Skessuhorn - 15.10.2014, Blaðsíða 14
14 MIÐVIKUDAGUR 15. OKTÓBER 2014
Kynning á rafbílum á Akranesi um næstu helgi
Fréttir berast að því að sala á raf-
bílum sé að stóraukast á Íslandi.
Kannski ekki að undra þar sem hátt
bensín- og olíuverð hér á landi og
reyndar víðar virðist hafa fests í
sessi. Even heitir fyrirtæki hér á
landi sem selur rafbíla. Gísli Gísla-
son hjá Even segir að sprenging hafi
orðið í sölu á rafbílum nú í haust.
Hann segir að fyrir tveimur mánuð-
um hafi eitthvað gerst að því er virð-
ist, nánast hafi selst einn bíll á dag
síðustu vikurnar. Gísli spáir þeirri
þróun að ekki verði langt þangað
til hefðbundin bílaumboð verði úr
sögunni, meðal annars vegna inn-
rásar rafbílanna. Hjá Even er hægt
að skoða og prófa rafmagnsbíla.
Bílar eru þar ekki á lager en það
tekur 3-4 vikur að fá þá með skipi
til landsins. Um næstu helgi verð-
ur Even með kynningu á rafmagns-
bílum á Akranesi. Hægt veður að
skoða og prufukeyra þrjár tegund-
ir rafbíla á sýningunni; Tesla Model
S, Nissan Leaf og Renault Zoe.
Gísli Gíslason sagði í samtali við
Skessuhorn að með því að vera með
sem minnsta yfirbyggingu á fyrir-
tækinu og engan lager væri hægt
að ná niður verði bílanna og kaup-
andinn njóti þess. „Við eigum okk-
ar bíla sem við tökum til prófunar
fyrir okkur og viðskiptavini. Þann-
ig er það þegar keyptur er bíll af
gerðinni Tesla eða Nissan Leaf eða
hvaða rafbíll sem er. Með þessu
höfum við byggt upp skipulagið
og fyrirtækið hjá okkur. Við vor-
um til að mynda í kjölfar prófana
að setja hinn nýja Renault Zoe inn
á heimasíðuna hjá okkur. Við för-
um að taka inn þann bíl og síðan
eigum við von á sendiferðabílnum
frá Nissan og svo BMV-rafbílana,“
segir Gísli.
Aldrei með bíl í viðgerð
Hann segir að samstarf við Norð-
menn í innflutningi á rafbílum
komi viðskiptavinum Even til góða.
Norðmenn séu mjög stórtækir í
innflutningi á rafbílum. Gísli seg-
ir að rafbílar hafi það ótvírætt fram
yfir bíla drifna á jarðefnaeldsneyti
að þeir séu miklu ódýrari í rekstri. Í
rafbílnum þurfi ekki að borga stór-
ar fjárhæðir í viðhald og þjónustu
við eftirlit eins og með bílum sem
gangi fyrir jarðefnaeldsneyti. „Við
erum búnir að selja rafbíla í fimm
ár og á þeim tíma höfum við einu
sinni þurft að skipta um öryggi í
einum bílnum. Við höfum einfald-
lega aldrei þurft að fara með bíl í
viðgerð,“ segir Gísli Gíslason hjá
Even. Hann bætti við að lokum
að það væri frábært að Akranes sé
að fá hraðhleðslustöð frá ON sem
vonandi verði sett upp innan fárra
vikna.
þá
Frá hraðhleðslustöðinni í Borgarnesi.
Stefnt er að opnun hrað-
hleðslustöðvar á Akranesi
Frá fyrstu áfyllingu úr hraðhleðslustöðinni í Borgarnesi.
Orka Náttúrunnar, ON, stefnir að
því að setja upp hraðhleðslustöð
á Akranesi að því gefnu að það
finnist áhugasamur samstarfsaðili
á svæðinu. Fyrirtækið fer í verk-
efnið að beiðni bæjaryfirvalda á
Akranesi. Fram kom í Skessuhorni
í sumar að fyrsta hraðhleðslustöð-
in við þjóðvegin hafi verið opn-
uð í Borgarnesi, en til stóð að ON
myndi opna tíu stöðvar á þessu ári.
Flestar þeirra eru á höfuðborg-
arsvæðinu. Akranes þykir henta
vel út frá markmiðum verkefnis-
ins og með tilliti til vegalengd-
ar frá öðrum hraðhleðslustöðv-
um ON. Á vef Akraneskaupstaðar
segir um málið að ON hafi ákveð-
ið að stefna að því að setja upp
stöð á Akranesi fyrir lok þessa árs,
að því gefnu að áhugasamur sam-
starfsaðili finnist sem getur boð-
ið hentuga staðsetningu. Fulltrú-
ar Orku náttúrunnar vildu ekki tjá
sig nánar um málið þegar eftir því
var leitað, sögðu það ekki tíma-
bært að sinni.
grþ
Tími dekkjaskipta runninn upp
Reglur hafa verið hertar um lágmarks mynstursdýpt vetrarhjólbarða
Nú er runninn upp sá árstími að
bíleigendur þurfa að setja vetrar-
dekk undir farkosti sína ætli þeir
að eiga heimanrennt í vetur. Þegar
hafa borist fregnir af næturfrosti og
hálku á Vesturlandi og fyrstu snjóar
gætu fallið hvenær sem er. Í ár hafa
kröfur verið hertar um lágmarks
dýpt í mynstri hjólbarða að vetri til.
Frá 1. nóvember til 14. apríl verður
bannað að aka um nema mynsturs-
dýptin sé að minnsta kosti þrír milli-
metrar. Hún var áður 1,6 mm þegar
fólksbílar voru annars vegar. Ýmsir
bíleigendur gætu því átt von á því
að þurfa að kaupa ný dekk í haust,
fyrr en þeir áætluðu. Yfirvöld munu
krefjast þess að bíll verði færður til
endurskoðunar ef það kemur í ljós
að mynsturdýpt dekkja er of lítil
miðað við nýju reglurnar.
Benda fólki á ef
dýpt er of lítil
„Munurinn er auðvitað töluverður.
Þetta er þó jákvætt að mínu mati.
Dekk með 1,6 millimetra mynst-
urdýpt eru svo gott sem slétt. Nýju
reglurnar gilda þó bara um vetrar-
dekkin, hvað sem síðar verður. Ann-
ars hefur ekkert verið haft samband
við okkur á verkstæðunum varðandi
þetta. Það eina sem við vitum um
málið er það sem við höfum heyrt
í fréttum fjölmiðla. Við framfylgj-
um ekki þessum reglum enda meg-
um við það ekki. Slíkt heyrir und-
ir yfirvöld, skoðunarstöðvar og þess
háttar. Það eina sem við getum gert
og munum gera er að við bendum
fólki á að dekkin undir bílum þeirra
uppfylla ekki þessi skilyrði,“ seg-
ir Davíð Sigurðsson hjá Bifreiða-
þjónustu Harðar við Borgarbraut í
Borgarnesi.
Nagladekkin vinsælli í
Borgarbyggð
Hjá Bifreiðaþjónustunni voru bíl-
eigendur byrjaðir að birtast með
bíla sína til dekkjaskipta í byrjun
vikunnar. „Þetta er svona frekar
hægt eins og er. Ég á von á að er-
illinn bresti á núna hvað úr hverju.
Það er jú farin að verða hálka á
morgnana. Fyrir okkar parta er
bara þægilegt að þetta byrji rólega á
meðan við erum að þjálfa upp nýjan
mannskap á verkstæðinu. Við erum
fimm sem vinnum hérna núna. Fjór-
ir í dekkjunum og einn í smurþjón-
ustunni. Yfirleitt erum við þrír hér
í öllu þannig að við erum með tvo
aukamenn núna,“ segir Davíð.
Niðurskurður í vegaþjónustu
vegna samdráttar í efnahagslífi þjóð-
arinnar er farinn að koma fram í vali
viðskiptavinanna á dekkjum. „Það
er mín tilfinning að bíleigendur hér
í Borgarbyggð séu farnir að auka
notkun á nagladekkjum. Ég held að
skýringin liggi í því að vetrarþjón-
usta á vegum upp til sveita hefur
dregist saman. Þegar vegir eru ekki
mokaðir nema tvisvar í viku óháð
veðri þá safnast á þeim slabb. Þess
vegna hallar fólk sér í auknum mæli
að nagladekkum,“ segir Davíð Sig-
urðsson í Borgarnesi.
Á von á aukinni
dekkjasölu
Á Akranesi eru Skagamenn þeg-
ar byrjaðir að taka við sér í dekkja-
skiptunum. Valdimar Lárusson hjá
N1 Hjólbarðaþjónustu við Dal-
braut hefur sinnt hjólbarðamál-
um Akurnesinga um áratugaskeið.
„Fólk hefur verið að taka naglalaus
dekk og þá kemur það fyrr í dekkja-
skipti að hausti. Einhverjum bregð-
ur sjálfsagt við að heyra um nýju
reglurnar um þriggja millimetra lág-
marksdýpt í löglegu dekkjamynstri.
Við munum benda fólki á ef það
er ekki með nógu djúp mynstur í
dekkjunum.“
Valdimar á von á því að það verði
góð dekkjasala hjá honum í haust, en
þó ekki endilega vegna nýju regln-
anna. „Nú á liðnu vori var mikið um
að fólk léti plokka naglana úr dekkj-
unum sem þýðir að það ætlaði þá að
keyra þau niður í sumar. Nýja breyt-
ingin um lágmarksdýptina í mynstr-
inu mun einnig vitanlega hafa sín
áhrif. Annars höfum við í sjálfu
sér ekki pantað neitt meira af nýj-
um dekkjum en venjulega. Við höf-
um ekki þannig lagerpláss. Reynum
bara að eiga það sem þarf en tök-
um þetta annars bara jöfnum hönd-
um. Ef vantar meira þá er fljótlegt
að panta dekk úr Reykjavík. Hing-
að upp á Akranes eru margar ferðir
flutningabíla á dag þannig að þetta
er ekkert vandamál,“ segir Valdimar
Lárusson hjá N1 Hjólbarðaþjón-
ustu á Akranesi.
Erill í Snæfellsbæ
Í Snæfellsbæ hefur heldur betur
færst líf í tuskur því haustið virki-
lega bankaði á dyr þar í vikubyrj-
un. „Heyrðu, það er allt brjál-
að að gera núna. Ég má varla vera
að því að tala við þig. Fyrsta frost-
ið kom hér í morgun og nú hellist
þetta yfir. Já, það er mjög mik-
ið um að menn þurfi að endurnýja
vetrardekkin nú í ljósi nýju krafn-
anna um aukna mynsturdýpt. Fólk
verður að henda gömlu dekkjunum
og kaupa ný. Þannig er það bara,“
sagði Gautur Hansen hjá Dekkja-
verkstæði G. Hansen í Ólafsvík
þegar Skessuhorn sló þá þráðinn
snemma á þriðjudagsmorgun. Þar
með var hann rokinn. Það er ann-
atími framundan á dekkjaverkstæð-
um landsins.
mþh
Davíð Sigurðsson hjá Bifreiðaþjónustu Harðar í Borgarnesi.
Valdimar Lárusson hjá N1 Hjólbarðaþjónustu Akranesi.
Gautur Hansen hjá Dekkjaverkstæði
G. Hansen í Ólafsvík.