Skessuhorn - 22.10.2014, Blaðsíða 10
10 MIÐVIKUDAGUR 22. OKTÓBER 2014
Almenn ánægja með ferðasumarið þrátt fyrir rigningartíð
Rætt við ferðaþjónustuaðila á Vesturlandi um nýliðið sumar
Nú þegar komið er fram í lok
októbermánaðar er óhætt að segja
að ferðasumrinu 2014 sé lokið.
Mikil fjölgun ferðamanna hefur
verið á Íslandi á árinu og er Vest-
urland engin undantekning þar á.
Fjöldi ferðamanna lagði leið sína í
landshlutann í sumar og er ferða-
þjónustan á hraðri uppleið. Fjöldi
ferðaþjónustuaðila eru á Vestur-
landi, með gistirými, tjaldsvæði,
veitingasölu og ýmsa afþreyingu.
Skessuhorn heyrði í nokkrum
þeirra og fékk að heyra hvernig
sumarið hafi verið.
Hóparnir skila sér alltaf
Björn Páll Fálki Valsson ferðaþjón-
ustubóndi á Þórisstöðum í Hval-
fjarðarsveit segir sumarið hafa ver-
ið ágætt. Á Þórisstöðum er fjöl-
breytt ferðaþjónusta, svo sem tjald-
svæði, aðstaða fyrir hópa, súpuskáli
og boðið upp á fjórhjólaferðir og
húsdýragarð svo eitthvað sé nefnt.
„Veðrið hefði reyndar mátt vera
hagstæðara. Við tökum á móti alls-
kyns hópum, erum með brúðkaup,
ættarmót og fleira, og hóparn-
ir skila sér alltaf. En það var ekki
eins mikil lausatraffík á tjaldsvæð-
inu sjálfu, nema þegar veðrið var
gott. Ef það var sól, þá var mikið
af fólki hjá okkur.“ Björn Páll segir
erlenda ferðamenn sem heimsækja
Þórisstaði sífellt fara fjölgandi. „Í
sumar voru áberandi fleiri erlendir
ferðamenn á hjólum en árin á und-
an. Umferð hjólreiðamanna hefur
aukist jafnt og þétt frá 2012,“ seg-
ir hann. Á Þórisstöðum er einnig
hægt að kaupa veiðileyfi og virð-
ist rigningin hafa haft góð áhrif
á vatnaveiði á svæðinu. „Veiðin í
vötnunum gekk mjög vel í sumar,
sérstaklega í Eyrarvatni og Þóris-
staðavatni,“ segir Björn Páll Fálki
að endingu.
Vængmánuðirnir að
verða betri
Arnþór Gylfi Árnason hjá Far-
fuglaheimili Borgarness rekur
einnig sveitahótelið Hótel Hafn-
arfjall og hefur umsjón með tjald-
svæðinu í Borgarnesi. Hann segir
síðustu mánuði hafa verið ágæta.
„Það hefur alltaf verið vöxtur
hjá okkur, frá því að við opnuð-
um. Hostelið er að verða fullnýtt.
Mest er að gera yfir hásumarið; í
júní, júlí og ágúst en vængmán-
uðirnir eru sífellt að verða betri.“
Hann segir tjaldsvæðið hafa ver-
ið vel nýtt í sumar, betur en árin
á undan þrátt fyrir mikið rigning-
arsumar. „Veðrið virtist ekki hafa
áhrif. Það voru þó einhverjir sem
hættu við að tjalda og komu þá
bara inn í staðinn. En fólk virðist
vera farið að verða harðara í því að
tjalda í verri veðrum,“ segir Arn-
þór Gylfi. Hann segir mikla fjöl-
breytni hafa verið í hópi ferða-
manna sem heimsótti Borgarnes í
sumar. „Þetta voru samt mest er-
lendir gestir. Borgarnes er á kross-
götum og erlendir ferðamenn nýta
sér það til að stoppa hér og gista.
Íslendingar gera það síður.“
Íhuga að loka
tjaldsvæðinu
Fossatún er staðsett í miðjum
Borgarfirði á bökkum Grímsár.
Þar má finna fjölbreytta ferðaþjón-
ustu, svo sem tjaldsvæði, veitinga-
hús og gistingu. Að sögn Steinars
Berg Ísleifssonar framkvæmda-
stjóra stóð það uppúr í sumar að
tekin voru í notkun átta ný hótel-
herbergi í Fossatúni. „Við fórum
íslensku leiðina, kláruðum seint
og opnuðum á hlaupum í lok júní.
En þetta hefur verið afar ánægju-
legt allar götur síðan. Við höf-
um fyrst og fremst fengið til okk-
ar erlenda ferðamenn og það hefur
verið afar vel bókað, alveg fram á
haust- og vetrardaga,“ segir Stein-
ar. Hann segir að þrátt fyrir að
nú hafi verið annað rigningars-
umar í röð hafi gestir í Fossatúni
notið þess hve tjaldsvæðið er vel
búið. „Fólk sekkur ekki í fen hér
þótt það rigni, því við erum með
möl undir grasinu og þau tjald-
stæði hafa verið afar vinsæl í sum-
ar. Það er ágætt dren á grassvæð-
inu en á mestu rigningardögunum
varð samt svolítið blautt,“ útskýr-
ir hann. Steinar segir að þrátt fyrir
að tjaldsvæðið í Fossatúni hafi allt-
af gengið vel og verið rekið með
hagnaði sé hann nú að endurmeta
stöðuna þar og veltir því fyrir sér
að loka því. „Við höfum lengi verið
afar ósátt við að þurfa að standa í
samkeppni við markaðsráðandi að-
ila, sem eru sveitarfélög og ríkið.
Við lögðum upp með þá hugmynd
fyrir tíu árum að vera með fimm
stjörnu tjaldsvæði hérna en nú
er sífellt verið að bæta tjaldsvæði
sveitarfélaga og ríkisins, sem fá
svo niðurgreiðslu. Við erum því að
íhuga okkar stöðu, hvort við nenn-
um að standa í svona samkeppni.
Hugmyndin sem lagt var af stað
með fyrir tíu árum síðan er svo
að segja ónýt og þessi samkeppni
stendur í vegi fyrir áframhaldandi
þróun á tjaldsvæðum í einkaeigu,“
segir hann. Steinar bætir því við að
honum sé annt um uppbyggingu
ferðaþjónustu í Borgarfirði og að
í Fossatúni verði haldið áfram með
uppbyggingu á ferðaþjónustu með
öðrum hætti. „Ég vil frekar ein-
beita mér að því sem er ánægjulegt
og skemmtilegt. Annars var þetta
gott í sumar. Það gekk mjög vel
með veitingahúsið og tjaldsvæð-
ið og þjónustan hér hefur verið að
draga að sér þúsundir útlendinga
og Íslendinga líka.“
Gengið vonum framar
Í sumar opnaði fyrirtækið Skaga-
ferðir ehf. gistiheimilið Kirkju-
hvoll Guesthouse í hinu sögufræga
húsi Kirkjuhvoli á Akranesi. Hafdís
Bergsdóttir hjá Skagaferðum segir
sumarið hafa verið vonum framar.
„Við fórum ekki af stað fyrr en í
júlí. Þetta fór frekar rólega af stað
en í ágúst var gist í húsinu nán-
ast hverja nótt. September var svo
frekar rólegur en það hefur verið
ágætt að gera í október. Þetta er
vonum framar enda opnuðum við
ekki fyrr en um mitt sumar og aug-
lýstum lítið,“ segir Hafdís. „Ann-
ars hefur þetta aðallega verið fólk
af götunni sem hefur droppað inn
til okkar, allt frá fólki sem er eitt
á ferð og upp í fjölskyldur.“ bæt-
ir hún við. Hún segir eina mynd-
listarsýningu hafa verið í húsinu í
júlímánuði sem var vel sótt. Þá hafi
gistiheimilið alls staðar fengið góð
viðbrögð. „Það var mjög gaman
að fá þau viðbrögð sem við feng-
um. Fólk hefur verið mjög ánægt og
jákvætt, þannig að maður fékk það
fljótt á tilfinninguna að þetta væri
eitthvað sem myndi ganga,“ segir
Hafdís Bergsdóttir að lokum.
Veðrið hafði ekki
mikil áhrif
Hjónin Hjörtur Sigurðsson og
Eygló Kristjánsdóttir eiga og reka
hestaleiguna á Stóra Kambi á Snæ-
fellsnesi sem nú var opin annað sum-
arið í röð. Á Stóra Kambi er boð-
ið upp á margvíslegar hestaferðir en
hjónin bjóða einnig upp á gistingu,
þó þau leggi aðaláherslu á hesta-
leiguna. „Það gekk ljómandi vel
hjá okkur í sumar. Veðrið var auð-
vitað frekar leiðinlegt en það hafði
í sjálfu sér ekki áhrif. Það er allt í
lagi þótt það sé blautt ef það er ekki
mikið rok,“ segir Eygló aðspurð um
hvernig gekk á Stóra Kambi í sum-
ar. Hún segir að aukning hafi verið
frá því í fyrra og því hafi hjónin bætt
við sig hrossum. „Við erum með 40
hross núna. Þetta voru mestmegn-
is erlendir ferðamenn sem heim-
sóttu okkur í sumar en vissulega Ís-
lendingar líka, oftast fjölskyldufólk
eða ung pör. En við höfum fengið
mjög fjölbreytt úrval af þjóðernum
hingað til okkar. Aukningin frá fyrra
árinu er fín en við vorum reynd-
ar mjög ánægð með fyrsta sumarið
okkar líka. Gistingin gekk þokka-
lega líka og þetta hefur verið fram-
ar vonum.“
Íslendingar lítið á
ferðinni
Í hjarta Búðardals er gistiheimil-
ið og veitingahúsið Dalakot. Pálmi
Jóhannsson eigandi Dalakots er
ánægður með nýliðið sumar og seg-
ir hlutina hafa gengið vel fyrir sig.
„Það byrjaði reyndar rólega. Júní
var allt í lagi en fyrri hlutinn af júlí
var mjög rólegur. Svo um miðjan
júlí og út ágúst var þetta mjög fínt.“
Pálmi telur ekki ólíklegt að heims-
meistarakeppnin í fótbolta hafi haft
áhrif á gang mála í sumar. „Ég held
að það tengist svolítið HM hvað
byrjun júlí var rólegur tími. Maður
hefur heyrt talað um það erlendis
að sala detti niður þegar svona stór-
mót eru í hámarki. Þetta olli smá
áhyggjum á þessum tímapunkti en
annars gekk þetta mjög vel,“ seg-
ir Pálmi. Hann segir að tjaldsvæð-
islega séð hafi veðrið ekki verið
gott, en Pálmi sér einnig um rekstur
tjaldsvæðisins í Búðardal. Fólk hafi
engu að síður látið sig hafa það að
tjalda, þrátt fyrir bleytu. Aðspurður
um þjóðerni ferðamannanna segir
Pálmi að Íslendingar hafi ekki ver-
ið mikið á ferðinni í Búðardal í sum-
ar. „Verslunarmannahelgin var aðal
Íslendingahelgin. Það voru í raun
bara þrjár helgar þar sem var þokka-
legt af Íslendingum. Annars voru
þetta aðal lega erlendir ferðamenn
og mikið um að þeir væru að ferðast
tveir til fjórir saman. Fjölskyldur
voru í minnihluta.“ Að endingu seg-
ir Pálmi að sumarið hafi heilt yfir
gengið vel. „Ég er enn að vinna mig
inn á markaðinn og það var aukn-
ing frá í fyrra. Við getum alveg verið
sátt.“ grþ
Þórisstaðir í Hvalfjarðarsveit.
Sveitahótelið Hótel Hafnarfjall.
Fossatún í Borgarfirði.
Gistiheimilið Kirkjuhvoll á Akranesi.
Á Stóra Kambi á Snæfellsnesi er boðið upp á margvíslegar hestaferðir.
Dalakot í Búðardal.