Skessuhorn - 22.10.2014, Blaðsíða 13

13MIÐVIKUDAGUR 22. OKTÓBER 2014
Endurmenntun LbhÍ
Frumtamninganámskeið
Nemendur öðlast innsýn í eðli og atferli hrossa
og ná hæfni til að beita viðurkenndum
aðferðum við frumtamningu hrossa.
Kennari er Sigvaldi Lárus Guðmundsson
tamningamaður og reiðkennari við LbhÍ.
Námskeiðið hefst 7. nóvember
hjá LbhÍ á Miðfossum í Borgarfirði.
Reiðmaðurinn
framhaldsþjálfun
Einstaklingsmiðuð námskeiðaröð fyrir fólk með
góðan grunn í reiðmennsku og þjálfun.
Námskeiðið gengur út á að auka gæði hestsins
í því hlutverki sem honum er ætlað.
Kennari er Heimir Gunnarsson
reiðkennari við LbhÍ.
Námskeiðið hefst 16. janúar
hjá LbhÍ á Miðfossum í Borgarfirði.
SKRÁÐU ÞIG NÚNA!
www.lbhi.is/namskeid - endurmenntun@lbhi.is - síma 433 5000
Runkás á Mýrum, lýsing á deiliskipulagi,
dags. 20. október 2014
Sveitarstjórn Borgarbyggðar samþykkti á fundi sínum þann 28. maí 2014 að
auglýsa lýsingu vegna nýs deiliskipulags fyrir Runkás á Mýrum.
Um er að ræða breytta landnotkun samkvæmt uppdrætti og greinargerð dags 20. október 2014.
Helstu breytingar eru að búnar verða til sex lóðir, þar af tvær með byggingarreit fyrir frístundahús.
Lýsingin liggur frammi í Ráðhúsi Borgarbyggðar, Borgarbraut 14, 310 Borgarnesi frá 24. október til
2. nóvember 2014 og á heimasíðu Borgarbyggðar www.borgarbyggd.is.
Athugasemdir eða ábendingar skulu vera skriflegar og berast skipulagsfulltrúa í síðasta lagi
2. nóvember 2014 annað hvort í Ráðhús Borgarbyggðar, Borgarbraut 14, 310 Borgarnesi eða
á netfangið lulu@borgarbyggd.is

Lulu Munk Andersen
skipulags- og byggingarfulltrúi SK
ES
SU
H
O
R
N
2
01
4
Sundþjálfari frá Akranesi nær undraverðum árangri í Álaborg
Danir eru mikil íþróttaþjóð sem
unnið hafa marga sæta sigra um
tíðina, meðal annars stóra titla í
handbolta, fótbolta og badminton.
Það sem hefur vakið hvað mesta at-
hygli Dana á íþróttasviðinu seinni
árin er mikill uppgangur í sund-
íþróttinni. Þar er það einkum eitt
félag á Jótlandi sem athyglin hefur
beinst að, það er sundfélagið í Ála-
borg. Seinustu árin hefur Álaborg-
arfélagið skapað sér sess sem öfl-
ugasta sundfélagið í landinu. Það
hefur á að skipa sundstjörnum sem
hafa unnið til fjölda Evróputitla og
meta, fyrir utan fjölda Danmerk-
ur- og Norðurlandameta sem sleg-
in hafa verið. Þessi uppgangur er
þakkaður nýjum yfirþjálfara sem
ráðinn var til félagsins árið 2007.
Þetta er Skagamaðurinn Eyleif-
ur Jóhannesson. Árið sem Eyleif-
ur kom til félagsins vann það sam-
anlagt til 29 verðlauna á Jótlands-
og Danmerkurmeistaramóti, þar
af níu gullverðlauna það árið. Sex
árum seinna árið 2013 vann félagið
til 229 verðlauna, þar af 98 gull-
verðlauna. Þessi árangur hefur far-
ið langt fram úr væntingum for-
svarsmanna Sundfélags Álaborg-
ar en árið 2007 var stefnan sett
á að byggja upp nýtt lið. Eyleif-
ur Jóhannesson segir að seinasta
keppnisár hafi verið það besta frá
því hann kom til Álaborgar. Það
endaði á Evrópumeistaramótinu í
Berlín í ágústmánuði sl. þar sem
mjög góður árangur náðist. Sund-
fólkið frá Álaborg vann þá til fjög-
urra verðlauna þar af þriggja gull-
verðlauna. Á Evrópumótinu í 25
metra laug sem haldið var í Dan-
mörku í desember í fyrra unnust
sex verðlaun þar af þrjú gull.
Valinn besti þjálfarinn
síðustu árin
Það undirstrikar þá viðurkenn-
ingu sem Eyleifur hefur fengið
sem sundþjálfari í Danmörku að
tvö síðustu árin hefur hann ver-
ið valinn besti þjálfari fullorðinna
og þrjú árin þar á undan besti ung-
lingaþjálfarinn. Eyleifur var stadd-
ur með sinn afrekshóp í æfinga-
búðum á Íslandi í lok síðustu viku
og um helgina. Þetta voru átta
bestu sundmennirnir af 20 manna
afrekshópi. Þessir sundmenn hafa
allir orðið danskir meistarar í ung-
linga- og fullorðinsflokki eða eru
í þeim landsliðum. Keppnisliðið
hjá Sundfélagi Álaborgar er skip-
að 200 sundmönnum. Alls eru iðk-
endur í félaginu um 2400 og segir
Eyleifur að sundfélagið sé stærsta
íþróttahreyfingin í Álaborg. „Það
er gríðarlega mikið starf í fé-
laginu. Hjá Sundfélagi Álaborg-
ar starfa margir mjög hæfir þjálf-
ara og aðstoðarþjálfarar. Foreldrar
og margir sjálfboðaliðar taka mjög
virkan þótt í starfinu ásamt öflugri
stjórn. Þetta er forsendan fyrir því
að sundfélagið í Álaborg er jafn
öflugt og það er.“
Stóra verkefnið
er OL í Ríó
Eyleifur nefnir sem dæmi um góð-
an árangur sundmanna úr Sund-
félagi Álaborgar að á þeim tíma sem
hann hefur verið yfirþjálfari hjá fé-
laginu hafa ungmennin unnið til
yfir 30 verðlauna á Norðurlanda-
mótum og yfir 20 á Evrópumótum.
Stöðugt séu stór landsliðsverkefni í
gangi og nú er ekki langt í Heims-
meistaramótið í 25 metra laug í
desember. Stóra verkefnið þeg-
ar horft er til lengri tíma segir Ey-
leifur Ólympíuleikana í Ríó í Brasi-
líu 2016. Góðar vonir séu til þess
að þar muni Sundfélag Álaborgar
eiga nokkra fulltrúa. Það eru eink-
um konurnar sem láta að sér kveða
í sundinu í Álaborg. Stærstu stjörn-
urnar eru Mie Nilsen margfaldur
Evrópumeistari, Louise Dalgaard,
Julie Levisen, Line Bruun og Vikt-
or Bromer. Sá síðastnefndi segir
Eyleifur að sé besti sundmaður Ála-
borgarfélagsins um þessar mundir.
Hann varð Evrópumeistari í 200m
flugsundi í Berlín í ágúst. Fyrsti
danski karlmaðurinn til að verða
Evrópumeistari í sundi í meira en
20 ár. „Við áttum frábæran fjórða
dag á EM í sumar. Þá synti Mie 100
bak og vann og svo Viktor 200m
flugsund fimm mínútum seinna og
vann. Tvö gull til Álaborgar á inn-
an við sex mínútum.“ Eyleifur er á
ferð og flugi með sitt fólk á mót og
í æfingabúðir hingað og þangað. Á
ári eru ferðadagarnir að jafnaði um
hundrað talsins. „Það reynir á að
eiga góða konu og fjölskyldu,“ seg-
ir Eyleifur. Kona hans er Halldóra
Sverrisdóttir frá Grundarfirði og
eiga þau tvö börn saman, Jóhannes
Jón 8 ára og Gerði Ósk 4 ára. Fyr-
ir á Eyleifur soninn Kristófer sem á
heima í Kópavogi.
Byrjaði í Bjarnalaug
eftir skólasundmót
Blaðamaður Skessuhorns hitti Ey-
leif þar sem hann var staddur ásamt
afrekshóp sínum á heimili foreldra
sinni á Dalbrautinni á Akranesi sl.
föstudag. Um morguninn hafði
hópurinn verið á æfingu í Jaðars-
bakkalaug og hann var einmitt á
leiðinni í Bjarnalaug þar sem Ey-
leifur byrjaði sína sundiðkun á sín-
um tíma. „Ég æfði í Bjarnalaug
öll árin nema síðasta hálfa annað
árið í Jaðarsbakkalauginni sem þá
var nýkomin. Ég var að leika mér
í ýmsum íþróttum þegar ég var
lítill en fannst sundið henta mér
best. Þegar ég var átta ára vann ég
bringusund á skólamóti í sundi hjá
Brekkubæjarskóla. Í þá daga héldu
skólarnir sín sundmót. Þá ákvað
ég að fara að æfa sund. Við vorum
með góðan hóp unglinga í sundi
hér á Akranesi þegar ég var á alast
upp. Við vorum á tímabili átta af
fimmtán manna hópi í unglinga-
landsliði. Við unnum til fjölda titla
og settum mörg met bæði í boð-
sundum og einstaklingsgreinum.“
Vildi prófa hvort
hann gæti meira
Eyleifur hætti ungur að keppa í
sundi þar sem axlarmeiðsli voru
að þjaka hann. Hann fluttist til
Reykjavíkur og nam þar húsgagna-
smíði. Svo var það í janúar 1994
sem forsvarsmenn sunddeildar KR
höfðu samband við Eyleif og báðu
hann að taka að sér þjálfun barna
hjá félaginu. Tveimur árum seinna
var Eyleifur orðinn yfirþjálfari hjá
KR. Árið 2000 flutti hann aftur
á Skagann og tók þá við þjálfun
sundfólksins. Þar var hann að þjálfa
meðal annarra Kolbrúnu Ýr Krist-
jánsdóttir og fleira gott sundfólk,
en Kolbrún Ýr fór á Ólympíuleik-
ana árin 2000 og 2004. Árið 2004
réðst síðan Eyleifur til sundfélags-
ins Ægis í Reykjavík þar sem hann
var aðalþjálfari félagsins til ársins
2007 að hann þekktist boð Sund-
félags Álaborgar að taka við þjálf-
uninni þar. „Mér fannst mig vanta
svolitla ögrun. Þetta var orðið ein-
hæft hérna á Íslandi. Ægir var yfir-
burðafélag í sundinu þessi ár sem
ég var hjá þeim. Ég vildi gjarnan
prófa hvort ég gæti eitthvað meira
sem sundþjálfari og þess vegna
flutti ég og fjölskyldan til Álaborg-
ar,“ segir Eyleifur. Reynslan hefur
sýnt að hann gat heilmikið meira
sem sundþjálfari. Aðspurður seg-
ir Eyleifur að hann og fjölskyldan
kunni vel við sig í Álaborg. Fjöl-
skyldan verði að minnsta kosti
nokkur ár í viðbót í Danmörku en
það sé samt allt eins líklegt og hún
komi aftur heim til Íslands.
þá
Eyleifur Jóhannesson.
Eyjólfur ásamt afrekshópnum sínum á heimili foreldra hans við Dalbraut á
Akranesi.
Eyleifur ásamt tveimur fræknustu
sundmönnunum frá Álaborg sem unnu
til gullverðlauna með fimm mínútna
millibili á EM í Berlín í ágúst.
Keppnishópurinn í æfingabúðum í Tyrklandi.