Skessuhorn - 08.10.2014, Blaðsíða 26
26 MIÐVIKUDAGUR 8. OKTÓBER 2014
Nú er farin ástin öll - eins og barinn hundur
Vísnahorn
Það virðist víða niðurskurður á þessum tím-
um og kemur niður á ýmsum. Oftast þeim er
síst skyldi. Ekki öfunda ég þá er eiga að ráða
fram úr vandamálunum og þaðan af síður þá
sem komu okkur í þau. Um það leyti sem rætt
var um boðað verkfall skurðlækna kvað Þór-
arinn M. Baldursson:
Fer að biðja fyrir sér
fólk með lasin iður;
upp hér framar enginn sker,
-allt er skorið niður.
Á svokölluðum mæðiveikiárum þegar sú
pestilentía geysaði um landið orti Ísleifur
Gíslason í orðastað Guddu nokkurrar sem oft
varð honum að yrkisefni:
Við mæðiveikifaraldur hann Björn minn lengi bjó
en búskapurinn illa gekk og lítið fékkst úr sjó.
Svo bólgnaði í honum botnlanginn sem botn-
langa er siður
-og Björn var skorinn upp en rollurnar hans niður.
Heilbrigðismálin virðast ætla að verða okk-
ur fylgispök eins og lengi hefur verið með
mannkynið. Siglfirðingur nokkur varð fyrir
því óláni að fótbrotna og greri ekki svo skjótt
sem skyldi en síðan bættist við gylliniæð og
var þá afleitt ástand líkamans. Um þessa hluti
kvað Steingrímur Eyfjörð Einarsson læknir:
Fóturinn á honum finnst mér er
fremur batadræmur.
Í rassgatinu á sjálfum sér
segist hann vera slæmur.
Salbjörg Helgadóttir í Litla-Árskógi orti
um sitt æviskeið og þróun þess sem eflaust
hefur gerst með ýmislegum hætti:
Út á lífsins ólgusjó
ýttist ég á bárum.
Margfaldaðist mæðan þó
með fullorðins árum.
Rakel Bessadóttir á Þverá orðaði sína ævi-
sögu svona:
Áður þrátt ég yndis naut,
við illt ég mátti glíma.
Lifi ég sátt við liðna þraut
líður að háttatíma.
Allir tímar eiga sínar tískuvörur og þá vænt-
anlega einnig tískuvöruverslanir. Á undan
stóru verslunarkjörnunum voru aðrar verslan-
ir minni þar sem allt fékkst og Kristján Run-
ólfsson orti um brot af því sem fékkst og fæst
í verslun Haraldar Júlíussonar á Sauðárkróki
en þar ræður nú ríkjum Bjarni Har, sonur
þess sem verslunin er kennd við. Athugið að í
kvæðinu er aðeins talið upp lítið brot af þeim
vörum sem fást í versluninni og hér er aðeins
lítið brot úr kvæðinu:
Englahár og illeppar,
ausur, skóhorn, matgafflar,
sósulitur, sjóhattar,
sulta, krem og þessháttar.
Reykelsi og rakspírar,
rörtangir og skóhlífar,
lyklakippur, lakkburstar,
lakkrískúlur, hlandkoppar.
Spyrðubönd og sparksleðar,
speglar, túttur, kavíar,
klukkur, pelar, kryddbaukar,
klofstígvél og saltsteinar.
Teygjur, kort og kantskerar,
klemmur, glös og farmiðar,
brjóstsykur og blýantar,
brækur, grjón og náttsloppar.
Flísatangir ferlegar,
flórsykur og bandprjónar,
tommustokkar, taktmælar,
tvinnakefli og saumnálar.
Gúmmískór og garðlaukar,
greiður, snæri, fræpokar,
kambar, skæri og skotpakkar,
skarbítur og járnnaglar.
Skóflur, tóbak, skaftpottar,
skurðarhnífar allskonar,
ótal hluti útvegar,
einnig Bjarni Haraldar.
Tími kaupakvenna er nú löngu liðinn en ef
hann stæði enn væru þær trúlega að halda til
síns heima um þetta leyti eða fyrir stuttu farn-
ar. Bóndi nokkur sem bæði var borgfirskur og
hagmæltur réði til sín kaupakonu úr Reykjavík
en sú var frekar glaðsinna og ef til vill hneigð-
ari fyrir glaðværar og skemmtilegar umræð-
ur en ómælt líkamlegt erfiði. Urðu því hey-
annir frátafasamar og svefn stuttur á stund-
um. Gerist það nú að kaupakonan fréttir af
ljóðagáfu húsbóndans og heimtar sinn skerf
af hans andans afurðum. Hann var tregur til í
fyrstu en síðan fæddist þessi:
Ekki vil ég ýkja hót,
alveg satt ég mæli:
Þú ert árans ósköp ljót
og afar slæm í bæli.
Næsta vísa var svo á þessa leið:
Oft við hitann ástarbáls
átti ég huga glaðann.
Svo var gott að geta frjáls
gengið burtu þaðan.
Hygg ég enga happaleið
hjónabandi að skorðast
hló ég oft að hinna neyð,
hana gat ég forðast!
Þegar svo kaupakonan fór varð þessi til:
Gekkstu þar um grænan völl;
góður var sá fundur.
Nú er farin ástin öll.
eins og barinn hundur!
Og um heyfeng sumarsins orti hann at-
arna:
Mikið gat ég aflað ei,
eign ég glata minni.
Nú á latur lítið hey;
löngum sat ég inni.
Agnar Baldvinsson í Litladal í Blönduhlíð
varð áþreifanlega var við haustkomuna og
kvað:
Sumri hallar, bærir blær
blómið vallar dána.
Skýja falla tárin tær
tindar fjalla grána.
Einar Þórðarson frá Skeljabrekku heyrði
þessa vísu og varð hrifinn af svo sem eðlilegt
er og orti þá vísu sem byrjar á þessa leið:
Vel er þessi vísa gerð
virði ég slíka prýði.
Seinni hluti vísunnar virðist því miður glat-
aður en veruleg þökk væri mér í ef einhver
kynni hann eða gæti grafið upp. Ætli við lát-
um samt ekki hér staðar numið að sinni.
Með þökk fyrir lesturinn,
Dagbjartur Dagbjartsson
Hrísum, 320 Reykholt
S 435 1189 og 849 2715
dd@simnet.is
Fimmtándi árgangur Borgfirðinga
bókar kominn út
Borgfirðingabók kom út í lok sept-
ember og barst áskrifendum sínum
í hendur í síðustu viku. Sögufélag
Borgarfjarðar stendur að útgáfunni
og er þetta 15. árgangur. Í bókinni
að þessu sinni eru 30 greinar eft-
ir 31 höfund sem sýnir að víða er
leitað fanga hvað varðar efni enda
er það markmið ritnefndar að all-
ir finni eitthvað við sitt hæfi í bók-
inni.
Umfjöllunarefni er því fjöl-
breytt. Má m.a. nefna dagbókar-
skrif frá 19. öld, þar sem lesandan-
um gefst kostur á að setja sig inn í
daglegt líf þeirra tíma, vettlingasafn
mætrar konu úr Hvítársíðu og til-
urð óperu sem flutt var á síðasta ári
í Hallgrímskirkju í Saurbæ. Bókin
er 255 blaðsíður og í henni er fjöldi
ljósmynda og teikninga. Í ritnefnd
voru Snorri Þorsteinsson, Sævar
Ingi Jónsson og Ingibjörg Daní-
elsdóttir. Hægt er að kaupa eintak
af bókinni með því að senda póst á
ingibjorg.danielsdottir@gbf.is eða
hringja í síma 894-8108.
mm/id
Áratugur frá upphafi skólastarfs í FSN
Í Fjölbrautaskóla Snæfellinga var
tíu ára afmæli skólans fagnað með
veglegri veislu fimmtudaginn 2.
október. Þar var margt um mann-
inn og margir af velunnurum skól-
ans mættir. Ávörp voru flutt og
stýrðu þær Hólmfríður Friðjóns-
dóttir og Kristbjörg Hermanns-
dóttir fjöldasöng ásamt því að
flytja nokkur lög fyrir gesti. Há-
tíðin var góð en haft var á orði
að enginn þingmaður Norðvest-
urkjördæmis hafi séð sér fært að
mæta. Var þeirra saknað. Með-
fylgjandi myndir tók Tómas Freyr
Kristjánsson fréttaritari Skessu-
horns í afmælinu.
mm
Forsíða Borgfirðingabókar 2014.
Félagarnir Ásmundur, Sævar og Guðmundur undirbúa Borgfirðingabók þannig að
hún komist á leiðarenda til áskrifenda.