Skessuhorn - 22.10.2014, Blaðsíða 23
23MIÐVIKUDAGUR 22. OKTÓBER 2014
Sunnudaginn 19. október var hald-
in hrútasýning að Lækjarbug í
Hraunhreppi þar sem keppt var um
hin veglega farandgrip Mýrahrút-
inn. „Í Lækjarbug er góð aðstaða
til sýningarhalds og ekki spillti fyrir
þegar íhaldsmönnum hrútanna var
boðið að sitja á gömlum bekkjum
úr þinghúsi sveitarinnar. Í Lækjar-
bug var gamli þingstaður Hraun-
hrepps og höfðu þessir bekkir varð-
veist á staðnum frá þeim tíma,“ seg-
ir Guðbrandur á Staðarhrauni í til-
efni sýningarinnar. Þess má geta að
svokölluð boðleið byrjaði á þing-
staðnum og voru tilkynningar sem
þurfti að berast um sveitina sendar
þessa boðleið, bæ frá bæ. Eftir því
var farið þegar bæjarnúmerin voru
tekin upp. T.d. 1M7 Lækjarbugur,
2M7 Brúarfoss, 3M7 Staðarhraun
og svo framvegis. Fjallskilaboð eða
fjallskilaseðill var sendur þessa boð-
leið og eflaust fleiri tilkynningar, að
sögn Guðbrandur.
En víkjum þá að sýningunni
sjálfri. Keppt var í þremur flokkum:
Hvítir hyrndir, kollóttir og mislitir
og ferhyrndir hrútar. Í flokki mis-
litra hrúta var talinn bestur hrút-
ur nr. 13 frá Hundastapa, grár að
lit, faðir Salamon 10-906 og móð-
ir 10-037. Í öðru sæti hrútur nr. 21,
mórauður frá Mel, faðir Myrkvi
10-905 og móðir Mollý 12-242.
Þriðji var líka frá Mel, hrútur nr.
100, faðir Plömmer 12-063(heima-
hrútur á Mel) og móðir Lamba dís
09-116. Þessi hrútur er móflekk-
óttur.
Af kollóttum reyndist bestur nr.
134 frá Leirulæk, faðir Kroppur
10-890, móðir Dalfríður. Annað
sæti skipaði nr. 5 einnig frá Leiru-
læk, faðir Baugur 10-889 og móðir
Langeyra. Hrútur frá Tröðum var
í þriðja sæti, nr 45 faðir Kroppur
10-890, móðir Eygló 09-028.
Í hópi hvítra hyrndra var hörð
keppni, bestur var talinn hrút-
ur nr. 66 frá Hundastapa faðir
Garri 11-908, móðir 11-016. Ann-
ar var dæmdur nr. 60 frá sama bæ
líka undan Garra 11-908 og móð-
ir 12-101. Þriðja sæti hreppti svo
hrútur frá Lækjarbug nr. 59 faðir
Bósi 08-901 móðir Bylgja 12-320.
Vinsælasti hrúturinn
líka valinn
Margrét Katrín deildarstjóri Kaup-
félags Borgfirðinga veitti fyr-
ir hönd kaupfélagsins verðlaun til
þeirra þriggja efstu í hverjum flokki
og kynnti vörur sem á boðstóln-
um eru hjá henni í KB. Eigendur
efsta hrúts í hverjum flokki fengu
líka grip frá Guðmundi Hannah
gullsmið á Akranesi til eignar. Þeir
voru kostaðir af sláturhúsi KVH
Hvammstanga.
Besti hrútur sýningarinnar,
Mýrahrúturinn 2014 var hrútur
nr. 66 frá Hundastapa sonur Garra
frá Stóra-Vatnshorni í Haukadal.
Var Haukdælingurinn Halldór í
Hundastapa að vonum ánægður
með sig og Garrasynina en hann
varðveitir skjöldinn góða næsta ár.
Dómurum þótti rétt að veita
golsóttum ferhyrndum hrúti frá
Leirulæk titilinn „Vinsælasti hrút-
urinn“ en hann fékk mikið klapp
og kjass frá yngstu kynslóðinni og
kunni hann vel að meta það. Dóm-
arar á sýningunni voru ráðunaut-
arnir Kristbjörn Haukur Steinars-
son og Guðmundur Sigurðsson.
Mætt var með 40 lambhrúta á sýn-
inganna og fjöldi Mýramanna bæði
ungir og aldnir. Tókst hún í alla
staði mjög vel og var sauðfjárrækt-
endum á Mýrum til sóma.
gg/þá/ Ljósm. Ingunn Alexandersd.
Héraðssýning á lambhrútum á
Snæfellsnesi var haldin um síð-
ustu helgi. Halda þurfti sýninguna
á tveimur stöðum vegna varnagirð-
ingar. Fyrri sýningin var föstudags-
kvöldið 17. október í Haukatungu
Syðri II í Kolbeinsstaðarhreppi.
Seinni sýningin ásamt verðlauna-
afhendingu var svo haldin dag-
inn eftir á Hofsstöðum í Eyja- og
Miklaholtshreppi. Alls var sýnd-
ur 41 hrútur, 13 austan girðingar
og 28 vestan, þar af 26 synir sæðis-
hrúta. Dómarar á sýningunni voru
ráðunautarnir Jón Viðar og Eyjólf-
ur Ingvi. Dómararnir völdu einn-
ig besta hrút sýningarinnar sem að
þessu sinni var Garrasonurinn frá
Haukatungu Syðri II. Hér koma
svo efstu þrír hrútarnir í hverjum
flokki:
Hyrndir hvítir
nr 22 frá Haukatungu Syðri II und-
an Garra 11 908
nr 166 frá Álftavatni undan Putta
11 324
nr 316 frá Gaul undan Snáki 11
525
Kollóttir hrútar
nr 560 frá Hjarðarfelli undan Botna
10 889
nr 140 frá Hraunhálsi undan
Kroppi 10 890
nr 589 frá Hjarðarfelli undan Sig-
urfara 09 860
Mislitir hrútar
nr 35 frá Haukatungu Syðri II und-
an Salómon 10 906
nr 148 frá Hraunhálsi faðir 13 432
nr 75 frá Haukatungu Syðri II faðir
Gráni 13 542 iss
Síðastliðinn sunnudag fóru fimm
félagar úr björgunarsveitinni Elliða
á Snæfellsnesi til aðstoðar bóndan-
um á Knerri í Breiðuvík. Ná þurfti
þremur kindum sem komið höfðu
sér í sjálfheldu fyrir tveimur vikum
þegar verið var að smala á svæðinu.
Staðurinn var í gilskorningi í fjall-
inu ofan við bæinn Gröf og þurfti
að síga niður til kindanna og koma
böndum á þær. Voru þær hífðar
upp nokkra metra til að losa þær úr
prísundinni og farið með þær heim.
Féð leit þokkalega út miðað við að
hafa verið hey- og vatnslaust í þetta
langan tíma. Björgunaraðgerðin
gekk að óskum. Landslagið er stór-
brotið á þessum slóðum og getur fé
því víða komið sér í vandræði þeg-
ar það ætlar sér í sauðþráa sínum að
sleppa í klettana til að forðast smal-
ana. iss
Það er fremur sjaldgæft að kýr beri
tveimur kálfum og báðir lifi. Á bæn-
um Eiði við Kolgrafafjörð bar kýrin
Rönd tveimur hraustum kvígukálf-
um síðasta fimmtudag. Ekki nóg
með það heldur fæddust báðir kálf-
arnir með afturfæturna á undan.
Því þurftu bændurnir Guðrún og
Bjarni að hafa snör handtök þeg-
ar hamagangurinn var sem mestur.
Oft fer illa þegar kálfar fæðast með
afturfætur á undan en sem betur fer
fór allt vel í þessu tilfelli. Kvígu-
kálfarnir litlu voru hinir sprækustu
þegar ljósmyndari Skessuhorns leit
við í fjósinu á Eiði um helgina. tfk
Allt er gott sem endar vel.
Kindum bjargað úr
sjálfheldu í Breiðuvík
Aðstæður voru erfiðar en útsýnið stórbrotið. Hér er eigandi kindanna, Friðgeir
Karlsson bóndi í Knörr kominn niður að fénu.
Gunnar Guðbjartsson björgunar-
sveitarmaður frá Hjarðarfelli brosti
sínu breiðasta þegar búið var að koma
böndum á kindurnar.
Tvíkelfingar á Eiði
Fallegir hrútar og fjölmenni á
Mýrarhrútnum 2014
Bændur voru ánægðir með hrútana
sína.
Dómarar að störfum í fjárhúsunum í
Lækjarbaug.
Halldór á Hundastapa ánægður með
Garrasoninn sem var valinn Mýrar-
hrúturinn 2014.
Arnar Ásbjörnsson með verðlaunin
fyrir besta hrútinn.
Hrútasýningar á Snæfellsnesi
Garrasonurinn frá Haukatungu Syðri
II, besti hrútur sýningarinnar.
Verið að dæma hvíta hyrnda hrúta.