Skessuhorn - 15.10.2014, Blaðsíða 13

13MIÐVIKUDAGUR 15. OKTÓBER 2014
Akraneskaupstaður í samstarfi við Krabbameinsfélag Akraness ætlar að mála bæinn bleikan
fimmtudaginn 16. október nk. kl. 19.30 en þá verður vígður nýr ljósabúnaður á Akratorgi.
Regína Ásvaldsdóttir bæjarstjóri mun sjá um vígsluna og að henni lokinni mun hinn
eini sanni Friðrik Dór, í samstarfi við Vini Hallarinnar, stíga á svið og skemmta gestum
og gangandi.
Krabbameinsfélagið verður með heitt kakó til sölu fyrir framan gamla
Landsbankahúsið og rennur allur ágóði beint til félagsins.
Verslanir í bænum hafa tekið höndum saman og lengt opnunartímann þetta kvöld.
Kynnið ykkur frábært vöruúrval hjá eftirfarandi verslunum:
@home – Bjarg – Eymundsson – Gallerí Urmull – Model – Nína – Ozone
Gallerý Snotra - Bjarni Þór vinnustofa gallerí – Rammar og myndir – Omnis
Sjáumst bleik á Akratorgi!
SK
ES
SU
H
O
R
N
2
01
4
Íþróttasalurinn við Vesturgötu á
Akranesi var þétt skipaður síðast-
liðinn fimmtudag þegar Brekku-
bæjarskóli hélt þar Stóru morgun-
stundina. Það var glatt á hjalla þeg-
ar krakkarnir stigu á stokk í minni
og stærri hópum, sungu, spiluðu
og dönsuðu fyrir foreldra og aðra
aðstandendur. Sem fyrr sáu nem-
endur sjálfir um skreytingar, upp-
stillingu, lýsingu, hljóð og annað
slíkt með góðum árangri. Þá voru
veittar viðurkenningar fyrir náms-
og félagslega framgöngu í skólan-
um til nemenda á yngsta- og mið-
stigi skólans. Við látum ljósmynd-
irnar sem teknar voru á morgun-
stundinni tala sínu máli.
grþ/ Ljósm. Kristinn Pétursson
Nýlega var brotist inn í rauða To-
yota fólksbifreið sem hafði bilað og
eigandi hennar því orðið að skilja
hana eftir á veginum við Hafnar-
fjall. Ungur piltur var á leið á bíln-
um norðan úr landi þegar hann bil-
aði skammt frá Ölveri. Þar stóð
bíllinn yfirgefinn í nokkra daga.
Óprúttnir aðilar notuðu þá tæki-
færið og brutust inn í hann. Bíllinn
var síðan sprautaður að utan með
stórum svörtum bókstöfum „Varúð
– Akið varlega.“ Að sögn aðstand-
anda eigandans var bílnum síðan
einnig ýtt útaf veginum. Bifreiðin
var orðin lúin. Eftir þessar aðfarir
hefur eigandinn ákveðið að dæma
bílinn ónýtan. Hann verður nú fjar-
lægður og settur í endurvinnslu.
„Þetta er ósköp dapurlegt. Það
fær ekkert að vera í friði í dag,“
sagði móðir eigandans í uppgjafar-
tón þar sem hún ásamt fleirum var
mætt á vettvang á mánudaginn til
að taka númerin af bílnum og fjar-
lægja verðmæti úr bílflakinu áður
en það yrði sótt í endurvinnslu.
Samkvæmt þessari reynslu ætti fólk
að hafa varann á sér að skilja bíla
eftir við fjölfarna þjóðvegi eins og
við Hafnarfjall.
mþh
Ófögur sjón mætti eigandanum eftir
að bíllinn hafði verið skilinn eftir bil-
aður við þjóðveginn hjá Hafnarfjalli.
Yfirgefinn bíll eyðilagður undir Hafnarfjalli
Stoltir nemendur yngsta- og miðstigs með viðurkenningar sínar.
Glatt á hjalla á Stórri
morgunstund
Krakkarnir stigu á svið í hópum og fluttu skemmtileg tónlistaratriði.
Nemendur á öllum aldri taka þátt í
Stóru morgunstundinni, allt frá 1. bekk
upp í 10. bekk.
Sungið fyrir gesti.
Þessar stelpur sungu á meðan drengurinn lék undir á gítar.