Skessuhorn - 01.10.2014, Blaðsíða 39

39MIÐVIKUDAGUR 1. OKTÓBER 2014
Eimskip | Korngörðum 2 | 104 Reykjavík | Sími 525 7000 | www.ebox.is
eBOX er ný, þægileg og einföld lausn til að flytja minni sendingar
frá Evrópu til Íslands. Á ebox.is er reiknivél sem segir þér á
augabragði hver flutningskostnaðurinn er. Traust og áreiðanlegt
leiðakerfi Eimskips á Norður-Atlantshafi tryggir að sendingin þín
kemur heim með fyrstu ferð. Auðvelt og fljótlegt.
auðveldar smásendingar
Í STÓRUM SKIPUM RÚMAST LÍKA
SMÆRRI SENDINGAR
������� ���������
� e���.��
F
ÍT
O
N
/
S
ÍA
Drengirnir í öðrum flokki ÍA mættu
Stjörnunni í úrslitaleik bikarsins á
fimmtudaginn á Samsungvellinum
í Garðabæ þar sem loktölur urðu
3:2 Stjörnumönnum í vil. Leik-
urinn var í járnum fyrsta stundar-
fjórðunginn en þá fann heimaliðið
taktinn og komst yfir. Stjörnumenn
skoruðu tvö mörk á tveimur mín-
útum og leiddu með þeirri forystu
í hálfleik. Lítið markvert gerðist
svo fram að 76. mínútu. Þá bættu
Garðbæingarnir við þriðja mark-
inu og nánast gulltryggðu sér bik-
arinn. Skagamenn gáfust ekki upp
og á 88. mínútu minnkaði Tryggvi
Hrafn Haraldsson muninn fyrir þá
gulklæddu. Tryggvi Hrafn var svo
aftur á ferðinni stuttu seinna og
skoraði annað mark Skagamanna úr
vítaspyrnu. Lengra komust Akrane-
spiltar ekki og Stjarnan því bikar-
meistari í öðrum flokki karla 2014.
Þetta er annað silfrið sem strákarn-
ir í öðrum flokki ÍA krækja í þetta
sumarið en þeir urðu einnig í öðru
sæti á Íslandsmótinu sem lauk fyrir
skömmu. jsb
Blakfélagið Bresi á Akranesi leik-
ur í 1. deild á Íslandsmótinu í blaki
í vetur. Bresakonur tryggðu sér
keppnisrétt í 1. deild síðastliðið
vor og léku þær sinn fyrsta heima-
leik á þessu leiktímabili síðastliðinn
sunnudag. Var það A - lið Bresa-
kvenna sem tók á móti stúlkunum
úr HK - B. Leiknum lauk með því
að Skagakonur töpuðu fyrir stöll-
um sínum úr Kópavogi og urðu
lokatölur 0 - 3. grþ
Körfuboltavertíðin er einnig haf-
in þetta haustið hjá yngri kynslóð-
inni. Körfuknattleiksdeild Skalla-
gríms hefur síðustu árin staðið fyr-
ir móti fyrir yngstu kynslóðina í
samvinnu við Norðurál. Síðastlið-
inn sunnudag var haldið Norður-
álsmót í íþróttahúsinu í Borgar-
nesi. Mótið er fyrir stráka og stelp-
ur í 1.-6. bekk grunnskóla og fjög-
ur félög sendu lið til mótsins. Auk
heimafólks í Skallagrími voru lið
frá ÍA, Snæfelli og Haukum. Mót-
ið byrjaði klukkan níu um morg-
uninn og lauk á sjötta tímanum.
Að sögn Atla Aðalsteinssonar,
starfsmanns körfuknattleiksdeildar
Skallagríms, var leikgleðin í fyrir-
rúmi og allir sigurvegarar þótt ekki
sé það venjan á þessum mótum að
telja stigin í leikjunum. Norður-
álsmótið er fyrst og fremst hugs-
að sem skemmtun og félagsskapur
fyrir börnin sem njóta þess að spila
körfubolta.
þá
Verkefnið Hjólum í skólann, þar
sem nemendur og starfsfólk fram-
haldsskóla landsins kepptust um að
nýta sem oftast virkan ferðamáta til
og frá skóla, stóð frá 12. - 16. sept-
ember. Um er að ræða samstarfs-
verkefni Íþrótta- og Ólympíusam-
bands Íslands, Hjólafærni á Íslandi,
Embættis landlæknis, Reykjavíkur-
borgar, Samgöngustofu og Sam-
bands íslenskra framhaldsskóla-
nema. Í tilkynningu frá ÍSÍ kemur
fram að alls tóku nítján framhalds-
skólar þátt og fjölgaði því um tvo
skóla frá því í fyrra. Þátttakendur
voru 1.236 og hjólaðir voru 12.528
km. Ferðamáti þátttakenda skiptist
svona: Hjólað 65,6%, strætó/ganga
19,4%, ganga 11,9%, strætó/hjól-
að 2,0%, hlaup 1%, annað 0,2% og
línuskautar 0%. Keppt var í þrem-
ur stærðarflokkum. Alls voru fimm
skólar skráðir til leiks í flokki skóla
með 400 - 999 nemendur og starfs-
menn og hafnaði Fjölbrautaskóli
Vesturlands á Akranesi í öðru sæti
í þeim flokki. Framhaldsskólinn í
Mosfellsbæ sigraði í þeim flokki en
Fjölbrautaskólinn í Garðabæ lenti í
þriðja sæti. grþ
Sameiginlegt lið ÍA og Þróttar R.
varð síðastliðinn miðvikudag bik-
armeistari í öðrum flokki kvenna.
Stúlkurnar unnu þá Breiðablik í úr-
slitaleik bikarkeppninnar á Kópa-
vogsvelli með tveimur mörkum
gegn einu. Ekkert mark var skor-
að í fyrri hálfleik en á upphafsmín-
útum síðari hálfleiks komust Blika-
stúlkur yfir. Innan við tíu mínútum
eftir að fyrsta markið var skorað
jafnaði Skagakonan Guðrún Kar-
ítas Sigurðardóttir metin fyrir ská-
strikið. Það var svo önnur Skaga-
kona, Aldís Ylfa Heimisdóttir, sem
kom ÍA/Þrótti í forystu með marki
á 68. mínútu. Það reyndist vera sig-
urmark leiksins og enn einn titil-
inn tryggður hjá unglinga- og ung-
mennastarfi ÍA þetta sumarið. jsb
Síðastliðinn laugardag fór fram síð-
asta umferð Íslandsmótsins í rallý
á keppnistímabilinu. Ekið var um
uppsveitir Rangárvallasýslu; m.a.
Landmannaleið og Tungnaá, alls
sex sérleiðir sem spönnuðu 119 km.
Keppnin reyndist bílum og mönn-
um erfið en 15 áhafnir hófu leikana.
Þegar yfir lauk skiluðu einungis átta
bílar sér í endamark. Aðrir féllu úr
leik enda voru aðstæður nokkuð
krefjandi þar sem ekið var um mjög
ójafna og erfiða vegi. Var algengast
að fjöðrunarbúnaður eða drifbún-
aður gæfi sig og gerði keppendum
ómögulegt að halda áfram.
Engar bilanir eða aðrar upp-
ákomur komu upp hjá TímOn-
félögum, þeim Baldri og Aðal-
steini á Subaru Impreza Sti, en
þeir höfðu fyrir keppnina tryggt
sér Íslandsmeistaratilinn í ár. Náðu
þeir strax á fyrstu leiðinni bestum
tíma og héldu öruggu forskoti allt
til enda. Sigruðu þeir í keppninni
með tæplega fjögurra mínútna for-
skoti á næstu áhöfn, Íslandsmeist-
arana frá í fyrra, þá Henning og
Árna sem einnig óku Subaru Imp-
reza. Reyndar náðu Baldur og Að-
alsteinn þeim árangri að vera með
besta tímann á öllum sérleiðum í
keppninni sem er afar sjaldgæft að
gerist í rallýi. Í þriðja sæti urðu svo
Gunnar Karl og Ásta Valdís á Mit-
subishi Lancer Evo VI sem er at-
hyglisverður árangur því Gunnar
Karl er aðeins 18 ára.
Í jeppaflokki sigruðu Hörð-
ur Darri og Sigríður Anna á Tom-
cat eftir mikla baráttu en afföll í
jeppaflokknum voru mjög mikil.
Í flokki aflminni bifreiða sigruðu
Guðmundur og Ólafur eftir mikla
baráttu við m.a. Baldur Arnar og
Hönnu Rún en Baldur hafði fyrir
keppnina þegar tryggt sér Íslands-
meistaratitilinn í þessum flokki.
Eins og áður sagði var þetta síð-
asta umferðin í Íslandsmótinu í
rallýi þetta árið en stefnt er að
a.m.k. einni stuttri keppni, svoköll-
uðu sprettrallýi, áður en menn setja
bíla sína inn í skúr og hefjast handa
við að útbúa þá fyrir næsta keppnis-
tímabil sem hefst í maí. mm
Körfuknattleiksfélag ÍA hefur feng-
ið nýjan bandarískan leikmann í
stað Robert Jarvis sem ekki fékk at-
vinnuleyfi hér á landi þegar til kom.
Nýi Kaninn í herbúðum Skaga-
manna leikur einnig í stöðu leik-
stjórnanda og skyttu í liðinu. Hann
heitir Lemuel Doe og lék æfinga-
leik með ÍA gegn Breiðabliki í síð-
ustu viku. ÍA sigraði 88:80 í leiknum
og skoraði Doe 29 stig, átti fimm
stoðsendingar og tók jafnmörg frá-
köst. Eftir frammistöðuna í leikn-
um var ákveðið að semja við Doe,
sem kom á eigin vegum til lands-
ins í þetta skiptið, fór síðan til baka
og mun svo koma aftur til Akraness
á næstu dögum. Vonast er til að
hann verði kominn með leikheim-
ild fyrir fyrsta leik ÍA í 1. deildinni
föstudaginn 10. október nk. gegn
Breiðabliki í Kópavogi. Hannibal
Hauksson formaður körfuknatt-
leiksdeildar ÍA segir að Doe sé
kraftmikill leikmaður og skotnýt-
ing hans hafi verið góð í leiknum á
móti Breiðabliki. Ástæðan fyrir því
að Robert Jarvis, sem áður lék með
ÍR hér á landi, fékk ekki atvinnu-
leyfi, var að hann reyndist ekki með
hreint sakavottorð. þá
Hart var barist í Íþróttahöllinni við Jaðarsbakka þegar Blakfélagið Bresi tók á
móti HK. Ljósm. Jónas H Ottósson.
Blakfélagið Bresi tók á móti HK á Akranesi
Anna Bjarnadóttir og Margrét
Þorvaldsdóttir tóku við viðurkenningu
í Íþróttamiðstöðinni í Laugardag
síðastliðinn þriðjudag fyrir hönd Fjöl-
brautaskóla Vesturlands. Ljósm. FVA.
FVA í öðru sæti í Hjólum í skólann 2014
Leikgleðin var í fyrirrúmi á Norðuráls-
mótinu. Ljósm. Jónas H Ottósson.
Fjör á Norðurálsmóti í körfubolta
Íslandsmeistararnir sýndu að
titill þeirra var engin tilviljun
Bíll þeirra Baldurs og Aðalsteins við
Hnausapoll.
Nýr bandarískur leikmaður
til ÍA í körfuboltann
Lemuel Doe í leiknum á móti Breiða-
bliki. Ljósm. Jónas H Ottósson.
Lið ÍA/Þróttar ásamt þjálfurum með gull medalíurnar og sjálfan bikarinn.
Ljósm. KFÍA.
ÍA/Þróttur bikarmeistari
í 2. flokki kvenna
Annað silfur sumarsins hjá
öðrum flokki karla hjá ÍA