Skessuhorn - 01.10.2014, Blaðsíða 27

27MIÐVIKUDAGUR 1. OKTÓBER 2014
Framkvæmdastjóri Snæíss í Grund-
arfirði, sem rekur ísframleiðslu fyrir
ferskfisk í Grundarfjarðarhöfn, und-
irritaði á Sjávarútvegssýningunni
samning um stækkun ísverksmiðj-
unnar um þriðjung. „Snæís er í eigu
útgerðar- og fiskvinnlufyrirtækja í
Grundarfirði ásamt því að löndun-
arþjónustan Djúpiklettur og nokkr-
ir einstaklingar eiga þarna hluti líka
en þetta eru alls á milli tuttugu og
þrjátíu eigendur og allir í Grund-
arfirði,“ sagði Kristján Guðmunds-
son framkvæmdastjóri Snæíss þeg-
ar samningurinn var undirritaður.
„Ástæðan fyrir þessari stækkun er að
þörfin var orðin mikil og verksmiðj-
an hafði ekki undan að framleiða ís á
annatímum.“ Kristján sagði að þetta
hefði til dæmis komið vel í ljós í sum-
ar þegar makrílveiðarnar bættust við
venjulegar bolfiskveiðar og vinnslu.
Þá hafi einfaldlega ekki verið næg-
ur ís til sölu í Grundarfirði. „Þótt ég
sé titlaður framkvæmdastjóri þá er
þetta nú fyrirtæki sem rekur sig al-
gjörlega sjálft. Verksmiðjan er alveg
sjálfvirk og það er bara einn eftirlits-
maður með henni sem grípur inn í
ef eitthvað kemur upp á, bilun eða
annað, að öðru leyti er hún 100%
sjálfvirk.“
Kristján segir ísframleiðsluna hafa
verið 60 tonn á sólarhring en eftir
stækkunina verði framleiðslan 90
tonn á sólarhring. „Við höfum nóg
pláss fyrir þetta og erum með 180
tonna geymslu þannig að þess vegna
væri hægt að stækka verksmiðjuna
enn meira. Nýju tækin verða sett
inn í núverandi hús en þegar það
var byggt var gert ráð fyrir stækk-
un verksmiðjunnar. Það eru tals-
verðar sveiflur í þessari íssölu en við
verðum að geta tekið á móti þeim
toppum sem koma svo við missum
ekki skip frá okkur.“ Kristján vildi
ekki nefna neina tölur um kostn-
að við uppsetningu viðbótarinnar
við ísverksmiðjuna en sagði að þetta
kostaði tugi milljóna króna.“ Það er
Frostmark sem afhendir verksmiðj-
una og sér um uppsetningu en tæk-
in eru að uppistöðu norsk og dönsk.
„Ef allt gengur vel ætti þetta að vera
tilbúið fyrir eða um áramót en nú er
bara að ganga í verkið fyrst búið er
að undirrita samninginn við vorum
aðeins búnir að undirbúa verkið,“
sagði Kristján Guðmundsson.
Sami búnaður en
uppfærð tækni
Guðlaugur Pálsson frá Frostmarki
sagði við undirritun samningsins að
Grundfirðingar hefðu verið orðnir
knappir með ís miðað við þessi 60
tonn sem nú eru framleidd, vegna
aukinnar löndunar á staðnum. „Þess
vegna veitir ekkert af að stækka. Við
útfærum fyrir þá þennan viðbót-
arbúnað Þetta er sams konar bún-
aður og fyrir var en við uppfærum
samt margt í stjórnbúnaðinum sem
farið var að eldast og þarf að upp-
færa til nútímans. Við sjáum um
uppsetningu og allt sem viðkem-
ur verksmiðjunni. Það er einfald-
ast að nota sams konar búnað áfram
enda vel reyndur. Verksmiðjan er al-
farið sjálfvirk og þeir sem þurfa á ís
að halda afgreiða sig sjálfir en einn
maður er þó alltaf til taks ef ein-
hver bilun kemur upp. Hann fær
þá skilaboð í símann sinn ef á hon-
um þarf að halda.“ Guðlaugur seg-
ir að Frostmark sé að þjónusta sjáv-
arútvegsfyrirtæki víða um land með
kæli- og frystibúnað auk ísfram-
leiðslu. „Ísframleiðslan sem fyrir er
stoppar ekkert meðan verksmiðj-
an verður stækkuð. Það rúllar bara
áfram en Grundfirðingar verða svo
tilbúnir að mæta álagstímum á næsta
ári eftir þessa stækkun.“
Allir hafa sitt
afgreiðslunúmer
Guðni Guðnason er eini starfsmað-
urinn sem kemur að rekstri ísverk-
smiðjunnar en þó ekki meira en svo
að hans afskipti eru eingöngu ef eitt-
hvað fer úrskeiðis eða bilar. „Þetta
er allt sjálfvirkt en það er nú þannig
með allt sem er sjálfvirkt getur bil-
að. Um leið og eitthvað slíkt ger-
ist fæ ég sms-boð í símann minn
um bilun og þá bregst ég við. Hver
og einn, sem þarf ís, hvort sem það
er löndun, vinnsla eða útgerð skips
hefur sitt númer sem er stimplað
inn í afgreiðslutölvuna og valið um
leið hve mikinn ís þarf. Þannig fer
afgreiðslan fram og enginn annar
en sá sem þarf ís kemur þar nærri.“
Guðni segir ákveðna tíma hafa ver-
ið erfiða vegna aukinnar aðsóknar í
ís. „Júlí og ágúst í sumar voru mjög
erfiðir og þá höfðum við ekki undan
að framleiða ís. Þá urðum við í fjór-
gang íslausir þrátt fyrir að framleiða
60 tonn á sólarhring. Þessi 30 tonn
sem bætast við ættu að duga til að
mæta því.“
Mest af ísnum fer til báta sem
landa í Grundarfirði. Guðni segir
þó að talsvert af ís fari til Ólafsvíkur
og eins í fisk sem fer annað eins og
t.d. á Akranes. „Annars er þetta fyrst
og fremst komið til núna vegna þess
hve ásóknin í að landa hjá okkur hef-
ur aukist,“ sagði Guðni Guðnason.
hb
Sjávarútvegssýningin fjölbreytt og vel sótt
Séð yfir hluta sýningarsvæðiðsins í Smáranum.
Íslenska sjávarútvegssýningin, Ice-
landic Fisheries, var haldin í Kópa-
vogi dagana 25. til 27. september
sl. Sýningarsvæðið var í íþróttahús-
unum Smáranum og Fífunni auk
13.000 fermetra útisvæðis. Sýning-
in er haldin á þriggja ára fresti og
er þessi sú ellefta. Fyrsta sýningin
var haldin fyrir 30 árum, árið 1984.
Sýnendur koma víða að og voru frá
um 50 löndum að þessu sinni. Gest-
ir eru að sjálfsögðu flestir íslenskir
en einnig kemur talsvert af gestum
gagngert utan úr heimi á sýninguna.
Ekki liggja fyrir endanlegar tölur
um fjölda áhorfenda en búist var við
hátt í 15.000 manns á sýninguna.
Mörg útgerðarfyrirtæki, sem og
fiskvinnslur og fyrirtæki tengd sjáv-
arútvegi, buðu starfsmönnum sín-
um á sýninguna og voru heilu flug-
vélarnar þétt setnar í innanflugi með
gesti á sýninguna. Þeir sem nær búa
fylltu svo nokkrar rútur í hópferðum
á sýninguna. Á sýningunni var hægt
að sjá nánast allt sem tengist sjávar-
útvegi hvort sem er varðandi veið-
ar, vinnslu eða sölu afurða. Tækja-
framleiðendur voru áberandi á sýn-
ingunni og líklega var hlutur fisk-
vinnslu stærri þar en hlutur útgerð-
ar. Þá settu seljendur allrar þjónustu
við sjávarútveg stóran svip á sýn-
inguna.
Hér og á næstu síðum gefur að líta
spjall við nokkra af þeim sýnendum
og gestum sem tengjast Vesturlandi
auk mynda.
hb/ Ljósmyndir: Haraldur Bjarna-
son og Magnús Magnússon.
Ísframleiðslan í Grundarfjarðarhöfn
verður aukin um þriðjung
Guðlaugur Pálsson til vinstri og Kristján Guðmundsson
undirrita samninginn um stækkun ísverksmiðjunnar í
Grundarfjarðarhöfn.
„Þarf alla þrjá dagana
til að sjá þetta“
-segir Bárður Guðmundsson
„Það er auðvitað hellingur að
sjá hérna. Ég fór hérna um í gær
og svo aftur í dag og mér sýnist
að mér veiti ekkert af að fara aft-
ur á morgun,“ sagði Bárður Guð-
mundsson útgerðarmaður og skip-
stjóri á Kristni SH frá Ólafsvík þeg-
ar spjallað var við hann utan dyra á
Sjávarútvegssýningunni síðdegis á
föstudaginn. „Það er margt hér fyr-
ir útgerð eins og mína en þó finnst
mér nú meira að sjá fyrir fiskvinnsl-
una.“
Utandyra er nýsmíðaður 30
tonna bátur; Óli á Stað frá Grinda-
vík og Bárður var spurður um
hvort þetta væri sambærilegur bát-
ur við hans bát, Kristinn SH. „Þessi
er heldur stærri og meiri um sig.
Vinnuaðstaðan er svipuð en íveru-
plássið fyrir mannskapinn er ívið
meira en er um borð hjá okkur.
Mér líst mjög vel á þennan bát og
mér finnst í rauninni gott að svona
bátar skuli vera að koma inn í smá-
bátakerfið. Þetta var baráttan hjá
okkur og varð til þess að við stofn-
uðum Samtök smærri útgerða. Að
vísu vildum við stoppa við 15 metr-
ana og 30 tonnin en þessi er að-
eins meira og fer aðeins í kringum
kerfið. Það hafa verið settar á hann
svalir og flotkassar sem ekki koma
inn í mælingu en þetta er einmitt
það sem við vildum stoppa af og var
orðið algengt áður fyrr til að teygja
bátana. En hvað um það, bátur-
inn er flottur og aðbúnaðurinn fyr-
ir mannskapinn er góður sem og
plássið til að ganga vel frá fiskinum,
vaska hann og kæla.“
Aðspurður um hvort hann hefði
kynnt sér nýja kælibúnaðinn frá
Skaganum, sagði Bárður svo ekki
vera. „Ég vissi ekki að þetta væri
komið svo langt að það yrði kynnt
hér, en fyrst svo er þá verð ég að
mæta á morgun og skoða það. Þetta
getur orðið bylting fyrir báta eins
og okkar ef þetta er rétt skilið hjá
mér og hægt verður að koma þessu
fyrir í þeim,“ sagði Bárður Guð-
mundsson.
hb
Tveir nýsmíðaðir smábátar og talsverður stærðarmunur. Báturinn til hægri er sá
sem Bárður talar um.
Bárður Guðmundsson á útisvæði Sjávarútvegssýningarinnar.
Guðni Guðnason sér um að
ísafgreiðslan gangi greiðlega fyrir sig í
Grundarfjarðarhöfn.
Úr Bás Ísmarks sem sér um að stækka ísverksmiðjuna í
Grundarfirði.
Ís lenska sjáv ar út vegs sýn ing in 2014