Skessuhorn - 01.10.2014, Blaðsíða 18
18 MIÐVIKUDAGUR 1. OKTÓBER 2014
Tíu ár frá stofnun Fjölbrautaskóla Snæfellinga
Jón Eggert Bragason er skólameist-
ari við Fjölbrautaskóla Snæfell-
inga, en skólinn fagnar um þessar
mundir tíu ára starfsafmæli. Skessu-
horn fékk Jón til að rifja upp for-
sögu skólans. „Í janúar árið 2000
var stofnuð undirbúningsnefnd af
hálfu sveitarfélaganna á Snæfellsnesi
og árið 2003 stofnaði menntamála-
ráðuneytið vinnuhóp í samvinnu við
heimamenn um stofnun framhalds-
skóla á norðanverðu Snæfellsnesi.
Þann 6. febrúar 2003 skrifar Tóm-
as Ingi Olrich þáverandi mennta-
málaráðherra svo undir yfirlýsingu
um stofnun skólans. Þessi vinnu-
hópur fékk bandarískan sérfræðing
að nafni Susan Stuebing til liðs við
sig. Strax var lagt upp með að skól-
inn yrði óhefðbundinn sem slíkur og
hönnun hússins var gerð með það til
hliðsjónar.“ þannig lýsir Jón Eggert
aðdraganda þess að skólinn varð til.
Það voru VA arkitektar ehf., und-
ir forystu Indro Candi, sem hönn-
uðu bygginguna. 16. desember 2003
var fyrsta skóflustungan loks tekin
en það gerði Sturla Böðvarsson al-
þingismaður. Skólinn var svo tekinn
í notkun um haustið 2004.
Leiðandi í innleiðingu
breyttra kennsluhátta
„Guðbjörg Aðalbergsdóttir var ráð-
in fyrsti skólameistari FSN og hóf
störf í desember 2003 og var það á
hennar könnu að yfirfæra hugmynd-
ir vinnuhópsins yfir í raunveruleik-
ann.“ Jón Eggert rifjar einnig upp
að upphaflega var gert ráð fyrir 170
nemendum við skólann en heilt
yfir hafi meðal fjöldi þeirra ver-
ið í kringum 250 og hafi farið yfir
300 eitt árið. „Það er margt óhefð-
bundið við kennslu hér í FSN og ég
man að eitt sinn er ég kom hingað
í heimsókn til að skoða námshætti
hér þegar skólinn var nýtekinn til
starfa að þá voru nánast sætaferð-
ir hingað á Snæfellsnesið frá hinum
ýmsu skólum til að kynna sér skóla-
starfið í FSN. Þá var ég kennari í
Menntaskóla Kópavogs,“ segir Jón
Eggert. Hann segir að kennsluað-
ferðirnar hafi alltaf skorið sig mjög
mikið frá hinum hefðbundnu fram-
haldsskólum. „Nemendur fá verk-
efni sem kennarar leggja mat á jafn-
óðum yfir önnina, en námið endar
sjaldnast á stóru lokaprófi eins og
tíðkast annarsstaðar.“ Jón fullyrðir
að Fjölbrautaskóli Snæfellinga hafi
verið leiðandi í innleiðingu breyttra
kennsluhátta enda er skólabygging-
in sem slík mjög opin og nemend-
ur og kennarar vinni saman í opnu
rými.
Upplýsingatæknin
vegur þungt
Skólinn hefur haft og hefur enn sér-
stöðu meðal framhaldsskólanna.
Jón nefnir tvo aðra skóla með svip-
að kennslufyrirkomulag, en það
eru Framhaldsskólinn í Mosfellsbæ
og Menntaskólinn á Tröllaskaga.
„Þessir þrír skólar eru mjög sam-
stíga í kennsluháttum,“ segir Jón
Eggert. „Upplýsingatæknin vegur
þungt í starfi skólans. Þetta er lík-
lega metnaðarfyllsta tilraun til að
nýta upplýsingatækni mun meira
en tíðkaðist áður. Fyrst vorum við
með kerfi sem hét Angel en nú er
allt unnið í Moodle skólakerfinu.
Nú eru öll fyrirmæli fyrir nem-
endur inni á vefnum. Það er sama
kerfi notað fyrir dagskólanemendur
og fyrir dreifnemendur. Nemand-
inn fær nánast alla dagskrá hverrar
annar fyrir sig og fylgir vikuáætlun.
Einnig meta kennarar árangur nem-
andans yfir allan veturinn og nem-
andinn getur fylgst með því inni á
Moodle,“ útskýrir Jón. Námsmat-
ið er fjölbreytt en enn eru þó þreytt
lokapróf í raungreinum.
Framhaldsdeild á
Vestfjörðum
Árið 2007 urðu ákveðin tímamót
þegar stofnuð var framhaldsdeild
frá FSN á Patreksfirði. Þá voru
um 20 dagskólanemendur skráðir í
nám í deildinni þar en eru um 30 í
dag. „Krakkarnir eru í samskiptum
í gegnum fjarfundabúnað ásamt því
að nota samskiptaforrit eins og Lync
og Skype til að hafa samband við
kennara og svo koma þeir til okkar
einu sinni í mánuði og eru með okk-
ur í tvo til þrjá daga. Tveir starfs-
menn eru við deildina á Patreksfirði
en upphaflega var bara í boði að
stunda nám þar í tvö ár en árið 2009
var því breytt þannig að nemendur
geta klárað námið sitt þar. Nú þeg-
ar hafa nokkrir nemendur útskrifast
þaðan,“ segir Jón Eggert. Alls hafa
242 nemendur útskrifast frá skólan-
um og í desember bætast 13 nem-
endur við þann hóp.
Jón Eggert segir að samstarf skól-
ans við grunnskóla, stofnanir og fyr-
irtæki á svæðinu sé gott. „Það var
djörf hugmynd að búa til skóla með
svo óhefðbundnu sniði á svæði þar
sem að nemendum gafst ekki kost-
ur á að velja um annan hefðbund-
inn skóla. En það virðist hafa gefið
góða raun því um 80% af öllum út-
skrifuðum grunnskólanemendum á
Snæfellsnesi sækja um nám í Fjöl-
brautaskóla Snæfellinga,“ segir Jón
Eggert að lokum.
tfk
Jón Eggert Bragason, skólameistari FSN.
Hönnun skólans var framúrstefnuleg í upphafi. Mikið er unnið í opnu rými.
Hrafnhildi Hallvarðsdóttur aðstoðar-
skólameistari á fjarfundi við nem-
endur á Patró.Skólinn er leiðandi í notkun upplýsingatækni.
Northern Wave í Grundarfirði haldin í sjöunda skipti
Stuttmyndahátíðin Northern
Wave verður haldin í sjöunda skipti
í Grundarfirði helgina 17. til 19.
október næstkomandi. Á hátíðinni
verða sýndar 60 stuttmyndir í þrem-
ur flokkum. Þrettán myndir verða
sýndar í flokki íslenskra stuttmynda
en það er gjarnan vinsælasti flokkur
hátíðarinnar. Þá verða 34 myndir
sýndar í flokki erlendra stuttmynda
og koma þær víða af en flestar frá
Evrópu. Þrettán tónlistarmynd-
bönd verða einnig sýnd á hátíðinni
og koma þau ýmist frá innlendu eða
erlendu kvikmyndagerðafólki. Há-
tíðin er opin öllum og munu sýn-
ingar á stuttmyndunum fara fram í
Samkomuhúsinu í Grundarfirði en
tónlistarmyndböndin verða sýnd á
föstudagskvöldinu á Kaffi Rúben.
Þó megintilgangur hátíðarinnar sé
að sýna áhorfendum nýtt efni úr
heimi stuttmyndagerðar er einnig
dómnefnd sem sker úr um hvaða
myndir þykja bestar í sínum flokki.
Dómnefndin skipar þrjá einstak-
linga sem hafa víðtæka þekkingu á
gerð stuttmynda. Athygli er vakin á
því að í ár er dómnefndin eingöngu
skipuð konum. Þær eru Kristín Jó-
hannesdóttir leikstjóri, Guðrún
Edda Þórhannesdóttir framleið-
andi og Isabelle Fauvel en hún er
franskur kvikmyndasérfræðing-
ur sem vinnur við að leita að nýju
hæfileikafólki í kvikmyndagerð.
Hugmyndin kom
frá Spáni
Það er Grundfirðingurinn og leik-
stjórinn Dögg Mósesdóttir sem
fyrst stakk upp á að halda Nortern
Wave og hefur hún stýrt hátíð-
inni frá upphafi hennar árið 2008.
Dögg fékk hugmyndina af stutt-
myndahátíð þegar hún var í leik-
stjóranámi á Spáni og myndbrot
á Internetinu voru fyrst að verða
vinsæl. „Það var Menningarsjóður
Vesturlands sem hvatti til þess að
haldin yrði listahátíð á Vesturlandi
á sínum tíma og má eiginlega þakka
þeim fyrir að Northern Wave varð
að veruleika. Ég var þá tiltölu-
lega nýkomin frá Spáni þar sem ég
lærði leikstjórnun í Barcelona. Þar
voru stuttmyndir sýndar nánast á
hverju götuhorni og mig langaði
að færa hluta af þeirri menningu
heim til Íslands. Í þá daga var eng-
in alþjóðleg stuttmyndahátíð á Ís-
landi svo mér fannst það kjörið að
halda slíka hátíð og þróa smekk Ís-
lendinga fyrir stuttmyndum. Ég
held þær séu að verða vinsælli með
árunum meðal annars fyrir tilstilli
Youtube og fleiri netmiðla,“ segir
Dögg um upphaf Northern Wave.
Northern Wave að
festast í sessi
Dögg segir að aðsókn á hátíðina
sé góð og hún sé farin að verða
þekkt erlendis. „Árlega heimsækja
um 150 til 200 manns Grundar-
fjörð í tengslum við Northern
Wave. Því lengur sem við náum
að halda hátíðina því líklegra er að
hún festi sig í sessi og fær um leið
meiri virðingu í kvikmyndaheim-
inum. Ég hef fundið fyrir á síð-
ustu árum að hátíðin er að fá meiri
athygli erlendis. Á síðustu hátíð
vorum við að fá myndir frá öllum
heimshornum svo þema hátíðar-
innar var einskonar heimshornaf-
lakk. Það er ekkert sérstakt þema
í ár en það verða mikið af verð-
launuðum stuttmyndum í bland
við nýjar uppgötvanir. Á hverju ári
fá svo aðstandendur þeirra mynda
sem dómnefndin velur bestar pen-
ingaverðlaun. Þá fá sigurvegar í
ár auk þess fallega styttu gerða
úr Berserkjahrauni af grundfirska
listamanninum Lavaland. Það sem
dómnefnin leitar helst að eru nýj-
ar og ferskar leiðir í gerð stutt-
mynda.“
Fiskiveislan
slegið í gegn
Dögg segir að hátíðin sé í stöðugri
þróun og á hverju ári sé reynt að
bæta hana. „Ýmsar nýjungar verða
á hátíðinni í ár. Þar má nefna að
áhorfendur kjósa um besta tónlist-
armyndbandið í stað dómnefnd-
ar og þá mun einnig í fyrsta skipti
vera fullskipaður kynnir hátíð-
arinnar. Fyrsti kynnir Northern
Wave verður Kári Viðarsson, eða
Kári í Frystiklefanum. Ég er alltaf
opin fyrir uppástungum um hvern-
ig megi bæta Northern Wave og
sérstaklega frá fólkinu í Grund-
arfirði. Dæmi um slíka tillögu er
Fiskiveislan sem er haldin árlega
samliða stuttmyndakeppninni. Sú
veisla hefur slegið rækilega í gegn
og fær heimafólk til að taka þátt í
hátíðarhöldunum. Svo höldum við
heljarinnar ball um kvöldið þar
sem við hristum öllu listafólkinu
og heimamönnum saman. Ég tel
að það sé mjög gagnlegt og gaman
fyrir báða aðila að kynnast ólíkum
menningarheimum,“ segir Dögg
að lokum í samtali við Skessuhorn
og vonar að sem flestir mæti og
njóti hátíðarinnar í ár.
jsbFiskiveislan vekur ávallt mikla lukku gesta og heimamanna.
Kynningarmynd fyrir hátíðina í ár
skartar súlum sem vissulega hafa verið
áberandi í náttúru Grundarfjarðar
síðasta árið.
Dögg Mósesdóttir forsprakki og
stjórnandi Northern Wave.