Skessuhorn - 29.10.2014, Blaðsíða 34
34 MIÐVIKUDAGUR 29. OKTÓBER 2014
Hvernig leggst veturinn í þig?
Spurning
vikunnar
(Spurt í Grundarfirði)
Steinar Alfreðsson:
Hann leggst bara vel í mig. Ég
vona að hann verði mildur.
Saga Björk Jónsdóttir:
Hann verður allt í lagi, en þó
aldrei að vita.
Ólöf Rut Halldórsdóttir:
Rosalega vel.
Páll Cecilsson:
Ég verð að segja að hann leggst
bara vel í mig. Hvað ætti mað-
ur svo sem að vera með fortöl-
ur, vona bara að hann verði ekki
kaldur.
Tinna Rut Þrastardóttir:
Ágætlega. Vona að það verði
minni snjór en í fyrra.
Frá því að Þjóðgarðurinn Snæfells-
jökull var stofnaður árið 2001 hef-
ur Skúli Alexandersson verið full-
ltrúi Ferðamálasamtaka Snæfells-
ness í ráðgjafarnefnd Þjóðgarðs-
ins og Ólína B. Kristinsdóttir verið
fulltrúi Snæfellsbæjar. Þau hafa nú
bæði látið af störfum í nefndinni og í
þeirra stað koma Gísli Ólafsson fyr-
ir Ferðamálasamtökin og Margrét
Björk Björnsdóttir fyrir Snæfellsbæ.
Kristín Huld Sigurðardóttir hefur
frá upphafi verið fulltrúi Minjastofn-
unar og verður áfram. Kristín Linda
Árnadóttir er fulltrúi Umhverfis-
stofnunar og jafnframt formaður.
Nýja nefndin hélt fund fyr-
ir skömmu og að honum loknum
var boðið til kvöldverðar þar sem
fráfarandi fulltrúum voru þökk-
uð vel unnin störf í þágu Þjóð-
garðsins og nýir fulltrúar boðnir
velkomnir til starfa. Á myndinni
eru frá vinstri: Kristín Huld frá
Minjastofnun, Kristín Linda frá
Umhverfisstofnun, Ólína B Krist-
insdóttir, Skúli Alexandersson,
Guðbjörg þjóðgarðsvörður, Gísli
Ólafsson, Margrét Björk Björns-
dóttir og Lárus sérfræðingur hjá
Þjóðgarðinum.
-fréttatilkynning
Kvennalið UMFG í blaki tók á
móti b-liði HK frá Kópavogi síð-
asta fimmtudag. Liði HK var spáð
góðu gengi fyrir tímabilið og því
um verðugt verkefni að ræða fyrir
heimamenn. Gestirnir byrjuðu bet-
ur og unnu fyrstu hrinuna 20-25
og komust í 1-0 forystu. Heima-
menn í UMFG jöfnuðu og komust
svo í 2-1 með því að vinna næstu
tvær. En gestirnir unnu fjórðu
hrinu þannig að oddahrinu þurfti
til að útkljá leikinn. Hana sigruðu
gestirnir með 15 stigum gegn 9 og
þar með leikinn 3-2. Eftir þetta
sitja UMFG konur í 5 sæti deild-
arinnar með 4 stig en þær eiga ekki
heimaleik næst fyrr en 11. desemb-
er næstkomandi.
tfk
Skagamenn gerðu góða ferð vest-
ur á Ísafjörð sl. föstudagskvöld þar
sem þeir náðu að leggja heimamenn
í háspennuleik 91:90 í 1. deildinni í
körfubolta. Skagamenn voru mun
betra liðið framan af og voru sjö
stigum yfir í hálfleik 34:27. Gest-
irnir sóttu sig í seinni hálfleiknum
og lokamínúturnar voru drama-
tískar þar sem einungis karakterinn
réði því hvort liðið stæði uppi sem
sigurvegari. Það gerðu Skagamenn
að þessu sinni. Þjálfarar liðsins áttu
stórleik. Áskell Jónsson skoraði 26
stig og Fannar Freyr Helgason 19
auk fjölda frákasta. Lemuel Tode
Doe skoraði 14 stig í sínum síðasta
leik með ÍA, Birkir Guðjónsson
10 og Erlendur Þór Ottesen 2. ÍA
er það með komið með 4 stig eft-
ir þrjár umferðir og í næstu umferð
kemur Valur í heimsókn í íþrótta-
húsið við Vesturgötu. Sá leikur fer
fram fimmtudagskvöldið 6. nóvem-
ber.
Bandaríski leikmaðurinn Lemu-
el Tode Doe hefur ekki fundið sig
með ÍA. Stjórn Körfuknattleiks-
félags ÍA hefur ákveðið að segja
upp samningi sínum við Lemuel. Í
tilkynningu frá stjórninni segir að
reiknað sé með að nýr bandarískur
leikmaður muni verða klár í næsta
leik ÍA liðsins, það er gegn Þór frá
Akureyri sunnudaginn 2. nóvember
í Powerade-bikarnum í íþróttahús-
inu við Vesturgötu. Sá leikmaður er
Skagamönnum að góðu kunnur en
hann heitir Zachary Jamarco War-
ren og lék með liðinu á síðasta tíma-
bili við góðan orðstír. Stjórn, þjálf-
arar og leikmenn ÍA þakka Lemuel
fyrir samstarfið og óska honum alls
hins besta í framtíðinni,“ segir í til-
kynningunni frá stjórn KFA.
Þá
Gunnar Halldórsson gerði sér lít-
ið fyrir um helgina og varð Ís-
landsmeistari í járningum annað
árið í röð. Er það jafnframt í fyrsta
skipti sem einhverjum tekst að verja
þennan titil. Meðfylgjandi myndir
voru teknar af honum síðastliðið
miðvikudagskvöld þegar hann var
með sýnikennslu í heitjárningum á
Miðfossum í Borgarfirði. iss
Jafnan hefur tíðast í tilefni hausthá-
tíðar Félags sauðfjárbænda í Döl-
um að efna til ljósmyndasam-
keppni. Margar góðar myndir bár-
ust vegna keppninnar núna eins
og reyndar oft áður. Besta mynd-
in var valin frá Berglind Vésteins-
dóttur á Sauðafelli. Myndina tóka
Berglind af Hjalti bróður sínum og
bónda á Fellsenda þar sem hann er
að smala ásamt hundi sínum Káti á
Villingadal. Valdís Einarsdóttir átti
næstbestu myndina, sem hún kall-
ar „Stund milli stríða. Kristján Ein-
varður Karlsson varð í þriðja sæti
og er hún af vinningshafanum í
keppninni, Berglindi Vésteinsdótt-
ir bónda á Sauðafelli, þar sem hún
stendur vaktina í sauðburði.
þá
Varði Íslandsmeistara
titilinn í járningum
Breytingar í ráðgjafar
nefnd Þjóðgarðsins
Verðlaunamyndin úr ljós
myndasamkeppni FSD
Jamarco Warren sem hér sést í leik
með erlendu liði er á leið til baka til ÍA.
Skagamenn sigruðu Ísfirðinga
og eru að fá Warren til baka
Sigur hjá kvennaliði UMFG