Skessuhorn - 29.10.2014, Blaðsíða 14

14 MIÐVIKUDAGUR 29. OKTÓBER 2014
Á þriðja tug grunnskólanema á
Akranesi mótmælti verkfalli tónlist-
arkennara fyrir utan bæjarskrifstofur
sveitarfélagsins síðastliðinn fimmtu-
dag. Aldís Ísabella Fannarsdóttir og
Olga Katrín Davíðsdóttir fóru fyrir
mótmælendum. Aldís Ísabella sagði
í samtali við Skessuhorn að mótmæl-
endur gerðu þá kröfu að samið yrði
við tónlistarkennara sem allra fyrst,
því annars væru tónleikarnir Ungir
gamlir í hættu. Nú, viku síðar, hefur
komið í ljós að ótti ungmennanna var
á rökum reistur, því blása varð tón-
leikana af sem og fleiri viðburði sem
ráðgerðir höfðu verið. Mikill metn-
aður er lagður í tónleikana Ungir
Gamlir á hverju ári og í ár hafði ver-
ið ætlunin að Eyþór Ingi og Friðrik
Dór kæmu fram með nemendunum
á tvennum tónleikum.
Regína Ásvaldsdóttir bæjarstjóri
ávarpaði mótmælendur við bæjar-
skrifstofurnar á fimmtudaginn. Þar
benti hún meðal annars á að það
væri Samband sveitarfélaga sem væri
í samningaviðræðum við Félag tón-
listarkennara, en ekki Akraneskaup-
staður með beinum hætti. Regína
hrósaði ungmennunum fyrir góða
framgöngu í tónlistinni.
grþ
Vegna endurbóta á aðveituæð
Orkuveitu Reykjavíkur frá Deild-
artungu að Borgarnesi og Akranesi
var lægri þrýstingur á heitu vatni
á lögninni allri í gær, þriðjudag.
Unnið var við tengingu á nýjum
360 metra löngum kafla af aðveitu-
æðinni við Varmalæk. Meðfylgj-
andi mynd tók Guðmundur Brynj-
úlfsson starfsmaður OR í gær, þeg-
ar verið var að rafsjóða nýja bútinn
við lögnina. mm
Hinir árlegu tónleikar Ungir -
Gamlir verða ekki sýndir á menn-
ingarhátíðinni Vökudögum í ár
eins og fyrirhugað hafði verið.
Fleiri tónleikum hefur einnig verið
aflýst. Er þetta vegna verkfalls tón-
listarkennara. Tónleikarnir Ungir
– Gamlir eru sameiginlegt tónlist-
arverkefni beggja grunnskólanna
og Tónlistarskólans á Akranesi og
áttu að fara fram fimmtudaginn
30. október. Tónlistarverkefnið er
stærsti viðburður í tónlistarlífi ung-
linga á Akranesi og hefur verið ár-
viss viðburður í dagskrá Vökudaga
allt frá árinu 2007. Vonbrigði nem-
enda eru því mikil eins og gefur að
skilja.
Ungir - Gamlir hafa notið mikilla
vinsælda hjá bæjarbúum á Akranesi
og hefur verið húsfyllir á tvennum
tónleikum undanfarin ár, þeim fyrri
sem haldnir eru fyrir nemendur og
þeim síðari sem eru fyrir aðra gesti.
Jafnan hefur verið fengið þekkt
söng- og tónlistarfólk til að spila og
syngja með krökkunum en gestirnir
leiðbeina einnig börnunum á æfing-
um vikuna fyrir tónleikana. Margir
góðir gestir hafa komið fram á tón-
leikunum. Í ár stóð til að söngvar-
arnir Friðrik Dór og Eyþór Ingi
myndu syngja með krökkunum. Að
sögn Lárusar Sighvatssonar skóla-
stjóra Tónlistarskólans á Akranesi
gæti verið að tónleikarnir verði
settir aftur á dagskrá næsta vor.
„Það er samt óákveðið. Við vorum
með gestatónlistarmenn sem eru
bókaðir langt fram í tímann, sér-
staklega á þessum árstíma og því
er ekki hægt að hafa tónleikana á
þessu ári fyrst svona fór.“ Þá seg-
ir Lárus að öðrum viðburðum sem
hafi verið á dagskrá á Vökudögum
á vegum tónlistarskólans hafi verið
aflýst. Þar má nefna súputónleika
sem áttu að vera í anddyri tónlist-
arskólans í hádeginu á föstudag og
opið hús sama dag. „Í raun allt sem
átti að vera á vegum tónlistarskól-
ans hefur verið fellt niður. Ekki er
enn komið í ljós hvort tónleikum
Vallarsels og Þjóðlagasveitarinnar
verði frestað en þeir eru í uppnámi.
Það eru bara þeir viðburðir sem eru
bókaðir hér í salnum sem eru enn
á dagskrá, svo sem kaffihúsatón-
leikar Rósu Guðrúnar 2. nóvember
og tónleikar Kórs Akraneskirkju 4.
nóvember.“
grþ
Kylfingurinn Valdís Þóra Jónsdótt-
ir í Leyni á Akranesi endaði tíma-
bilið vel í á LET Access mótaröð-
inni sem hún keppti á í sumar, en
þessi mótaröð er til hliðar við Evr-
ópu mótaröðina. Valdís keppti á 13
mótum í sumar og náði í heildina
ágætum árangri. Á síðustu fimm
mótunum komst hún í gegnum
niðurskurðinn á fjórum mótum og
var í topp tíu á tveimur af þeim.
Þar fyrir utan var hún hársbreidd
frá því að komast í gegnum niður-
skurðinn á nokkrum mótum. Valdís
Þóra keppti á tveimur síðustu mót-
unum núna í október. Annað mót-
ið var á eyju sem Íslendingar þekkja
vel til, Krít, þar sem hún varð í
9.-10. sæti. Náði sínu besta skori á
tímabilinu, lauk keppni á 216 högg-
um eða þremur höggum undir pari.
Síðasta hringinn fór hún á þrem-
ur höggum undir pari. Hitt mót-
ið var á Asóreyjum. Þar lenti hún
í 26. sæti.
„Ég sleppti tveimur mótum í lok
tímabilsins því það var óskynsam-
legt að fara í fjögur mót í röð og ég
vildi líka vinna í ákveðnum hlutum
og bæta þá,“ sagði hún í samtali við
Skessuhorn. Valdís Þóra er á leið
til Texas í USA þar sem hún verð-
ur við æfingar út nóvembermánuð.
„Ég var þar í skóla og verður fók-
usinn settur á æfingar og mikla lík-
amsrækt til þess að vera í feikna
formi og góðu þoli þegar ég fer til
Marokkó,“ segir Valdís Þóra. Eins
og í fyrra tekur hún þar þátt í úr-
tökumótum fyrir Evrópu mótaröð-
ina. Fyrra úrtökumótið í Marokkó
verður 8.-11. desember og þar get-
ur hún tryggt sér þátttökurétt á
öðru stigi úrtökumótsins sem verð-
ur 17.-21. desember. Ekki er kom-
ið á hreint hversu margar komast
áfram og fer það eftir fjölda kepp-
enda. „Mér líður bara vel fyrir þetta
mót. Ég var aðeins farin að sýna
mitt rétta andlit í enda tímabilsins
og spila golf sem að var miklu lík-
ara mínu besta golfi,” segir Valdís
Þóra.
þá
Á miðvikudaginn fyrir viku hófst
verkfall tónlistarkennara sem eru
félagsmenn í FT (Félagi tónlistar-
kennara). Öll kennsla hjá þessum
kennurum vítt og breitt um land-
ið fellur niður á meðan á verkfalli
stendur. Nýjustu fregnir herma að
hvorki gangi né reki í lausn kjara-
deilunnar. Mjög er mismundani
hvort allir eða hluti kennara við
einstaka skóla eru í verkfalli. Í til-
kynningu frá Tónlistarskóla Akra-
ness sama dag og verkfallið hófst
kom t.d. fram að fjórir kennarar við
skólann eru félagsmenn í FÍH, Fé-
lagi íslenskra hljómlistarmanna, og
eru þeir ekki í verkfalli og kenna
samkvæmt stundaskrá.
mm
Þjóðlagasveitin á Akranesi hef-
ur sent opið bréf til Sambands
íslenskra sveitarfélaga þar sem
hvatt er til þess að meta tónlist-
arkennslu að verðleikum. Bréfið í
heild er þannig:
„Nú stendur yfir verkfall hjá um
500 tónlistarkennurum sem bitn-
ar á kennslu margra tónlistarnem-
enda víðsvegar um landið, þar
með talið nítján stelpna á Akra-
nesi. Þessar stelpur hafa stundað
nám við Tónlistarskólann á Akra-
nesi frá blautu barnsbeini, flest-
ar frá 7 ára aldri. Þjóðlagasveitin
hefur verið áberandi (viljum við
meina) í tónlistarflórunni á Akra-
nesi undanfarin ár og vonandi um
ókomna áratugi ef þið leyfið.
Frá 2001 hafa verið settar upp
9 sýningar og nokkur samstarfs-
verkefni með öðrum tónlistar-
mönnum og hópum. Sveitin hef-
ur spilað opinberlega á óteljandi
uppákomum víðsvegar um landið,
ferðast erlendis og sett upp sýn-
ingar þar ásamt því að hafa gefið
út tvo geisladiska. Að baki hverr-
ar sýningar liggur gífurleg vinna
eins og eflaust margir gera sér
grein fyrir og ótal klukkustundir í
æfingum. En æfingar eru ekki nóg
til að sýningar líkt og okkar fæð-
ist. Til þess þarf góðan kennara
sem gefur sér þann tíma sem til
þarf til að koma á slíkri sýningu.
Hann þarf að hafa metnað og
drifkraft til að halda úti batterýi
sem þessu ásamt óbilandi áhuga
og hæfni í tónlist og kennslu.
Tónlistarkennarar hafa margir
hverjir verið í námi við sína sér-
grein frá 6 til 7 ára aldri, það er
lengri tími en nokkur önnur stétt
stundar við nám í sinni sérgrein
eða í allt að 18 ár eða meira!
Þjóðlagasveitin hefur nán-
ast haldist í sama horfi frá upp-
hafi. Hún hefur þróast í eins kon-
ar fjölskyldu sem hefur tekið þátt
í uppeldi okkar allra en við höf-
um flestar stundað nám hjá sama
kennaranum frá fyrsta skóladegi.
Í dag er stór hluti okkar fluttur að
heiman og jafnvel kominn með
börn, en finnst samt sem áður
ómissandi þáttur að vera partur af
þessari sveit. Meðlimir og kennari
hafa lagt mikinn tíma og keyrslu
í hverja æfingu. Sumir hafa jafn
vel látið sig hafa það að keyra frá
Reykjanesbæ í hverri viku til að
mæta á æfingar. Þetta er alls ekki
sjálfsagt mál! Við erum börnin
sem neitum að fara að heiman og
af gefnu tilefni! Við lifum við þann
lúxus að vinna með manni sem býr
til töfra og lætur áhorfendur upp-
lifa allan tilfinningaskalann á inn-
an við 90 mínútum. Þetta er bara
eitt dæmi um það óeigingjarna
og tímafreka starf sem tónlistar-
kennarar starfa við og það eru ef-
laust hundruðir, jafnvel þúsundir
íslendinga sem geta sagt væmnar
sögur af sínum kennurum og geta
ekki hugsað sér lífið án tónlistar-
menntunnar.
Sveitin hefur hlotið mikið lof
fyrir okkar tónlistarfluttning. Það
sama má segja um allt það frábæra
tónlistarfólk sem við höfum hérna
á Íslandi sem eiga svipaðan bak-
grunn og við! En hvers vegna er
það svo að þið, kæru yfirvöld eruð
tilbúin að hlusta á, njóta og hrósa
loka afurðinni en ekki viðurkenna
þá raunverulegu vinnu sem er á
bakvið hvern nemanda sem tekur
upp hljóðfæri.
Metum tónlistarmenntun að
verðleikum.“
Fyrir hönd stelpnanna í Þjóð-
lagasveitar Tónlistarskólans á
Akranesi,
Ása Katrín Bjarnadóttir
Helena Másdóttir
Unnur Þorsteinsdóttir.
Ljósm. Kristinn Pétursson.
Valdís Þóra með góðan árangur á síðustu mótunum
Mótmæltu á Akranesi
Nemendur börðu á trommur og potta, blésu í flautur og kölluðu „Engan launa-
mismun“ fyrir framan bæjarskrifstofurnar.
Matti Matt og Pétur Guðmundsson
syngja á tónleikum. Ljósm. úr safni.
Tónleikarnir Ungir ­
Gamlir felldir niður
Þjóðlagasveitin sendir Sambandi
íslenskra sveitarfélaga opið bréf
Verkfall tónlistarkennara hefur nú staðið í viku
Gísli Gíslason hafnarstjóri Faxaflóahafna stundar nám á harmónikku við Tón-
listarskóla Akraness. Á þriðjudagskvöldið í liðinni viku reyndist hann síðasti
nemandi skólans fyrir verkfall kennara í FT. Kennarinn er Rut Berg Guðmunds-
dóttir.