Skessuhorn - 01.10.2014, Blaðsíða 28
28 MIÐVIKUDAGUR 1. OKTÓBER 2014
Svipmyndir frá Sjávarútvegssýningunni
Grundfirsk fyrirtæki með sameiginlegan bás
„Básinn er nú aðallega fyrir sjávar-
útvegsfyrirtækin í Grundarfirði sem
eru að kynna
sig hér sameig-
inlega undir
nafni Grund-
arfjarðarhafn-
ar,“ sagði Haf-
steinn Garð-
arsson hafn-
arvörður um
bás Grundar-
fjarðarhafn-
ar á Sjávarút-
vegssýning-
unni. „Höfn-
in er samnefn-
ari fyrir starfsemi allra þessara fyrir-
tækja og lífæð bæjarins.“
Upp á vegg í básnum var mynd
af huganlegri stækkun viðlegu í
Grundarfjarðarhöfn og sagði Haf-
steinn mikla þörf vera orðna
fyrir meira viðlegupláss. „Umferð
um höfnina hefur verið að aukast
mikið síðustu ár og oftar en ekki er
hún þéttsetin þegar álagið er sem
mest. Það er ekki gott þegar bát-
arnir þurfa orðið að leggjast hver
utan á annan eins og gerist t.d. þeg-
ar mest er um að vera í síldinni og
bátarnir þurfa að leita hafnar vegna
veðurs. Þetta eru stór skip sem taka
mikið pláss.“ Hafsteinn segir stækk-
un viðleguplássins bara vera á hug-
myndastigi ennþá og engar ákvarð-
anir hefðu verið teknar. Verið væri
að setja þessar hugmyndir upp í
tölvulíkan og án efa ættu þær eftir
að taka miklum breytingum. „Það
sem sést hérna er um 130 metra
lenging með tilheyrandi varnar-
garði. Nú þegar er þörf fyrir þetta
en ekki gott að segja hve langt er í
að við sjáum þetta gerast enda þurfa
margir að koma að því,“ sagði Haf-
steinn.
hb
Bás Grundfirðinga á sýningunni. Uppkast af hugsanlegri lengingu viðlegupláss í Grundarfjarðarhöfn.
Á hringborði í horninu á bási N-1 sátu Skagamenn og ræddu málin.
Þar var verið að spjalla um ýmislegt og ræða það sem áhuga vakti
á sýningunni. Frá vinstri á myndinni eru: Ída Bergmann, Leif Hall-
dórsson, Jóhannes Eyleifsson og Kristján Sveinsson.
Víkingur AK eða Venus NS. Tyrkneska skipasmíðastöðin Celiktrans,
sem smíðar tvö uppsjávarveiðiskip og þrjá ferskfisktogara fyrir HB
Granda, var með bás á sýningunni. Þar var þetta líkan af uppsjávar-
skipunum til sýnis en ákveðið hefur verið að þau fái fyrrgreind
nöfn.
Á bás Faxaflóahafna var Guðjón Arnar Kristjánsson fyrrum skip-
stjóri og alþingismaður að kynna og selja bókina Skipstjórnarmenn
en tvö binda hennar eru komin út og það þriðja í prentun. Jóhannes
Eyleifsson sjómaður á Akranesi var að kíkja í annað bindið hjá Guð-
jóni en þar var meðal annars að finna ítarlega umfjöllun um Eyleif
heitinn Ísaksson föður Jóhannesar.
Fallbyssan, sem venjulega stendur við hlið Hafnarhússins við
Akursbraut á Akranesi, var við innganginn á sýninguna. Starfs-
menn Faxaflóahafna og sprengjudeildar Landhelgisgæslunnar
skutu úr henni heiðursskotum við opnun sýningarinnar.
Einar Kristinn Guðfinnsson forseti Alþingis og þingmaður Norð-
vesturkjördæmis virðir fyrir sér nýjungar á sýningunni. Skammt í
áhugann hjá fyrrum sjávarútvegsráðherra.
Alfreð Guðjónsson var ánægður með það sem hann hafði séð á
sjávarútvegssýningunni. Hann skoðaði sýninguna á laugardaginn
og kom þangað með vinnufélögunum frá Þ&E á Akranesi en þar
hefur Alli unnið í meira en tvo áratugi. „Þetta er búið að vera
skemmtileg ferð og margt að sjá,“ sagði hann ánægður áður en
hann hélt upp í rútuna fyrir heimferðina. Skipsbrú var skapaði umgjörðina fyrir bás Olís á sýningunni.
Ís lenska sjáv ar út vegs sýn ing in 2014
Mikið var lagt í hönnun og útlit margra bása á sýningunni. Hér
gefur að líta vogaframleiðandann Eltak.
Hafsteinn Garðars-
son, hafnarvörður
á bási Grundar-
fjarðarhafnar.