Skessuhorn - 15.10.2014, Blaðsíða 4

4 MIÐVIKUDAGUR 15. OKTÓBER 2014
Kirkjubraut 54-56 - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudög-
um. Auglýsendum er bent á að panta auglýsingapláss tímanlega. Skilafrestur smáaug-
lýsinga er til 12.00 á þriðjudögum.
Blaðið er gefið út í 3.800 eintökum og selt til áskrifenda og í lausasölu.
Áskriftarverð er 2.480 krónur með vsk. á mánuði. Elli- og örorkulífeyrisþegar greiða kr.
2.150. Verð í lausasölu er 600 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Þórhallur Ásmundsson, blaðamaður th@skessuhorn.is
Guðný Ruth Þorfinnsdóttir, blaðamaður gudny@skessuhorn.is
Magnús Þór Hafsteinsson, blaðamaður mth@skessuhorn.is
Auglýsingar og dreifing:
Emilía Ottesen, markaðsstjóri emilia@skessuhorn.is
Pálína Alfreðsdóttir palina@skessuhorn.is
Valdimar Björgvinsson valdimar@skessuhorn.is
Tinna Ósk Grímarsdóttir (vefauglýsingar) tinna@skessuhorn.is
Umbrot:
Ómar Örn Sigurðsson omar@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Leiðari
Þannig er farið með
skattpeningana
Nýverið fór aðalfundur Samtaka sveitarfélaga á Vesturlandi fram í Búðar-
dal. Þá er jafnan saman komið sveitarstjórnarfólk af öllu Vesturlandi. Með-
al þeirra sem ávörpuðu aðalfundinn var innanríkisráðherra. Vissulega var
margt sem sveitarstjórnarfólk vildi spyrja ráðherra sveitarstjórna- og sam-
göngumála um fyrst hún var á annað borð komin í flas þess. Þarna flutti
Hanna Birna Kristjánsdóttir ágætt erindi, ekki hægt að kvarta yfir því, enda
prýðilega fróð um málefni sveitarstjórnarstigsins. Hins vegar öllum að
óvörum þurfti hún að fara af staðnum áður en að pallborði kom og dag-
aði því uppi langur listi spurninga til ráðherrans. Olli þetta fundarmönnum
talsverðum vonbrigðum.
En hvað um það. Það var annað sem kom mér meira á óvart en meint
annríki ráðherrans þegar spyrja átti gagnrýnu spurninganna. Það var nefni-
lega sá fjöldi fólks sem fylgdi ráðherranum í þessa stuttu heimsókn í Dal-
ina. Einhvern veginn hefði ég haldið að Hanna Birna gæti svona nokk-
urn veginn hjálparlaust haldið þetta erindi. Engu að síður voru í föruneyti
hennar fimm til viðbótar. Prúðbúið fólk með dýra snjallsíma sér við hönd
og leit út svona eins og stressaðir lífverðir. Það var bílstjóri, ráðuneytis-
stjóri, upplýsingafulltrúi, aðstoðarmaður ráðherra, sérfræðingur ráðuneyt-
isins í sveitarstjórnarmálum og svo náttúrlega ráðherrann sjálfur. Samtals
voru þetta sex manneskjur og því meira en einn bílfarmur. Hið sakleysis-
lega ávarp ráðherra kostaði því skildinginn. Mér reiknast til að með hóf-
legum dagpeningum, kílómetragjaldi tveggja bíla á ríkistaxta og áætluð-
um launum sex opinberra embættismanna í efri þrepum launaskalans, hafi
ávarp ráðherra í Búðardal kostað 517.896 krónur eða um 34 þúsund mín-
útan. Sóun? Já. Þetta er greitt af skattfé almennings.
Annað dæmi af öðru stjórnsýslustigi hins opinbera sem ég vil nefna, af
því ég fæ það ekki skilið, snýr að sveitarstjórnarstiginu og sýnir að óráðsía
er víðar. Nýverið var á Akureyri haldið landsþing Samtaka sveitarfélaga
á Íslandi. Þar eiga seturétt fulltrúar allra sveitarfélaga landsins. Þarna er
fundað í eina þrjá daga og auk þess eru ýmis boð og veislur sem sveitar-
stjórnarfulltrúar taka þátt í. Auðvitað er þeim hollt að hrista saman hópinn.
Gott og blessað. En, hálfum mánuði síðar er aftur haldið landsþing, nú í
Reykjavík, nánast sömu fulltrúar sveitarfélaga og er þá kallað fjármálaráð-
stefna. Engu til sparað í umgjörð og glæsileika fremur en á hinu þinginu
nokkrum dögum áður. Af hverju er ekki svona lagað fært saman í eina sam-
komu, kannski þriggja daga fund? Hægt væri að spara með því milljónatugi
af skattfé almennings. Byggir þetta á hefð, eða þykir bara sjálfsagt að gera
kerfið að meira bákni?
Þessi tvö litlu dæmi finnt mér sýna að nokkuð örugglega má spara miklu
meira í rekstri hins opinbera en gert er. Því velti ég fyrir mér af hverju
þetta er svona. Hvar er aðhaldið? Það skortir greinilega og kemur hvorki
frá stjórnarandstöðu á Alþingi eða frá sveitarstjórnarfólki sem stýrir mál-
efnum sveitarfélaganna. Dagpeningar, ferða- og hótelkostnaður, laun, ýmis
risna, veisluhöld, og guð má vita hvað þetta heitir allt saman, er ekki sjálf-
sagður hlutur á sama tíma og krónískt peningaleysi þjakar heilbrigðiskerf-
ið, skólana, málefni fatlaðra og öll hin lögbundnu verkefni hins opinbera.
Fólkið sem starfar í umboði okkar hjá hinu opinbera má aldrei missa sjónar
á þessu. Nú, þegar almenningur er skuldum vafinn, á varla fyrir nauðsynj-
um og er skattlagður í þrot, á bruðl eins og ég hef hér nefnt ekki að eiga sér
stað. Raunar segir afkoma ríkissjóðs og skuldastaða sveitarfélaga allt sem
segja þarf. Við sem 326 þúsund manna örríki höfum einfaldlega ekki efni á
svona hegðun og að illa sé farið með skattinn sem við erum að borga.
Magnús Magnússon
Síðdegis á miðvikudaginn síðasta,
skömmu fyrir sólsetur, litaði mistrið
himininn gul-rauðum bjarma og jók
á mikilfengleik sólarlags og fulls
tungls. Þessi mynd var tekin í Hvalfirði
í veðurblíðunni þennan eftirmiðdag.
Ljósm. mþh.
Stykkishólmsbær hefur sam-
ið við Isavia um að nýta flug-
stöðina fyrir starfsemi á veg-
um bæjarins. Sem kunnugt er
hafði Rannsóknanefnd sjóslysa
þar aðsetur en var með sérstakri
löggjöf um sameiningu rann-
sóknanefnda í samgöngum flutt
til höfuðborgarinnar. Í flugstöð-
inni er ágæt vinnuaðstaða og er
stefnt að því að nýta húsnæðið í
þágu bæjarbúa. Nemendur sem
stunda fjarnám í Stykkishólmi
hafa verið á hrakningum og með
ófullnægjandi aðstöðu. „Í flug-
stöðinni hefur verið sett upp ágæt
vinnuaðstaða með tölvutengingum
og búnaði til að varpa upp kennslu-
gögnum og fyrirlestrum svo sem
nauðsynlegt er fyrir þá sem stunda
fjarnám,“ segir Sturla Böðvarsson
bæjarstjóri í tilkynningu á heima-
síðu Stykkishólmsbæjar.
Í tilkynningunni segir að þeir
námsmenn sem þess óska geti
fengið lykil að Fjarnámssetrinu
hjá starfsmönnum ráðhússins. Um
leið og lykill er afhentur þarf hver
nemandi að greiða 20.000 krónur
sem er ætlað að standa undir kostn-
aði við símalínur, gagnaflutnings-
búnað, rafmagn og umsjón með
húsnæðinu. Þegar lykli er skil-
að í lok annar að vori eru end-
urgreiddar 5.000 krónur sem er
trygging fyrir því að lykli eða að-
gangskorti verði skilað. Kostn-
aðarhlutdeild námsmanns í
tvær annir er því 15.000 kr. Þeir
námsmen sem vilja skrá sig fyrir
aðstöðu í Fjarnámssetrinu skulu
gera það í síma 433-8113 eða
með því að senda beiðni á net-
fangið hrefna.gissurar@stykk-
isholmur.is. Umsjónarmaður hús-
næðis Flugstöðvarinnar er Bergur
Hjaltalín umsjónarmaður fasteigna
Stykkishólmsbæjar. „Það er von
bæjaryfirvalda að námsmenn geti
nýtt þessa aðstöðu og það auðveldi
þeim að stunda námið frá heima-
byggð,“ segir í tilkynningunni.
þá
Byrjað er að rífa aflaskipið Víking AK
100 hjá Fornæs endurvinnslufyrirtæk-
inu í Grennaa í Árhúsum í Danmörku.
Fyrr í sumar greindi Skessuhorn frá
hinstu för skipsins. Nú er semsé búið
að taka allt innvols úr skipinu. Skips-
skrokkurinn er að endingu tættur niður
í brotajárn. Þar með lýkur áratuga
langri sögu þessa mikla aflaskips. Með-
fylgjandi mynd var tekin síðastliðinn
föstudagsmorgun.
mþh/ Ljósm.: Stefán Einarsson.
Nokkrir bændur á Vesturlandi og
reyndar einnig um sunnanvert
landið, nýttu þurrkinn í síðustu
viku til að slá tún. Eins og mörg-
um er í fersku minni var langvar-
andi óþurrkur í september en þann
mánuð hafa bændur oft og iðulega
nýtt til síðasta sláttar. Undanfarna
daga hefur grasspretta verið ágæt,
enda fremur milt veður miðað við
árstíma. Heyfengur er misjafn að
gæðum, en stundum um ágætt gras
að ræða einkum af rýgresi. Í flest-
um tilfellum er þó um þrifaslátt að
ræða til að sina verði ekki of mik-
il næsta vor. Meðfylgjandi mynd
var tekin við gamla Heynesbæinn
í Innri Akraneshreppi sl. miðviku-
dag. mm
Bláleit gosmengun grúfði yfir
Þessi mynd var tekin í Hálsasveit í
Borgarfirði síðastliðinn laugardag
fyrir neðan Stóraás og horft inn
til fjalla og jökla. Fremst er félags-
heimilið Brúarás, þar fyrir handan
Kalmanstungan og Strúturinn en varla
sést í Eiríksjökul sem undir venjulegum
kringumstæðum hefði skartað sínu
fegursta í þessu veðri og frá þessu
sjónarhorni. Mengun frá gosinu
mældist flesta daga vikunnar sem leið
en þó hefur verið dagamunur á hversu
bláleitt eða þétt mystrið hefur verið.
Ljósm. bhs.
Þurrkurinn í október nýttur til þrifasláttar
Víkingur rifinn
í Danmörku
Fjarnámsnemar fá aðstöðu í flugstöðinni