Skessuhorn - 05.11.2014, Blaðsíða 30
30 MIÐVIKUDAGUR 5. NÓVEMBER 2014
Þurftir þú að kaupa ný dekk
undir bílinn fyrir veturinn?
Spurning
vikunnar
(Spurt í Ólafsvík)
Marilou Villacorta:
Ég varð að gera það. Mér þótti
þau nýju dýr.
Ari Ómarsson:
Já. Ég borgaði 97.000 krónur
fyrir umganginn og svo að setja
þau undir. Verður maður ekki
bara að vera sáttur með það?
Baldvin Sigurðsson:
Jú ég þurfti að fá mér ný dekk
fyrir veturinn og þótt það ekki
mjög dýrt.
Guðlaugur Magnússon:
Já ég þurfti að fá mér ný vetrar-
dekk og fékk þau á góðu verði.
Sigurður Gunnarsson:
Nei ég þurfti ekki að fá mér ný
dekk að þessu sinni.
Föstudaginn 31. október síðast-
liðinn var haldið örmót í frjálsum
íþróttum í Grundarfirði. Þar kepptu
tíu ára og eldri í hástökki, lang-
stökki án atrennu og þrístökki án
atrennu. Mótið var haldið á vegum
HSH. Alls mættu tíu keppendur til
leiks og komu þeir úr Grundarfirði
og Snæfellsbæ, en í Snæfellsbæ hef-
ur verið boðið upp á þjálfun í frjáls-
um íþróttum í haust, eftir nokkurt
hlé í þeirri íþróttagrein.
„Krakkarnir stóðu sig með prýði
á mótinu og óvæntir snilldartakt-
ar litu dagsins ljós. Í lokin var öll-
um boðið upp á hressingu. Þetta
mót var hugsað sem bætingamót
fyrir krakkana og til að þau fengju
árangurinn skráðan í svokallaða af-
rekaskrá inni á fri.is. Það er aldrei
að vita nema svona örmót verði aft-
ur á dagskrá síðar í vetur. Mót sem
þessi eru einföld í sniðum og bjóða
krökkunum upp á tækifæri til að
spreyta sig í ólíkum greinum og fá
árangurinn skráðan,“ segir Kristín
Halla Haraldsdóttir frjálsíþrótta-
þjálfari í Grundarfirði, en hún hafði
umsjón með mótinu. Kristín hefur
séð um þjálfun í Snæfellsbæ í haust
ásamt Erlu Lind Þórisdóttur.
bá/mm
Strákarnir í minniboltanum í
Körfuknattleiksfélagi ÍA kepptu
um helgina á Sambíómóti Fjöln-
is í Grafarvogi. En þessir pilt-
ar gera fleira. „Félagið okkar
er ekki bara að reyna að búa til
körfuboltastjörnur framtíðarinn-
ar heldur erum við líka að vanda
okkur í að skila sem bestum ein-
staklingum út í lífið og er oft
mikið spáð og spegulerað,“ seg-
ir Hannibal Hauksson formaður
félagsins. „Strákarnir voru t.d. að
spá í vikunni hvers vegna Akra-
torgið væri bleikt. Það voru all-
ir með það á hreinu að það væri
til að vekja athygli á baráttu gegn
krabbameini hjá konum. Í kjöl-
farið voru rædd mikilvægi þess
að sýna stuðning í verki og láta
gott af sér leiða. Til að sýna okk-
ar stuðning þá ákváðu strákarn-
ir að vera með bleikar slaufu á
keppnistreyjunum á mótinu um
helgina, en á meðfylgjandi mynd
má sjá keppnistreyjuna með slauf-
unni á. Eftir mótið hafði svo hver
og einn val um að skila slaufunni
til baka eða taka hana með sér og
selja áfram. Markmiðið okkar er
að safna saman minnst 30.000
krónum fyrir Krabbameinsfé-
lagið með þessu móti og einn-
ig hyggur Körfuknattleiksfélag-
ið á frekari uppákomur í þessum
dúr í framtíðinni, þetta er bara
byrjunin,“ segir Hannibal. Hann
bætir því við að körfuboltahetjan
hún Arndís Halla Jóhannesdótt-
ir ætli svo að koma til þeirra og
taka á móti söfnunarfénu ásamt
því að gefa strákunum góð ráð
um lífið og tilveruna.
mm/ Ljósm. Jónas H Ottósson.
Aðaltvímenningur Briddsfélags
Borgarfjarðar hófst á mánudag-
inn í Logalandi. Úrslit eftir fyrsta
kvöld voru þau að landsliðsmenn-
irnir úr röðum félagsmanna, ungu
mennirnir Heiðar Árni Baldursson
og Logi Sigurðsson eru efstir. Skor
ungstyrnanna var 61,8%. Annað
sætið vermir Jón Einarsson ásamt
„Dragbít“ sínum, skoruðu 60,8%.
Sveinbjörn og Lárus eru svo í þriðja
sætinu með 56,6%. Fjórtán pör
mættu til leiks og munu etja kappi
fjögur mánudagskvöld til viðbótar.
Spilað er með forgefnum spilum og
því er staðan á hreinu allt mótið.
ij/ Ljósm. se.
Einn reynslu-
mesti leikmað-
urinn í herbúð-
um Skagamanna
í fótboltanum,
markmaðurinn
Páll Gísli Jóns-
son, hefur fram-
lengt samning
sinn við ÍA um
eitt ár. Hann á að baki rúmlega 120
keppnisleiki með meistaraflokki
félagsins. Páll Gísli hefur leiðbeint
markvörðum félagsins síðustu árin
og á næsta ári mun hann koma í
vaxandi mæli í markmannsþjálf-
unina, bæði hjá meistaraflokki og
yngri flokkum ÍA. „Ég er bara virki-
lega ánægður með að hafa fram-
lengt samning minn við félagið. Ég
ætla mér að taka slaginn með liðinu
í Pepsídeildinni á næsta ári. Það eru
því bara spennandi tímar framund-
an sem ég hlakka til að takast á við,“
segir Páll Gísli. þá
Um þessar mundir eru 25 ár frá
því Þorgrímur Þráinsson rithöf-
undur sendi frá sér sína fyrstu bók,
Með fiðring í tánum. Núna eru
að koma tvær bækur frá Þorgrími,
unglinga- og barnabók. Ung-
lingabókin ber titilinn „Hjálp“ en
barnabókin „Núi og Nía“. Með
þessum tveimur bókum verða þær
orðar 28 bækurnar frá Þorgrími á
þessum 25 árum. Þorgrímur hefur
því verið afkastamikill en samt til-
tölulega rólegur síðustu árin. Tvö
ár voru liðin frá síðustu bók Þor-
gríms, það var barnabókin Krakk-
inn sem hvarf. Unglingabókin
næsta á undan Hjálp var Þokan
sem út kom 2010.
Þorgrímur sagði í samtali við
Skessuhorn að það væri í raun
ekki vegna þessa tímamóta sem
hann sendi frá
sér tvær bækur.
Sér hafi borist
teikningar með
fígúrum frá
myndlistarkon-
unni Línu Rut
Wilberg með
ósk um að hann
gerði sögu við
þær. Það er sag-
an um Núa og
Níu sem hann
sagði að hefði
verið krefjandi
verkefni, þar
sem þetta er í
fyrsta skipti sem
hann semur sögu eftir myndum.
Bókin er fyrir börn á leikskólaaldri
upp í 8 ára, að mati Þorgríms. Hjálp
er hörkuspennandi unglingasaga.
Hún segir frá fimm ungmennum
sem hverfa nánast sporlaust. Sag-
an byrjar á Egilsstöðum og óttast
er að bíll ungmennanna hafi lent í
Jökulsá, Jöklu sem rennur við bæ-
inn, og er einmitt í yfirfalli um það
leyti sem ungmennanna er sakn-
að. Þessar náttúruhamfarir hafa
áhrif á leitina að ungmennunum
sem í raun var rænt og síðan hald-
ið föngnum á stað hinum meg-
in á landinu, á Reykjanesi við Ísa-
fjarðardjúp. Sagan greinir síðan frá
ógnvænlegri lífsreynslu ungmenn-
anna og tilraunum þeirra til að
heimta frelsi að nýju. Þorgrímur
kynnti sér og kortlagði sögusviðið
bæði fyrir austan og vestan. Eins
og síðustu bækur Þorgríms gefur
Forlagið út Hjálp, en spilafram-
leiðandinn Nordic Games barna-
bókina Núi og Nía. þá
Sagan um Núa og Níu eru gerð eftir myndum myndlistarkon-
unnar Línu Rutar Wilberg.
Tvær bækur á 25 ára rithöfundarafmæli Þorgríms
Kápa unglingabókarinnar Hjálp.
HSH stóð fyrir örmóti í frjálsum
ÍA safnar fyrir Krabbameinsfélagið
Páll Gísli
framlengir við ÍA
Landsliðsmennirnir
sýna tennurnar