Skessuhorn - 29.10.2014, Blaðsíða 25
25MIÐVIKUDAGUR 29. OKTÓBER 2014
Þriggja rétta
kvöldverður
að hætti hússins.
Gísli Einarsson
sér um veislustjórn
Hljómsveitin Kopar
leikur fyrir dansi
Húsið opnar kl 20:00
Borðhald hefst kl 20:30
Miðaverð aðeins 6000 krónur
Aldurstakmark 18 ár
Gle
ðifundur
Árshátíð
Ungmennafélags Reykdæla
verður haldin í Logalandi
laugardaginn
8.nóvember
Miðapantanir hjá
Báru í síma 8944066 eða Jónu 6994695
eða á netfangið jonaester@vesturland.is
Panta þarf miða fyrir miðvikudaginn 5.nóv
Fjölmiðlafyrirtækið Skessuhorn
ehf er nú í stefnumótunarvinnu þar
sem ákveðið er hvernig nýjum tím-
um verður mætt. Fjölmiðlar lands-
ins og reyndar heimsins alls ganga
í gegnum gríðarlegar breyting-
ar um þessar mundir enda er fjöl-
miðlanotkun fólks að breytast og
landamæri að hverfa. Nýjar sam-
skiptaleiðir hafa opnast og síbreyti-
leg notkun fólks á fjölmiðlum og
fréttaöflun, gerir kröfu um að fjöl-
miðlar stígi út fyrir þann þæginda-
ramma sem þeir hafa e.t.v. gleymt
sér í. Fjölmiðlar þurfa semsé að
taka ákvarðanir um breytingar ætli
þeir að halda lífi. Á Skessuhorni
er nú verið að fara yfir verkferla,
skipurit og hvaða verkefni verð-
ur tekist á við í framtíðinni. Verið
er að móta framtíðarsýn fjölmiðils-
ins. Eggert Herbertsson viðskipta-
fræðingur var í sumar ráðinn til að
stýra þessu verkefni. Nú þegar hef-
ur verið ákveðið að efla fyrirtækið
á sviði margmiðlunar á veraldar-
vefnum, byrjað er að selja rafrænar
áskriftir og breyta vef Skessuhorns
í samstarfi við Nepal hugbúnaðar-
gerð. Það skal tekið fram að stór-
felldar breytingar á prentmiðlin-
um Skessuhorni eru ekki ráðgerðar.
Einhverjar áherslubreytingar verða
þó á efnistökum og vali til að mæta
þörfum yngri lesenda og munu
þær breytingar líta dagsins ljós á
næstu mánuðum og misserum. Þá
er Sjónvarp Skessuhorns ofarlega á
óskalistanum og tilraunir hafnar á
því sviði.
Próf í alþjóða
samskiptastjórnun
Meðal þess sem strax kom í ljós í
fyrrnefndu breytingaferli var að
nauðsynlegt væri að ráða í nýtt
starf markaðsstjóra á Skessuhorni.
Markaðsstjóri mun bera ábyrgð á
öllu sölustarfi og tekjuöflun fyr-
irtækisins, miðlun um samfélags-
miðla, öflun nýrra verkefna og
mótun annarra. Emilía Ottesen
var ráðin og hefur þegar tekið til
starfa sem markaðsstjóri. Emilía er
27 ára, fædd og uppalin á Akranesi.
Hún hefur stundað háskólanám í
alþjóða samskiptastjórnun (e.inter-
national communication manage-
ment) í Hollandi. Hún var áður
stúdent frá Verslunarskóla Íslands,
gift Bjarka Jens Gunnarssyni Scott
og saman eiga þau soninn Ólaf Dór
tveggja ára. Eftir að Emilía lauk há-
skólanámi í Hollandi fluttu hún og
Bjarki Jens aftur á Akranes. Eftir að
fæðingarorlofi lauk hefur hún m.a.
tekið að sér markaðsmál fyrir Írska
daga og Bíóhöllina á Akranesi auk
þess að hafa verið kosningastjóri
fyrir Sjálfstæðisflokkinn á Akranesi
fyrir síðustu sveitarstjórnarkosn-
ingar. En forvitnumst aðeins um
Emilíu og sýn hennar á framtíðina
og nýja starfið.
Varð að fylgjast með
„Ég hef alltaf haft áhuga á fjöl-
miðlum og fylgst vel með fréttum.
Þannig þurfti ég ekki langan um-
hugsunarfrest þegar mér bauðst
þetta starf. Áhugi minn á fjölmiðl-
um jókst töluvert þegar ég flutti
til Hollands og fann hversu mikil-
vægt það var fyrir mig að fylgjast
með fréttum heima á Íslandi. Ég
hef alltaf haft áhuga á samskiptum,
sama hvort það eru innri samskipti
fyrirtækja eða markaðssamskipti.
Undanfarin ár hef ég haft gríðar-
legan áhuga á samfélagsmiðlum og
hvernig megi nýta þá á réttan hátt
til að ná til neytenda. Ég er einnig
áhugaljósmyndari og mikill nautna-
seggur. Það besta sem ég veit er að
eyða tíma með fólkinu mínu, borða
góðan mat og fá mér kannski eitt
vínglas með, eða tvö.“
Flokkar fréttir
eftir áhugasviði
Emilía telur áhugasvið ungs fólks
ekki vera að breytast en aðstæð-
ur og tækni sé hins vegar að taka
breytingum. „Það er orðið mun
auðveldara fyrir ungt fólk að fá ein-
göngu fréttir tengdar sínu áhuga-
sviði. Áður fyrr þurfti fólk að fara
í gegnum mikinn skóg upplýsinga
til að finna það sem það vildi lesa
eða horfa á. Í dag gerir til dæmis
Facebook þessa undirbúningsvinnu
fyrir þig. Það er allt skráð; aldur,
kyn, nám, vinnustaðir, áhugamál,
trúarbrögð og leitarniðurstöður
sem byggja á því sem þú hefur verið
að fylgjast með á netinu. Þess vegna
birtist til dæmis óhemju mikið af
viðeigandi upplýsingum og frétt-
um fyrir einstakling á Facebook
síðu viðkomandi og þar af leiðandi
notar viðkomandi eingöngu Face-
book til að nálgast fréttir eða grein-
ar. Ég held að þessi þróun sé rétt
að byrja og að við munum fá megn-
ið af fréttum framtíðarinnar í gegn-
um samfélagsmiðla. Á hinn bóginn
held ég að það verði áfram ákveð-
ið hlutfall af ungu fólki sem að kýs
að lesa fréttir í blöðum rétt eins og
verið hefur, ásamt svo auðvitað að
vera virkir þátttakendur á netinu.
Þó að við verjum sífellt meiri tíma
framan við tölvuna er alltaf notalegt
að lesa af pappír. Í mínu tilfelli hvíl-
ir það aðeins augun og mér finnst
það slakandi,“ segir Emilía.
Breyta þarf
umræðuhefðinni
Emilía var fyrir síðustu sveitar-
stjórnarkosningar ráðin til að stýra
kosningaskrifstofu sjálfstæðismanna
á Akranesi. Á landsvísu hefur kosn-
ingaþátttaka Íslendinga fallið úr
85% í 65% á fjörutíu árum. Einkum
eru það ungir kjósendur sem í vax-
andi mæla sleppa því hreinlega að
mæta á kjörstað. Þetta veldur mörg-
um áhyggjum og síst til þess fallið
að styrkja lýðræðið. Hvað veldur
þessu áhugaleysi kjósenda framtíð-
arinnar?
„Í kosningabaráttunni í vor sá ég
það mjög greinilega að margt ungt
fólk hreinlega skammast sín fyr-
ir að hafa áhuga á pólitík. Umræð-
an um pólitík undanfarin ár hefur
verið neikvæð og hefur greinilega
haft mótandi áhrif á áhuga yngra
fólks gagnvart stjórnmálum. Svo ég
tali eingöngu út frá minni reynslu
í þessum sveitarstjórnarkosning-
um, þá nýttum við samfélagsmiðla
og auglýsingar til að ná til yngra
fólks og skipulögðum viðburði fyrir
þennan hóp til að koma áleiðis upp-
lýsingum varðandi sveitarstjórnar-
mál og það virkaði upp að ákveðnu
marki. Varðandi þróunina og hvern-
ig hægt er að snúa henni við tel ég í
fyrsta lagi að það ætti að skoða raf-
rænar kosningar af mikilli alvöru.
Í annan stað hafa íslenskir stjórn-
málamenn ekki beinlínis verið að
gera hosur sínar grænar fyrir kjós-
endum framtíðarinnar. Umræðu-
hefðin mótast af rifrildi, stóryrtum
yfirlýsingum um hvað allir aðrir séu
vitlausir og þegar slík síbylja heldur
áfram þá missa allir áhuga fyrir að
fylgjast með pólitík. Ekki bara ung-
ir kjósendur. Þá mættu stjórnmála-
menn fara að íhuga að það sem þeir
lofa fyrir kosningar, þarf að standa
við. Þeim sem ekki gera það verður
vonandi refsað í meira mæli en ver-
ið hefur.“
Alhliða fjölmiðill
Emilía segir það staðreynd að um-
hverfi fjölmiðla sé að breytast og
væntanlega muni sú þróun halda
áfram. „Með nýrri tækni er mögu-
legt fyrir einn fréttamann að taka
blaðaviðtal, mynda og taka upp
fréttaskot í formi myndbrota og
skrifa veffrétt, allt í sömu ferðinni.
Þessi sami fréttamaður getur svo tal-
að inn á fréttina, klippt hana og sett
til birtingar á fréttasíðu. Þetta ger-
ir það að verkum að miðill eins og
Skessuhorn getur nýtt eina ferð til
að gera fjölbreyttar fréttir um sama
viðfangsefnið. Í þessu felast gífur-
leg tækifæri sem ég tel að fjölmiðlar
muni nýta í framtíðinni, séu þeir eru
ekki farnir til þess nú þegar.“
Nýr markaðsstjóri er að endingu
beðinn að setjast í spámannssætið
og svara því hvernig fjölmiðill eins
og Skessuhorn gæti orðið eftir t.d.
fimm ár? „Markmið Skessuhorns
hefur alltaf verið að flytja fólki á
Vesturlandi fréttir af Vestlending-
um í starfi og leik og það mun ekki
breytast. Ég sé fyrir mér að blaðið
nái til yngra fólks með fjölbreyttara
og kannski léttara innihaldi og að
fjölmiðillinn muni nýta sér þá tækni-
þróun sem á sér stað til að koma
efninu á framfæri. Í því felst að nýta
nýjar miðlunaraðferðir til að halda
áfram að flytja fólki fréttir, því það
er eitthvað sem mun aldrei breytast
að það verður eftirspurn eftir þeim.
Eftir fimm ár sé ég Skessuhorn fyr-
ir mér sem alhliða fjölmiðil og leið-
andi landshlutamiðil eins og hann
hefur verið. Við munum flytja frétt-
ir í prenti, á heimasíðu, samfélags-
miðlum og í formi vefsjónvarps.“
mm
Fjölmiðill í stefnumótun til að mæta breyttum tímum
Emilía Ottesen ráðin í nýtt starf markaðsstjóra á Skessuhorni
Emilía Ottesen, markaðsstjóri Skessuhorns.