðaróhöpp
urðu í umdæmi lögreglunnar í
Borgarfirði og Dölum í liðinni
viku. Þar af eitt þar sem ung-
ur ökumaður velti bíl sínum á
hafnarsvæðinu í Borgarnesi.
Að sögn sjónarvotta var bíln-
um bakkað óvarlega og lenti
hann upp á grjótgarði og valt.
Tveir af fjórum farþegum sem
í bílnum voru leituðu til lækn-
is en meiðsli þeirra voru tal-
in minniháttar. Tíu ökumenn
voru teknir fyrir of hraðan
akstur og einn fyrir ölvun við
akstur í vikunni.
-þá
Spilamennskan
hafin
BORGARFFJ: Bridgespilar-
ar í Borgarfirði og nærsveitum
hófu æfingatímabil sitt í Loga-
landi síðastliðið mánudags-
kvöld. Að venju var fámennt í
upphafi en þó spilað á fjórum
borðum. Guðmundur Stein-
ar Jóhannsson og Sölvi Karls-
son léku við hvurn sinn fing-
ur, og jafnvel annarra líka, og
skoruðu 66%. Næstir komu
Jóhann á Steinum, faðir Guð-
mundar, og Kristján í Bakka-
koti með rúm 53%. Þriðja
sætinu deildu svo Sigurður
Már og Stefán Kalmansson
með þeim Jóni Einarssyni og
Ingimundi Jónssyni. Næsta
mánudag verður aftur létt-
ur upphitunartvímenningur
og verður svo fram eftir októ-
ber mánuði. Að morgni 30.
september flugu tveir af okk-
ar yngstu meðlimum af landi
brott til keppni á Azoreyjum.
Það voru þeir Logi í Steina-
hlíð og Heiðar í Múlakoti.
Með þeim fór par úr Kópa-
vogi og eru þeir fulltrúar Ís-
lands á árlegu yngri spilara-
móti þar ytra.
–ij
Efnalaugum
snarfækkar
VESTURLAND: Það sem af
er þessu ári hefur tveimur af
þremur efnalaugum í lands-
hlutanum verið lokað. Á Akra-
nesi var SD þjónustan með
þvottahús en nýverið urðu
eigendaskipti á fyrirtækinu.
Nú er fyrirtækið rekið af Hús-
félagaþjónustunni og ætlar það
fyrirtæki einungis að bjóða
upp á ræstingar, að minnsta
kosti að svo stöddu. Þvotta-
húsi og verslun SD þjónust-
unnar við Stillholt 23 hefur
því verið lokað. Eins og fram
hefur komið var rekstri Efna-
laugar hætt í Borgarnesi fyrr á
þessu ári. Það er því einung-
is ein efnalaug eftir á Vestur-
landi eftir því sem Skessuhorn
kemst næst, en það er Efna-
laugin Blossi í Grundarfirði.
Efnalaugin Fönn í Reykjavík
er þó enn með móttöku fyrir
fatnað og lín til hreinsunar á
Akranesi. Er sú móttaka í hjól-
areiðaversluninni Krakkar og
hjól við Skagabraut, en annars
staðar þarf fólk að reiða sig á
póstþjónustu til að koma fatn-
aði í hreinsun eða að aka sjálft
með þvottinn í önnur byggð-
arlög.
-grþ
Nýjar reglur um
sölu fasteigna
AKRANES: Bæjarstjórn
Akraness samþykkti á fundi
sínum 23. september sl. nýj-
ar reglur um sölu eigna í eigu
kaupstaðarins. Nýju reglurn-
ar leysa af hólmi reglur frá
árinu 2012. Með breyting-
um á þeim er bæjarráði veitt
aukin heimild til að setja fram
skilyrði um að tiltekin starf-
semi fari fram í fasteign sem
er til sölu hverju sinni. Bæj-
aryfirvöld telja slíkt ákvæði
mjög mikilvægt til að hafa
áhrif á uppbyggingu þjónustu
í bæjarfélaginu.
–þá
Ráðstefnur um
endurmenntun
NV.KJÖRD: Íslenskunám
og fjölmenningarsamfélagið
er viðfangsefni tveggja ráð-
stefna sem haldnar verða á
vegum tilraunaverkefna um
menntun í Norðvesturkjör-
dæmi og í Breiðholti. Áhersl-
an verður á íslenskunám og
ólíkar kennsluaðferðir sem
þróaðar hafa á undanförn-
um árum. Sagt verður m.a.
frá reynslu af íslenskukennslu
í gegnum leiklist og starfs-
tengdum íslenskunámskeið-
um á vinnustöðum. Áhrifa-
ríkar aðferðir verða einnig
kynntar til að efla þátttöku
innflytjenda í samfélaginu,
s.s. með aðkomu bókasafna
og leikskóla. Nýleg stefnu-
mótun Innflytjendaráðs verð-
ur kynnt til sögunnar og sagt
frá reynslu fólks frá fyrstu
hendi af því að flytja til lands-
ins. Fyrri ráðstefnan fer fram
í Edinborgarhúsinu á Ísa-
firði miðvikudaginn 8. októ-
ber og sú síðari í Gerðubergi
í Breiðholti 10. október. Ráð-
stefnurnar eru öllum opnar
og fer skráning fram með því
að senda tölvupóst á mennt-
un.nuna@bifrost.is.
–fréttatilk.
Kjaramálanefnd Landssambands
eldri borgara, LEB, hefur fjallað
um nýgerð fjárlög og áhrif þeirra á
stöðu eldri borgara í landinu. Í til-
kynningu frá samtökunum segir að
fyrst beri að nefna aðför að matar-
verði sem þar er lögð til. „Það er al-
gjör bjartsýni að mótvægisaðgerðir
muni skila sér. Fyrir því er margra
áratuga reynsla sem gleymist ekki.
Því hafnar kjaranefnd LEB allri
umræðu um að hækka matarskatt-
inn úr 7% í 12% og síðar 14% eins
og einn ráðherrann tilkynnti í eld-
húsdagsumræðum. Aðrar hækkanir
sem boðaðar hafa verið eru hækkan-
ir á lyfjum og því greiðsluþaki sem
þar er. Því er alfarið hafnað ekki
síst þar sem við berum hæsta virð-
isaukaskatt á lyf sem finnst í sam-
anburðarlöndum. Víða er enginn
virðisaukaskattur á lyf eða þá mjög
lágur,“ segir meðal annars í álykt-
un kjaramálaráðs LEB. Þar segir
einnig að í frumvarpinu sé ekki að
finna neinar úrbætur fyrir fólk sem
er eingöngu á TR- bótum en þar
hafi orðið gliðnun árum saman og
nú á þessu ári um nokkur prósent.
Hækkun bóta um næstu áramót nái
ekki að vinna á þessari þróun þann-
ig að fólk sem er á lægstu bótunum
er almennt illa statt fjárhagslega, að
mati kjaramálanefndar LEB.
Eldri borgarar segja í ályktun
sinni að langvarandi umræða um
Landspítalann og hvort eigi að
byggja eða fresta sé orðin gatslit-
in. „Umræðan um að aldraðir teppi
svo og svo mörg rúm eða fylli ganga
er ómakleg þar sem hvert þjóðfélag
er upplýst um að öldruðum fjölg-
ar og lífaldur lengist og því fylgja
innlagnir á sjúkrahús. Umræð-
an sem líka fjallar um sífellt neyð-
arástand hefur slæm heilsufars-
leg áhrif á eldri borgara og er mál
að linni. Kostnaður við að gera út
hverja nefndina á fætur annarri og
breytingar á teikningum og deili-
skipulagi kostar orðið tugi millj-
óna. Þeim peningum hefði verið
betur varið í alvöru þarfagreiningu
í upphafi. Því skorum við á stjórn-
völd að vinna hratt að uppbygg-
ingu nýs sjúkrahúss. Eldra fólk vill
búa við öryggi. Í okkar velferðar-
samfélagi hefur öryggi fólks verið
skert,“ segir í lok ályktunar kjara-
málanefndar LEB. þá
Á þingi Neytendasamtakanna sem
fram fór síðastliðinn laugardag
var samþykkt ályktun vegna sam-
keppnislagabrota MS. „Í ljósi úr-
skurðar Samkeppniseftirlitsins um
misnotkun Mjólkursamsölunnar á
markaðsráðandi stöðu sinni skora
Neytendasamtökin á samkeppnis-
yfirvöld að beita refsiákvæðum sam-
keppnislaga gagnvart einstakling-
um í auknum mæli frekar en að fella
háar sektir á brotleg fyrirtæki. Með
þessari einföldu áherslubreytingu
yrði fælingarmáttur samkeppnislaga
miklu meiri. Með því að beita háum
sektum á fyrirtæki sem brjóta sam-
keppnislög, og eru í einokunarað-
stöðu, er aðeins verið að velta sekt-
unum beint út í verðlagið. Skaði
vegna slíkra sekta endar því ekki hjá
þeim sem skömmina eiga, heldur
hjá neytendum.“
Neytendasamtökin fordæma þá
stefnu stjórnvalda að koma í veg
fyrir samkeppni á búvörumarkaði.
„Stjórnvöld ættu frekar að stuðla að
heilbrigðri samkeppni en að hindra
eðlilega virkni markaðarins. Það
hefur sýnt sig með óteljandi dæm-
um að eitt helsta hagsmunamál
neytenda er heilbrigð samkeppni
og gangi hún í berhögg við pólitísk
markmið eiga hagsmunir almenn-
ings að ráða - ekki hagsmunir fram-
leiðenda. Þess vegna krefjast Neyt-
endasamtökin að Alþingi afnemi all-
ar undanþágur sem mjólkuriðnað-
urinn býr við gagnvart samkeppn-
islögum.“
Loks segir í ályktun Neytenda-
samtakanna: „Með tilliti til alvar-
leika málsins má ætla að neytendur
reyni að sniðganga framleiðsluvörur
MS að því marki sem þeir geta. En
markaðsráðandi staða fyrirtækisins
gerir neytendum það erfitt fyrir sem
staðfestir mikilvægi þess að breyta
lögum um mjólkuriðnaðinn.“ mm
Háar sektir fyrir samkeppnislagabrot
fara beint út í verðlagið
Eldri borgurum líkar nú um stundir ýmis lög betur en nýjustu fjárlögin. Hér eru
systurnar Sigurlaug og Auður ásamt Sigríði Ketilsdóttir á Akranesi að spila undir
og stýra söng í ferðalagi Félags eldri borgara þar í bæ. Myndin er frá 2012.
Eldri borgurum hugnast ekki fjárlögin