Skessuhorn - 01.10.2014, Blaðsíða 26

26 MIÐVIKUDAGUR 1. OKTÓBER 2014
Nú er rúmur mánuður síðan fram-
haldsskólar landsins voru settir og
félagsstarf skólanna komið í full-
an gang. Sem fyrr eru það nem-
endafélög skólanna sem standa fyrir
ýmsum viðburðum fyrir nemendur
og voru nýir formenn kjörnir í vor í
nemendafélögum allra þriggja fram-
haldsskólanna á Vesturlandi. Ýmis-
legt hefur verið gert þennan mán-
uð sem af er skólaárinu og fjölbreytt
félagsstarf framundan.
Stigaleikur í
stað busavígslu
„Við byrjuðum á því að afnema
busavígslur þegar skólinn hófst í
haust og skipulögðum skemmtileg-
an stigaleik í staðinn. Leikurinn var
haldinn í Ólafsvík og fengu þeir sem
tóku þátt eina klukkustund til að
safna stigum með því að gera ýmis-
legt. Það var til dæmis hægt að fá stig
fyrir að hoppa í sjóinn, reyna að ná
mynd af sér með einhverjum úr fót-
boltaliðinu Víkingi, handsama fugl
og fleira. Svo réðu þau alveg sjálf
hvað þau tóku þetta langt en þau
fengu mismikið af stigum fyrir það
sem þau gerðu, eftir því hvað það
var erfitt. Við enduðum svo daginn
á ströndinni í Skarðsvík, þar sem við
grilluðum og höfðum gaman. Þetta
var mjög skemmtilegt og tókst vel,“
segir Nökkvi Freyr Smárason for-
maður Nemendafélags Fjölbrauta-
skóla Snæfellinga (NFSN) í Grund-
arfirði. Nökkvi Freyr er þriðja árs
nemi á félagsfræðibraut og kemur
frá Stykkishólmi.
Frábært að efla sambönd
á milli skólanna
Nökkvi Freyr segir fleiri nýjungar
á döfinni í Grundarfirði í vetur. Þar
beri helst að nefna Ísleikana, sem er
íþróttakeppni sem stendur yfir allan
veturinn. „Það verður keppt í hverj-
um mánuði fram að jólum. Þetta
er liðakeppni og keppast liðin um
að safna stigum í allskonar leikjum
svo sem kíló, hokkí og fleiri íþrótt-
um. Stigahæstu liðin komast svo í
úrslitakeppnina sem haldin verð-
ur í desember,“ útskýrir Nökkvi.
Að hans sögn hefur nemendafélag-
ið nóg að gera við að skipuleggja
félagslífið. Einhverjir viðburðanna
séu þó í samstarfi við aðra skóla, svo
sem hin árlega West Side keppni
sem haldin verður á Akranesi að
þessu sinni. „West Side er sameigin-
legur viðburður framhaldsskólanna
þriggja á Vesturlandi og skiptast
skólarnir á að halda hann. Keppn-
in verður haldin fimmtudaginn 2.
október og svo er ball um kvöldið.
Þetta er bara skemmtilegt og það er
frábært að efla svona samböndin á
milli skólanna þriggja í landshlutan-
um.“ Í lok október munu nemendur
FSN leggja land undir fót og kíkja
í heimsókn á Norðurlandið. „Við
ætlum að kíkja í heimsókn á Sauð-
árkrók 24. október. Nemendafélag-
ið þar bauð okkur á svokallað menn-
ingarkvöld. Þar verður ýmislegt um
að vera, svo sem söngatriði, drag-
keppni, líkamsmálun (e. bodypaint),
ball og fleira. Svo verðum við með
allskyns uppákomur í vetur. Það
verða regluleg kaffihúsakvöld líkt og
verið hefur, jólaskemmtun í nóvem-
ber og stór árshátíð á vorönninni,“
segir Nökkvi Freyr.
Breytingar hjá nem­
endafélagi MB
Í Menntaskóla Borgarfjarðar hefur
Herdís Ásta Pálsdóttir nýverið tekið
við keflinu sem formaður nemenda-
félagsins. Hún segir að félagsstarfið
í skólanum í vetur muni taka nokkr-
um breytingum frá fyrri árum. „Ein
af breytingunum verður sú að við
ætlum að hafa mjög virka stjórn sem
alltaf er að gera eitthvað. Við bök-
uðum skúffuköku um daginn og gáf-
um nemendum og kennurum skól-
ans til að vekja athygli á stjórn nem-
endafélagsins. Við erum alltaf á fullu
og ætlum að vera mjög virk í allan
vetur,“ segir Herdís Ásta. Hún segir
að nýnemahefðinni hafi einnig ver-
ið breytt. Í ár voru nýnemar klædd-
ir upp í læknabúninga og svo haldið
í skrúðgöngu upp í Skallagrímsgarð.
„Þar grilluðum við pylsur og héld-
um brennómót þar sem nýnemar
kepptu við útskriftarnema. Það var
mjög góð þátttaka og þetta var mjög
gaman.“
Stærsta ball í
sögu skólans
Að sögn Herdísar er allt klúbbastarf
í skólanum einnig komið í gang. Þar
ber helst að nefna leiklistarklúbb-
inn, sem nýlega fékk nafnið Sv1,
Nördaklúbbinn og hestaklúbb. Ein
af breytingunum sem Herdís nefn-
ir er sú að strákakvöld verður hald-
ið í fyrsta sinn fyrir jólin. „Það hafa
reglulega verið haldin stelpukvöld
í skólanum en aldrei strákakvöld.
Helsta breytingin á félagsstarfinu í
vetur verður samt sú að við ætlum
að hætta að halda lítil böll, sem hafa
vanalega verið haldin, og halda frek-
ar eitt stórt hverja önn. Í lok októ-
ber eða byrjun nóvember verð-
um við því með eitt veglegt ball,
sem verður stærsta ball í sögu skól-
ans.“ Það verður þó ekki eina ball-
ið sem nemendum MB stendur til
boða að fara á í vetur heldur verð-
ur nemendafélagið einnig í sam-
starfi við NFFA og NFSN í sam-
bandi við önnur böll og uppákomur.
„Það styttist til dæmis í West Side,
þar sem við tökum að sjálfsögðu þátt
eins og áður. Þar verður sameigin-
legt ball fyrir skólana. Svo fyrir jólin
verður kaffihúsakvöld hjá okkur þar
sem skólahljómsveitin kemur fram
ásamt fleiri nemendum,“ segir Her-
dís Ásta að lokum.
Hlýlega tekið á móti
nýnemum
Þorsteinn Bjarki Pétursson, 18 ára
nemi á náttúrufræðibraut FVA, er
nýr formaður NFFA líkt og Skessu-
horn sagði frá í vor þegar hann var
kosinn. Að sögn Þorsteins Bjarka
verður boðið verður upp á fjölbreytt
félagsstarf í vetur sem hófst á busa-
vikunni, þar sem hlýlega var tekið á
móti nýnemum skólans með allskyns
uppákomum. „Við héldum svo eitt
stærsta busaball sem nemendafélag-
ið hefur haldið. Við buðum Borg-
nesingum á það ball og mættu um
350 manns og skemmtu sér konung-
lega,“ segir Þorsteinn. Hann seg-
ir klúbbastarfið komið í gang en sex
klúbbar verða starfandi í FVA í vet-
ur. Meðal annarra klúbba sé Visku-
klúbbur sem nú er að undirbúa þátt-
töku í Gettu betur og Morfís, og
tónlistarklúbbur, sem einnig er að
skipuleggja viðburði. „Í síðustu viku
var haldin undankeppni í litabolta-
móti (e. paintball) og komust tvö lið
frá okkar skóla áfram í aðalkeppn-
ina. Winter cup, innanhússmót í fót-
bolta hófst um daginn og nú vinnum
við að undirbúningi West Side, sem
haldið verður hjá okkur í ár. Þar
verður keppt í íþróttum; fótbolta,
körfubolta, blaki og hlunkabolta.
Eftir það verður Gettu betur keppni
á milli skólanna þriggja og svo sam-
eiginlegt ball um kvöldið þar sem
Dj. Red skemmtir á Gamla Kaup-
félaginu.“ Að auki nefnir Þorsteinn
Bjarki að Berlínarfararnir, sem sagt
var frá í síðasta tölublaði Skessu-
horns, hafi verið duglegir að skipu-
leggja viðburði fyrir nemendur skól-
ans. „Svo er hið árlega Skammhlaup
á döfinni. Það verður haldið með
svipuðu sniði og verið hefur undan-
farin ár, nemendum skipt niður í lið
og keppt í ýmsum óhefðbundnum
keppnisgreinum. Við erum líka að
skipuleggja kaffihúsakvöld, þannig
að það er ýmislegt framundan,“ seg-
ir Þorsteinn Bjarki formaður NFFA.
grþ
Um miðjan síðasta mánuð vígði
Soroptimistaklúbbur Snæfellsness
bekk sem settur var niður í fallegu
umhverfi við göngustíg nærri félags-
heimilinu Klifi í Ólafsvík. Bekk-
ur þessi segir sögu sundkennslu í
þorpinu: „Ungmennafélagið Vík-
ingur í Ólafsvík var stofnað 14.
október 1928. Ottó Árnason, þá
næstum tvítugur að aldri, var einn
af stofnfélögum og fyrsti ritari hins
nýja félags. Hann sá þörfina fyr-
ir sundkennslu í Ólafsvík og lagði
til að gerð yrði stífla í Hvalsána
sem er skammt innan við Þorp-
ið. Með styrk úr ríkissjóði, sveitar-
sjóði og sýslusjóði, ásamt sjálfboða-
liðastarfi félaganna, varð þessi hug-
mynd hans að veruleika. Steyptur
var veggur þvert yfir ána og árið
1930 fór fyrsta sundkennslan fram
og var Ottó fyrsti sundkennarinn.
Þetta framtak þótti mikið framfara-
spor í byggðarlaginu.“
„Við klúbbsystur viljum þakka
starfsfólki Snæfellsbæjar, TS véla-
leigu og fleirum sem komu að því
að gera þetta svæði aðgengilegt og
fallegt. Anton Gísli Ingólfsson fær
bestu þakkir fyrir að smíða bekk-
inn og vera okkur innan handa með
ýmis verk. Einnig þökkum við Æv-
ari Sveinssyni, Sigurlaugu Konráðs-
dóttur, Smára Björnssyni, Valgerði
Kristmannsdóttur og Ástu Dóru
Valgeirsdóttur fyrir þeirra framlag.
Við hvetjum bæjarbúa til að fá sér
sæti og bjóðum upp á sögustund,“
segir í tilkynningu frá Soroptim-
istaklúbbi Snæfellsbæjar.
Nú hefur klúbburinn látið koma
fyrir fjórum bekkjum í Snæfellsbæ,
sem allir segja sögu sem tengist
þeim stað sem valinn hefur verið
fyrir þá. Einn bekkurinn er í Tröð
á Hellissandi ásamt sögu af sjó-
konum á áraskipum. Á Arnarstapa
er bekkur nærri styttunni af Bárði
Snæfellsás og þar verður saga um
Helgu Bárðardóttur. Loks er við
Lýsuhólslaug bekkur sem verð-
ur með sögu baðstaðarins frá land-
námi og upplýsingum um heita öl-
kelduvatnið.
mm
Framhaldsskólahornið
Félagsstarf framhaldsskólanemenda á Vesturlandi komið á fullt
Bekkurinn við Klif þar sem sundkennslunni í Hvalsá er minnst.
Soroptimistaklúbbur Snæfellsness kemur fyrir sögutengdum bekkjum
Félagar í Soroptimistaklúbbi Snæfellsness.
Þorsteinn Bjarki Pétursson, formaður
NFFA.
Nökkvi Freyr Smárason, formaður NFSN.
Herdís Ásta Pálsdóttir, formaður
nemendafélags Menntaskóla Borgar-
fjarðar.