Skessuhorn - 01.10.2014, Blaðsíða 15
15MIÐVIKUDAGUR 1. OKTÓBER 2014
LAGERSALA
Kalmansvöllum 1A (Húsgagnaverslunin Bjarg)
Síðustu dagarnir
Fimmtudag 2. október kl. 13-18
Föstudag 3. október kl. 13-18
Laugardag 4. október kl. 11-15
ATH: Gjafakort og inneignir
gilda ekki á lagersölu.
SK
ES
SU
H
O
R
N
2
01
4
70% AFSLÁTTUR og meira
af dömu- og herrafatnaði
Ætlar að reisa gróðurhús á Akranesi
Garðyrkjufræðingurinn Jón Þórir
Guðmundsson hefur hug á því að
reisa gróðurhús á Akranesi á næsta
ári. Jón er alls ekki óvanur ræktun
en hann er sjálfstætt starfandi garð-
yrkjufræðingur á Akranesi og ræktar
alls kyns ávexti, grænmeti og krydd-
jurtir í garðinum heima hjá sér við
Vesturgötuna. Garðurinn er tóm-
stundagaman sem hann sinnir í hjá-
verkum en Jón hefur hug á því að
fara í umfangsmeiri ræktun í gróð-
urhúsum.
Jón segist hafa sótt um fyrir fjór-
um árum að fá að reisa gróðurhús í
Miðvogslandi á Akranesi, sem stað-
sett er rétt fyrir neðan vatnstank-
inn. „Ég fékk strax mjög jákvæð
svör en svo hefur lítið gerst síð-
an. Það er vegna þess að nýtt aðal-
skipulag hefur ekki verið frágeng-
ið síðan. Það stendur þó til bóta
og við reiknum nú með að fá leyf-
ið öðru hvoru megin við áramót-
in,“ segir Jón. Hann segist ætla að
reisa nokkur lítil gróðurhús á land-
skikanum, frekar en eitt stórt. „Það
er vel hægt að gera einföld og ódýr
hús sem henta vel í aðstæðum þar
sem ekki er hægt að treysta alveg á
veðurfarið. Þetta eru nokkurs konar
gróðurskýli fremur en hefðbundin
gróðurhús. Það er mun öruggara að
nota skýli ef maður er að rækta eitt-
hvað að ráði, við þær veðurfarslegu
aðstæður sem við búum við. Það er
auðvitað ýmislegt hægt að rækta úti
við en við erum svo háð tíðarfarinu
hér. Allt getur hæglega farið í vask-
inn í einni lægð,“ útskýrir hann.
Möguleikarnir
eru margir
Að sögn Jóns ætlar hann að prófa
sig áfram með ýmsa ræktun í gróð-
urhúsunum. Hann segir tölu-
verðan mun felast í því að rækta
úti í garði eða í plasthúsum líkt
og hann hefur hug á því að reisa
og auðveldara sé að fara í þróun-
arvinnu í skjóli frá veðri og vind-
um. „Ég ætla að þróa þarna ávaxta-
ræktun. Að sjá hvaða tré henta best
fyrir íslenskar aðstæður og koma á
framleiðslu að einhverju leyti. Ég
hugsa að ég rækti þar bæði tré og
afurðir af þeim, ávexti eða græn-
meti. Það þarf bara að finna út
hvað er hagkvæmt og hvað virk-
ar. Kanna hvaða plöntur geta lifað
hér við þessar aðstæður og skilað
góðum árangri,“ segir hann. Hann
bætir því við að hann ætli sér ekki
að verða með gróðurhús sem eru
með lýsingu allt árið um kring.
„Ég er ekki að hugsa um tómata-
ræktun eða neitt slíkt. Ég vil frekar
skoða ræktun á hindberjum, jarð-
arberjum, kirsuberjum og jafnvel
plómum.“ Jón stefnir á að hluti af
starfseminni verði að framleiða tré
til endursölu og jafnvel einhverj-
ar garðplöntur. „Starfsemin yrði
því blönduð. Möguleikarnir eru
svo margir þegar maður þarf ekki
að hafa áhyggjur af veðurfarinu.
Okkur langar líka að vera með
svæði þar sem hægt verður að taka
á móti gestum og sýna þeim starf-
semina, líkt og við höfum verið að
gera heima í garðinum. Þar er ansi
þröngt og það væri gaman að hafa
betri aðstöðu til að sýna fólki og
hópum hvað hægt er að gera.“
Jón segir síðustu tvö sumur ekki
hafa verið góð til ræktunar úti við.
Hann fékk samt sem áður upp-
skeru úr garðinum sínum, en ekki
jafn góða og undanfarin ár. „Síð-
asti vetur var einn erfiðasti vetur
fyrir trjáplöntur í áratugi. Plönt-
urnar komu illa undirbúnar undan
slæmu sumri í fyrra og svo komu
lægðir í upphafi vetrar sem fóru
illa með þær. Ég fékk samt eitthvað
smotterí, svo sem epli og plómur,
en ekkert í líkingu við það sem ég
hef fengið á sólríkum sumrum,“
segir garðyrkjufræðingurinn Jón
Þórir að endingu.
grþ
Jón Þ Guðmundsson við perutré í garðinum við Vesturgötuna.
Ljósmyndir Þorsteins í Þjóðminjasafninu
Svipmyndir eins augnabliks - ljós-
myndir Þorsteins Jósepssonar er
heiti sýningar sem uppi er í Þjóð-
minjasafninu og verður til ára-
móta. Þorsteinn Jósepsson var
áhugaljósmyndari og blaðamað-
ur sem myndaði um allt land.
Á sýningunni má sjá úrval ljós-
mynda Þorsteins en safn hans er
eitt stærsta, merkasta og heild-
stæðasta einkasafn frá síðustu öld
sem Ljósmyndasafn Íslands í Þjóð-
minjasafni varðveitir. Textar á sýn-
ingunni eru eftir Steinar Örn en
með þeim eru myndirnar settar í
menningarsögulegt og heimspeki-
legt samhengi.
Þorsteinn var fæddur árið 1907 á
Signýjarstöðum í Hálsasveit, son-
ur Jóseps G. Elíesersonar bónda
þar og Ástríðar Þorsteinsdóttur
konu hans. Jósep var ættaður úr
Húnavatnssýslu en Ástríður var frá
Húsafelli. Þorsteinn starfaði mik-
ið með ungmennafélaginu heima
í héraði, varð ágætur íþróttamað-
ur og síðar kunnur ljósmynd-
ari, blaðamaður og rithöfundur.
Hann dvaldist erlendis um nokk-
urt skeið, í Þýzkalandi og Sviss, en
laust fyrir 1940 réðst hann að Vísi
og starfaði þar æ síðan, í meira en
aldarfjórðung. Þorsteinn var mik-
ill bókasafnari og hafði áhuga á
alls kyns bókmenningu, ferðalög-
um og náttúruskoðun.
Meðfylgjandi mynd Þorsteins
nefnist; Ullarþvottur í Sauðá.
Þau voru alltaf kölluð Emma og
Binni í Árbænum. Emma hét
fullu nafni Stefanía Emilía Guð-
rún Lárusdóttir (1896-1993) og
var frá Skarði í Gönguskörðum.
Binni hét Brynjólfur Danivals-
son (1897-1972) og var frá Litla-
Vatnsskarði. Þeirra Árbær var hús-
ið á Suðurgötu 24 á Sauðárkróki.
Á myndunum eru þau að þvo ull í
Sauðánni, sem rann framhjá Árbæ
í þá daga, og Sauðárkrókur dregur
nafn sitt af. Myndirnar gætu verið
teknar á fimmta áratug 20. aldar.
mm
Búið að opna Gallery Snotru
Hannyrðaverslunin Gallery Snotra
var opnuð á Akranesi síðastliðinn
föstudag. Blaðamaður Skessuhorns
leit við í versluninni um það leyti
sem hún var opnuð. Þar var nóg að
gera og greinilegt að viðskiptavin-
irnir voru áhugasamir um þær fjöl-
breyttu handverksvörur sem seldar
eru í versluninni. Skagakonan Krist-
ín Agnarsdóttir var ein af fyrstu við-
skiptavinum verslunarinnar. Hún
keypti meðal annars marglitt ullar-
garn og hringprjón og var ánægð
með nýju verslunina. „Ég er ofsa-
lega ánægð með þetta, það vant-
aði svo sannarlega svona búð hérna.
Ég ætla mér að nýta garnið í tref-
il,“ sagði Kristín við blaðamann. Að
sögn Sigurlínu Júlíusdóttur, eiganda
Gallery Snotru, virðast Skagamenn
ánægðir með að fá hannyrðaverslun
í bæinn á nýjan leik. „Ég hef fengið
mjög góð viðbrögð
og öll bara jákvæð.
Það eru allir vel-
komnir að kíkja
við þegar opið er,
hér er alltaf kaffi á
könnunni og hægt
að fá sér sæti,“ sagði
hún. Opnunartími
Gallery Snotru er á
virkum dögum frá
kl. 11 - 18 og um
á laugardögum frá
11 - 14. grþSigurlína að afgreiða Kristínu Agnarsdóttur.